Morgunblaðið - 30.01.2003, Blaðsíða 5

HM Í PORTÚGAL
MORGUNBLAÐIÐ FIMMTUDAGUR 30. JANÚAR 2003 B 5
Morgunblaðið /RAX
n tíma og hélt liði sínu á floti með mörkum í öllum regnbogans litum og
m sínum. Dagur og samherjar mæta Spánverjum í kvöld í Caminha.
„EF liðið hættir að skjóta á markið er ekki nema von að
við töpum í slíkum leik,“ sagði Niko Markovic, þjálfari
Pólverja, við Morgunblaðið eftir leikinn. Markovic var
ekki ánægður með sitt lið og sagði það hafa skort kjark
til þess að láta kné fylgja kviði í upphafi síðari hálf-
leiks.
„Markvörður íslenska liðsins (Roland Eradze) fór að
verja langskotin og við misstum sjálfstraustið. Í kjöl-
farið fengum við á okkur hraðaupphlaup, sem við viss-
um að væri sterkasta hlið íslenska liðsins.“
Aðspurður um möguleika íslenska liðsins í keppninni
sagði Markovic: „Íslensku leikmennirnir geta gert það
sem þeir vilja í keppninni, ef þá langar alla leið hafa
þeir getu til þess. Áframhaldið snýst aðeins um hug-
arfar, ekki getu,“ sagði Markovic.
„Við misstum
sjálfstraustið“
vinnum Spánverja á morgun [í
] getum við fagnað áfanga sem
höfum aldrei náð áður,“ sagði
rekur.
ni hálfleik
ýna
r býr
 

 
 




 







 !
"!#$$$
"!
%
&%'
(

)



  


 
Ég hef nú aðallega verið með hug-ann við fjölskyldu mína undan-
farnar vikur, enda er hún í Japan,“
sagði Dagur er hann
var inntur eftir því
hvað hann hefði ver-
ið með hugann við á
undanförnum vikum.
„Auðvitað hef ég líka verið að spá í
það hvernig ég gæti komið að ein-
hverjum notum fyrir íslenska liðið í
þessari keppni,“ bætti hann við en
undanfarnar vikur hefur Dagur átt
við meiðsli að stríða vegna tognunar.
„Ég skoraði mikið af mörkum gegn
Pólverjum, aðrir léku vörnina af
krafti í síðari hálfleik og síðan varði
Roland Eradze einnig vel. Þannig
lögðum við allir eitthvað í „púkkið“
og ég er afar ánægður með leikinn.“
Dagur bætti því við að hann hefði
átt erfitt uppdráttar að undanförnu
en að sama skapi hefði hann fengið
góðan stuðning frá þjálfara liðsins
sem og leikmönnum. „Ég hef fengið
mikið traust frá öllum aðilum þrátt
fyrir að ég hafi ekki verið alveg heill.
Meiðslin voru þess háttar að ekki
var hægt að taka neina áhættu. Ég
er afar ánægður með að hafa lagt
eitthvað af mörkum til liðsins í þess-
um leik.“
Dagur var sammála því að ís-
lenska liðið hefði mætt „flatt“ til
leiks. „Við vorum eins og gamall
bjór í fyrri hálfleik. Biðin eftir leikn-
um var eitthvað sem við náðum ekki
að höndla. Þriggja daga frí og satt
best að segja er lítið hægt að gera
hér í Caminha til þess að drepa tím-
ann. Menn hafa því verið inná hóteli
og spennan hefur verið of mikil hjá
okkur í upphafi leiksins en það lag-
aðist þegar á leið. Það var skrítið að
ganga inní salinn þegar leikurinn
var að hefjast. Húsið var hálftómt í
leik sem við töldum vera einn af okk-
ar mikilvægustu leikjum til þessa.
Núna er þetta afstaðið og það má
segja að við séum búnir að leika þrjá
alvöruleiki til þessa. En ég get lofað
því að það þarf ekkert að kveikja í
okkur fyrir leikinn gegn Spánverj-
um. Þá vita allir hvað verður í húfi,
frá fyrstu mínútu til þeirrar síð-
ustu,“ sagði fyrirliðinn Dagur Sig-
urðsson.
Morgunblaðið /RAX
Roland Valur Eradze varði mjög vel þegar hann kom inná og má segja að hann hafi lagt grunninn
að sigri Íslands með glæsilegri markvörslu er Pólverjar höfðu náð fjögurra marka forskoti, 19:15.
Eftir
Sigurð Elvar
Þórólfsson
í Caminha
Dagur Sigurðsson fyrirliði fór á kostum gegn Pólverjum
Hef fengið
mikið traust
EINBEITTUR á svip fór fyrirliði íslenska landsliðsins úr upphit-
unargallanum áður en flautað var til leiks Íslendinga og Pólverja í
milliriðli HM í Caminha í gær. Dagur Sigurðsson hafði fram að þess-
um leik verið lítið áberandi í fyrri leikjum liðsins, verið á vara-
mannabekknum að mestu og ekki fundið taktinn í þessu móti.
Sjálfstraustið var samt sem áður enn til staðar hjá Degi sem fór fyr-
ir sínu liði líkt og sannur fyrirliði gegn Pólverjum og skoraði alls níu
mörk í leiknum, þar af átta úr langskotum.
ÁN síns besta leikmanns, Talant Dujshabaev, rúlluðu
Spánverjar yfir Katar og sigruðu með 25 marka mun,
40:15. Þjálfari Spánverja ákvað að hvíla Dujshabaev
fyrir átökin á móti Íslendingum í kvöld en þessi frábæri
leikstjórnandi átti við lítils háttar meiðsli að stríða og
því var engin áhætta tekin með að láta hann spila. Það
verður hann sem mun draga vagn Spánverja gegn Ís-
landi í Caminha kl. 20.30.
Spánverjarnir skiptu mörkum bróðurlega á milli sín
en tíu leikmenn liðsins komust á blað. Enric Masip,
Juan Garcia og Iker Romeru skoruðu 6 mörk hver og
þeir Antonio Ortega og O’Callaghan skoruðu 5 hver. Í
liði Katar var Othman atkvæðamestur og var sá eini
sem virkilega dró á mark Spánverjanna en hann skor-
aði 6 mörk.
25 marka sigur
Spánverja
RÓBERT Sighvatsson, línumaður íslenska
liðsins, átti fína innkomu í gær gegn Pól-
verjum þar sem Sigfús Sigurðsson náði
sér ekki á strik í sóknarleiknum. Það hef-
ur vakið athygli hve yfirvegaður Róbert
er í færum sínum hér í Portúgal og oftar
en ekki skýtur hann afar laust á markið en
af mikilli nákvæmni, í stað þess að loka
augunum, bíta í tunguna og þruma á
markið. „Þetta er afar einföld aðferð við
að skjóta á markið. Ef markvörðurinn
fylgir eftir hreyfingum mínum er ekkert
annað að gera en að setja knöttinn þar
sem hann er ekki. Þessi aðferð hefur
klikkað einu sinni til þessa og það gegn
Katar þar sem ég skaut framhjá,“ sagði
Róbert í léttum tón. Wetzlar-leikmaðurinn
sagði leikinn hafa verið erfiðan og harð-
an.
„Dómararnir leyfðu mikla hörku í
leiknum og við klúðruðum fínum færum af
þeim sökum. Þeir dæmdu nánast ekki
neitt en það kom hvorki niður á okkur né
Pólverjum. Undir lok leiksins fóru hlut-
irnir loks að ganga upp. Patrekur skoraði
úr hraðaupphlaupum og Roland Eradze
varði vel í markinu. Þegar sá gállinn er á
okkar liði eigum við að geta unnið lið eins
og það pólska sem við mættum að þessu
sinni. Við vorum flatir í upphafi leiksins.
Umgjörð leiksins var ekki uppörvandi, fá-
ir áhorfendur mættir og ég held að menn
hafi ekki verið á tánum í upphafi leiks. En
það lagaðist þegar á leið,“ sagði Róbert.
Einföld
aðferð