Morgunblaðið - 26.01.2003, Blaðsíða 14

Einn skondinn …
Tveir bankaræningjar koma heim eftir vel heppnað rán.
Bófi A: Teljum hvað við stálum miklum peningum.
Bófi B: Æ, ég nenni því ekki. Lesum það bara í blaðinu á morgun!
barn@mbl.is
VEI! Eftir tólf daga verður frum-
sýnd ný íslensk bíómynd fyrir
krakka! Það gerist því miður alltof
sjaldan. En nú hefur skemmtilegt
fólk í Keflavík búið til bíómynd sem
heitir Didda og dauði kötturinn og
er gerð eftir samnefndri bók eftir
Kikku, sem út kom fyrir jól. Þar
segir frá Diddu sem dettur ofan í
lýsistunnu og fær eftir það miklu
betri sjón. Ekki sér hún bara dauð-
an kött, heldur út um þakgluggann
sér hún dularfulla atburði sem ger-
ast í húsinu á móti.
Happatalan mín er 49
Aðalleikkonan – sem auðvitað
leikur Diddu sjálfa – heitir Kristín
Ósk Gísladóttir og er 11 ára Kefla-
víkurmær. Barnablaðið var ekkert
smá spennt að spjalla við leikkon-
una og spyrja hana út í þetta
spennandi ævintýri. Kristín Ósk
gengur í Heiðarskóla í Keflavík og
á mörg áhugamál eins og tónlist,
badminton og leiklist, þótt hún sé
reyndar ekki í leiklist í skólanum.
– Hvernig kom til að þú
fékkst hlutverk Diddu?
„Þetta var auglýst í Víkurf-
réttum. Ég hafði reyndar enga
reynslu af leiklist en ég hef leikið
stundum í leikritum í skólanum.“
– Fórstu í prufu?
„Já, og það gekk bara vel. Ég
fékk númer um morguninn og fór í
prufu seinna um daginn. Númerið
mitt var 49 svo ég segi núna að það
sé happatalan mín.“
Ekki þægilegt ofan í lýsistunnu
– Varstu hissa á að fá hlutverkið?
„Já, því það voru svo margir
þarna.“
– Leist þér strax vel á handritið?
Já, bara mjög vel. Mér fannst sögu-
þráðurinn skemmtilegur, og sagan
er bæði mjög fyndin og spennandi.“
– Var gaman að leika Diddu?
„Það var mjög gaman, en stund-
um pínu erfitt. Það var skemmti-
legast að leika fyndnu atriðin, en
erfiðast var að gráta og detta ofan í
lýsistunnuna. Það var ekki þægileg
tilfinning, jafnvel þótt það hafi ekki
verið alvöru lýsi í tunnunni.“
Kristín Ósk segir að Didda sé
feimin, skemmtileg og forvitin
stelpa, en er ekki viss hvort hún sé
dæmigerð níu ára stelpa úr Kefla-
vík. En henni finnst hins vegar al-
veg að þessi saga gæti gerst í
Keflavík.
Skrýtið að hitta fræga leikara
Í myndinni (... og bókinni!) flytur
uppáhalds rithöfundur Diddu í
næsta hús við hana. Hann heitir
Filiphus og Steinn Ármann Magn-
ússon leikur hann. Hann verður
eitthvað skotinn í sjoppudömunni
Vöndu (stundum kölluð Vonda!)
sem leikin er af Helgu Brögu Jóns-
dóttur.
– Hvernig var að leika á móti
landsfrægum leikurunum?
„Það var mjög gaman, en samt
svolítið skrýtið að hitta þau.“
Kristín Ósk segist hafa verið svo-
lítið feimin við þau í byrjun. En það
hafi verið óþarfi því þau séu alveg
jafn skemmtileg og þau líta út fyrir
að vera.
Skemmtilegri tilbúin
– Hefurðu séð myndina?
„ Já, nokkur brot úr henni. Mér
líst mjög vel á þau.“
– Er allt eins og þú hafðir ímynd-
að þér að það yrði?
„Nei, hún er skemmtilegri þegar
það er búið að klippa atriðin saman
og setja tónlist.“
– Var þetta skemmtileg lífs-
reynsla?
„Já, og ég myndi alveg vilja leika
aftur í bíómynd, því það er gaman
og maður lærir mikið á því,“ segir
Kristín Ósk, heldur betur reynsl-
unni ríkari, og hlakkar til að sjá
sjálfa sig á hvíta tjaldinu 7. febrúar
nk.
Íslenska bíómyndin Didda og dauði kötturinn
Ljósmynd/Hilmar Bragi
Aðalleikkonan Kristín Ósk með bókina um Diddu og dauða köttinn. Kjartan Guðjónsson er pabbi Diddu og Helga Braga leikur Vöndu (vondu).
Hissa á að fá hlutverkið
Davíð Már Gunnarsson og Einar Orri Einarsson leika Pétur og Kára bróð-
ur Diddu.
Ætlar Filiphus að gefa Diddu
blóm?!?
Nú þarft þú að sýna hvers þú ert megnug/ur þegar kemur að
því að rannsaka glæpamál eins og hún Didda gerir. Ef þér
tekst að leysa eftirfarandi þraut, er aldrei að vita nema þú
sért einn af 10 heppnum rannsóknarmönnum sem vinna bíó-
miða fyrir 2 á kvikmyndina Didda og dauði kötturinn, ásamt
eintaki af bókinni. Aðrir 20 hljóta þessa spennandi bók í verð-
laun.
Hér á myndinni til hliðar kennir ýmissa grasa, eins og sjá
má. Didda er í þakglugganum að fylgjast með dularfulla hús-
inu á móti. Á víð og dreif eru svo níu hlutir sem þú átt að
finna. Upp með stækkunarglerið og komdu auga á:
 blómvönd
 bók
 gleraugu
 kaffibolla
 gjallarhorn (sem löggur nota)
 kerti
 kött
 lýsistunnu
 löggu
Dragðu skilmerkilega hring utan um hlutina, klipptu mynd-
ina út og sendu til okkar fyrir 4. febrúar:
Barnablað Moggans
– Didda og dauði kötturinn –
Kringlunni 1
103 Reykjavík
Nafn:__________________________________________
Heimili:_________________________________________
Staður:__________________________________________
Aldur:___________________________________________
Rannsakið hverfið hennar Diddu
Upp með
stækkunarglerið!
 Systkinin Arnar og Björg Gunnarsbörn búa í
Garðabæ. Arnar er 11 ára og gengur í Flataskóla, en
Björg er 8 ára – að verða 9 í apríl – og hún er í Hof-
staðaskóla. Bæði eru þau mjög miklir lestrarhestar
og eru alltaf á bókasöfnum. Arnar hefur lesið
Hringadróttinsögu oft, bæði hafa þau lesið Harry
Potter og Arnar kláraði Molly Moon í
gær.
Þau systkinin voru því snögg að
lesa bókina Diddu og dauða köttinn,
bara nokkra klukkutíma – enda
fannst þeim hún mjög skemmtileg.
„Mér fannst hún svo fyndin,“ segir
Björg og kímir.
„Já, hún er bæði fyndin og spennandi,“ bætir
Arnar við, og bæði voru þau spennt hvort kæmist
upp um glæpamennina.
„Didda er líka skemmtileg stelpa,“ segir Björg.
„Hún var dálítið lík mér á köflum,“ segir Arnar.
„Hún nennir ekki á námskeið á sumrin, les bara
bækur.“
–Ert þú líka þannig, Björg?
„Nei, ég er byrjuð að æfa frjálsar íþróttir,“ segir
Björg, og Arnari finnst líklegt að hún verði íþrótta-
kona þegar hún er orðin stór.
–Hafið þið líka rannsakað glæp?
„Nei, en ég hef njósnað um fólk með vinkonu
minni og það er gaman,“ segir Björg. „Ég myndi
ekki nenna því,“ segir Arnar sem vill bara lesa um
glæpi.
–Langar ykur að lesa aðra bók um Diddu?
„Já!,“ svara þau strax bæði í kór.
–Ætlið þið að fara á bíómyndina?
„Já!,“ segja þau aftur, og það er greinilegt að
Didda hefur heillað þessi systkini upp úr skónum.
Morgunblaðið/Þorkell
Lestrarhestarnir Björg og Arnar.
Mjög fyndin og spennandi
og dauði kötturinn
Krakkarýni: Bókin Didda


 Didda reynir og reynir að fá uppáhalds rithöfund-
inn sinn, hann Filiphus, til að árita bók fyrir sig. En
karlinn vill fyrst ekkert af henni vita. Hjálpið Diddu
að nálgast Filiphus eftir ótrúlegum krókaleiðum.
eins og Diddu einni er lagið.
Hjálpið Diddu
Orðaruglaþrugl
A Ú R A F Ó B
N R U R É G G
N A T A I A E
R R T E S L J
G N Ö G Ý E R
Æ B K R L A L
Hér á að finna nokkur orð sem fyrir koma í bók-
inni um Diddu og dauða köttinn. Ruglið er rugl-
aðra en venjulega, því þótt orðin séu færri, eru
þau flest afturbak, á hvolfi, út eða suður. Góða
skemmtun!
♦ bófar
♦ fé
♦ göng
♦ köttur
♦ lesa
♦ lýsi