Morgunblaðið - 30.01.2003, Blaðsíða 8
ENSKIR blaðamenn gripu til hástemmdra
lýsingarorða í gær þegar þeir fjölluðu um
mark Eiðs Smára Guðjohnsens fyrir
Chelsea í úrvalsdeildinni í knattspyrnu.
Eiður skoraði að margra mati eitt falleg-
asta markið á tímabilinu og þess má geta
að í skoðanakönnun á heimasíðu Chelsea í
gær var mark Eiðs með 91 prósent at-
kvæða í kjöri á fallegasta marki liðsins í
vetur.
Hér koma sýnishorn úr ensku blöðunum í
gær:
Telegraph
„Það var Guðjohnsen, sem hefur leikið
svo frábærlega með Chelsea undanfarnar
vikur, sem skoraði þetta magnaða jöfn-
unarmark. Lampard var höfundurinn, lék
upp hægri kantinn og sendi boltann í átt að
vítapunktinum. Viðbrögð Gudjohnsens
voru stórkostleg, Íslendingurinn hafði
haukfrán augun á boltanum, sem sveif hátt
og bar við Matthew Harding stúkuna. Á
hárréttu augnabliki kastaði hann sér aftur
á bak með hægri fótinn í hárri sveiflu og
hitti boltann af snilld. Robinson átti ekki
möguleika þegar knötturinn söng í netinu.
Þetta var yndislegt mark, sem sýndi bestu
hliðar Chelsea: falleg sókn sem lauk á eft-
irminnilegan hátt.“
Sun
„En mark kvöldsins, og jafnvel mark
tímabilsins, skoraði Guðjohnsen á 56. mín-
útu. Lampard lék á Teddy Lucic á hægri
kantinum og sendi boltann til baka inn á
hættusvæðið. Þetta var venjuleg fyrirgjöf,
ekkert sérstök, þar til Guðjohnsen lét sig
falla aftur á bak og sveiflaði sér í hjólhesta-
spyrnu, og þrumaði þannig boltanum
framhjá Robinson af 12 metra færi.“
Sun gaf Eiði Smára 7 í einkunn og aðeins
Lampard og Grönkjær fengu hærri ein-
kunn, 8.
Times
„Það var á 57. mínútu sem hinni vaxandi
gremju var létt af áhorfendum á Stamford
Bridge, og markið var þess virði að beðið
væri eftir því. Frank Lampard lék upp að
endalínu hægra megin og sendi boltann
svífandi fyrir markið. Hjólhestaspyrna
Eiðs Guðjohnsens hefði getað reynst þarf-
laus og óábyrg, ef hún hefði ekki heppnast
svona einstaklega vel. Boltinn sveif
framhjá Robinson – þetta mark verður sýnt
aftur, hvað eftir annað.“
Independent
„Þegar ellefu mínútur voru liðnar af
hálfleiknum var Robinson loksins sigraður.
Lampard sendi fyrir markið frá hægri,
boltinn sveif fyrir aftan Guðjohnsen sem
sneri upp á sig, féll til baka og tók boltann
á lofti með magnaðri hjólhestaspyrnu.“
Independent gaf Eiði 8 í einkunn og að-
eins Lampard, með 9, þótti betri.
Hvað segja ensku blöðin
um mark Eiðs Smára?
AP
Bakfallsspyrna Eiðs Smára.
Hástemmdar
lýsingar
Þetta var mjög erfiður leikurfyrir íslenska liðið. Það lék
ágætlega í seinni hálfleik en í
þeim fyrri léku
Íslendingar
langt undir
getu. Þeir voru
skrefinu á eftir
Pólverjunum allan fyrri hálfleik-
inn og sérstaklega í vörninni,“
sagði Alfreð Gíslason í samtali
við Morgunblaðið.
Þér hefur varla litist á blikuna
í upphafi síðari hálfleiks?
„Nei, ég var orðinn ansi
smeykur um að við myndum
ekki ná tökum á leiknum.
En sem betur fer tóku strák-
arnir sig saman í seinni hálfleik.
Vörnin lagaðist til muna og
Roland Eradze kom mjög sterk-
ur til leiks. Það var eins gott fyr-
ir okkur að Marcin Lijewski
skyldi ekki ná sér á strik en
hann hefur leikið vel með Flens-
burg í vetur.“
Heldur þú að eitthvert van-
mat hafi verið í gangi hjá ís-
lensku leikmönnunum?
„Nei, ég vil ekki trúa því en
það sem einkenndi þá var að það
voru allt of margir sem náðu sér
ekki á strik. Dagur átti hreint
frábæran leik og var besti mað-
ur vallarins að mínu mati. Ró-
bert kom mjög sterkur inn á lín-
una í síðari hálfleik og Eradze
varði á mikilvægum augnablik-
um. Þá voru mörkin sem Pat-
rekur skoraði úr hraðaupp-
hlaupunum ansi mikil. Ólafur
hefur oftast spilað betur. Hann
átti ágætan leik og það mæddi
mikið á honum en ég hef oft og
mörgum sinnum séð hann spila
betur.“
liðið gafst ekki upp og það barði
sig saman.“
Í hvaða sæti spáir þú að ís-
lenska liðið lendi?
„Eigum við ekki að tala um
það eftir leikinn við Spánverja.
Ég veit það fyrir víst að ef ís-
lenska liðið leikur svipað og það
gerði hér í kvöld á það enga
möguleika á móti Spánverjun-
um en ef allir strákarnir ná að
bæta örlítið við sig og þá sér-
staklega lykilmennirnir eigum
við að hafa alla burði til að leggja
Spánverjana. Þjóðverjar út á
varnarleik sinn, markvörslu og
frábæra horna- og líunumenn
eru líklegir að mínu mati til að
fara alla leið en það getur margt
breyst. Þeir áttu til að mynda
lengi vel í miklum vandræðum
með Túnis. Það eru nokkrir
kandítatar og þar get ég nefnt
þjóðir eins og Júgóslavíu og
Frakkland. Ég held að við Ís-
lendingar eigum alveg mann-
skap til að verða í einu af fjórum
efstu sætunum. Það þarf heppni
til að það gangi eftir og það
verða allir að skila toppleik í
hverjum leik. Það gengur til
dæmis ekki ef hornamennirnir
spila ekki betur en þeir gerðu
hér í kvöld,“ sagði Alfreð.
Alfreð ætlar að sjá leik Þjóð-
verja á móti Júgóslövum í dag
og hann segist verða mættur til
Caminha í kvöld þegar Íslend-
ingar leika sinn mikilvæga leik á
móti Spánverjum.
Spurður um frammistöðu síns
manns hjá Pólverjunum sagði
Alfreð: „Hann lék vel og ég var
ánægður með leik hans og þá
einkum og sér í lagi í fyrri hálf-
leik. Mér fannst íslensku leik-
mennirnir ekki nógu grimmir að
ganga á móti honum og hann
gerði okkur mjög erfitt fyrir.“
Ef þú spáir í framhaldið. Hvað
sérð þú fyrir þér með íslenska
liðið. Á það möguleika á að vinna
til verðlauna í keppninni?
„Ég segi hiklaust að íslenska
liðið á möguleika á að fara
lengra í keppninni en það er al-
veg ljóst að það verður að leika
miklu betur á móti Spánverjun-
um heldur en það gerði hér í
kvöld. Samheldnin verður að
vera meiri í liðinu og neistinn
sem kom ekki fyrr en í seinni
hálfleik verður að kvikna um leið
og flautað verður til leiks. Mér
fannst skorta á samvinnu leik-
manna og menn voru á köflum
hálfsofandi. Flest fráköstin féllu
Pólverjunum í skaut og það
vantaði miklu meiri grimmd í
strákana. Það var hins vegar
mjög jákvætt að sjá að íslenska
Morgunblaðið/RAX
Alfreð Gíslason, þjálfari Magdeburg, var á meðal áhorfenda í Caminha.
Alfreð Gíslason fylgdist með lærisveinum sínum
Eigum mannskap
til að ná langt
ALFREÐ Gíslaon, þjálfari Evrópumeistara Magdeburg, var á
meðal áhorfenda á leik Íslendinga og Pólverja í Caminha í
gær. Alfreð hafði ríka ástæðu til að mæta á leikinn enda að
fylgjast með lærisveinum sínum – Ólafi Stefánssyni og Sig-
fúsi Sigurðssyni ásamt Grzegorz Tkaczyk en þessi 23 ára
gamli Pólverji, sem leikur undir stjórn Alfreðs hjá Magde-
burg, gerði Íslendingum heldur betur skráveifu í leiknum og
skoraði níu mörk, þar af sjö í fyrri.
Guðmundur
Hilmarsson
skrifar
frá Caminha
HJÁLMAR Þórarinsson, knatt-
spyrnumaðurinn efnilegi úr Þrótti í
Reykjavík, hefur skrifað undir
þriggja ára samning við félagið.
Mörg erlend félög hafa fylgst með
Hjálmari, sem lék talsvert með
Þrótti í 1. deildinni í fyrrasumar, þá
enn í 3. flokki, og hann hefur skorað
6 mörk í fyrstu tveimur leikjum
Þróttar í Reykjavíkurmótinu.
HJÁLMAR verður 17 ára í næsta
mánuði og samkvæmt reglum KSÍ
máttu Þróttarar ekki gera við hann
samning fyrr en eftir síðustu áramót.
DAGNÝ Linda Kristjánsdóttir
hafnaði í 51. sæti af 84 keppendum á
Evrópubikarmóti í bruni sem fram
fór í Megeve í Frakklandi í gær.
Tími Dagnýjar var 1:02,93 mínúta en
Alison Powers frá Bandaríkjunum
sigraði á 1:00,50 mínútu.
JÓHANNES Harðarson lék sinn
fyrsta leik með Veendam í hollensku
1. deildinni í fyrrakvöld en félagið er
með hann í láni frá úrvalsdeildarliði
Groningen til vors. Veendam tapaði
þá heima, 0:2, fyrir toppliðinu ADO
Den Haag. Jóhannesi var skipt af
velli á 86. mínútu og bæði mörk gest-
anna komu eftir það.
LÁRUS Orri Sigurðsson var vara-
maður hjá WBA og kom ekki við
sögu þegar lið hans tapaði, 0:1, fyrir
Charlton í ensku úrvalsdeildinni í
knattspyrnu í gærkvöld.
JERMAIN Defoe tryggði West
Ham sinn fyrsta heimasigur á tíma-
bilinu í ensku úrvalsdeildinni í gær-
kvöld. Hann skoraði sigurmarkið
gegn Blackburn, 2:1, mínútu fyrir
leikslok.
ARNAR Gunnlaugsson fékk ekki
tækifæri frekar en fyrri daginn með
Dundee United sem tapaði fyrir
Celtic, 2:0, í skosku úrvalsdeildinni.
ARSENAL leikur án Brasilíu-
mannsins Gilberto Silva gegn Man-
chester United í bikarslag liðanna
12. febrúar á Old Trafford. Hann
hefur verið kallaður heim til að leika
vináttulandsleik gegn Kína þremur
dögum síðar. „Við erum ekki ánægð-
ir, en við getum ekkert gert,“ sagði
Arsene Wenger, knattspyrnustjóri
Arsenal.
FÓLK
LIVERPOOL og Arsenal skildu jöfn, 2:2, í bráð-
fjörugum leik í ensku úrvalsdeildinni í knattspyrnu
í gærkvöld en leikið var á Anfield í Liverpool.
Emile Heskey var hetja heimamanna því hann
jafnaði metin með skallamarki þegar komið var
framyfir venjulegan leiktíma.
Arsenal komst tvívegis yfir í leiknum, með
mörkum frá Robert Pires og Dennis Bergkamp, en
John Arne Riise skoraði fyrra jöfnunarmark Liv-
erpool.
Úrslitin eru vatn á myllu Manchester United
sem hefur nú aðeins tapað þremur stigum meira en
Arsenal. Newcastle komst hins vegar í annað sætið
í gærkvöld, fimm stigum á eftir Arsenal, með því
að sigra Tottenham á útivelli, 1:0. Jermaine Jenas
skoraði markið á síðustu mínútu leiksins.
Heskey hetja Liverpool
GRINDAVÍK og Þór náðu í
gærkvöld samkomulagi um fé-
lagaskipti knattspyrnumanns-
ins Óðins Árnasonar úr Þór yf-
ir í Grindavík. Viðræður hafa
staðið á milli Grindvíkinga og
Mjölnis, hlutafélags um leik-
menn hjá Þór, frá því í lok
október. Það er því orðið ljóst
að Óðinn leikur með Grindvík-
ingum í úrvalsdeildinni í sum-
ar og er hann væntanlegur til
Grindavíkur í dag til að ganga
endanlega frá sínum málum
þar. Óðinn er 23 ára varn-
armaður og lék 15 leiki með
Þórsurum í úrvalsdeildinni í
sumar en hann hefur spilað
með þeim allan sinn feril.
Óðinn til
Grindavíkur