Morgunblaðið - 29.01.2003, Blaðsíða 56
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 29. JANÚAR 2003 VERÐ Í LAUSASÖLU 190 KR. MEÐ VSK.
ÍSLANDSBANKI tilkynnti í gær að hagnaður
ársins 2002 hefði numið 3,4 milljörðum króna,
sem er 9% aukning frá árinu 2001. Á sama tíma
tilkynnti bankaráð að það hefði fallist á ósk Vals
Valssonar, forstjóra Íslandsbanka, um að láta af
störfum 15. mars. Eftir breytinguna verður
Bjarni Ármannsson einn forstjóri en Björn
Björnsson hefur verið ráðinn í nýja stöðu að-
stoðarforstjóra.
Hagnaður Íslandsbanka fyrir skatta á síðasta
ári nam tæpum 4,2 milljörðum króna, sem er
13% meira en árið áður. Afkoman er í samræmi
við spár greiningardeilda annarra banka. Í til-
kynningu frá bankanum segir að í ljósi góðrar
arðsemi verði öllum starfsmönnum greiddur
98.400 króna kaupauki miðað
við fullt starf.
Um leið var tilkynnt um
skipulagsbreytingar innan
bankans. Stofnað verður nýtt
svið, Alþjóðasvið. „Markmið
þessara breytinga er að auka
slagkraft, skerpa sýn á ein-
staka þætti starfseminnar,
jafnt innanlands sem utan.
Mikill vöxtur hefur orðið í
starfsemi bankans á erlendum vettvangi og allt
bendir til að framhald verði þar á. Skipulag
bankans þarf að fylgja slíkum breytingum. Síst
af öllu má slík sókn þó bitna á innlendum við-
skiptamönnum bankans. Þessi skipulagsbreyt-
ing miðar því einnig að frekari sókn á innlendan
markað,“ segir í frétt bankans.
Valur Valsson segist vera sáttur við starfslok.
„Í næsta mánuði á ég 30 ára starfsafmæli í
bankanum. Þar af hef ég verið bankastjóri og
forstjóri síðustu 20 árin. Þetta er býsna langur
tími í mjög krefjandi starfi. Á þessum tímamót-
um finnst mér rétt að standa upp úr stólnum og
afhenda öðrum ábyrgðina,“ segir hann. Valur
segir að breytingar á bankamarkaði hafi verið
ævintýralegar á þessum 30 árum, úr haftastefnu
í frjáls viðskipti.
Valur Valsson hættir Starfsmönnum greiddur 98.400 króna kaupauki
Valur Valsson
Aukinn hagnaður hjá
Íslandsbanka á síðasta ári
Hagnaður/28
Á SÍÐUSTU
Toronto-
kvikmyndahá-
tíð vakti hryll-
ingsmyndin
Cabin Fever
eftir unga leik-
stjórann Eli
Roth mikla at-
hygli. Svo mikla að Lion’s Gate dreifingarfyrirtækið
tryggði sér réttinn fyrir 250 milljónir króna.
Þetta er fyrsta mynd Roth og kviknaði hugmyndin
að myndinni er hann bjó hér á Íslandi í upphafi tí-
unda áratugarins. Liggur kveikjan í sjaldgæfum
húðvírus sem lagðist á Roth eftir að hann komst í
snertingu við 20 ára gamalt hey.
Myndin, sem þykir marka viss straumhvörf í hryll-
ingsmyndagerð, verður frumsýnd í ágúst og ætlar
Roth þá að koma í sérstaka heimsókn til landsins.
Húðvírusinn/50
Íslenskt hey kveikja
að hrollvekju
JÖRÐIN séð frá himni, sýning á
loftmyndum eftir franska ljós-
myndarann Yann Arthus-
Bertrand, verður haldin á Lækj-
artorgi og í Austurstræti í sumar.
Um er að ræða 120 stórar myndir
sem settar verða upp á sérsmíð-
aða sýningarkassa.
Sýningin hefur vakið athygli
víða um heim og verið sett upp í
meira en fimmtíu borgum. Arth-
us-Bertrand flaug í meira en þrjú
þúsund klukkustundir í þyrlu yfir
hinum ýmsu löndum en undirbún-
ingur að sýningunni stóð í um
tólf ár.
Umboðsfyrirtæki ljósmynd-
arans annast sýninguna en
Reykjavíkurborg og nokkur ís-
lensk fyrirtæki styrkja hana.
Á sýningunni verða meðal ann-
ars myndir sem Arthus-Bertrand
tók yfir Íslandi en hann var hér á
ferð sumarið 1996. Ljósmyndari
Morgunblaðsins tók þá þessa
mynd af honum, þar sem hann
flaug í þyrlu yfir Þingvöllum og
nágrenni.
Loftmyndir á
Lækjartorgi
Morgunblaðið/Golli
Jörðin/22
Á FJÓRÐA hundrað manns mótmæltu á Austurvelli í gær þegar iðnaðarráðherra mælti fyrir
frumvarpi um álverksmiðju í Reyðarfirði. Fundurinn bar yfirskriftina: Útkall! Allir sem vettlingi
geta valdið. Á Austurvelli hafði hrúgu af vettlingum verið komið fyrir og tóku mótmælendur
vettling úr hrúgunni. Skipuleggjendur segja að þannig hafi mótmælendur viljað leggja áherslu á
að þetta væri neyðarútkall./12
Morgunblaðið/Golli
Hundruð mótmæltu við Alþingi
MIÐAÐ við fjölda bókana fyrirtækja í ferðaþjónustu
eru horfurnar í atvinnugreininni nokkuð góðar um
þessar mundir og nokkur bjartsýni ríkir fyrir komandi
sumar. Þó eru blikur á lofti vegna yfirvofandi styrj-
aldar í Írak og aðilar í ferðaþjónustu hafa áhyggjur af
gengishækkun íslensku krónunnar.
„Miðað við sama tíma í fyrra er bókunarstaða fyrir
árið 2003 nokkuð góð hjá flestum þeim fyrirtækjum
sem við höfum haft samband við,“ segir Erna Hauks-
dóttir, framkvæmdastjóri Samtaka ferðaþjónustunn-
ar, en nýverið könnuðu samtökin stöðu og horfur fyr-
irtækja í ferðaþjónustu. Erna segir að þó að bókanir
séu ekki ávísun á raunverulegar komur ferðamanna
gefi þær ákveðnar vísbendingar um það sem koma
skal. „Helstu áhyggjuefnin eru yfirvofandi styrjaldar-
átök sem hafa mikil áhrif á stöðu ferðaþjónustunnar í
heiminum og geta dregið enn frekar úr ferðalögum
ákveðinna þjóða, t.d. Bandaríkjamanna.“
Þá hafa margir áhyggjur af hækkandi gengi krón-
unnar. Hótelherbergjum í Reykjavík fjölgar um 20% á
þessu ári með tilkomu Plaza hótels í Aðalstræti sem
opnað verður í vor, 101 hótels á Hverfisgötu, Hótels
Baróns á Barónsstíg og breytingum á Hóteli Esju sem
verður Nordica hótel. Erna segir að ljóst sé að þessi
aukning kalli á gríðarmikla markaðssetningu til að fá
viðunandi nýtingu á gistirýminu.
Góðar horf-
ur í ferða-
þjónustu
Yfirvofandi styrjöld í Írak og
gengissveiflur áhyggjuefni
♦ ♦ ♦ ÍSLENSKIR knattspyrnumennvoru heldur betur í sviðsljósinu í
ensku úrvalsdeildinni í gærkvöld.
Þrír af þeim fjórum sem leika í deild-
inni voru á ferðinni með liðum sínum
og öllum tókst þeim að skora mark.
Jóhannes Karl Guðjónsson skor-
aði í sínum fyrsta leik með Aston
Villa, beint úr aukaspyrnu af 30
metra færi, og knattspyrnustjóri fé-
lagsins, Graham Taylor, sagði eftir
leikinn að hann væri strax farinn að
leggja drög að því að kaupa hann af
Real Betis á Spáni. Aston Villa er
með Jóhannes á leigu frá spænska
félaginu.
Eiður Smári Guðjohnsen gerði
eitt fallegasta mark deildarinnar í
vetur þegar hann skoraði fyrsta
mark Chelsea sem lagði Leeds að
velli, 3:2. Að auki átti hann drjúgan
þátt í sigurmarki liðsins.
Hinn 37 ára gamli Guðni Bergsson
skoraði sitt fyrsta mark á þessu
keppnistímabili fyrir Bolton í leik
gegn Everton.
Þrír skoruðu
í Englandi
Jóhannes skoraði /46
Eiður með /47
♦ ♦ ♦