Morgunblaðið - 29.01.2003, Blaðsíða 19
MORGUNBLAÐIÐ MIÐVIKUDAGUR 29. JANÚAR 2003 B 19
bílar
ÞAÐ er ekki á hverjum degi sem
nýtt bílamerki fæðist. Í júní verður
hins vegar kynnt ný bílgerð í
Bandaríkjunum að nafni Scion.
Öfugt við til dæmis Volkswagen,
sem víkkar út starfsemina með því
að kaupa upp aðra bílaframleið-
endur, fer Toyota þá leið að stofna
ný merki. 1989 stofnaði Toyota
Lexus sem er núna lúxusbílaarmur
fyrirtækisins. Nú er röðin komin
að Scion sem á að opna dyr fyrir
þeim sem eru að kaupa bíl í fyrsta
sinn.
Tvær gerðir verða á boðstólum
xA og xB. xA er meira hefðbund-
inn í útliti af þessum tveimur bíl-
um. Í útliti minnir hann á blöndu
af Corolla og PT Cruiser. Hann er
aðeins 3,91 m á lengd og þar með
um 90 cm styttri en Corolla.
xB er án efa róttækari í útliti.
Hann er kassalaga og nánast rétt-
hyrndur og í samanburði virðist
Suzuki Wagon R vera ákaflega
straumlínulagaður. xB er líka lítill
bíll, 3,94 m á lengd. Hæðin er hins
vegar 1,64 m og bíllinn því hærri
en flestir fólksbílar. Athygli vekur
að hjólin eru höfð á ystu brúnum
jafnt að framan og aftan til að
auka nýtanlegt innanrými.
Fjórhjóladrifnir
Báðir eru Scion-bílarnir fjór-
hjóladrifnir og aðeins ein vél verð-
ur í boði, þ.e. 1,5 lítra bensínvél, 16
ventla og með breytilegum ventla-
opnunartíma. Hún skilar 108 hest-
öflum við 6.000 snúninga á mínútu.
Þetta er því sama vél og í Toyota
Yaris T-Sport. Hægt verður að
velja um fimm gíra handskiptan
gírkassa eða fjögurra þrepa sjálf-
skiptingu.
Scion xA og xB koma á mark-
aðinn í júní, en eingöngu í Kali-
forníu. Í febrúar 2004 verður bíl-
arnir einnig til sölu á austurströnd
Bandaríkjanna og verða þeir síðan
markaðssettir um öll Bandaríkin á
vormánuðum 2004. Scion er fyrst
og fremst framleiddur fyrir
Bandaríkjamarkað og engin áform
eru uppi um markaðssetningu í
Evrópu. Sú var reyndar einnig
raunin með Lexus á sínum tíma en
eins og kunnugt er hefur hann nú
verið á boðstólum í Evrópu í mörg
misseri.
Mikið nýtanlegt innanrými er í xB.
Scion xB er kassalaga og hár. Scion xA líkist Corolla og PT Cruiser.
Scion – ný bílgerð fæðist
Chrysler á uppleið
CHRYSLER sýnir á ný hagnað eftir
nokkura ára taprekstur, upplýsir
stjórinn Dieter Zetsche, sem segir að
1,7 milljón Chrysler-bílar muni selj-
ast í Bandaríkjunum eftir tvö ár. Á
síðasta ári seldi Chrysler 1,2 milljónir
bíla í Bandaríkjunum. Einnig er stefnt
að aukinni sölu Chrysler í Evrópu.
Tvinnbílar GM
General Motors hefur uppi áform um
að selja allt að eina milljón tvinnbíla
árlega frá og með 2007, allt frá
minni fólksbílum og upp í sendibíla,
jeppa og pallbíla. Tvinnbílar eru með
litlum brunahreyfli og rafmótor og
segir GM að slíkir bílar séu millistig
áður en vetnisbílar koma á mark-
aðinn upp úr 2010.
Aston Martin byggir
Aston Martin, sem er í eigu Ford, er
að byggja nýja verksmiðju í Englandi
þar sem m.a. á að framleiða V8 Vant-
age. Aðeins 42 Aston Martin seldust
árið 1994 þegar Ford keypti fyr-
irtækið. Á síðasta ári seldust hins
vegar 1.500 bílar og markmiðið er að
það seljist minnst 5.000 bílar á ári.
Bosch þróar nýtt ESP-kerfi
Bosch hefur þróað nýtt ESP-kerfi,
stöðugleikastýringu, sem er áttunda
kynslóð þessa tæknibúnaðar. Nýja
kerfið er 30% léttara en fyrri gerðir
og vegur aðeins 2,2 kg. Kerfið getur
auk þess betur en áður leiðrétt of
mikla undirstýringu.
Nissan Titan
Nissan ráðgerir að selja 100.000 Tit-
an-pallbíla á ári en framleiðsla hefst
á bílnum næsta haust í nýrri verk-
smiðju Nissan í Canton í Mississippi.
Bíllinn er með 5,6 lítra V8 vél sem
skilar 300 hestöflum. Bíllinn er of
stór fyrir Evrópumarkað.
Stutt og laggott