Morgunblaðið - 13.01.2003, Blaðsíða 8

8 B MÁNUDAGUR 13. JANÚAR 2003 MORGUNBLAÐIÐ
HANNES Sigurðsson skoraði fjögur mörk
í fáum leikjum með norska úrvalsdeild-
arliðinu Viking á sl. leiktíð og í viðtali við
staðarblaðið Rogalands Avis segir Hafn-
firðingurinn ungi að hann ætli sér að ná
fótfestu í liðinu á næsta keppnistímabili.
Hannes segir jafnframt að hann sé leiður á
þeirri umræðu sem eigi sér stað í Staf-
angri þar sem flestir stuðningsmenn liðs-
ins vilji fá nýjan framherja til liðsins.
Hannes skoraði eins og áður segir fjög-
ur mörk og gaf eina stoðsendingu á þeim
311 mínútum sem hann lék með liðinu auk
þess sem hann skoraði gegn spænska lið-
inu Celta Vigo í UEFA-keppninni sl. haust.
„Markmiðið var að nota fyrsta árið mitt
hjá Viking til þess að kynnast aðstæðum
og félaginu og leika með varaliðinu að
mestu. En ég neita því ekki að mér fannst
vera gengið framhjá mér undir lok sl. leik-
tíðar. Það var aðeins einn framherji að
skora mörk á þeim tíma, Erik Nevland, en
þrátt fyrir það fékk ég afar fá tækifæri
hjá Benny Lennartsson.“
Hannes segir ennfremur að hann
hlakki til næsta tímabils undir stjórn nýs
þjálfara, Kjell Inge Olsen. „Það byrja
allir með autt blað á undirbúnings-
tímabilinu og ég stefni á það að
vera í byrjunarliðinu á næstu leik-
tíð. Olsen er ólíkur Lennartsson,
hann sér jákvæðu hliðarnar á
flestu ólíkt Lennartsson og
þetta hugarfar hefur leik-
mannahópurinn tamið sér. Ég
þarf hinsvegar að bæta mig á
mörgum sviðum, það vantar
aðeins meiri hraða, styrk
og leikskilning. Úthaldið
er gott en ég verð að vera
meira afgerandi inni í vítateignum,“
segir Hannes en hann glímir við
meiðsli á ökkla þessa dagana en
meiðslin eru ekki alvarleg.
EIN stærsta skíðastjarna
Austurríkismanna, Her-
mann Maier, hefur boðað
endurkomu sína í heims-
bikarkeppnina n.k.
þriðjudag en þá mun
Maier taka þátt í svig-
keppni sem fram fer í
Adelboden í Sviss.
Hans Pum fram-
kvæmdastjóri aust-
urríska skíðasambands-
ins sagði frá ákvörðun
Maiers á sunnudag.
Maier hefur þrívegis
unnið heimsbik-
arkeppnina í sam-
anlögðum árangri og
hefur unnið á 41
heimsbikarmóti á ferli sín-
um, en hann hefur ekkert
keppt eftir að hann lenti í
alvarlegu umferðarslysi í
ágúst árið 2001. Þar var ek-
ið á Maier sem ók á vélhjóli
og varð fyrir mjög alvar-
legum meiðslum á fæti.
Maier sem varð tvöfaldur
Ólympíumeistari í Nagano í
Japan árið 1998 hefur ekki
skíðað mikið eftir að hann
hóf endurhæfinguna eftir
umferðarslysið en hann hef-
ur sagt að stífar æfngar í
hörðu skíðafæri henti sér
illa og hann þurfi því að
notast við aðrar aðferðir við
æfingar sínar.
Hannes Þ. blæs á óskir
stuðningsmanna
Endurkoma
Maiers verður
í Adelboden

JÓN Arnór Stefánsson skoraði 14
stig fyrir lið sitt TBB Trier í þýsku
úrvalsdeildinni í körfuknattleik í gær
í 74:64 tapi liðsins gegn Bamberg
sem er í öðru sæti deildarinnar. Jón
Arnór tók 2 fráköst og gaf 2 stoð-
sendingar en Trier er sem stendur í
neðsta sæti og hefur aðeins unnið 2
leiki af 13.

LOGI Gunnarsson skoraði 28 stig
fyrir Ulm í þýsku 1. deildinni í körfu-
knattleik s.l. fimmtudag er liðið lagði
TSV Tröster Breitengüßbach
110:82. Ulm er í öðru sæti suðurriðils-
ins sem stendur eftir sigur á TV
Langen á laugardag, 99:75.

JÓHANNES Karl Guðjónsson var
í leikmannahópi Real Betis en kom
ekkert við sögu þegar liðið gerði 2:2
jafntefli við Alavés í spænsku 1.
deildinni í knattspyrnu í gærkvöldi.

ROQUE Santa Cruz framherji
Bayern München verður frá keppni
og æfingum næstu átta vikurnar.
Cruz meiddist á ökkla í upphitum fyr-
ir æfingaleik Bayern og Galtatas-
aray um helgina þar sem úrslitin
urðu markalaust jafntefli. Keppni í
þýsku Bundesligunni hefst að loknu
vetrarhléi þann 25. þessa mánaðar.

RICHARD Möller Nielsen, sem
stýrði danska landsliðinu í knatt-
spyrnu til sigurs á Evrópumótinu í
Svíþjóð árið 1992, hefur tekið við
þjálfun danska 2. deildarliðsins Kold-
ing. Nielsen hætti sem landsliðsþjálf-
ari Ísraels í haust, en áður hafði hann
verið landsliðsþjálfari Finna, eftir að
hann hætti með danska landsliðið ár-
ið 1996 og við tók Bo Johansson. Niel-
sen er 65 ára gamall.

STEFAN Schwarz, sænskur leik-
maður hjá enska úrvalsdeildarliðinu
Sunderland, var á dögunum hand-
tekinn þar sem hann er ákærður fyrir
að hafa ökklabrotið ungling sem kast-
aði snjóbolta í bíl hans í Sunderland.
Að auki er Schwarz sagður hafa lagt
hendur á annan ungling sem tók þátt
í boltakastinu. Lögreglan á svæðinu
segir að málið sé í rannsókn en
Schwarz var látinn laus gegn trygg-
ingu. Hann neitar öllum ásökunum.

FRAKKINN Laurent Robert segir
að sér gangi illa að ná sambandi við
enska leikmenn í liði sínu Newcastle
United. „Það er ekki hægt að segja að
ég hafi fallið vel inní hópinn. Ég næ
aðeins sambandi við erlendu leik-
mennina í liðinu og á í vandræðum
með að ná valdi á enskri tungu. Það
eru fleiri leikmenn sem eru í sömu
stöðu og ég,“ segir Robert en hann
segir að leikmenn liðsins geri allt sem
Alan Shearer fyrirliði liðsins segir
þeim að gera. Enskir fjölmiðlar leiða
að því líkum að Frakkinn sé á leið frá
félaginu og jafnvel í þessum mánuði.
FÓLK
Deildin hefur verið mjög frísk-leg í haust og sóknarleikur
hafður í hávegum. Þrjú efstu lið
hafa skorað ríflega
tvö mörk í leik (að-
eins betra hlutfall
en hjá Arsenal sem
er efst á Englandi
og hálfu marki betra en hjá liðinu í
öðru sæti þar, Man. Utd.). Ítölsku
liðunum hefur líka gengið allvel í
Evrópukeppni og hefur það létt
mjög lund Ítala eftir mögur ár.
Hið eina sem skyggir á er döpur
frammistaða landsliðsins undir
stjórn hinnar öldnu (og sumir
segja þreyttu) kempu Giovanni
Trapattoni. Er mikið skeggrætt
um arftaka Trapattoni og hefur
nafn Gianluca Vialli iðulega verið
nefnt í því sambandi.
Sleppur Lazio við
janúarútsölu?
Fyrrverandi félagi Vialli í fram-
línunni hjá Sampdoria, Roberto
Mancini, er stjarna haustsins í
ítalska boltanum. Honum hefur
tekist að ná alveg ótrúlega miklu
út úr liði Lazio sem mætti sund-
urtætt til leiks í haust eftir að
nokkrar af skærustu stjörnum
liðsins höfðu verið seldar til þess
að stoppa í skuldagötin. Í allt
haust hefur gjaldþrot vofað yfir fé-
laginu, pastarisinn Cirio sem á fé-
lagið er farinn á hausinn og verður
leystur upp fljótlega og eignir
hans seldar. Ekki er alveg ljóst
hvað verður um Lazio en Sergio
Cragnotti, forseti Lazio og for-
stjóri Cirio, sagði báðum stöðunum
lausum á dögunum. Ný stjórn tók
við nú í vikunni og á Mancini sæti í
henni og er það í fyrsta skipti sem
þjálfari á sæti í stjórn liðs á Ítalíu.
Er þetta mikil vegsemd fyrir
Mancini. Hann hefur þótt sýna
mikla dirfsku í uppstillingu liðsins,
blásið til sóknar og sagt leikmönn-
um að skemmta sér á vellinum.
Leikmennirnir hafa leikið á als
oddi og er það sérstaklega
skemmtilegt í ljósi þess að þeir
hafa sama og ekkert fengið borgað
síðan snemmsumars. Bónusar og
ofurlaun virðast sumsé ekki vera
endilega það sem hvetur stór-
stjörnurnar áfram.
Vörn Lazio hefur verið mjög
traust með Hollendinginn Jaap
Stam sem besta mann og Sinisa
Mihajlovic hefur ekki verið jafn
góður í mörg ár. Dejan Stankovic
hefur verið kóngurinn á miðjunni
og frammi hafa Barnado Corradi
og Claudio Lopez leikið einkar vel.
Allir þessir leikmenn eiga það
sameiginlegt að þurfa að sanna sig
eftir nokkrar dýfur og óttinn við
að komast ekki að hjá góðu liði á
sæmilegum launum ef Lazio fer á
hausinn er kannski það sem heldur
mönnum við efnið. Stóra spurn-
ingin fyrir aðdáendur Lazio hefur
svo verið sú hvort einhverjar
stjörnur liðsins verði seldar nú í
janúar og gott starf Mancini þar
með gert að engu. Nú þegar vika
er liðin af mánuðinum hefur jan-
úarútsalan enn ekki hafist en þó er
ljóst að staða liðsins er viðkvæm
og hákarlar stórliðanna gætu gert
góð kaup og fengið veglegan stað-
greiðsluafslátt…
Öldungar og öryrkjar
rísa úr öskustónni
Rivaldo hefur leikið allvel fyrir
topplið AC Milan og ágætlega hef-
ur gengið hjá honum að spila með
Rui Costa og Andrea Pirlo en fyr-
irfram var ekki búist við því að
hinn varfærni þjálfari Carlo Ancel-
otti léti þremenningana leika alla í
Borgar sig að borga
stjörnunum
sem minnst?
ÍTALSKA deildakeppnin í knattspyrnu er hafin á ný eftir vetrarfrí, en
meistarabaráttan er tæplega hálfnuð. Mílanóliðin tvö eru á toppi
deildarinnar og kemur það sparkfræðingum ekki á óvart, þar sem
bæði lið styrktu leikmannahóp sinn fyrir leiktíðina og komu vel út úr
æfingaleikjum síðsumars. Hins vegar kemur mjög á óvart hvaða lið
fylgja í humátt á eftir þeim, nefnilega Lazio og Chievo, ásamt meist-
urum Juventus.
Einar Logi
Vignisson
skrifar
Rivaldo (t.h.) hefur leikið vel fyrir AC Milan. Hér fagnar hann marki ásamt Filippo Inzaghi.
AC MILAN
’ Hinn 36 ára gamliAlessandro Costac-
urta var kallaður til
liðsins eftir að hafa
farið frá því í sumar
eftir tveggja áratuga
feril og hefur verið
stórfínn í vörninni. ‘
ÍÞRÓTTIR