Morgunblaðið - 29.01.2003, Blaðsíða 13

MORGUNBLAÐIÐ MIÐVIKUDAGUR 29. JANÚAR 2003 B 13
bílar
Þ
að speglast í eign minni að ég er dellu-
karl á bílasviðinu, og reyndar fyrir ým-
iss konar ökutækjum. Ég er bæði með
fólksbíl og jeppa og svarið mótast af
umhverfinu og því sem maður er að gera. Það er
ekki hægt að eiga alla bíla á Íslandi til einhvers
gagns. Mig langar vissulega í ýmsa sportbíla, og
hefur alltaf gert, og Ferrari er ofarlega í huga
mínum án þess að ætli að nefna eina týpu,“ segir
Halldór Jónsson, framkvæmdastjóri Fjórðungs-
sjúkrahússins á Akureyri og fyrrverandi bæj-
arstjóri í höfuðstað Norðurlands.
„Ferrari er bíltegund sem ég gæti að minnsta
kosti alveg hugsað mér að njóta um sinn. En það
er auðvitað fjarlægur draumur að eignast slíkan
bíl, bæði vegna aðstæðna hér heima og pen-
ingalega.“
Halldór segir praktískara að haga bílaeign
sinni eins og hann gerir. „Að eiga eitthvað sem
not er fyrir; til dæmis að breyta venjulegum
jeppa. Ég er með mjög breyttan Patrol jeppa,
einn með flestu, og hann dugar mér og mínum
ágætlega. Ég nota hann mikið til þess að
ferðast, hvenær sem er ársins.“
Halldór hrífst einnig af fólksbílum og keppti
m.a. í ralli á sínum tíma. Sigraði reyndar í fyrstu
rallkeppni sem haldin var á Íslandi ásamt Úlfari
Haukssyni, sem nú er framkvæmdastjóri Kaffi-
brennslu Akureyrar og formaður Rauða kross
Íslands. Áhugi Halldórs á fólksbílum hefur auk-
ist aftur í seinni tíð og hann á nú Subaru Imp-
reza Turbo, mikið breyttan bíl, sem sonur hans
hefur ekið í kvartmílukeppni.
„Drengurinn keyrir og sá gamli er með, það
þarf einhvern stjóra! Ég reyni að gera honum
þetta kleift og nýt þess að vera með honum í
þessu. Gamlir félagar hafa verið að bera það upp
á mig að ég þori ekki að keyra sjálfur, en ég segi
á móti að það sé gott ef feðgar finna sér eitthvað
til þess að vera í saman.“
Hann segist fá mikið fyrir tiltölulega lítinn
pening þegar Subaruinn er annars vegar. „Við-
bragðið er öðrum hvorum megin við 5 sekúnd-
urnar í 100 kílómetra og hámarkshraði er 240
km.“ Enda var Halldór að endurnýja kvartmílu-
bílinn; fékk sér annan, nýrri, sömu tegundar.
Halldór hefur líka lengi verið í vélsleðamennsku
og ferðast talsvert um landið þannig. Hann
kveðst hafa mikinn áhuga á þessu öllu og sér
dugi yfirleitt ekki að tækin séu hefðbundin. Seg-
ist reyna að laga þau til, í því skyni að hafa meira
gagn og ánægju af. „Það er stundum erfitt að
vera dellukarl því þá þarf maður að ganga svo
langt. Þetta er eitt af því sem á sér engin endi-
mörk!“
„Ég hef stundum sagt í gríni, þegar menn tala
um kostnaðinn, að þetta sé mitt tóbak og mitt
brennivín.“ Halldór notar hvorugt og segir því
auðvelt að sannfæra sjálfan sig um að hann hafi
af einhverju að taka sem sparast hafi við það.
En skyldi það vera gamall draumur að fá að
njóta Ferrari bíls?
„Já, ég hef lengi fylgst með Formúlu 1 og ralli
og reyndar öllum bílaíþróttum. Ég var mikill
Fiat-áhugamaður á árum áður og átti Fiat.
Ferrari er tengdur honum og hefur aldrei vikið
frá mér; mér hefur alltaf fundist bæði fyrirtækið
og bílarnir magnaðir. Þeir hafa ákveðna sér-
stöðu, ásamt fleirum reyndar.“
Halldór segir að af þeim bílum sem fluttir séu
til Íslands finnist honum rétt að nefna Porsche.
„Þeir hafa líka mikla sérstöðu. Ég er hrifinn af
bílum með drifi á öllum hjólum og Porsche býð-
ur upp á það. Það hentar vel hér og gefur magn-
aða aksturseiginleika.“
Bætir svo við að vitaskuld sé betra að vera
með slík ökutæki í öðru umhverfi en á Íslandi.
„Það er leiðinlegt að keyra svoleiðis bíla á innan
við 100 kílómetra hraða. Hér heima duga manni
tveir gírar, líklega bara einn og hálfur!“
Morgunblaðið/Skapti Hallgrímsson
Halldór Jónsson, bílaáhugamaður á Akureyri, við jeppann sinn – breyttan Nissan Patrol.
Gæti hugsað
mér að njóta
Ferrari um sinn
Draumabíllinn
skapti@mbl.is
Nýbýlavegi 10 og 32 • Kópavogi • S: 554 2510 - 554 2590
Tjónaviðgerðir
á öllum
tegundum bíla
TOYOTA
ÞJÓNUSTA
Bílaleigan Berg ehf.
Bíldshöfða 10, 110 Reykjavík
Sími: 577-6050
Fax: 567-9195
Netf: berg@carrental-berg.com
www. carrental-berg.com
Frábær tilboð á mánaðarleigu,
hafðu samband og kynntu þér málið
Öryggi alla leið !
Alltaf sama kennitalan
Gallerý Bón
Grensásvegi 11 (Skeifumegin) sími 577 5000
Alþrif • innanþrif • hraðþvottur • teflon
mössun og djúphreinsun
Tökum breytta bíla allt að 44“
Allt handunnið