Morgunblaðið - 29.01.2003, Blaðsíða 11

MORGUNBLAÐIÐ MIÐVIKUDAGUR 29. JANÚAR 2003 B 11
bílar
Þ
AÐ var ekki laust við að það
færi um undirritaðan þegar
hann var reyrður ofan í að-
stoðarökumannssætið í
Mitsubishi Pajero Evolution-bíl
Frakkans Stephane Peterhansels úti
í Sinai-eyðimörkinni. Keppni var lok-
ið í Dakar-rallinu, Peterhansel í
þriðja sæti og keppnislið Mitsubishi
bauð blaðamönnum að upplifa akst-
ur með bestu ökuþórunum. Við feng-
um keppnishjálma og klöngruðumst
upp í sætið sem er umgirt þykkum
stálbitum sem gegna hlutverki vel-
tivarnar. Búið var að fjarlægja
tækjabúnað aðstoðarökumannsins,
þ.e. stórt GPS-tæki og annað stjórn-
borð sem stýrir jafnt eldsneytisflæði
og afköstum túrbínu og aðstoðar-
ökumaðurinn sér líka um að minnka
loft í dekkjum eða auka það eftir at-
vikum með sjálfvirkum búnaði.
Okkur var bannað að taka nokkuð
með okkur inn í bílinn því lausir hlut-
ir eru eins og hættuleg vopn inni í
stjórnrými bílsins ef eitthvað fer úr-
skeiðis. Og ökuþórarnir ætluðu
greinilega að láta okkur finna til te-
vatnsins. Ég var múlbundinn niður í
fimm punkta belti sem var hert svo
að líkamanum að erfitt var að draga
andann djúpt.
Sem meitlaður úr steini
Mitt hlutverk var bara að vera
þægur og láta lítið fara fyrir mér
meðan Peterhansel sýndir listir sín-
ar. Það var auðsótt mál enda hefði ég
lítið getað tjáð mig á þessum augna-
blikum ævinnar vegna hreinnar eft-
irvæntingar. Peterhansel spurði mig
reyndar hvort ég væri mælandi á
franska tungu en mér fannst hyggi-
legast að neita því; vildi ekki reyna
að halda uppi bjöguðum samræðum
sem gætu fipað hann í akstrinum.
Öruggast að hann fengi algeran frið.
Næst spurði hann mig með augnr-
áðinu hvort ég væri tilbúinn. Ég
kinkaði kolli og þá þeyttist bíllinn af
stað. Búið var að gera um 5 km lang-
an slóða sem lá í hring um svæðið þar
sem við höfðum komið okkur fyrir.
Hestöflin 270 rifu áfram öll hjól
bílsins og það brakaði og brast í öllu,
enda ekki verið að þyngja keppnis-
bílana með neinum óþarfa eins og
pústkerfi eða hljóðeinangrun. Fyrri
hluti hringsins var á tiltölulega slétt-
um sandi og þá gafst mér tækifæri til
þess að virða þennan 38 ára gamla
Fransmann fyrir mér og aðfarir
hans. Andlitið var eins og meitlað úr
steini og augu hans viku ekki frá
slóðanum framundan. Hann skipti
sex gíra kassanum upp leiftursnöggt
og án þess að nota kúplinguna. Þetta
er eitthvað sem einungis færustu
ökuþórar ná tökum á því þeir þurfa
að finna á sér hvenær vélin er komin
á nákvæmlega réttan snúning til
þess að geta skipt upp án þess að
kúpla.
Peterhansel á að baki glæsilegan
feril í Dakar-rallinu og öðrum íþrótt-
um. 14 ára var hann Frakklands-
meistari í hjólabrettakúnstum en
hann tók þátt í fyrsta Dakar-rallinu
á vélhjóli árið 1988. Fyrsta sigrinum
á vélhjóli fagnaði hann 1990 í Túnis-
rallinu og ári seinna, aðeins 25 ára
gamall, sigraði hann í fyrsta sinn í
Dakar-rallinu. Hann stóð síðan uppi
sem sigurvegari næstu árin, þ.e.a.s.
1992, 1993, 1995, 1997 og 1998, alltaf
á Yamaha-hjóli.
Upp frá því ákvað hann að taka
þátt í rallkeppnum á bíl og vinna sig-
ur svo fljótt sem auðið væri. Fyrsta
sigrinum landaði hann í Túnis-rall-
inu í fyrra, tólf árum eftir fyrsta sig-
urinn á vélhjóli í sama ralli. Peter-
hansel segir að hann sé orðinn of
gamall til að keppa á vélhjóli í Dakar
en sé hins vegar með yngstu kepp-
endum á bíl. Gangi allt vel eigi hann
enn eftir a.m.k. 10 góð ár í Dakar-
rallinu.
Það var því æði sérstök tilfinning
að sitja við hlið þessa mikla íþrótta-
manns. Á fyrri hluta leiðarinnar náði
bíllinn strax um 170 km hraða en svo
tók við skörp hægri beygja þar sem
reyndi virkilega á grip bílsins. Pet-
erhansel var búinn að gíra niður og
botngaf bílnum um leið og hann var
farinn að skríða inn í beygjuna.
Risavaxið þvottabretti
Framundan var svo erfiðasti hluti
leiðarinnar, altént fyrir leikmanninn.
Slóðinn var eins og risavaxið þvotta-
bretti og bíllinn flaug í frjálsu flugi
og fleytti kerlingar á milli hólanna,
en „aðstoðarökumaðurinn“ gaf frá
sér hljóð eins og lítil skólastúlka,
jafnt af hræðslu en líka gleðiblöndn-
um spenningi, eins og þeir kannast
við sem hafa farið í rússíbana sem
bragð er að. Það var mögnuð tilfinn-
ing að finna bílinn takast á loft,
fljúga áfram en lenda síðan jafnt á
fjórum hjólum. Þarna skilst í einni
svipan mikilvægi þyngdardreifingar
bílsins sem er nánast jöfn á milli öxla
og þess vegna er lendingin svona ná-
kvæm. Fjöðrunarbúnaðurinn er síð-
an snilld út af fyrir sig því ég átti allt-
af von á þungu höggi þegar bíllinn
kæmi aftur til jarðar. Fjöðrunin er
geysilega slaglöng og dempaði högg-
ið algerlega strax í lendingunni
þannig að Peterhansel var strax með
fulla stjórn á bílnum. Eftir þvotta-
brettið leyfði Peterhansel sér að
glotta til mín og ég endurgalt honum
glottið með breiðu brosi. „C’est ab-
solument formidable“, náði ég að
stynja út úr mér þegar við námum
staðar. Ég hefði viljað fara í miklu
lengri ferð með Peterhansel og var
jafnvel farinn að láta mig dreyma um
eitthvað jafn óraunhæft og þátttöku í
heilu Dakar-ralli. Þótt ég hafi borið
mig vel eftir þessa 5 km er óvíst
hvernig 8.552 km á 19 dögum, við
mun erfiðari aðstæður á köflum,
hefðu farið í mig.
Í flugakstri með
Peterhansel
Stephane Peterhansel lenti í þriðja sæti í Dakar-rallinu sem lauk
sl. sunnudag. Hann bauð Guðjóni Guðmundssyni með sér í 5
km flugakstur í Sinai-eyðimörkinni að keppni lokinni.
Morgunblaðið/Guðjón Guðmundsson
Stephane Peterhansel umkringdur fjölmiðlafólki.
Greinarhöfundur og Stephane Peterhansel skömmu fyrir flugaksturinn.
MITSUBISHI Pajero Evolution var
sýndur á bílasýningunni í París 2002.
Frumgerð bílsins var prófuð í Mar-
okkó sl. sumar og tveir bílar voru
skráðir í Marlboro UAE í nóvember og
ók Stephane Peterhansel öðrum
þeirra til sigurs í keppninni. Bíllinn er
mikið frábrugðinn klassískum Pajero.
Hann er t.a.m. 113 mm lengri, 39 mm
breiðari og hjólhafið er 180 mm
lengra. Einnig er sporvíddin bæði að
framan og aftan 22 mm meiri. Vélin
er sömuleiðis 100 mm lægra en í
hefðbundnum Pajero og 300 mm aft-
ar. Þetta eykur jafnt þyngdardreif-
inguna og færir þyngdarpunktinn
neðar.
Lengd: 4.223 mm.
Breidd: 1.994 mm.
Hjólhaf: 2.725 mm.
Sporvídd að framan: 1.722 mm.
Sporvídd að aftan: 1.722 mm.
Vél: 6G74, sex strokka, 24
ventla,
tveir yfirliggjandi knastásar,
rafeindastýrð fjölinnsprautun.
Strokkþvermál: 93,0 mm.
Slagrými: 3.497 rúmsentimetrar.
Afl: 270 hestöfl við 6.000
snúninga á mínútu.
Gírskipting: Sex gíra, handskiptur.
Framfjöðrun: Sjálfstæð,
tvöfaldir klofar.
Afturfjöðrun: Sjálfstæð,
tvöfaldir klofar.
Stýri: Tannstangarstýri með
hjálparátaki.
Hemlar: Kældir diskar, sex
dælur í bremsuklemmur.
Dekk: BF Goodrich.
Eldsneytistankur: 500 lítrar.
Hámarkshraði: 190 km/klst.
Pajero Evolution
Toyota Landcruiser 100
VX 4,2 turbo dísel, ný-
skráður 10/98, ekinn 126
þús, vínrauður, sjálfsk, 35"
breyting, leður, lúga, tölvu-
fjöðrun, krómgrind, kastar-
ar, krókur, filmur. Verð
4,750 þús.
Toyota Landcruiser 90 VX
turbo dísel, nýskráður
03/00 ekinn 80 þús, vín-
rauður, sjálfskiptur, 33"
breyting, krómgrind, spoil-
er, varadekkshlíf, krókur.
Verð 3,100 þús.
Toyota Landcruiser 90 GX
turbo dísel, nýskráður
04/97, ekinn 120 þús,
sjálfsk, vínrauður, 33"
breyting, krókur, 8 manna,
varadekkshlíf. Verð 2,050
þús.
Toyota Landcruiser 90 LX
common rail, nýskráður
02/01, ekinn 40 þús, silfur-
grár, 5 gíra, 38" breyting,
kastaragrind, krókur, viður í
mælaborði, kassi aftan á
filmur, toppgrind. Verð
4,190 þús.
Toyota Landcruiser GX
common rail, nýskráður
01/02 ekinn 25 þús, silfur-
grár, sjálfskiptur, 33" 16"
breyting, krókur, vara-
dekkshlíf, Verð 3,890 þús.
Toyota Landcruiser 90 GX
turbo dísel, nýskráður
01/00, ekinn 102 þús,
svartur, sjálfskiptur, 33",
16" breyting, krómfelgur,
krómpakki, varadekkshlíf,
krókur, spoiler. Verð 3,100
þús.
Nýr Toyota Landcruiser
90 VX common rail, ný-
skráður 01/03 ekinn 0,
sjálfskiptur, leður, blár.
Verð 4,390 þús.
Toyota Landcruiser 90 GX
common rail, nýskráður
09/02, ekinn 2 þús, sjálf-
skiptur, vínrauður, 35"
breyting, krókur, spoiler,
varadekkshlíf. Verð 4,690
þús.
Toyota Landcruiser 90 VX
turbo dísel, árg 2000,
(nýskráður 12/99), ekinn
90 þús, sjálfskiptur, leður,
krókur. Verð 2890 þús.
Toyota Land-cruiser 90
GX turbo dísel, nýskráður
01/99, ekinn 114 þús, hvít-
ur, 5 gíra, 35" breyting,
krómgrind, kastarar, topp-
grind, krókur. Verð 2,690
þús.
Toyota Land-cruiser 90
VX turbo dísel, árg 98,
(nýskráður 11/97) ekinn
130 þús, dökkblár, sjálf-
skiptur, krókur. Verð 2,290
þús.
Toyota Landruiser 90 LX
common rail, nýskráður
06/01, ekinn 55 þús, dökk-
blár, 5 gíra. Verð 2,840
þús.
Mazda 626 GLXI 2000 ssk
Árg 1999, ekinn 103 þ. km.
Verð kr. 1.190,000
Land Rover Freelander V6,
árg. 2001 Ssk. Ekinn 20 þ. km. Áhv. 1.700,000.
TILBOÐ kr 2,600,000,-stgr.
Bílasalan er staðsett
í Vatnagörðum 38 (gengt IKEA)
S. 517 0000
netfang: planid@planid.is
MMC Pajero Sport árg 2000,
ekinn 75 þ km. Áhvílandi kr. 1,700,000.
Verð kr. 2,690,000
Renault Megané Scénic
árg. 2000 Ekinn 70 þ. km.
Verð kr. 1.280,000
Subaru Impreza LX WAGON 4WD
árg. 2000 Ekinn 43 þ. km.
Verð kr. 1.190,000
Opel Astra GL CARAVAN
árg. 2003 NÝR BÍLL.
Verð kr. 1.850,000
Nissan Terrano II Luxury,
árg. 2000 ssk Ekinn 40 þ. km. 35” breyttur.
Verð kr. 3.300,000
Toyota double cab dísel,
árg. 1993 Ekinn 206 þ. km. Mikið breyttur.
Verð kr. 1.180,000
M.B. Atego, árg. 1999
Ekinn 100 þ. km.
Verð kr. 3.900,000 + vsk.
VW Passat, árg 1998
Ekinn 79 þ. km. Áhvílandi kr. 700.000
Verð kr. 1.080,000
VAKTAÐ OG AFGIRT ÚTIPLAN