Morgunblaðið - 31.01.2003, Blaðsíða 4
FRÉTTIR
4 FÖSTUDAGUR 31. JANÚAR 2003 MORGUNBLAÐIÐ
INGIBJÖRG Sólrún Gísladóttir sat
sinn síðasta borgarstjórnarfund
sem borgarstjóri í Ráðhúsi Reykja-
víkur í gær en á mánudag tekur
Þórólfur Árnason, fyrrverandi for-
stjóri Tals, við stjórnartaumunum í
ráðhúsinu. Árni Þór Sigurðsson,
forseti borgarstjórnar, færði Ingi-
björgu Sólrúnu málverk eftir
Georg Guðna að loknum fundi sem
þakklætisvott fyrir störf hennar í
þágu borgarinnar. Þökkuðu
borgarfulltrúar, jafnt samherjar
sem andstæðingar í stjórnmálum,
Ingibjörgu fyrir störf hennar sem
borgarstjóra, en hún mun áfram
sitja sem borgarfulltrúi.
Framsýnn og
farsæll stjórnandi
Árni Þór Sigurðsson, forseti
borgarstjórnar, sagði að það hefði
ekki verið neinn nýgræðingur í
stjórnmálum sem settist í stól
borgarstjóra fyrir hartnær níu ár-
um. „Hún hafði þá þegar vakið um-
talsverða athygli á vettvangi
stjórnmálanna fyrir framgöngu
sína, málafylgju og rökvísi. Reynsla
hennar af stjórnun var hins vegar
minni en einnig á því sviði áttu
hæfileikar hennar eftir að njóta
sín. Á þeim árum sem liðin eru frá
vorinu 1994 hefur Ingibjörg Sólrún
Gísladóttir orðið meðal öflugustu
forystumanna í íslenskum stjórn-
málum og en hún hefur líka sýnt
sig að vera afar framsýnn og far-
sæll stjórnandi á einum stærsta
vinnustað landsins sem Reykjavík-
urborg vissulega er. Við sem höf-
um starfað með henni á vettvangi
borgarstjórnar þekkjum vel elju
hennar og skipulagshæfileika.
Þeirra kosta hafa Reykvíkingar al-
mennt fengið að njóta,“ sagði Árni
Þór og óskaði Ingibjörgu velfarn-
aðar. Björn Bjarnason, oddviti
Sjálfstæðisflokks, sagði að í sínum
huga væri það skref aftur á bak
þegar borgarstjóri með atkvæð-
isrétt viki fyrir embættismanni.
Sagðist hann aldrei hafa farið í
launkofa með að þau Ingibjörgu
greindi á í stjórnmálum. „Ingibjörg
Sólrún hefur valið aðra leið við
stjórn Reykjavíkurborgar en við
sjálfstæðismenn hefðum farið. Hún
getur hins vegar fagnað því að hafa
notið óskoraðs trausts samherja
sinna hér á vettvangi borg-
arstjórnar, þar til hún ákvað að
hasla sér nýjan völl á hinum póli-
tíska vettvangi með því að bjóða
sig fram til þings,“ sagði Björn.
„Fyrir hönd okkar sjálfstæð-
ismanna kveð ég Ingibjörgu Sól-
rúnu Gísladóttur, þegar hún segir
af sér embætti borgarstjóra, með
virðingu fyrir því að henni hefur
tekist að halda R-listanum saman í
þessi ár. Ég vil jafnframt bjóða
hana velkomna á landsmálavett-
vanginn þar sem hún berst nú und-
ir skýrum flokksmerkjum. Það er
til marks um ótvíræðan bar-
áttuvilja í stjórnmálum að Ingi-
björg Sólrún snýr sér aftur að
þingmennsku og nú fyrir Samfylk-
inguna í stað Kvennalistans áður,“
sagði Björn ennfremur.
Gæfa og gengi
(á sumum sviðum)
Vilhjálmur Þ. Vilhjálmsson,
borgarfulltrúi Sjálfstæðisflokks,
þakkaði Ingibjörgu samveruna og
samstarfið í um tuttugu ár, en hafa
þau starfað lengst saman í borg-
inni. „Við hófum göngu okkar hér
saman á vordögum 1982, þá var
samkomulagið nú ekki mjög gott
og má segja að við höfum rifist í
orðsins fyllstu merkingu eins og
köttur og hundur. [...] Síðan er lið-
inn langur tími og eftir þetta tíma-
bil má segja að sambúð okkar hafi
batnað töluvert mikið.“ sagði Vil-
hjálmur og óskaði henni gæfu í
þeim störfum sem hún tekur sér
fyrir í framtíðinni „ef til vill ekki
svo mikils gengis á öllum sviðum,“
sagði hann kankvís.
Ólafur F. Magnússon, F-lista
frjáslyndra og óháðra, sagði það
vera með eftirsjá sem hann sæi á
eftir Ingibjörgu úr stóli borg-
arstjóra. Á árunum 1991–1994 hafi
þrír borgarstjórar verið við völdin.
Sagðist hann vonast til þess að á
næstu árum ættu borgarstjóra-
skipti ekki eftir að vera jafntíð
næstu árin og þau voru áður en
Ingibjörg settist í borgarstjórastól-
inn, landi og lýð til farsældar.
Steinunn Valdís Óskarsdóttir
borgarfulltrúi flutti borgarstjóra
kveðju fyrir hönd borgarfulltrúa
R-listans. Hún sagði að frá því
Ingibjörg settist í stól borgarstjóra
hefði verið lagður grunnur að sam-
félagi nýrrar aldar. Í öllum mála-
flokkum hefði Ingibjörg haldið fast
við hugsjónir sínar og unnið mark-
visst að þeim verkefnum sem nú-
verandi meirihluti setti í forgang.
„Auðvitað hefur oft gefið á bátinn
en ég held mér sé óhætt að segja
að alltaf hefur borgarstjóri haldið
kúrs og það skiptir máli. Það skipt-
ir nefnilega máli að stjórn-
málamenn fylgi sannfæringu sinni
og það hefur Ingibjörg Sólrún
Gísladóttir svo sannarlega gert hér
í sínum störfum. Ég hygg að þegar
sagnfræðingar framtíðarinnar
leggja mat á borgarstjóratímabil
Ingibjargar Sólrúnar muni standa
upp úr sú mikla bylting sem orðið
hefur á lífsgæðum borgarbúa. Því
þótt tvö kjörtímabil séu ekki lang-
ur tími í sögu einnar borgar hefur
Ingibjörg Sólrún Gísladóttir sýnt
að miklu er hægt að áorka á stutt-
um tíma.“
Ingibjörg Sólrún þakkaði hlý orð
í sinn garð. Sagði að níu ár væru
síðan hún tók við í ráðhúsinu og
hún hefði nánast verið þar síðan.
„Ég hef stundum talað um að þetta
hafi verið líkast því að ganga í
björg og ráðhúsið er náttúrulega
þannig utan frá séð að það er
kannski ekki ósennileg samlíking,“
sagði Ingibjörg. Þessi níu ár sagði
hún hafa verið erilsöm en mjög
áhugaverð og skemmtileg.
„Þó að ég sé sátt þegar ég stend
upp úr stóli borgarstjóra þá er það
í sjálfu sér ekki marktækt og ekki
sá dómur sem skiptir máli, hvernig
ég dæmi sjálfa mig. Dómur sjálf-
stæðismanna skiptir heldur ekki
máli og dómur Reykjavíkur-
listafólks skiptir heldur ekki máli.
Sá eini dómur sem máli skiptir er
sá dómur sem kjósendur fella og
svo kannski sagan,“ sagði Ingi-
björg Sólrún en benti á að það
væri þó alltaf verið að skrifa sög-
una upp á nýtt þannig að dómur
sögunnar gæti verið mismunandi.
Hún hefði þrisvar gengist undir
dóm kjósenda og gæti vel unað
honum.
Starfið eins og að ganga í björg
Samherjar og
pólitískir and-
stæðingar þökk-
uðu Ingibjörgu
samstarfið við
starfslok hennar
Morgunblaðið/Jim Smart
Að loknum borgarstjórnarfundi skáluðu borgarfulltrúar fyrir Ingibjörgu Sólrúnu Gísladóttur borgarstjóra og
þökkuðu henni samstarfið síðustu níu ár. Hér er hún ásamt Helgu Jónsdóttur borgarritara og borgarfulltrúunum
Stefáni Jóni Hafstein, Steinunni Valdísi Óskarsdóttur, Alfreð Þorsteinssyni og Björk Vilhelmsdóttur.
KÆRUNEFND útboðsmála hefur
ákveðið að stöðva samningagerð
Reykjavíkurborgar um að færa ytri
endurskoðun borgarinnar í hendur
endurskoðunarfyrirtækis, þar til
skorið hefur verið úr kæru fyrirtæk-
isins Deloitte&Touche sem átti
lægsta tilboð í umrætt verk í lokuðu
útboði. Vegna þessa hefur því verið
frestað til 1. júlí í sumar að koma á
fót innri endurskoðunardeild í ráð-
húsinu í stað Borgarendurskoðunar,
eins og ráð var fyrir gert.
Á síðasta ári var ákveðið að koma
ytri endurskoðun borgarinnar í
hendur utanaðkomandi aðila til að
tryggja að endurskoðun væri óháð,
jafnt í ásýnd sem reynd, eins og
sagði í greinargerð. Deloitte&
Touche átti lægsta tilboðið en stjórn
Innkaupastofnunar lagði til að næst-
lægsta tilboðinu yrði tekið, tilboði
Grant&Thornton.
Í kjölfar ákvörðunar kærunefnd-
arinnar var önnur og ný tillaga sam-
þykkt á borgarstjórnarfundi í gær.
Samkvæmt henni verður Borgar-
endurskoðun lögð niður frá og með
30. júní nk. og mun ný deild, innri
endurskoðunardeild, taka til starfa í
hennar stað, sem mun heyra undir
borgarstjóra. Núverandi starfs-
mönnum, öðrum en borgarendur-
skoðanda, verður sagt upp störfum
og verða störf í hinni nýju innri end-
urskoðunardeild auglýst.
Verður starf borgarendurskoð-
anda einnig endurskilgreint, sam-
kvæmt tillögunni. Hann mun heyra
beint undir forseta borgarstjórnar
og mun bera, af hálfu borgarstjórn-
ar, ábyrgð á samskiptum við ytri
endurskoðendur og skoðunarmenn
ársreikninga Reykjavíkurborgar.
Einnig vera þeim til aðstoðar við öfl-
un upplýsinga og gagna.
Ingibjörg Sólrún Gísladóttir borg-
arstjóri sagði á fundi borgarstjórnar
í gær mikilvægt að innri endurskoð-
unardeildin heyrði beint undir borg-
arstjóra þar sem deildin þyrfti að
vera í miklum og nánum tengslum
við stjórnendur borgarinnar. Innri
endurskoðun hefði það grundvallar-
markmið að skapa aukin verðmæti
með því að bæta reksturinn, aðstoða
stjórnendur við að ná settum mark-
miðum, meta árangur, bæta áhættu-
stýringu, eftirlit og stjórnun.
„Ég held að sú niðurstaða sem hér
hefur fengist í málið sé farsæl og
verður vonandi til að styrkja allt eft-
irlitskerfi borgarinnar þó að sá
hængur sé á að samningsgerð vegna
útboðsins hafi nú verið stöðvuð,“
sagði hún. Niðurstöðu kærunefndar-
innar sagði hún að vænta innan tíðar.
Björn Bjarnason, oddviti Sjálf-
stæðisflokks, sagði mjög alvarlegt
mál hér á ferðinni og dapurlegt
hversu illa hefði til tekist um marga
þætti þess. Tillagan gengi ekki upp.
Því væri haldið fram að innri endur-
skoðunardeildin mætti ekki heyra
undir borgarráð, því það stangaðist á
við sveitarstjórnarlögin. Hins vegar
væri litið svo á að sveitarstjórnarlög-
in heimiluðu að borgarendurskoð-
andi heyrði beint undir forseta borg-
arstjórnar. „Ég skil ekki hvernig
menn komast að þessari niðurstöðu
og geta rökstutt sömu tillöguna með
tvö ólík sjónarmið að leiðarljósi ef
menn líta til lögfræðinnar,“ sagði
Björn. Vildu sjálfstæðismenn að
innri endurskoðun heyrði undir
borgarráð en ekki borgarstjóra en
sú tillaga var felld. Sagði Björn að
innri endurskoðun ætti að vera hlut-
laus gagnvart þeim rekstrareining-
um sem hún endurskoðaði.
Ekki í samræmi við útboðsgögn
Í umsögn borgarlögmanns, Hjör-
leifs B. Kvaran, um málið segist
hann telja að ógerlegt hafi verið að
ganga að samningi við Deloitte&
Touche á grundvelli tilboðs fyrirtæk-
isins. Forsendur bjóðanda um verk-
lag og vinnuframkvæmd af hálfu
Reykjavíkurborg hafi verið rangar
og styðjist í engu við útboðsgögn.
Samningagerð vegna ytri
endurskoðunar stöðvuð
Borgarendur-
skoðun starfar
út júnímánuð