Morgunblaðið - 03.01.2003, Blaðsíða 8

AUÐLESIÐ EFNI
8 FÖSTUDAGUR 3. JANÚAR 2003 MORGUNBLAÐIÐ
INGIBJÖRG Sólrún
Gísladóttir borgarstjóri
Reykjavíkur tilkynnti um
síðustu helgi að hún myndi
segja af sér frá og með 1.
febrúar nk.
Þórólfur Árnason,
fyrrverandi forstjóri
síma-fyrirtækisins Tals,
verður ráðinn borgarstjóri í
hennar stað.
Ingibjörg Sólrún ákvað að
segja af sér í kjölfar harðra
viðbragða
framsóknar-manna og
Vinstri grænna við
yfirlýsingum um að hún
ætlaði að skipa fimmta sæti
á lista Samfylkingarinnar í
norður-kjördæmi Reykjavíkur
fyrir alþingis-kosningarnar í
vor.
Framsóknar-menn og
Vinstri grænir vildu ekki að
hún yrði í senn borgarstjóri í
Reykjavík og í framboði fyrir
Samfylkinguna, einn þeirra
flokka sem standa að
Reykjavíkur-listanum, í
komandi þing-kosningum.
„Nú stefni ég ótrauð á
þingsætið en ég veit að það
þarf mikið til. Ég gældi ekki
við þá hugsun með fimmta
sætið að það væri þingsæti.
En að sjálfsögðu einhendi
ég mér bara í það núna og
svo sjáum við hvað setur,“
segir Ingibjörg.
Ingibjörg Sólrún hættir
sem borgarstjóri
Morgunblaðið/Golli
Ingibjörg Sólrún hefur sagt af sér sem borgarstjóri
Reykjavíkur. Þórólfur Árnason mun taka við embættinu.
Netfang: auefni@mbl.is
KNATTSPYRNUMENN á
Englandi stóðu í ströngu nú
um hátíðarnar og mikið fjör
var á flestum völlum landsins.
Ensku meistararnir í
Arsenal byrjuðu nýja árið vel
þegar þeir lögðu Chelsea 3:2
á nýársdag. Eiður Smári
Guðjohnsen var á
varamanna-bekknum hjá
Chelsea en kom inn á þegar
20 mínútur voru eftir. Arsenal
heldur fimm stiga forskoti á
toppi deildarinnar.
Manchester United er fimm
stigum á eftir Arsenal. Liðið
sigraði Sunderland, 2:1, á
heima-velli sínum. Það leit
lengi ekki vel út fyrir
Manchester,en þegar aðeins
níu mínútur voru til leiksloka
jafnaði David Beckham
metin. Á loka-mínútunni
tryggði Paul Scholes síðan
Manchester United sigurinn.
Liverpool á marga
stuðnings-menn hér á landi
en líklega hafa þeir hægt um
sig þessa dagana. Liðinu
hefur ekki tekist að vinna í 10
síðustu leikjum sínum.
Liverpool tapaði á nýársdag
fyrir Newcastle, 1:0, og er
fallið niður í sjöunda sæti.
Guðni Bergsson lék með
Bolton sem tapaði fyrir Aston
Villa, 2:0. Bolton er í
fallhættu en liðið er í fjórða
neðsta sæti. Enginn leikur er í
ensku úrvals-deildinni nú um
helgina, en leikið verður í
bikar-keppninni.
Reuters
Leikmenn Chelsea og Arsenal berjast hér um boltann. Leik
liðanna lauk með 3:2-sigri Arsenal.
Arsenal með fimm
stiga forskot
LUIZ Ignacio Lula da Silva
tók á miðvikudag við embætti
forseta Brasilíu. Lula er fyrsti
vinstri-maðurinn sem verður
forseti Brasilíu í 40 ár.
Lula sagði í ræðu sem
hann flutti að hann ætlaði að
einbeita sér að því að eyða
fátækt og spillingu í Brasilíu.
Tækist honum að tryggja að
hver einasti Brasilíumaður
hefði nóg að bíta og brenna
yrði hann ánægður í lok
kjör-tímabilsins.
Mikill fjöldi fólks fylgdist
með þegar Lula tók við
forseta-embættinu. Miklar
vonir eru bundnar við nýja
forsetann.
Lula er af fátæku fólki
kominn. Þegar hann var barn
seldi hann appelsínur á
götunum og burstaði skó til
að hjálpa foreldrum sínum.
Hann vann sig upp innan
verkalýðs-hreyfingarinnar.
Lula, sem er 57 ára, bauð sig
fram í forseta-kosningum í
Brasilíu 1989, 1994 og
1998. Loks sigraði hann í
kosningunum í haust þegar
hann fékk 61% atkvæðanna.
Lula þótti áður róttækur
vinstri-maður en hefur fært
sig nær miðju stjórnmálanna.
Reuters
Lula glaður í bragði á leið til
þinghússins þar sem hann
sór embættiseiðinn.
Lula tek-
ur við í
Brasilíu
„ÁRAMÓTIN virðast að
mestu leyti hafa farið
ágætlega fram, engin
stór mál komu upp. Það
var rólegt og gott yfir
fólki og lögreglan er
ánægð. Þetta er með
rólegri áramótum, að
minnsta kosti í mörg ár,“
sagði Geir Jón Þórisson,
yfirlögregluþjónn í
Reykjavík.
Að sögn Geirs Jóns
voru fá slys bókuð hjá
lögreglu á gamlársdag
og voru þau öll
minniháttar. Nokkuð var
þó um eignatjón vegna
flugelda. Og segir Geir
Jón einnig dæmi um að
flugeldum hafi verið
þannig komið fyrir að
þeir yllu tjóni.
Róleg
ára-
mót
ANNAR hluti
Hringadróttins-sögu,
Turnarnir tveir, var frumsýnd í
kvikmynda-húsum landsins
annan í jólum við miklar
vinsældir.
Uppselt hefur verið á nær
flestar sýningar og á þeirri
viku sem myndin hefur verið
sýnd hafa 40 þúsund manns
séð hana. Það er betra gengi
en hjá fyrstu myndinni,
Föruneyti hringsins, sem
endaði sem ein vinsælasta
kvikmynd síðustu ára
hérlendis.
Íslenska kvikmyndin Stella
í framboði var ennfremur
frumsýnd annan í jólum og
fékk fínar viðtökur því eftir
fyrstu sýningar-helgina höfðu
12 þúsund manns séð
myndina, sem þykir mjög gott
fyrir íslenska mynd sem á í
samkeppni við erlendar
stórmyndir.
Félagarnir James Bond og
Harry Potter njóta enn
talsverðra vinsælda meðal
landsmanna og hafa báðar
dregið að vel yfir 50 þúsund
bíógesti.
Elskendurnir Aragon og Arven í Turnunum tveimur.
Hringadróttins-
saga vinsæl