Morgunblaðið - 15.12.2002, Blaðsíða 6
FRÉTTIR
6 SUNNUDAGUR 15. DESEMBER 2002 MORGUNBLAÐIÐ
FJÖLMARGIR lögðu leið sína í
verslunarmiðstöðina Glæsibæ sem
var opnuð í gær eftir gagngerar
breytingar. Verslunarhæðin hefur
nú verið endurhönnuð og stækkuð
og glerhýsi reist framan og aftan
við húsið.
Að sögn Sævars Sigurgerirsson-
ar, formanns húsfélags Glæsibæjar,
er hér um fyrsta áfanga að ræða í
frekari uppbyggingu hússins.
Það féll í hlut Ingibjargar Sól-
rúnar Gísladóttur borgarstjóra að
opna nýjan Glæsibæ í gærmorgun.
Ingibjörg rifjaði upp þegar hún ólst
upp í Heimahverfinu og Glæsibær
var opnaður fyrir rúmum þrjátíu
árum en fyrstu tvö árin voru ein-
ungis matvöruverslun og snyrti-
vöruverslun í húsinu. Fljótlega
bættust þó fleiri verslanir við.
Ýmsar uppákomur voru í gangi í
gær og margar verslanir voru með
sérstök opnunartilboð.
Morgunblaðið/Jim Smart
Borgarstjóri mundar skærin. Jón Helgi Þórarinsson, prestur í Langholtskirkju, fylgist með ásamt fulltrúum ÍA,
stjórnar húsfélags Glæsibæjar og bygginganefndar. Lengst t.h. er Sævar Sigurgeirsson, formaður húsfélagsins.
Nýr Glæsibær opnaður
ÞRJÚ ungmenni sluppu með minni-
háttar meiðsli þegar bifreið þeirra
valt á Laugardalsvegi í Árnessýslu
snemma í gærmorgun. Þau voru öll í
bílbelti og telur lögreglan á Selfossi
ljóst að beltin hafi bjargað því að
ekki fór verr.
Ökumaður var fluttur á Heilbrigð-
isstofnunina á Selfossi en meiðsl
hans voru talin minniháttar að sögn
lögreglu. Bíllinn er mikið skemmdur.
Með litla áverka
eftir bílveltu
STEFNT er að því að ljúka við end-
urbætur á göngudeildum og flutning
endurhæfingar á Landspítala – há-
skólasjúkrahúsi á næsta ári.
Þá hefur framkvæmdastjórn LSH
tekið ákvörðun um næstu skref varð-
andi staðsetningu deilda á sjúkra-
húsinu en gera má ráð fyrir að breyt-
ingarnar taki um tvö ár, að því er
fram kemur í tilkynningu á heima-
síðu spítalans.
Stefnt er að því meðal annars að
endurhæfing verði framvegis á deild
14D og lýtadeild verði í Fossvogi. Þá
er stefnt að því að húðdeild flytjist á
Landakot. Fram kemur að flutning-
ur húðdeildar sé tímabundin lausn.
Lokið við
endurbætur
á næsta ári
EKKERT bendir til þess að draga
muni úr straumi útlendinga til lands-
ins og stærð útlendingasamfélagsins
á Íslandi kallar á aukna og breytta
umræðu um málaflokkinn en um-
ræðan hefur einkennst af upphróp-
unum sem oftar en ekki eru byggðar
á misskilningi eða rangtúlkunum.
Þetta er meðal þess sem Georg Kr.
Lárusson, forstjóri Útlendingaeftir-
litsins, segir í inngangi að skýrslu
stofnunarinnar fyrir árið 2001.
Ýmsan fróðleik er að finna í
skýrslunni. Þar kemur m.a. fram að
ef tekið er mið af heildaríbúafjölda
eru 3,4% þeirra sem búa á Íslandi er-
lendir ríkisborgarar. Í Danmörku er
hlutfallið 4,8%, í Svíþjóð er það 5,4, í
Noregi 4,1% og 1,8% í Finnlandi. Ís-
land er í miðjum hópi Evrópuþjóða,
með hlutfallslega færri íbúa en t.d.
Bretland og Holland en hlutfallslega
fleiri en Ítalía, Spánn og Finnland.
Toppárið 2001
Útlendingaeftirlitið hefur aldrei
gefið út fleiri dvalarleyfi en árið 2001
eða 6.515. Á þessu ári stefnir í að
þeim fækki nokkuð en búið er að
gefa út um 6.300 leyfi á árinu. Þá
fjölgar hlutfallslega dvalarleyfum án
atvinnuþátttöku, þau voru 12,6% af
útgefnum dvalarleyfum árið 2000 en
hlutfallið hækkaði í 14,3% 2001.
Hlutfallið hækkar enn á þessu ári.
Erlendir
ríkisborg-
arar 3,4%
!
" #
"$
%&
'(
)
*
+
,
-./0
1.-0
1./0
2./0
/.10
/.30
/.30
/.30
4./0
4.40
4.50
5.40
5.50
5.50
5.60
5.30
3.-0
3.10
3.50
3.30
MILLI 300 og 400 útlendingar munu leggja leið
sína hingað til lands um áramótin, aðallega Bretar,
Bandaríkjamenn og Japanir. Ferðaskrifstofa Guð-
mundar Jónassonar ehf. hefur einkum annast mót-
töku hópa um áramót og segir Signý Guðmunds-
dóttir heldur fleiri koma í ár en í fyrra eftir
hryðjuverkin í Bandaríkjunum í fyrra þegar innan
við 300 ferðamenn komu hingað.
Signý segir ferðum Bandaríkjamanna um ára-
mót hafa fækkað en í staðinn hafi tekist að fá hing-
að fleiri frá öðrum löndum, einkum Bretlandi og
Japan. Ferðamennirnir koma hingað yfirleitt 29.
eða 30. desember og halda fara 1., 2. eða 3. janúar.
Á dagskrá Íslandsdvalarinnar er m.a. ferð að
Gullfossi og Geysi, í Bláa lónið, skoðunarferð um
Reykjavík og síðan hátíðarkvöldverður í Perlunni
á gamlárskvöld. Segir Signý gesti koma þangað
um kvöldmatarleytið. Eftir matinn er gestum boð-
ið upp á bílferð að nokkrum brennum og síðan er
haldið í Perluna á ný og skálað fyrir nýju ári og
fylgst með flugeldum höfuðborgarbúa sem njóti
sín mjög vel úr Perlunni.
Sem dæmi um verð segir Signý að pakki sem
þessi, þ.e. flug milli Bretlands og Íslands, gisting í
nokkrar nætur, áðurnefndar ferðir og kvöldverður
tvö kvöld, kosti 1.075 pund eða kringum 140 þús-
und krónur. Þá segir Signý einnig boðið upp á
jeppa- og vélsleðaferðir á jökla og margir kaupi
einnig slíka ferð.
„En það sem okkur vantar núna er snjórinn og
meiri birta,“ segir Signý. Hún segir að þótt útlend-
ingarnir séu ekki síst að sækja hingað í snjó og
kulda sé gamlárskvöldið með hátíðarkvöldverði,
brennuferð og flugeldum hápunkturinn.
Ferðamenn líka um jólin
Nokkrir tugir ferðamanna dveljast hérlendis um
jólin á vegum Ferðaskrifstofu Guðmundar Jónas-
sonar. Signý segir ferðamenn koma til landsins
bæði að kvöldi Þorláksmessu og á aðfangadags-
kvöld og eru það einkum Bretar. Segir hún þetta
nýlundu og fari þessi hópur líka í hefðbundnar
skoðunarferðir austur fyrir fjall og í Bláa lónið.
Signý segir móttöku hópa sem þessa um jól hafa
nánast verið útilokaða fyrir fáum árum þar sem
hótel og veitingastaðir hafi gjarnan haft lokað á
þessum tíma. Það hafi hins vegar breyst mjög á
allra síðustu árum og því sé þetta nú gerlegt.
Útlendingar sækja til landsins til að upplifa áramótabrennur og flugelda
Búist er við 300 til 400
erlendum ferðamönnum
GANGI áætlanir Gnógs ehf. og fast-
eignasölunnar Eign.is eftir munu
framkvæmdir á Miðbæjarreit Akur-
nesinga hefjast næsta vor en sl. mið-
vikudag kynnti vinnuhópur, sem
starfar með Herði Jónssyni bygg-
ingameistara, hugmyndir að mann-
virkjum og skipulagi á svæðinu sem
er betur þekkt sem „Skagaverstún-
ið“ á Akranesi.
Björn S. Lárusson, rekstrarfræð-
ingur og talsmaður undirbúnings-
hópsins, sagði við Morgunblaðið að
tillögur Kristins Reynissonar arki-
tekts hefðu vakið jákvæð viðbrögð
hjá þeim 70 aðilum sem sátu kynn-
ingarfundinn.
Gert er ráð fyrir að á svæðinu
verði reistar tvær íbúðarblokkir
með alls 80 íbúðum og verða blokk-
irnar tíu hæðir hvor um sig. Versl-
unarmiðstöð verður miðdepill svæð-
isins og verður hún á einni hæð, alls
7000 fermetrar að flatarmáli og seg-
ir Björn að nú þegar sé búið að ræða
óformlega við verslunaraðila á
Akranesi sem og af höfuðborgar-
svæðinu og hafa þær kannanir gefið
vísbendingar um að þessir aðilar
muni nota a.m.k. 80 % af verslunar-
miðstöðinni.
„Við höfum haft nauman tíma til
þess að fínpússa hugmyndir okkar
betur og höfum óskað eftir því að fá
frest til að skila af okkur lokatil-
lögum okkar. Þær yrðu þá lagðar
fyrir bygginga- og skipulagsnefnd í
upphafi næsta árs,“ sagði Björn.
Yrðu tillögurnar samþykktar af
hálfu bæjaryfirvalda mundu fram-
kvæmdir á svæðinu hefjast af krafti
næsta vor.
Skipulag miðbæjarreits á Akranesi
Framkvæmdir gætu
hafist næsta vor
Akranesi. Morgunblaðið.
Sækist eftir 3.
sæti. Drífa Sig-
fúsdóttir, fv. for-
seti bæjarstjórn-
ar og varabæjar-
stjóri í Reykja-
nesbæ, sækist
eftir 3ja sæti á
lista Framsókn-
arflokksins í Suð-
urkjördæmi í
komandi alþingiskosningum.
Hún er formaður fjölskylduráðs og
brunamálaráðs auk þess að sitja í
stjórn Viðlagatryggingar og Lög-
gildingarstofu. Hún hefur verið
varaþingmaður frá 1995, vararitari
Framsóknarflokksins og gjaldkeri
Landsambands framsóknarkvenna.
Drífa starfar sem deildarstjóri fyr-
irtækjadeildar hjá Lánstrausti hf.
STJÓRNMÁL
Drífa Sigfúsdóttir
ÖKUMAÐUR var stöðvaður grun-
aður um ölvun við akstur á Seyðis-
firði í fyrrinótt og annar ökumaður
stöðvaður á Egilsstöðum grunaður
um ölvun. Báðir voru einir í bílunum.
Að sögn lögreglunnar á Seyðisfirði
freistast því miður fleiri ökumenn til
að aka undir áhrifum í jólamánuðin-
um en aðra mánuði ársins.
Tveir teknir fyr-
ir ölvunarakstur
♦ ♦ ♦
♦ ♦ ♦