Morgunblaðið - 21.01.2003, Blaðsíða 26

AÐ SÖGN Þórdísar Reynisdóttur
hjá fasteignasölu Gísla Auðbergs-
sonar á Eskifirði er þokkalegt
framboð nú á eignum á Neskaup-
stað og Eskifirði en heldur minna í
boði á Reyðarfirði.
„Fólk hér sækist gjarnan eftir
litlum, þægilegum einbýlishúsum,
um 100–120 ferm. að stærð og með
eða án bílskúrs á verðbilinu 7–9
millj. kr.,“ sagði Þórdís. „Það er
mest vöntun á slíkum húsum.“
Hún kvað algengt verð í Fjarða-
byggð á 2ja herb. íbúð í þokkalegu
ástandi nú vera um 4 millj. kr. og
jafnvel mun ódýrari en það, á 3ja
herb. íbúð um 5 millj. kr. og um og
yfir 6 millj. kr. á 4ra herb. íbúð.
Lítið væri hins vegar um stór fjöl-
býlishús en nokkuð um tví- og þrí-
býlishús.
Verð ætti örugglega eftir að
hækka og þess hefði orðið vart, að
fólk vildi kaupa íbúðir, á meðan
verð væri enn lágt, en aðrir sem
væru í söluhugleiðingum, hefðu
beðið með að selja í von um hækk-
andi verð.
Sumir búa við þann vanda að
hafa ekki getað selt, þar sem
markaðsverðið var orðið lægra en
áhvílandi veðskuldir. Nú mun
þetta væntanlega breytast með
hækkandi verði, þannig að þetta
fólk sitji ekki lengur í átthaga-
fjötrum af þessum sökum.
Ágætis hreyfing hefði verið á
eignum í Neskaupstað og Reyð-
arfirði á síðasta ári en þó mest á
Eskifirði. Kannski væri Eskifjörð-
ur eftirsóttasta byggðarlagið, því
að hann er nær fyrirhuguðu álveri
en samt aðskilinn.
„Það er mjög athyglisvert og
raunar uppörv-
andi, að brott-
flutt fólk á öll-
um aldri, sem
búið er að búa
annars staðar
kannski í all-
langan tíma, er
nú farið að
kanna mögu-
leika á því að
flytja aftur til
Fjarðabyggðar,“
sagði Þórdís
Reynisdóttir að
lokum.
Mest eftirspurn eftir
litlum einbýlishúsum
Morgunblaðið/Sigurður Aðalsteinsson
Prestshúsið svokallaða, eitt virðulegasta timburhúsið í Fjarðabyggð allri, en
Þórdís er með efri hæð hússins í sölu.
Þórdís P. Reynisdóttir, sölumaður hjá fasteignasölu Gísla
Auðbergssonar á Eskifirði.
„VIÐ erum í viðbragðsstöðu, en vilj-
um ekki ráðast í frekari gatnagerð
fyrr en við sjáum hlutina gerast,“
segir Óttar Guðmundsson, skipu-
lagsfulltrúi í Fjarðabyggð. „Á Reyð-
arfirði eru nú til 40–50 lóðir á svæði,
þar sem gatnagerð er vel á veg kom-
in og það yrði fljótgert að gera þess-
ar lóðir klárar, þegar þörf verður fyrir
þær.“
Þessar lóðir eru á nokkrum stöð-
um í byggðarlaginu. Við Sunnugerði
eru til óbyggðar 10–15 lóðir, en all-
mörgum lóðum við þessa götu hefur
þegar verið úthlutað.
Þá má nefna nýtt íbúðarhverfi,
sem kennt er við svonefnda Stekki.
Þetta hverfi er norðan Búðareyrar
og vestan Kvíagils. Götur á svæðinu
eru Stekkur, Stekkjarbrekka,
Stekkjargrund og Stekkjarholt.
Þetta svæði og önnur nýbygging-
arsvæði er í eigu Fjarðabyggðar.
Hverfið er eingöngu ætlað fyrir
íbúðarbyggð. Gert er ráð fyrir bland-
aðri byggð einbýlishúsa og parhúsa.
Húsin skulu vera á einni hæð, með
bílskúr og flest með kjallara ef vill.
Leiksvæði fyrir börn er fyrirhugað
sunnan Stekkjargrundar og bolta-
vellir í Kvíagili. Þar er einnig gert ráð
fyrir sleða- og skíðabrekku, þar sem
hafa má litla skíðalyftu.
Norðan Hæðargerðis er skipulagt
íbúðarsvæði, sem nær yfir tvær lóðir
við Heiðarveg, fjórar lóðir við Hæð-
argerði og 13 lóðir við Efstagerði,
samtals 19 lóðir. Hverfið er eingöngu
ætlað fyrir íbúðarbyggð.
Í Bakkagerði 1, sem er íbúð-
arsvæði austan Oddnýjarhæðar og
norðan Austurvegar á Reyðarfirði,
er stórt svæði, þar sem gert er ráð
fyrir 152 íbúðum, þar af 80 einbýlis-
húsum, 6 tveggja íbúða húsum, 20
íbúðum í parhúsum og 46 íbúðum í
raðhúsum. Þegar er búið að byggja á
tuttugu af þessum lóðum.
Gott lóðaframboð
áReyðarfirði
Morgunblaðið/Sigurður Aðalsteinsson
Óttar Guðmundsson, skipulagsfulltrúi Fjarðabyggðar. Myndin er tekin í
Stekkjahverfi og í baksýn er nýtt íbúðarhús í byggingu.
26 C ÞRIÐJUDAGUR 21. JANÚAR 2003 MORGUNBLAÐIÐHeimiliFasteignir
F
YRIRHUGAÐ álver á
Reyðarfirði er strax farið
að hafa áhrif á fasteigna-
markaðinn í Fjarðabyggð
og víðar á Austurlandi. Þegar liggja
fyrir nokkrar nýjar lóðaumsóknir
og eru þær flestar um lóðir á Reyð-
arfirði.
Lóðaframboð þar er gott að sögn
Óttars Guðmundssonar, skipulags-
fulltrúa í Fjarðabyggð, en í þeim
þremur byggðarlögum, sem til-
heyra Fjarðabyggð, það er Nes-
kaupstað, Reyðarfirði og Eskifirði,
eru til deiliskipulögð svæði fyrir um
400 íbúðir og strax hægt að úthluta
hluta þessara lóða til þeirra sem
áhuga hafa.
Þörf á 900–1.000
nýjum íbúðum
Samkvæmt niðurstöðum úttekt-
ar, sem gerð var vegna umhverf-
ismats álversins, þarf að byggja um
900–1.000 nýjar íbúðir í tengslum
við byggingu álvers í Reyðarfirði.
Um 500–600 manns munu væntan-
lega starfa í álverinu, en auk þess er
gert ráð fyrir fjölda afleiddra
starfa. Á grunni þeirra upplýsinga
má gera ráð fyrir, að það þurfi hátt í
1.000 nýjar íbúðir á áhrifasvæði ál-
versins.
Íbúar á Reyðarfirði eru nú um
630, um 1.000 á Eskifirði og um
1.500 í Neskaupstað. Að sögn Ótt-
ars Guðmundssonar hafa fyrir-
spurnir einkum borizt um lóðir á
Reyðarfirði fyrir parhús og raðhús
en síður um lóðir fyrir fjölbýlishús
enn sem komið er. Þessar fyrir-
spurnir eru frá aðilum bæði innan
héraðs og utan og einkum frá minni
verktökum, en stór byggingafyrir-
tæki eru vissulega á meðal þeirra
t.d. Keflavíkurverktakar og Ísl. að-
alverktakar.
Óttar kvaðst ekki álíta að mikið
væri til af lausu húsnæði á Reyð-
arfirði eða annars staðar í Fjarða-
byggð, þrátt fyrir nokkra fólks-
fækkun undanfarið þar sem lítið
hefði verið byggt á síðustu árum.
Þó nokkur eftirspurn væri nú eft-
ir íbúðarhúsnæði í Neskaupstað
vegna uppgangs í fiskeldi. Þar er
líka sjúkrahús og verkmenntaskóli
og enginn vafi á að mikilvægi
beggja þessara stofnana mun
aukast með tilkomu álversins.
„En það verður byrjað á nýrri
heilsugæzlumiðstöð á Reyðarfirði í
sumar með stækkunarmöguleikum
síðar ef vill og einnig er gert ráð
fyrir stækkun við grunnskólann
þar, en verið er að ljúka við stækk-
un við grunnskólana í Neskaupstað
og á Eskifirði,“ sagði Óttar enn-
fremur.
Framkvæmdir standa nú fyrir
dyrum við jarðgöng frá Reyðarfirði
suður til Fáskrúðsfjarðar og gera
má ráð fyrir einhverri eftirspurn
eftir íbúðarhúsnæði vegna þeirra,
þar sem ekki aðeins verður töluverð
atvinna, á meðan verið er að grafa
og gera göngin.
„Samgöngur verða örari og
greiðari á öllu þessu svæði, eftir að
búið er að taka göngin í notkun og
Fáskrúðsfjörður tengist Fjarða-
byggð ólíkt betur. Þetta mun ef-
laust hafa sín áhrif á byggðina á
þessu svæði,“ sagði Óttar.
Framkvæmdir og umsvif
stigvaxandi
Óttar Guðmundsson benti á að
framkvæmdir og umsvif vegna fyr-
irhugaðs álvers færu stigvaxandi og
ekki ólíklegt að eftirspurn og bygg-
ingarframkvæmdir vegna nýs íbúð-
arhúsnæðis myndu aukast í takt við
það. „Framkvæmdir við höfnina
hefjast ekki fyrr en á næsta ári og
við álverið sjálft árið 2005, en þá á
höfnin að vera tilbúin,“ sagði hann.
„Álverið verður tekið í notkun árið
2007 og umsvifin vegna verklegra
framkvæmda verða sennilega mest
það ár og árið þar á undan.“
En Óttar kvaðst telja að fast-
eignamarkaðurinn í Fjarðabyggð
yrði virkur mjög fljótlega og það
mætti merkja vissar breytingar á
honum nú þegar. „Einhverjir hafa
t.d. beðið með að selja eignir sínar
hér vegna þess að þeir gera sér von-
ir um hækkandi verð,“ sagði Óttar.
Hann sagðist álíta að ástand á
íbúðarhúsnæði í Fjarðabyggð væri
misjafnt en alls ekki slæmt. „Sumir
hafa haldið eignum sínum vel við en
aðrir síður,“ sagði hann. „Það er
sennilega jafn mismunandi og
mennirnir eru margir.
En það er meira af eldra húsnæði
á Eskifirði en á Reyðarfirði og sumt
orðið lúið á meðan annað hefur
fengið betra viðhald. Nú er verið að
hefja byggingarframkvæmdir við
fyrstu húsin, sem hér hafa verið
byggð í mörg ár. Þetta eru lítil ein-
býlishús á einni hæð, en segja má að
það sé skortur á slíkum húsum hér.
Þessi hús eru úr timbri, innflutt frá
Kanada, Svíþjóð eða Noregi og
smíði þeirra á eftir að skapa tals-
verða atvinnu fyrir iðnaðarmenn
hér í Fjarðabyggð.“
Morgunblaðið/Sigurður Aðalsteinsson
Horft yfir Reyðarfjörð. Í þeim þremur byggðarlögum, sem tilheyra Fjarðabyggð, það er Neskaupstað, Reyðarfirði og Eskifirði,
eru til deiliskipulögð svæði fyrir um 400 íbúðir og strax hægt að úthluta hluta þessara lóða til þeirra, sem áhuga hafa.
Gera má ráð fyrir hækk-
andi verði á fasteignum í
Fjarðabyggð með meiri
eftirspurn. Magnús Sig-
urðsson kynnti sér mark-
aðinn þar um slóðir.
Meira líf færist í fasteigna-
markaðinn í Fjarðabyggð