Morgunblaðið - 26.01.2003, Blaðsíða 11

MORGUNBLAÐIÐ SUNNUDAGUR 26. JANÚAR 2003 B 11
SÚKKULAÐI-PISTASÍUKAKA MEÐ ÁVAXTARJÓMA
150 g afhýddar pistasíuhnetur
60 g hveiti
175 g mjúkt smjör
200 g flórsykur
2 msk kakó
1/2 tsk kardimommuduft
5 léttþeyttar eggjahvítur
200 g grófsaxað dökkt súkkulaði
1 peli rjómi
blandaðir ferskir ávextir, t.d. bláber og jarðarber
Smyrjið kringlótt bökuform (ágætt að nota leirform og
bera fram í sama formi og bakað er í). Saxið hnetur og
grillið í 5 mín í ofnskúffu. Kælið. Setjið hneturnar ásamt
hveitinu í blandara og hakkið fínt. Þeytið smjörið og flór-
sykurinn vel saman í skál. Blandið pistasíunum saman við
kardimommur og kakó og bætið svo út í smjörsykur-
blönduna. Blandið að síðustu „létt“stífþeyttum eggjahvít-
unum og súkkulaðibitunum saman við. Hellið í form og
bakið við 200°C í 25-30 mín. Kælið.
Þeytið rjóma og smyrjið yfir og stráið berjum eða öðr-
um ferskum ávöxtum yfir. Berið fram með sterku kaffi.
GOTT Í KLÚBBINN
Morgunblaðið/Hanna
útna göngufjarlægð á Sturegatan 22
er einn af nýrri veitingastöðum borg-
arinnar, Undici. Þar var lengi aust-
urlenskur staður en fyrir nokkrum
árum var honum breytt í nútímalegan
og vinsælan stað þar sem mikið af
„fræga“ fólkinu kemur til að
skemmta sér. Staðurinn sam-
anstendur af tveimur rúmgóðum söl-
um, í þeim fremri er stór bar en rúm-
góður matsalurinn í þeim innri. Þar
er boðið upp á mat sem þegar vel
tekst til er skemmtileg blanda af
norður-sænskri og ítalskri mat-
argerð. Það mun vera í anda eigand-
ans Thomas Brolins. Ég er það illa að
mér í sænskum íþróttafræðum að ég
hef líklega stórmóðgað sænska borð-
félaga mína er ég játaði að ég hafði
ekki hugmynd um hver Brolin væri.
Eftir að þeir jöfnuðu sig kom hins
vegar í ljós að hann er einn þekktasti
knattspyrnumaður Svíþjóðar fyrr og
síðar. Þessi norður-sænski leikmaður
var atvinnumaður hjá ítalska úrvals-
liðinu Parma og var þar leikmaður
númer ellefu. Af því er nafn staðarins
– Undici – dregið. Mun staðurinn
ekki síst vera vinsæll hjá sænskum
afreksmönnum í íþróttum. Í forrétt
fékk ég smásíld með loðnuhrognum í
mildri sósu á heimabökuðu hrökk-
brauði. Ágætt, ekki meir. Aðalrétt-
urinn kom hins vegar betur út, grilluð
kálfa entrecote með bragðmikilli soð-
sósu og kartöflu- og sveppaturnum.
Eftir því sem leið á kvöldið varð tón-
listin háværari, plötusnúður fór að
spila gamla smelli og fólk í kring fór
að dansa. Þegar við stóðum upp frá
borðum var ytri salurinn stappaður
fólki líkt og á vinsælasta skemmtistað
og rétt að maður gat smeygt sér í
gegnum þvöguna að útidyrunum.
Ágætur ítalskur staður á svipuðum
slóðum er Café Milano (það virðist
vera staður með því nafni í flestum
borgum) við Kungsträdgårdsgatan.
Þar fékk ég góða mjúka grænmet-
isböku með parmigiano-mauki og síð-
ar gott penne-pasta með tómata-
rjómasósu, eggaldin og krydd-
legnum, þunnum sneiðum af
nautalund. Með þessu var hægt að fá
ódýr og góð húsvín frá Púglíu og
Sikiley.
Hinum megin við Kóngsgarðinn er
síðan einn vinsælasti staður Stokk-
hólms, Berns, í einni glæsilegustu
nítjándu aldar byggingu borgarinnar
er tekin hefur verið í gegn af hönn-
uðinum breska Terence Conran. Þar
eru nokkrir staðir innandyra meðal
annars stórt og glæsilegt nútíma-
brasserie. Maturinn er kannski ekki
talinn sá allra besti í bænum, þótt
hann sé góður, en húsnæðið og
stemmningin gerist ekki mikið betri.
Fyrir þá sem vilja frekar snæða á
litlum, þröngum og vinalegum veit-
ingastöðum en nútíma matar-
musterum er tilvalið að fara yfir í
gömlu borgina, Gamla Stan, sem er í
um tíu mínútna göngufjarlægð frá
miðborginni. Staður með trausta, en
kannski ekki ýkja spennandi mat-
argerð, er til dæmis Fem små hus
við Nygränd 10. Þar er gott að fá sér
hreindýrasteik og að minnsta kosti
líta yfir vínlistann er geymir mikið
úrval vína frá bestu vínköstulum
Bordeaux. Flestir veitingastaðir
gamla bæjarins eru hins vegar við
Västerlånggatan er sker Gamla Stan
frá norðri til suðurs. Meirihlutinn er
einfaldir pizza-staðir, svo sem ekki
slæmir og sumir jafnvel góðir svo
sem Michelangelo, þar sem hægt er
að borða vel og ódýrt. Bestur er samt
líklega Mårten Trotzig syðst á
Västerlånggatan, rétt áður en komið
er að brúnni yfir á Södermalm eða
Söder.
Laukur
Morgunblaðið/Áslaug
 Hvítur laukurer frískandi, stökkur og afar bragðgóður.
Vorlaukurer ýmist borinn fram hrár með salti eða í
ýmiss konar salötum, kryddlegi eða súpum.
Gulur laukurer algengasta lauktegundin og hann er fá-
anlegur allt árið um kring. Innan hans vébanda er að finna
spænskan lauk (hinn stóra væna sem auðvelt er að fylla
með alls kyns góðgæti); mjög bragðmikið afbrigði sem er
tínt í ágúst og notað yfir veturinn (hann geymist best við
hitastig í kringum frostmark); egypskur og pólskur laukur
sem er kringlulaga, dökkbrúnn á lit og frekar bragðmildur
og síðan er það hinn ljúfi „franski“ skalotlaukur sem er
dásamlegur í súpur, bökur, grænmetisrétti og marga
„mallandi“ rétti.
Perlulaukurer ekki ósvipaður hvítum lauk, en hann er
tíndur þegar hann er mjög smár. Hann er hægt að nota
heilan t.d. í pottrétti og kássur og eins er hann gjarnan
notaður sykurgljáður sem skraut á hina ýmsu rétti.
Rauður og bleikur laukur er yfirleitt borðaður hrár.
Þegar þessir laukar eru eldaðir eru þeir mun mildari en
hinar lauktegundirnar og hafa ögn sætan keim.
BERGSTAÐASTRÆTI 37 • SÍMI: 552 5700 • FAX: 562 3025
E-MAIL: holt@holt.is • http://www.holt.is
Jacques Lacipierre
5rétta matseðill
Einstakt tækifæri til að upplifa matargerð
eins og hún gerist best í París.
frá Michelin veitingahúsinu í París Au Bon
Accueil er kominn aftur með sitt aðstoðarlið
og endurtekur stemninguna frá í fyrra með
frábærum fimm rétta matseðli.
Því miður verður Lacipierre aðeins þessi tvö
kvöld fyrir gesti Hótel Holts, því sunnudags-
kvöldið 2. febrúar mun hann sjá um hátíðar-
kvöldverð Fransk-íslenska verslunarráðsins.
Takmarkaður gestafjöldi.
Ekki missa af þessum einstaka viðburði.
Upplýsingar og borðapantanir
í síma 552 5700
&31. janúar 1. febrúar