Morgunblaðið - 22.01.2003, Blaðsíða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 22. JANÚAR 2003 VERÐ Í LAUSASÖLU 190 KR. MEÐ VSK.
GLÓBRYSTINGUR smeygði sér inn um
geymsluglugga fréttaritara Morgunblaðsins á
Egilsstöðum í fyrrakvöld, í var fyrir hríðarbelj-
andanum úti fyrir.
Glóbrystingar (Erithacus rubecula) eru flæk-
ingar á Íslandi, en þó ekki óalgengir. Til dæmis
eru nú fjórir slíkir á fóðrum í Fellabæ og frést
hefur af fleirum út um hvippinn og hvappinn um
landið. Ekki er þó vitað til þess að glóbrysting-
urinn verpi á Íslandi.
Þetta er fallegur lítill fugl, ryðrauður á brjóst
og vanga og gráleitur eða ólífubrúnn á bak og
vængi. Hann á ættir að rekja til Evrópu, þar
sem hann er mjög útbreiddur, en finnst einnig í
öðrum heimsálfum.
Fuglinn var drifinn í þar til gert fuglahús í
skjól fyrir heimiliskettinum Sæmundi og honum
gefið bygg og vatnssopi sér til viðurværis. Þar
var hann í góðu yfirlæti þar til í gær, að Skarp-
héðinn G. Þórisson líffræðingur og fuglavís-
indamaður kom og merkti glóbrystinginn með
númeruðum hring á fót og var honum að því
búnu sleppt aftur út í vetrarhörkurnar, sem
hann ku lifa með ágætum, enda glúrinn í fæðu-
leit.
Morgunblaðið/Steinunn Ásmundsdóttir
Glóbrystingur
leitar skjóls
VERÐ fiskaflans í heild
í viðskiptum innanlands
hefur hækkað um 58,5%
frá janúar 1997 til nóv-
ember 2002. Það er
meira en tvöföld hækk-
un vísitölu neyzluverðs,
en hún hefur hækkað
um 25,4% á sama tíma.
Sama tímabil hefur
botnfiskafli í heild
hækkað um 68,7% í
verði, loðna um 15,6%
og síld um 18,3%.
Þessi hækkun þýðir í
raun að tekjur sjómanna hafa hækkað um hið
sama á tímabilinu, miðað við að afli væri sá sami,
en veruleg hækkun varð á verði bolfisks í beinum
viðskiptum á síðasta ári í kjölfar kjarasamninga.
Að sama skapi hefur aflaverðmæti skipa og báta
hækkað á tímabilinu. Reyndar hefur þorskkvót-
inn verið minnkaður undanfarin ár og hefur það
áhrif til lækkunar launa sjómanna og aflaverð-
mætis skipanna.
Inni í þessum útreikningum er hvorki verðþró-
un á sjófrystum fiski né fiski, sem seldur er utan í
gámum eða flugi. Sú verðþróun ræðst annars
vegar af gengi krónunnar og verði á mörkuðum
ytra.
Árstíðasveifla einkennir verðvísitölur fiskafl-
ans, verðið er hæst um hver áramót og lækkar
síðan fram að miðju ári. Miklar sveiflur hafa verið
á verði loðnu og síldar; verðið var nokkuð hátt á
árunum 1997 og 1998 en féll í ársbyrjun 1999. Í
upphafi árs 2001 fór verðið aftur að hækka og
hækkaði mjög mikið fram til miðs árs 2002 en hef-
ur lækkað síðan, bæði vegna lækkunar á heims-
markaðsverði og hás gengis íslenzku krónunnar.
58% HÆKKUN
FISKVERÐS
FRÁ 1997
   

  


 
.(
!9*
Fiskverð/13
LEIT að Guðmundi Sigurðssyni, 55
ára skipverja á Jónu Eðvalds SF-20,
sem skilaði sér ekki til skips eftir
bæjarferð á Seyðisfirði, bar engan
árangur í gær. Leit var hætt á mið-
nætti í gær sökum lélegs skyggnis,
en hefja á leit aftur strax í birtingu.
Alls tóku um 50 manns þátt í leitinni.
Ekkert hefur spurst til Guðmund-
ar frá aðfaranótt þriðjudags, en þá
sást til hans í miðbæ Seyðisfjarðar.
Kom hann ekki til skips eftir það og
hófst leit að honum á hádegi í gær.
Björgunarsveitir úr nágrenninu
tóku þátt í leitinni, bæði göngumenn
og kafarar, auk lögreglu. Síðdegis í
gær komu þrír kafarar frá Land-
helgisgæslunni til Seyðisfjarðar. Þá
voru fjórir björgunarhundar notaðir,
einn þeirra var sendur með flugi frá
Reykjavík. Í gær gengu björgunar-
sveitarmenn um Seyðisfjarðarkaup-
stað, nágrenni bæjarins og fjörur í
firðinum auk þess sem kafarar leit-
uðu í höfninni.
Leit að
skipverja
bar ekki
árangur
UNDANFARNA daga hafa
nemendur í Barnaskóla Vest-
mannaeyja staðið í ströngu við
að pakka vikri í umslög ásamt
bréfi sem senda á í alla grunn-
skóla landsins, samtals tæplega
180 menntastofnanir. Með þessu
vilja nemendur skólans þakka
góðar móttökur sem nemendur
frá Vestmannaeyjum fengu í
kjölfar eldgossins í Heimaey
sem hófst fyrir 30 árum. Um-
slögin verða póstsend á morgun,
23. janúar, en þá verða ná-
kvæmlega 30 ár síðan gosið
hófst.
Að sögn Hjálmfríðar Sveins-
dóttur skólastjóra skipta börnin
með sér verkum. Þau skrifa bréf
þar sem þau minna á gosið sem
foreldrar margra þeirra upp-
lifðu þegar þeir voru nemendur
í skólanum, setja sýnishorn af
vikri sem upp kom í eldgosinu í
litla plastpoka og setja í umslag
ásamt mynd eða korti af gosinu.
Þegar gosið hófst dreifðust
nemendur í skólanum um allt
land og flestir fóru í aðra grunn-
skóla. Settar voru á fót á fjórar
kennslustöðvar fyrir börn úr Eyj-
um, í Laugalækjarskóla, Laug-
arnesskóla og Langholtsskóla í
Reykjavík og í Hveragerði.
Hjálmfríður segir að börnin
hafi haft gaman af uppátækinu og
lagt skemmtilega vinnu í gerð
póstkortanna. „Kannski skapar
þetta umræðu um hvernig er að
lenda í þessu,“ segir hún.
Hjálmfríður var kennari við
barnaskólann þegar fór að gjósa
og þekkir vel hvaða áhrif þetta
hafði á nemendurna. „Þau lenda í
þessum flótta. Missa vinina sína
og kunningja, fara í alveg nýtt
samfélag. Þetta var mjög erfið
lífsreynsla fyrir krakkana.“
Nemendur í Vestmannaeyjum þakka hlýjar móttökur í kjölfar gossins
Senda vikur úr
gosinu til allra
grunnskóla
Morgunblaðið/Sigurgeir Jónasson
Nemendur í 5. bekk í Barnaskóla Vestmannaeyja voru í gær að pakka
vikri og senda kveðjur í barnaskóla landsins. Aftar sitja Sunna Ósk
Guðmundsdóttir og Helga S. Hartmannsdóttir. Framar eru Eyrún
Eva Eyþórsdóttir og Kristján Tómasson. Kennari barnanna, Hjördís
Kristinsdóttir, fylgist með þeim.
ÚTLIT er fyrir að hægt verði að opna skíðasvæð-
ið í Bláfjöllum um helgina. Grétar Hallur Þóris-
son, forstöðumaður Bláfjalla, segir að ef úrkom-
an sem Veðurstofa Íslands spáir verði snjór
frekar heldur en rigning verði líklega hægt að
opna fjallið. „Það er kominn góður grunnur en
við þurfum slettu ofan á þetta,“ sagði Grétar. Í
vor og sumar var slétt úr brekkum og settar upp
snjógirðingar sem að sögn Grétars leiða til þess
að nú er hægt að opna fjallið með minni snjó en
áður. Grétar sagði ennfremur að bílastæði og
lyftur væru tilbúin, aðeins vantaði snjóinn. Æf-
ingar hjá skíðadeildum íþróttafélaga hófust í
fyrradag.
Morgunblaðið/Þorkell
Bláfjöll opnuð um helgina
♦ ♦ ♦
NÝTT alþjóðlegt samtímalistasafn
verður opnað á Laugavegi 37 í
Reykjavík með vorinu. Borgarráð
staðfesti í gær samning sem Pétur
Arason og Stefán Jón Hafstein,
formaður menningarmálanefndar
borgarinnar, hafa unnið að í sam-
einingu. Um er að ræða samvinnu-
verkefni Reykjavíkurborgar og
Péturs um að opna almenningi að-
gang að miklu safni innlendra og
erlendra samtímalistaverka í eigu
Péturs og konu hans, Rögnu Ró-
bertsdóttur.
Kostnaður borgarinnar við
samninginn er 14 milljónir króna
á ári. Stefán Jón Hafstein segist
mjög ánægður með þennan
samning. „Í mínum huga hefði
það verið nánast útilokað að
þakka ekki þetta tilboð og taka
því. Borgarbúar fá svo miklu
meira en þeir láta af hendi.“
Viðræður við Nýlistasafnið
Nýlistasafnið er ekki langt frá
safni Péturs og Rögnu en for-
ráðamenn safnsins hafa verið í
viðræðum við Reykjavíkurborg
um aðstoð vegna flutnings safns-
ins á síðasta ári og einnig átt í
viðræðum við Listasafn Reykja-
víkur um varðveislu listaverka-
eignar safnsins. Ásmundur Ás-
mundsson, stjórnarformaður
Nýlistasafnsins, sagðist í samtali
við Morgunblaðið fagna „rausn-
arlegum“ samningi borgarinnar.
Vonaðist hann til þess að þetta
hefði jákvæð áhrif á það hvernig
borgaryfirvöld kæmu til móts við
þarfir Nýlistasafnsins. Að sögn
Ásmundar fær það um 3 millj-
ónir króna á ári frá borginni, alls
um 12 milljóna króna framlög að
meðtöldum styrk ríkisins og Ís-
landsbanka.
Ásmundur sagði að ekki væri
enn búið að ganga frá samning-
um við borgina vegna flutnings-
ins, en ríkið lagði til 10 milljónir
nú um áramótin. Enn vantaði
mikið upp á að húsnæðið væri
viðunandi. Vonandi myndi nú
rætast úr en forráðamenn safns-
ins eiga fund í dag með Stefáni
Jóni Hafstein, sem ákveðinn
hafði verið fyrir nokkru.
Alþjóðlegt samtímalistasafn borgarinnar og Péturs Arasonar á Laugavegi
„Útilokað að taka ekki tilboðinu“

Skiptir miklu máli/24