Morgunblaðið - 29.01.2003, Blaðsíða 6
FRÉTTIR
6 MIÐVIKUDAGUR 29. JANÚAR 2003 MORGUNBLAÐIÐ
„NÁTTÚRUVERNDARSINNAR
hafa fullyrt að hægt sé að hætta
við allar framkvæmdir fyrir austan
og gera eitthvað annað. Ég er til í
að gera eitthvað annað hér,“ segir
Halldór Halldórsson, bæjarstjóri
Ísafjarðarbæjar, og vill nýta kraft-
inn sem býr í unnendum náttúr-
unnar til uppbyggingar á Vest-
fjörðum.
Hann segir Vestfirðinga ekki
hafa kallað eftir stóriðju, líkt og
aðrir landshlutar, og því eigi þeir
ákveðna samleið með fólki sem
vilji nýta náttúruna á annan hátt
en með virkjun fallvatna og stór-
iðju. Sjálfur vill hann virkja hug-
myndir þessa fólks og fá það til
samstarfs um nýtingu sóknarfæra
sem felast í aukinni ferðaþjónustu
í stórbrotinni náttúru. Á Vestfjörð-
um sé ekki eins mikil víðátta og
fyrir norðan Vatnajökul en mikið
hálendi sé þar að finna, djúpa firði,
elstu berglög landsins, fegurð
Hornstranda, fjölbreytt fuglalíf,
jökul, snarbrött björg, rauða
sanda og sögufræga staði.
Hann segir Vestfirði bjóða upp á
mörg tækifæri tengd náttúruvernd
og ferðaþjónustu. Í umrótinu und-
anfarna mánuði, vegna Kára-
hnjúkavirkjunar fyrir austan, hafi
andstæðingar virkjunarinnar lagt
áherslu á að nýta svæðið á annan
hátt.
Náttúran virkjuð
á annan hátt
Hann býður þeim, sem þannig
tala, til samstarfs við Vestfirðinga.
Þannig geti fólk sýnt fram á að
það hafi verið hægt að virkja nátt-
úruna með öðrum hætti en gert
var. „Hafi það verið hægt þarna er
það hægt hér og við erum tilbúin
að vinna að því.“
Halldór segir að frumfram-
leiðsla í sjávarútvegi hafi dregist
saman, m.a. vegna aukinnar tækni.
Færra fólk vinni verkin en áður. Á
móti kemur að menntun hefur
aukist, fjöldi fólks stundar fjarnám
og tæknifyrirtækjum fjölgar.
Hann segist velta því fyrir sér
hvert eigi að stefna í uppbyggingu
mannlífs á Vestfjörðum. Þar sé
jafnmikil þörf fyrir að fjölga störf-
um og fólki og annars staðar á
landsbyggðinni. „Á að halda áfram
að auka menntun fólks á svæðinu,
þróa ferðaþjónustu og tæknifyr-
irtæki?“ Hann svarar þessari
spurningu játandi en þá verði
Vestfirðingar að fá öflugt fólk og
meira fjármagn með sér því það
sem hingað til hefur verið gert
nægir ekki.
Hvert skal stefna?
Norðanverðir Vesfirðir skapa
grundvöll fyrir þessari uppbygg-
ingu að mati Halldórs. Þar búa
rúmlega 70% allra í landshlutan-
um. Hann bendir á að í Neskaup-
stað, á Eskifirði, Reyðarfirði, Eg-
ilsstöðum og nærsveitum búi um
5.118 manns. Ísafjörður, Bolung-
arvík og Súðavík eru hins vegar
með 5.344 íbúa. „Ég er ekki viss
um að fólk átti sig á því að Mið-
Austurland, sem mun njóta þess-
ara framkvæmda fyrst og fremst,
er fámennara en norðanverðir
Vestfirðir.“ Með jarðgöngum til-
heyri Flateyri og Suðureyri sama
atvinnusvæði.
Halldór veltir fyrir sér framtíð-
arsýn ef störfum fjölgar ekki og
skilyrði fyrir frekari uppbyggingu
samfélagsins eru ekki fyrir hendi.
Þá hljóti Vestfirðingar að telja
fullreynt að hrein náttúra, mat-
vælaframleiðsla og ferðaþjónusta
byggð á ósnortinni náttúru skapi
þessi skilyrði. Því þurfi að horfa til
annarra þátta samhliða eins og t.d.
stóriðju. Ef ekki verði neitt að-
hafst nú hvað ætli náttúruvernd-
arsinnar að gera þá? Ætla þeir þá
fyrst af stað þegar kallað verður
eftir einhverju sem veiti örugga
atvinnu og skapi skilyrði fyrir
áframhaldandi uppbyggingu? spyr
Halldór.
„Ég mundi gjarnan vilja að þeir
sem eru í forsvari fyrir náttúru-
verndarsamtök gengju í lið með
okkur eða bjóði upp á samstarf um
að þróa svona verkefni hér,“ segir
bæjarstjórinn.
Bæjarstjóri Ísafjarðar segir Vestfirðinga ekki hafa kallað eftir stóriðju líkt og aðrir
Vill virkja hugmynd-
ir náttúruunnenda
Mið-Austurland fámennara en norðanverðir Vestfirðir
VÍSINDAVEFUR Háskóla
Íslands er þriggja ára í dag.
Vefurinn var opnaður sem til-
raunaverkefni í tengslum við
menningaborgarárið 2000 og
opnaði forseti Íslands vefinn.
Vefurinn varð strax mjög vin-
sæll og fær á milli 5 og 800
heimsóknir á dag. Hann er
jafnan í 25.–30. sæti á lista yfir
mest heimsóttu vefina á Ís-
landi.
Á vísindavefnum má finna
spurningar og svör við öllu
milli himins og jarðar. Öllum
er frjálst að senda inn spurn-
ingar og fullyrðir vefurinn að
enginn hafi enn komið með þá
spurningu sem vefurinn getur
ekki svarað.
Á þriggja ára afmæli vefj-
arins verður þrjú þúsundasta
svarið birt.
Vísindavefurinn er í stöð-
ugri þróun og starfar nú með
sjónvarpsþáttunum Vísindi
fyrir alla sem sýndur er í Rík-
issjónvarpinu í umsjón Rögnu
Söru Jónsdóttur mannfræð-
ings og Ara Trausta Jónsson-
ar jarðeðlisfræðings. Þá mun
valið efni af vefnum koma út í
bókarformi í vor.
Vísindavefurinn
er í stöðugri þróun
Þróun vefjarins hefur verið
stöðug og nú er nýbúið að
setja af stað söguás ásamt
ýmsu fræðsluefni.
Þorsteinn Vilhjálmsson, pró-
fessor við Háskóla Íslands,
segir yngri kynslóðina duglega
að heimsækja vefinn. Unga
fólkið hefur spurt spurninga
eins og hvort Guð sé til, um
landið Katar, ættfræðiforrit,
ósonlagið og verðbréfavið-
skipti svo eitthvað sé nefnt.
Spyrjendur eru allt frá sex ára
til rúmlega áttræðs. Þorsteinn
segir vefinn leitast við að fá
alltaf bestu hugsanlegu aðila á
hverju sviði til að svara spurn-
ingunum sem sendar eru inn.
Markmiðið er að svörin séu
flestum skiljanleg en standist
samt sem áður vísindalegar
kröfur.
Þá má geta þess að á vefn-
um er að finna „föstudags-
svör“ sem eru á léttari nót-
unum og ber ekki að taka
bókstaflega.
Vísindavefurinn
þriggja ára
Svara öll-
um spurn-
ingum
VERJANDI Péturs Þórs Gunnars-
sonar, sem ákærður er í málverka-
fölsunarmálinu svokallaða, lagði í
gær fram ítarlega greinargerð til
stuðnings kröfu sinni um að málinu
verði vísað frá Héraðsdómi Reykja-
víkur. Er málatilbúnaður ákæru-
valdsins sagður brjóta gegn rétt-
látri málsmeðferð og framsetning
ákæru og gagna standist ekki laga-
skilyrði.
Saksóknari efnahagsbrotadeildar
ríkislögreglustjóra hafnaði kröfunni
og varð dómarinn við ósk hans um
að málflutningi yrði frestað til 7.
febrúar nk.
Verjandi Péturs er Sigríður Rut
Júlíusdóttir hdl. Í greinargerðinni
minnir hún á að Pétur Þór var sak-
felldur í Hæstarétti hinn 4. nóv-
ember 1999 fyrir að hafa blekkt
þrjá viðskiptavini Hótel Borgar til
að kaupa þrjú málverk með falsaðri
höfundarmerkingu Jóns Stefáns-
sonar. Hafði hann verið sakfelldur í
Héraðsdómi Reykjavíkur hinn 5.
mars sama ár, en ákæran var gefin
út 1. júlí 1998. Frávísunarkrafan
byggist m.a. á því að hin meintu
brot sem hann er ákærður fyrir nú,
hefðu flest sannarlega verið rann-
sökuð, eða hefði verið hægt að rann-
saka áður en Pétur Þór var ákærð-
ur árið 1998. Ekki sé heimilt að
ákæra hann nú fyrir þau brot, held-
ur hefði átt að ákæra hann fyrir
brotin meðan fyrra mál hans var til
rannsóknar eða fyrir dómstólum.
Spurt er hvort ákæruvaldið hafi
verið að prófa hversu langt það
kæmist í meðferð málsins gegn
ákærða fyrir dómstólum með því að
ákæra fyrst fyrir þær þrjár meintu
falsanir sem líklegastar væru til
sakfellis og þannig fá leiðbeiningar
frá dómstólum varðandi málið. Síð-
an hafi ætlunin verið að vísa í þann
sakfellisdóm þegar loksins yrði
ákært aftur í málinu. Slík málsmeð-
ferð gangi þvert gegn mannréttind-
um sakborninga og ákæruvaldið
verði að koma með sannfærandi út-
skýringu á þessari málsmeðferð.
Eyður í rannsókn
Þá þurfi ákæruvaldið að sanna að
rannsókn málsins hafi ekki dregist
úr hófi og að auki að réttlæta hvers
vegna ekki var ákært fyrir öll mál
sem voru til rannsóknar þegar
ákæran í fyrra málinu var birt. Í því
skyni dugi ekki að vísa til þess að
málið hafi verið sérstaklega flókið.
Vísað er til þess að rannsakendur
hafi í flestum tilvikum ekki beðið
um tæknilegar rannsóknir fyrr en í
ágúst 1999 og í febrúar 2000. Biðin
skuli metast ákæruvaldi í óhag enda
hvíli sú skylda á því að halda rann-
sókn sleitulaust áfram. Í þessari
rannsókn séu á hinn bóginn eyður. Í
fjórum tilvikum liggi ekki fyrir nið-
urstöður sérfræðinga vegna tækni-
legra sérfræðiskýrslna fyrr en tæp-
um tveimur árum eftir að beðið var
um þær. Ekki stoði heldur fyrir
ákæruvaldið að bera fyrir sig fjár-
skorti. Slíkum röksemdum hafi
Mannréttindadómstóll Evrópu
hafnað í dómum sínum.
Krafist frávísunar frá Héraðsdómi Reykjavíkur í málverkafölsunarmálinu
Verjandi segir ekki duga
að segja málið vera flókið
STARFSEMI Neyðarlínunnar var flutt í framtíðar-
húsnæði í Skógarhlíð 14 í Reykjavík í fyrrinótt þar sem
Björgunarmiðstöð Íslands verður til húsa. Neyðarlínan
flutti í 750 fermetra húsnæði í nýrri viðbyggingu í
Skógarhlíðinni en var áður í 250 fm húsnæði annars
staðar í húsinu.
Neyðarlínan deilir nýja húsnæðinu með Fjarskipta-
miðstöð lögreglu og Almannavörnum ríkisins og sömu-
leiðis kostnaði við flutningana sem er áætlaður 92 millj-
ónir króna. Gert er ráð fyrir að starfsmenn
Fjarskiptamiðstöðvar lögreglu verði búnir að koma sér
fyrir á morgun. Að sögn Þórhalls Ólafssonar, fram-
kvæmdastjóra Neyðarlínunnar, er um algera byltingu
að ræða fyrir starfsfólk Neyðarlínunnar hvað varðar
vinnuaðstöðu og skipulag starfseminnar. Þá hefur ver-
ið tekið í notkun nýtt tölvukerfi og endurbætt símkerfi.
Morgunblaðið/Þorkell
Nýtt tölvukerfi og endurbætt símkerfi var tekið í notkun hjá Neyðarlínunni um leið og hún flutti í nýja húsnæðið.
Neyðarlínan komin í framtíðarhúsnæði
SLIPPSTÖÐIN Á Akureyri mun
sjá um viðgerðir á hafrannsóknar-
skipinu Bjarna Sæmundssyni. Skrif-
uðu Hafrannsóknarstofnun og
Slippstöðin undir samning þess efn-
is á mánudag. Tilboð Slippstöðvarin-
ar hljóðaði upp á 145 milljónir
króna.
Tólf tilboð bárust í breytingarnar
á skipinu sem eru mjög umfangs-
miklar. Lægsta tilboðið var frá
pólsku skipasmíðastöðinni Skipapol
og hljóðaði það upp á rúmar 109
milljónir. Kostnaðaráætlunin var
upp á 122 milljónir króna. Sam-
kvæmt samningi við Slippstöðina
skal skipið vera komið til Akureyrar
á fimmtudaginn og verkinu skal
vera lokið 28. maí nk.
Skipta þarf um þrjár ljósavélar í
Bjarna Sæmundssyni, sem er orðinn
30 ára gamall. Þá verða ýmiss konar
aðrar lagfæringar og breytingar
gerðar á vistarverum skipverja og
brú skipsins. Skipt verður um vind-
ur og krana auk þess sem skipið
verður botnhreinsað og málað.
Skipið var smíðað í Þýskalandi
1970, var afhent í desember sama ár
og fór í sinn fyrsta rannsóknarleið-
angur í janúar 1971. Skipið er byggt
sem almennt rannsóknarskip og er
annað í röðinni af íslenskum skipum
sem eru með skuttogaralagi.
Tilboði
Slippstöðv-
ar var tekið