Morgunblaðið - 29.01.2003, Blaðsíða 12
12 B MIÐVIKUDAGUR 29. JANÚAR 2003 MORGUNBLAÐIÐ
bílar
Á
FYRSTA ársfjórðungi þessa
árs bætist Touran í hóp
nýrra bifreiða frá Volkswag-
en. Þessi fjölnotabifreið var
sýnd almenningi í fyrsta sinn í Wolfs-
burg í síðustu viku. Bíllinn er hlaðinn
öryggis- og þægindabúnaði, þar á
meðal sex öryggisloftpúðum, virkum
öryggishöfuðpúðum á framsætum,
ESP stöðugleikabúnaði, hemlahjálp
og útvarpi með geislaspilara.
Framleiðslan, sem á sér stað í nýj-
um verksmiðjum í Wolfsburg, er
einnig háþróuð. „Auto 5000 GmbH“,
eins og þessi nýja verksmiðja nefnist,
hefur skapað 3.500 ný störf. Nýjir
starfsmenn hafa hlotið sérstaka þjálf-
un og eru þátttakendur í framleiðslu,
sölu, markaðsmálum, flutningum og
gæðastjórnun.
Touran kemur á markað með FSI-
bensínvél og tveimur TDI-dísilvélum,
þ.e. 1,6 lítra, 115 hestafla FSI-vél, 1,9
lítra TDI, 100 hestafla og 2,0 lítra, 136
hestafla TDI Trendline. Tveggja lítra
turbódísilvélin er ný hönnun, með
fjórum ventlum á hverjum strokki.
Allar þessar vélar mæta EU 4 stöðl-
um varðandi útblástur og njóta því af-
sláttar af gjöldum á heimamarkaði í
Þýskalandi.
Sex gíra kassar
FSI og TDI-gerðirnar eru með sex
gíra gírkössum. Síðar munu TDI-
gerðirnar verða fáanlegar með nýjum
gírkassa, sem er með svonefndri
DSG-beinni skiptingu, (direct shift
gearbox), sem einnig er með sex gíra
áfram. Þessi nýi gírkassi sameinar
kosti hefðbundinnar sjálfskiptingar
og snöggrar gírskiptingar og spar-
neytni venjulegs handskipts gírkassa.
FSI-vélina er einnig hægt að fá með
nýrri sex þrepa sjálfskiptingu. Fyrir
utan blæjugerð nýju Bjöllunnar, er
Touran eina bifreiðin í heiminum í
dag sem er búin þverstæðri sex þrepa
sjálfskiptingu.
Yfirbygging, innanrými, hjólabún-
aður og margir hlutar drifrásarinnar
eru ný hönnun ætluð fyrir Touran,
sem er í boði með fimm eða sem auka-
búnað, sjö sæti. Meðal þeirra atriða
sem vekja mesta athygli í í Touran er
nýting innanrýmis og mikið pláss sem
er til staðar. Þar er að finna 39 mis-
munandi hillur, vasa og geymsluhólf.
Bíllinn er með McPherson gorma-
fjöðrun að framan og nýrri fjögurra
liða fjöðrun að aftan. Í fyrsta sinn hjá
Volkswagen í þessum stærðarflokki
er Touran með rafknúið vökvastýri. Í
samanburði við hefðbundin vökva-
stýri notar þessi búnaður minni orku
og eykur þar með sparneytni, hjálp-
araflið fer eftir aksturshraða og hægt
er að láta búnaðinn mæta betur eig-
inleikum þeirra bifreiðar sem hann er
í.
Yfirbygging Touran er soðin sam-
an með leysisuðu og er því stíf. Ör-
yggisloftpúðar eru að framan og til
hliðar, ásamt höfuðöryggispúðum og
virkum öryggishöfuðpúðum á báðum
framsætum. Þriggja festu öryggis-
belti eru staðalbúnaður við öll sjö sæt-
in. Diskahemlar eru á öllum hjólum,
(með kældum diskum að framan).
ESP, (stöðugleikastýring), með
hemlahjálp og ABS-hemlalæsivörn
eru staðalbúnaður sem tryggir mikið
virkt öryggi.
Hægt er að bæta við þriðju sæta-
röðinni sem aukabúnað í Touran.
Sætin tvö í þriðju sætaröðinni eru
þægileg fyrir fullorðna farþega, og á
auðveldan hátt er hægt að fella sætin
niður í gólfið þegar þau eru ekki í
notkun. Hægt er að haga farmrýminu
eftir því hve mörg sæti eru í notkun: Í
hefðbundinni fimm sæta uppröðun er
pláss fyrir 695 lítra af farangri, en
þessi tala hækkar í 1.989 lítra þegar
aftursætin eru tekin í burtu. Heildar-
burðargetan er meira en 660 kíló.
Hekla kynnir nýjan Touran í vor hér
á landi en verð liggur ekki fyrir enn.
VW Touran verður kynntur hérlendis í vor. Touran verður fáanlegur með 2,0 lítra, 136 hestafla dísilvél og með sex gíra handskiptum kassa.
Hægt er að bæta við þriðju sætaröðinni sem aukabúnaði í Touran.
VW Touran
kynntur í vor
Sími 554 0040 - Fax 554 6144
Kársnesbraut 100 v/Vesturvör
Netfang: bilklaedi@mmedia
BIFREIÐASMÍÐI
KLÆÐNINGAR
BREYTINGAR
Tjónaskoðun
Alternatorar – Startarar
í allflesta fólksbíla, vörubíla, vinnuvélar,
bátavélar á lager og hraðpantanir.
Trumatic gasmiðstöðvar
í bíla, báta o.fl.
Bílaraf Auðbrekku 20, s. 564 0400, f. 564 0404, n.bilaraf@isl.is
umboðið umboðið
Pústþjónusta BJB ehf.
Flatahraun 7 - 220 HAFNARFIRÐI - Sími 565 1090
Sala, smíði og ísetning á pústkerfum