Morgunblaðið - 06.01.2003, Blaðsíða 4
KNATTSPYRNA
4 B MÁNUDAGUR 6. JANÚAR 2003 MORGUNBLAÐIÐ
HEIÐAR Helguson kom Watford á bragðið þegar lið hans vann
Macclesfield, 2:0, á útivelli í 3. umferð ensku bikarkeppninnar í
knattspyrnu á laugardaginn. Heiðar skoraði með föstu skoti af
stuttu færi eftir góða sókn og fyrirgjöf á 24. mínútu og lið hans
hafði öll tök á leiknum gegn 3. deildar liðinu. Mínútu áður hafði
markvörður Macclesfield varið glæsilega þegar Heiðar skaut á
markið frá vítateig. Jermaine Pennant, lánsmaður frá Arsenal,
skoraði síðara mark Watford um miðjan síðari hálfleik.
Þetta var áttunda mark Heiðars á tímabilinu en hann hef-
ur skorað 7 mörk fyrir Watford í 1. deildinni og er marka-
hæsti leikmaður liðsins þrátt fyrir að hann missti af fyrstu
níu leikjunum vegna meiðsla.
Ray Lewington, knattspyrnustjóri Watford, lýsti yfir
mikilli ánægju með leik sinna manna. „Í svona leik
hefði mátt búast við einhverju óvæntu en fyrri hálf-
leikurinn hjá okkur var frábær. Eftir síðara markið
höfðum við algjöra stjórn á leiknum og vorum aldrei í
hættu,“ sagði Lewington.
Heiðar skoraði í
sannfærandi sigri
Heiðar Helguson
EIÐUR Smári Guðjohnsen og félagar
í Chelsea lögðu Middlesbrough á
Stamford Bridge í allsögulegum leik,
1:0. Markverði Chelsea, Carlo Cudic-
ini, var vísað af velli um miðjan síðari
hálfleik og Chelsea hefur þegar kraf-
ist þess að hann þurfi ekki að taka út
leikbann vegna rauða spjaldsins. Að-
dragandinn var sá að Cudicini hand-
samaði boltann en um leið keyrði
sóknarmaður Middlesbrough, Dean
Windass, hann niður og Ítalinn brást
reiður við. Dómarinn vísaði honum af
velli fyrir að lyfta hné á ógnandi hátt
í áttina að Windass, samkvæmt vitn-
isburði aðstoðardómara.
„Ég er búinn að skoða atvikið vel í
sjónvarpi. Carlo var keyrður niður,
hann stóð upp, horfði á andstæðing-
inn og dómarinn hljóp til þeirra. Ég
veit ekki hvað aðstoðardómarinn sá,
Carlo snerti ekki mótherjann og beitti
engu nema augnaráðinu, sem hlýtur
að vera hættulegt!“ sagði Claudio
Ranieri, knattspyrnustjóri Chelsea.
Eiður Smári var í byrjunarliði
Chelsea á ný, í stað Gianfranco Zola
sem sat á varamannabekknum. Eiður
lagði upp tvö góð marktækifæri fyrir
félaga sína en honum var fórnað þeg-
ar Cudicini fékk rauða spjaldið, Eiði
var skipt af velli fyrir varamarkvörð-
inn, Ed De Goey.
Það var Mario Stanic sem skoraði
sigurmark Chelsea á 39. mínútu eftir
góða sendingu frá Jimmy Floyd Hass-
elbaink. Tíu leikmenn Chelsea héldu
fengnum hlut síðustu 25 mínúturnar.
Tíu leikmenn
Chelsea héldu út
FÓLK
ARSENE Wenger, knattspyrnu-
stjóri Arsenal, hrósaði Dennis Berg-
kamp í hástert eftir bikarsigurinn á
Oxford, en þá skoraði Bergkamp sitt
100. mark fyrir félagið. „Bergkamp
sýndi enn og aftur hve stórkostlegur
leikmaður hann er. Framlag hans til
Arsenal hefur verið ómetanlegt og ég
er fullviss um að hann mun fram-
lengja dvöl sína hjá okkur um eitt ár
til viðbótar,“ sagði Wenger.
ROY Keane, fyrirliði Man. United,
fór af velli að loknum fyrri hálfleikn-
um gegn Portsmouth vegna tognun-
ar í læri. Ekki er ljóst hversu alvarleg
meiðslin eru en Keane er nýbyrjaður
að spila á ný eftir langa fjarveru.
HELGI Valur Daníelsson sat á
varamannabekk Peterborough sem
gerði markalaust jafntefli við Old-
ham á útivelli í 2. deild. Helgi Valur
hefur ekki fengið tækifæri í síðustu
sjö leikjum Peterborough sem er í
fallsæti í deildinni.
LEE Bowyer, leikmaður Leeds,
hafnaði á föstudagskvöld þeim mögu-
leika að fara til Birmingham sem
lánsmaður út tímabilið. Steve Bruce,
stjóri Birmingham, hefur þó ekki
gefið upp vonina um að fá Bowyer í
sínar raðir, en hefur nú fengið sam-
keppni frá West Ham sem vill líka fá
piltinn til sín.
YAKUBU Ayegbeni, landsliðs-
maður frá Nígeríu, sem hefur skorað
5 mörk fyrir Maccabi Haifa frá Ísrael
í meistaradeild Evrópu í vetur, er á
leið til Portsmouth, toppliðs 1. deild-
ar, sem lánsmaður út þetta tímabil.
Portsmouth er tilbúið að greiða 540
milljónir fyrir þennan tvítuga pilt í
vor ef liðið vinnur sér sæti í úrvals-
deildinni eins og flest bendir til.
AYEGBENI ætlaði að ganga til liðs
við Derby í haust en fékk þá ekki at-
vinnuleyfi í Englandi þar sem hann
hafði þá ekki leikið nægilega marga
landsleiki fyrir Nígeríu. Þeim hefur
nú fjölgað og því ætti leyfið að fást í
þetta skiptið.
JUNIOR McDougald, leikmaður
utandeildaliðsins Dagenham & Red-
bridge, skoraði mark í 3. umferð bik-
arkeppninnar þriðja árið í röð. Hann
er eini áhugamaðurinn sem hefur
skorað gegn tveimur úrvalsdeildar-
liðum í þessari umferð en hann lék
þann leik gegn Charlton og Ipswich.
PHILIPPE Leonard, belgískur
landsliðsmaður frá Mónakó í Frakk-
landi, er að líkindum á leið til Black-
burn á lánssamningi. Leonard, sem
er 28 ára varnarmaður, var hjá enska
félaginu um helgina og það skýrist í
dag hvort af félagaskiptunum verður.
JERMAIN Defoe var maðurinn á
bakvið fyrsta heimasigur West Ham
á tímabilinu, 3:2 gegn 1. deildar liði
Nott. Forest. Hann skoraði tvö mark-
anna, sigurmarkið rétt fyrir leikslok,
en Forest komst tvívegis yfir.
Shrewsbury, sem hafði tapað 6:0fyrir Boston og 5:1 fyrir Rushd-
en & Diamonds í tveimur síðustu
útileikjum sínum í 3. deild og hefur
fengið á sig flest mörk allra liða í
deildinni í vetur, var lengst af betri
aðilinn gegn Everton. Jemson skor-
aði eina mark fyrri hálfleiks með
glæsilegu skoti, beint úr auka-
spyrnu. Niclas Alexandersson jafn-
aði fyrir Everton en Jemson var aft-
ur á ferð einni mínútu fyrir leikslok
þegar hann skoraði sigurmarkið
með hörkuskalla.
Sigurinn var ekki síst sætur fyrir
knattspyrnustjóra Shrewsbury, Ke-
vin Ratcliffe, en hann var fyrirliði
Everton á blómaskeiði félagsins á
níunda áratugnum og lék með liðinu
í 14 ár. „Þetta var verðskuldaður
sigur, stundum þarf heppni í bikar-
leikjum en ekki í þetta sinn. Það
voru 11 hetjur í mínu liði að þessu
sinni og allir léku vel. Ef liðið myndi
spila svona frá degi til dags, værum
við ekki í 3. deild,“ sagði Ratcliffe.
David Moyes, knattspyrnustjóri
Everton, upplifði einnig blendnar
tilfinningar því hann var á árum áð-
ur leikmaður með Shrewsbury.
Hann vildi ekki á neinn hátt afsaka
þessi úrslit. „Leikmenn Shrewsbury
áttu þennan sigur skilinn og ég vona
að þeim vegni vel í næstu umferð.
Ég hélt að við værum nógu góðir til
að tryggja okkur sigurinn eftir að
okkur tókst að jafna en svo fór ekki.
Það hefur verið fjallað mjög jákvætt
um okkur í vetur og nú verðum við
að vera viðbúnir því að vera teknir í
bakaríið,“ sagði Moyes.
Loks sigur hjá Liverpool og
Wolves vann Newcastle
Liverpool vann í gær langþráðan
sigur, þann fyrsta í 11 leikjum.
Strákarnir hans Gerhards Houlliers
náðu að vinna Manchester City, 1:0,
á Maine Road og skoraði Danny
Murphy sigurmarkið úr vítaspyrnu í
byrjun síðari hálfleiks.
„Við erum allir í sjöunda himni.
Ég tel að við höfum spilað mjög vel
og vorum mun betri aðilinn. Vonandi
verður þessi sigur til þess að lyfta
okkur upp eftir slæmt gengi að und-
anförnu,“ sagði Sami Hyypia, fyrir-
liði Liverpool, og hældi jafnframt
hinum unga Neil Mellor sérstaklega
fyrir góða frammistöðu í leiknum.
Wolves, sem leikur í 1. deild, sló
Newcastle út með sigri, 3:2, í mögn-
uðum leik á Molineaux í gær. Eftir
fjögur mörk í fyrri hálfleik skoraði
George Ndah sigurmarkið í byrjun
þess síðari og eftir það fengu bæði
lið fjölda færa. Ívar Ingimarsson var
ekki í leikmannahópi Wolves frekar
en í undanförnum leikjum.
Bergkamp með
100. markið
Englandsmeistararnir og hand-
hafar bikarsins, Arsenal, tefldu fram
hálfgerðu varaliði gegn Oxford úr 3.
deild en unnu tiltölulega auðveldan
sigur, 2:0. Sebastian Svard, 19 ára
piltur frá Danmörku, var í byrjunar-
liðinu og átti drjúgan þátt í fyrra
markinu sem Dennis Bergkamp
skoraði. Það var 100. mark Hollend-
ingsins snjalla fyrir Arsenal. Síðara
markið var sjálfsmark, varnarmað-
ur Oxford sendi boltann í eigið mark
eftir hornspyrnu frá Robert Pires.
Annar táningur, David Bentley,
fékk að spreyta sig með Arsenal síð-
ar í leiknum og litlu munaði að hann
skoraði þriðja markið undir lokin. Í
lið Arsenal vantaði leikmenn á borð
við Thierry Henry, Patrick Vieira,
Sol Campbell og Ashley Cole, sem
allir eiga við meiðsli að stríða.
„Við fengum aldrei frið með bolt-
ann allan leikinn og það sýnir hið
magnaða hugarfar leikmanna Ars-
enal og segir allt um hvers vegna lið-
ið er efst í úrvalsdeildinni. Við gerð-
um okkar besta en áttum aldrei
möguleika og munurinn á liðnum
var gífurlegur,“ sagði Ian Atkins,
knattspyrnustjóri Oxford.
Venables ánægður
á sextugsafmælinu
Terry Venables, knattspyrnu-
stjóri Leeds, fékk góða afmælisgjöf
en hann er sextugur í dag. Leeds
stóðst harða atlögu 3. deildar liðs
Scunthorpe á laugardaginn og sigr-
aði, 2:0, með mörkum frá Mark Vid-
uka og Eirik Bakke. „Þetta var fag-
mannleg frammistaða hjá liðinu og
ég var sérstaklega ánægður með að
sjá Dominc Matteo standa sig vel í
vörninni eftir langa fjarveru. Við
höfum nú haldið hreinu þrjá leiki í
röð og það gefur vísbendingu um að
við séum á réttri leið,“ sagði Ven-
ables en lið hans hefur nú unnið
fimm af síðustu sex leikjum sínum
eftir hörmulegt gengi þar á undan.
Ruud van Nistelrooy skoraði tví-
vegis úr vítaspyrnum og David
Beckham gerði glæsimark úr auka-
spyrnu þegar Manchester United
sigraði topplið 1. deildar, Ports-
mouth, 4:1. Full stór sigur en
Portsmouth fékk góð tækifæri til að
jafna áður en United skoraði tvíveg-
is undir lokin. „Þegar ég kom til
Englands var mér sagt að bikarleik-
ir væru gjörólíkir deildaleikjum, og
það er svo sannarlega rétt. Þetta var
magnaður leikur, Portsmouth lék
vel og þetta var mjög erfitt en úrslit-
in eru góð,“ sagði van Nistelrooy.
James Beattie var enn í stóru
hlutverki hjá Southampton sem lék
Tottenham grátt og sigraði, 4:0.
Beattie skoraði eitt mark og lagði
upp tvö til viðbótar.
Óvænt úrslit og hetjan leikmaður sem hefur leikið með 13 liðum
Bikarævintýri
í Shrewsbury
NIGEL Jemson, 33 ára sókn-
armaður hjá 3. deildar liðinu
Shrewsbury, var tvímælalaust
maður helgarinnar í ensku
knattspyrnunni. Jemson, sem
hefur leikið með 13 félögum á
ferli sínum í hinum ýmsu deild-
um Englands, skoraði bæði
mörkin þegar lið Shrewsbury,
sem er í 18. sæti 3. deildar,
skellti fimmta efsta liði úrvals-
deildarinnar, Everton, 2:1 í 3.
umferð bikarkeppninnar á
laugardaginn. Draumurinn sem
öll lið í neðri deildum ala með
sér rættist hjá leikmönnum
Shrewsbury og þetta eru ein-
mitt töfrar þessarar elstu
knattspyrnukeppni heims þar
sem úrslit á borð við þessi líta
reglulega dagsins ljós.
Leikmenn Shrewsbury fagna sigrinum á Everton. Hetjan Nigel
Jemson liggur á bakinu til vinstri.
’ Við höfum núhaldið hreinu þrjá
leiki í röð og það gef-
ur vísbendingu um
að við séum á réttri
leið. ‘
Terry Venables
■ Úrslit.../B10
AP