Morgunblaðið - 06.01.2003, Blaðsíða 2
ÍÞRÓTTIR
2 B MÁNUDAGUR 6. JANÚAR 2003 MORGUNBLAÐIÐ
ÞJÓÐVERJAR, sem leika í sama riðli og Íslendingar á HM í hand-
knattleik í Portúgal, hafa verið í æfingabúðum við Stuttgart að
undanförnu og tóku þátt í fjögurra liða móti þar um helgina.
Þeir sigruðu B-lið sitt, 35:27, á föstudagskvöld og Tékka
34:27 á laugardag og í úrslitaleik í gær lögðu þeir
Ungverja að velli, 26:25. Þar skoraði Stefan
Schröder sigurmarkið, 7 sekúndum fyrir
leikslok.
Ungverjar sigruðu Tékka með yf-
irburðum, 40:27, og B-lið Þjóð-
verja, 38:33. Tékkar og B-lið
Þjóðverja gerðu síðan jafntefli,
38:38.
Stefan Schröder, Stefan
Kretzschmar og Christian
Rose voru atkvæðamestir
hjá Þjóðverjum í leikn-
um við Tékka og skor-
uðu 5 mörk hver. Gegn
Ungverjum var Markus
Baur í aðalhlutverki hjá
þýska liðinu og skoraði
7 mörk.
Þjóðverjar unnu
mót í Stuttgart
„ÞESSI leikir henta okkur mjög vel í
undirbúningi okkar fyrir heims-
meistaramótið,“ sagði Miko Marko-
vic, landsliðsþjálfari Slóvena, eftir
leikinn í Laugardalshöll í gærkvöldi.
Hann sagði sig og liðið vera að reyna
eitt og annað og því væri ekki hægt
leggja harðan dóm á frammistöðu
liðsins í leikjunum hér á landi. „Það
er sama upp á teningnum hjá mér og
hjá íslenska landsliðsþjálfaranum.
Við erum að prófa okkur áfram með
með eitt og annað. Að þessu sinni
lékum við 6/0 vörn allan leikinn en í
fyrsta leiknum stilltum við lengstum
upp 3/2/1 vörn. Það má reikna með
að í síðasta leik þjóðanna verði svip-
að upp á teningnum. Burt séð frá úr-
slitunum þá er ég ánægður með
þetta tækifæri sem við fáum með
þessum leikjum hér á landi. Þeir eiga
vonandi eftir að reynast okkur dýr-
mætir þegar á heimsmeistaramótið
kemur. Íslenska landsliðið er sterkt
enda hafnaði það í fjórða sæti á síð-
asta Evrópumóti,“ sagði Markovic.
Hann sagði að mikill hraði hefði
einkennt fyrri leikinn og þá hefðu
greinileg þreytumerki gert vart við
sig hjá leikmönnum sínum. Því hafi
hann ákveðið að draga úr hraðanum í
leiknum í Laugardalshöll. „Við vor-
um hreinlega óheppnir að vera ekki
með góða forystu í hálfleik að þessu
sinni. Við fengum mikið af góðum
færum en markvörður Íslendinga
reyndist okkur óþægur ljár í þúfu og
lagði fyrst og fremst grunninn að
forystu Íslendinga í hálfleik.
Við viljum að sjálfsögðu vinna alla
leiki en það er ekki auðvelt að koma
hingað til lands og vinna og því erum
við vel sáttir við jafnteflið að þessu
sinni, en þetta var jú fyrst og fremst
æfingaleikur,“ sagði Markovic.
Morgunblaðið/Sverrir
Niko Markovic
Góður
undir-
búningur
fyrir HM
Ég hefði viljað fá sigur aftur íkvöld. Mér fannst við einhvern
veginn hafa leikinn í okkar höndum
en síðan þróaðist leikurinn á þann
veg að við lentum undir og máttum
kannski þegar upp er staðið þakka
fyrir jafnteflið,“ sagði Guðmundur í
samtali við Morgunblaðið eftir jafn-
teflið við Slóvena í Laugardalshöll-
inni í gærkvöldi.
Þú hlýtur að hafa fengið einhver
svör við þeim spurningum sem
brunnu á þér fyrir leikina við Slóv-
ena?
„Þessir leikir eru mjög góður und-
irbúningur fyrir HM og ég hef fengið
ýmis svör, bæði hvað varðar ástand
leikmanna og ég hef ekki verið
ánægður með hvernig við höfum
leikið í vörninni. Það hefur verið
ákveðið óöryggi yfir henni og
hún vinnur ekki nægilega vel
saman. Trekk í trekk höfum
við látið teygja vörnina í sund-
ur og það er hlutur sem við
verðum að laga. Ég var líka af-
ar óhress með nýtinguna á
færunum. Ég held að ég hafi
talið einhver tíu dauðafæri auk
þriggja vítakasta sem fóru í
súginn og ég held að það hafi
valdið því að við fórum ekki
með sigur af hólmi.“
Er vörnin þá helsta
áhyggjuefnið?
„Já, hún er það en það má
ekki gleyma því að það hefur
vantað lykilmenn í hana. Sig-
fús hefur ekki getað verið með
í leikjunum og Patrekur missti
af fyrsta leiknum og auðvitað
hefur það áhrif þegar þessa
tvo öflugu varnarmenn vantar.
Við eigum samt alveg að geta
spilað vörnina betur en við höf-
um gert þó svo að Sigfús sé
ekki til staðar. Markvarslan
var miklu betri í kvöld heldur
en í Kaplakrika á laugardag-
inn og það eru jákvæðar frétt-
ir. Eðlilega eru nokkrir hlutir
sem þurfa að slípast og við höf-
um ágætan tíma fram að HM
til að gera það. Ég er ekki
áhyggjufullur en ef ég miða
liðið við þá stöðu sem það var í fyrir
EM í fyrra finnst mér við eiga aðeins
lengra í land. Meiðsli hafa sett strik í
reikninginn en ég geri mér góðar
vonir um að geta teflt fram sterkasta
liðinu í síðasta leiknum við Slóvena.“
Hvað með sóknarleikinn? Hefur
hann gengið eins vel og þú vonaðist
til?
„Hann var í góðu standi í leiknum
á laugardaginn og á köflum í kvöld.
Við þurfum hins vegar að koma fleiri
skotum á markið fyrir utan. Flest
mörk okkar hafa komið af línunni og
úr hraðaupphlaupum. Það er mjög
jákvætt en mörkin utan af velli verða
að skila sér.“
Ef litið er til einstakra leikmanna,
hlýtur þú að vera sérstaklega
ánægður með framlag Róberts Sig-
hvatssonar?
„Róbert hefur skilað mjög
góðum leikjum sem er mjög já-
kvætt. Hann er mjög góður á
móti Sigfúsi í þessari stöðu og
ég hef ekki áhyggjur af því að
þeir standi sig ekki.“
Það hlýtur að valda þér
ákveðnum vonbrigðum hvað
lítið hefur komið út úr hægra
horninu?
„Já, ég get tekið undir það
að hægra hornið hefur ekki
virkað sem skyldi og það er
einn af þessum hlutum sem við
verðum að laga. Við verðum að
geta nýtt Einar Örn betur líkt
og við gerðum á EM í fyrra.“
Guðmundur reiknar fast-
lega með að geta teflt fram
sterkasta liði sínu í lokaleikn-
um við Slóvena sem fram fer í
Laugardalshöllinni annað
kvöld. „Ég geri mér góðar von-
ir um að fá Sigfús og Gústaf til
baka og ég legg mikla áherslu
á að við leggjum Slóvenana að
velli. Það er alltaf betra að
vinna leiki en tapa þeim þó svo
um æfingaleiki sé að ræða.
Slóvenska liðið er mjög verð-
ugur andstæðingur og kemur
sjálfsagt til með að selja sig
dýrt og það ætlum við líka að
gera.“
Guðmundur Þórður Guðmundsson, landsliðsþjálfari
Eigum enn
nokkuð í land
Guðmundur Þ. Guðmundsson, landsliðs-
þjálfari í handknattleik, segir að ýmislegt
þurfi að lagfæra í leik íslenska landsliðsins
fyrir átökin á HM í Portúgal, nú þegar hann
hefur séð til sinna manna í tveimur leikjum
af þremur á móti Slóvenum. Guðmundur
sagði við Guðmund Hilmarsson að helsta
vandamálið í dag sé varnarleikurinn og
tímann sem framundan er fyrir HM þurfi
að nýta til að bæta hann verulega.
Morgunblaðið/Sverrir
Guðmundur Þórður Guðmundsson landsliðsþjálfari.
HEINER Brand, þjálfari þýska landsliðsins í handknattleik, fékk
ekki ánægjulegar fréttir fyrir helgi, en þá kom í ljós að einn af
lykilmönnnum landsliðsins og Lemgo, Daniel Stephan, verður
ekki orðinn góður af meiðslum á hæl fyrr en eftir þrjár vik-
ur, en þá er heimsmeistarakeppnin hafin. Brand hefur
horft á eftir þremur öðrum sterkum leikmönnum meiddum
að undanförnu. Það eru þeir Frank von Behren frá Mind-
en, og leikmenn Magdeburg, þeir Christian Schöne og
Bennet Wiegert.
Þjóðverjar halda til Frakklands og leika þar æf-
ingarleik við Frakka í Metz 11. janúar og síðasti
leikur þeirra fyrir HM verður viðureign við
Rússa í Dortmund 17. janúar, þremur dögum
áður en keppnin hefst í Portúgal.
Þjóðverjar leika í sama riðli og Ísland á
HM, ásamt Portúgal, Grænlandi, Ástralíu
og Qatar. Ísland mætir Þjóðverjum í síð-
asta leik B-riðilsins sunnudaginn 26. jan-
úar.
Brand fékk
ekki ánægju-
legar fréttir