Morgunblaðið - 31.01.2003, Blaðsíða 6
FRÉTTIR
6 FÖSTUDAGUR 31. JANÚAR 2003 MORGUNBLAÐIÐ
Verð á mann frá 19.800* kr.
þegar bókað er á www.icelandair.is
www.icelandair.is
Netsmellur - alltaf ódýrast á Netinu
Flugsæti á broslegu verði
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
IC
E
19
89
0
01
/2
00
3
*Innifalið: Flug og flugvallarskattar
ÍSLENSKU bókmenntaverðlaunin 2002 voru
afhent í gær af Ólafi Ragnari Grímssyni, for-
seta Íslands, á Bessastöðum. Ingibjörg Har-
aldsdóttir hlaut verðlaunin í flokki fagur-
bókmennta fyrir ljóðabókina „Hvar sem ég
verð“ og Pétur M. Jónasson og Páll Her-
steinsson hlutu verðlaunin í flokki fræðibóka
fyrir ritstjórn bókarinnar „Þingvallavatn –
undraheimur í mótun“.
Bókmenntaverðlaunin nema 750 þúsund
krónum hvor auk þess sem afhent eru skraut-
rituð verðlaunaskjöl og verðlaunagripir hann-
aðir af Jóni Snorra Sigurðssyni á gull-
smíðaverkstæði Jens, – opin bók á granítstöpli
með nafni verðlaunahöfundar og bókar hans.
Þriggja manna lokadómnefnd, skipuð þeim
Maríu Kristjánsdóttur, Hjalta Hugasyni og
Þorsteini Gunnarssyni, sem var formaður
hennar, valdi verkin úr tíu bókum sem til-
nefndar voru. Tilnefndar fagurbókmenntir
voru, auk Hvar sem ég verð, Leiðin til Rómar
eftir Pétur Gunnarsson, Lovestar eftir Andra
Snæ Magnason, Samúel eftir Mikael Torfason
og Sveigur eftir Thor Vilhjálmsson. Úr flokki
fræðirita og bóka almenns efnis voru tilnefndar
Dulin veröld eftir Guðmund Halldórsson, Odd
Sigurðsson og Erling Ólafsson, útgefandi Mál
og mynd. Ísland á 20. öld eftir Helga Skúla
Kjartansson, útgefandi Sögufélag. Landnem-
inn mikli eftir Viðar Hreinsson, útgefandi
Bjartur. Skrýtnastur er maður sjálfur eftir
Auði Jónsdóttur, útgefandi Mál og menning.
Þingvallavatn, ritstjórar Pétur M. Jónasson og
Páll Hersteinsson, útgefandi Mál og menning.
Sigurður Svavarsson, formaður Félags ís-
lenskra bókaútgefenda, benti á í tölu sinni á
undan verðlaunaveitingunni að þetta væri í 14.
sinn sem verðlaunin væru afhent og þau hefðu
fyrir löngu skapað sér traustan sess í huga
þeirra er störfuðu við bókaútgáfu og ritstörf
auk alls bókaáhugafólks. Hann lagði einnig
áherslu að nauðsyn væri á að efla kynningu á ís-
lenskum bókmenntum erlendis og kvað tillögur
í smíðum um breytt og aukið hlutverk Bók-
menntakynningarsjóðs. „Vonandi taka yfirvöld
menningarmála vel í þær tillögur.“
Pétur M. Jónasson sagði í þakkarávarpi sínu
að bókinni um Þingvallavatn væri ætlað að
svara þeim fjölmörgu spurningum sem uppi
væru um tilurð þess einstaka lífríkis sem hefði
þróast í og við Þingvallavatn. Páll Hersteinsson
sagðist vona að verðlaunaveitingin yrði öðrum
náttúruvísindamönnum hvatning til ritstarfa og
einnig að bókin yrði til þess að efla vitund al-
mennings um náttúruvernd á Íslandi. „Stund-
um finnst manni sem sú vitund sé ekki næg.“
Ingibjörg Haraldsdóttir sagðist engan veg-
inn geta tekið undir það svartagallsraus sem
stundum heyrðist að ljóðið væri í dauðateygj-
unum. Verðlaunaveitingin til hennar fyrir ljóða-
bókina bæri einmitt vitni um aðra skoðun. Ingi-
björg vitnaði til Egils Skalla-Grímssonar og
benti á að ljóðið hefði bæði bjargað lífi hans og
reist hann upp úr þunglyndi eftir sonarmissi.
„Líknar- og lækningamáttur ljóðsins hefur
lengi verið þekktur.“ Hún sagði að ljóðið hefði
einnig gert sitt gagn við fræðslu og uppeldi.
„Þau börn eru almennt vel lukkuð sem alist
hafa upp við skáldskap og ljóðalestur.“ Hún
kvaðst að lokum sannfærð um að ef móðir
George W. Bush Bandaríkjaforseta hefði lagt
meiri áherslu á að lesa fyrir hann ljóð en troða í
hann spergilkáli væri friðsamlegra um að litast
í heiminum.
Ljóðabókin „Hvar sem ég verð“ og fræðibókin „Þingvallavatn“ hlutu bókmenntaverðlaunin
Lækningamáttur
ljóðsins lengi
verið þekktur
Morgunblaðið/Þorkell
Ingibjörg Haraldsdóttir tekur við verðlaununum fyrir ljóðabókina Hvar sem ég verð.
BÚNAÐARBANKI Íslands hefur
ákveðið að una ákvörðun Kauphallar
Íslands að beita bankann févíti
vegna samnings sem hann gerði við
hóp fjárfesta um hlutafjáreign í
Straumi hf. Í tveimur lögfræðiálitum
sem bankinn óskaði eftir er komist
að þeirri niðurstöðu að umrædd við-
skipti hafi verið flöggunarskyld, en
málsmeðferð Kauphallar Íslands er
gagnrýnd í þeim báðum.
Búnaðarbankinn leitaði annars
vegar til Karls Axelssonar hrl. og
hins vegar Gests Jónssonar hrl. og
Harðar Felix Harðarsonar hrl., um
álit á réttarstöðu bankans í kjölfar
ákvörðunar Kauphallarinnar um að
beita hann févíti að fjárhæð 4,5 millj-
ónir króna.
Gróflega brotið á
andmælarétti
Í fréttatilkynningu frá BÍ segir: „Í
báðum álitum er farið hörðum orðum
um málsmeðferð Kauphallar Íslands
í málinu. Gróflega var brotið á and-
mælarétti Búnaðarbankans sem
fékk fárra klukkustunda frest til að
gera athugasemdir, eftir að niður-
staða Kauphallarinnar hafði verið
kynnt Fjármálaeftirlitinu. Lög-
mennirnir telja framgöngu Kaup-
hallarinnar ámælisverða og ástæðu-
lausa og fengi hún falleinkunn væri
um hefðbundið stjórnvald að ræða. Á
það er bent að fullt tilefni sé til að
vekja athygli Fjármálaeftirlitsins á
þessum vinnubrögðum.“
Fráleitt að áfellast BÍ fyrir að
sinna ekki leiðbeiningarskyldu
Þá segir að lögmennirnir telji frá-
leitt að Kauphöllin skuli telja ámæl-
isvert af Búnaðarbankanum að hafa
ekki hlutast til um, í ljósi leiðbeining-
arskyldu, að einn aðili samningsins,
Fjárfar ehf., sendi tilkynningu um
samninginn, enda sé sú niðurstaða
Kauphallar ekki studd rökum.
„Búnaðarbankinn hefur í máls-
vörn sinni vísað til Evróputilskipun-
ar þar sem getið er um undanþágur
frá flöggunarskyldu. Það er niður-
staða lögmanna að viðkomandi til-
skipun hafi ekki verið með réttmæt-
um hætti leidd í lög hér á landi þrátt
fyrir að vilji löggjafans hafi virst
standa í þá átt. Þá er á það bent að
Kauphöllin virðist ranglega álíta að
undanþáguákvæðið hafi hér laga-
gildi. Þetta verður að skoðast til
stuðnings starfsmönnum bankans
sem í góðri trú ályktuðu að fyrr-
nefndur samningur væri undanþeg-
inn tilkynningarskyldu með skír-
skotun til Evróputilskipunarinnar,“
segir í tilkynningu bankans.
Brýnt að eyða óvissu
og ósamræmi
Þá segir að Búnaðarbankinn telji
að þrátt fyrir réttaróvissu um flögg-
unarskyldu bankans í þessu tilviki
verði ekki hjá því litið að eins og til
hafi tekist með lagasetninguna á
grundvelli Evróputilskipunarinnar
hafi mátt telja að réttast hafi verið að
tilkynna samninginn. „Í því ljósi ætl-
ar bankinn að una ákvörðun Kaup-
hallar Íslands. Búnaðarbankinn tel-
ur það hins vegar brýnt í ljósi
framtíðarhagsmuna á verðbréfa-
markaði að stjórnvöld hlutist til um
að eyða þeirri óvissu sem ríkir í
þessu efni og því ósamræmi sem er á
milli landslaga og Evróputilskipana.
Jafnframt er brýnt að Fjármálaeft-
irlitið og Kauphöll Íslands taki tillit
til þeirra athugasemda sem lög-
mennirnir setja fram um málsmeð-
ferðina og tryggi að við ákvarðanir
um agaviðurlög verði í framtíðinni
veitt tækifæri til andmæla í sam-
ræmi við grundvallarákvæði stjórn-
sýslulaga og að ákvörðun um viður-
lög verði tekin í samræmi við
alvarleika brots. Máli þessu er lokið
af hálfu Búnaðarbanka Íslands.“
BÍ unir févíti
Kauphallar
Viðurkennir tilkynningarskyldu
en gagnrýnir málsmeðferð
SJÖ stelpur úr Mosfellsbænum hafa
tekið höndum saman og ætla að halda
fótboltamót á laugardaginn og láta
ágóðann renna óskiptan til vinkonu
sinnar, Rebekku Alwood.
Elín Pálmadóttir er ein þeirra sem
standa að mótinu ásamt kvennaráði
knattspyrnudeildar Aftureldingar.
Hún segir að Rebekka hafi slasast illa
þegar hún var á leið á æfingu hjá Aft-
ureldingu. Varð hún fyrir bíl við Vest-
urlandsveginn og lá illa slösuð á gjör-
gæslu í tvær vikur. Nú sé Rebekka í
endurhæfingu en geti hvorki talað né
gengið. Hún berjist samt áfram á
hverjum degi.
Elín segir að stelpurnar vilji hjálpa
vinkonu sinni með því að safna pen-
ingum til að kaupa stoðtæki og létta
undir með henni og fjölskyldu hennar
fjárhagslega. Þær ætla einnig að selja
bakkelsi og kaffi auk þess sem söfn-
unarbaukar verða á staðnum.
Mótið verður haldið 1. og 2. febrúar
í íþróttahúsinu á Varmá í Mosfellsbæ.
Vonast er til að sem flestar stúlkur í 6.
til 2. flokks taki þátt. Nokkur lið hafa
þegar tilkynnt þátttöku.
Halda fót-
boltamót til
styrktar vin-
konu sinni
HÆSTIRÉTTUR dæmdi í gær
karlmann í þriggja og hálfs árs
fangelsi fyrir kynferðisbrot gegn
mágkonu sinni og dóttur. Voru
stúlkurnar á aldrinum 9 til 12
ára þegar brotin voru framin.
Ákærði var sakfelldur fyrir kyn-
ferðisbrot gegn mágkonu sinni á
árunum 1986 eða 1987 til ársins
1989 og dóttur sinni í framhaldi
af því á næstu tveimur árum.
Var hann ennfremur dæmdur til
að greiða stúlkunum 500 þúsund
krónur í skaðabætur.
Horft til þess að brotin
voru ítrekuð og alvarleg
Hæstiréttur segir í dómi sín-
um, að við ákvörðun refsingar
verði að líta til þess, að brot
ákærða voru ítrekuð og alvarleg
og stóðu yfir um árabil, gegn
annarri stúlkunni í átta tilvikum
en hinni tvisvar sinnum. Stúlk-
urnar voru á barnsaldri og mis-
notaði ákærði sér aðstöðu sína og
trúnaðartraust þeirra, en hann
hafði ýmist uppeldis- eða umsjár-
skyldum að gegna gagnvart þeim
á heimili sínu. Var atferli hans til
þess fallið að valda þeim sál-
arháska og tjóni og átti hann sér
engar málsbætur.
Málið dæmdu hæstaréttar-
dómararnir Guðrún Erlendsdótt-
ir, Árni Kolbeinsson, Haraldur
Henrysson, Hrafn Bragason og
Pétur Kr. Hafstein. Verjandi
ákærða var Kristinn Bjarnason
hrl. Málið sótti Sigríður J. Frið-
jónsdóttir saksóknari hjá ríkis-
saksóknara.
3½ árs fangelsi
fyrir afbrot
gegn börnum
Lögreglumað-
ur ákærður
LÖGREGLUMAÐUR sem í haust
var sakaður um kynferðisbrot gegn
tveimur stúlkum hefur verið ákærð-
ur af ríkissaksóknara og hefur málið
verið þingfest í Héraðsdómi Reykja-
víkur.
Líkt og í öðrum kynferðisbrota-
málum eru þinghöldin lokuð. Fjöl-
miðlar eða aðrir sem ekki eru aðilar
að málinu geta því ekki fengið ákær-
una afhenta. Morgunblaðið hefur
áreiðanlegar heimildir fyrir því að
maðurinn hafi verið sakaður um kyn-
ferðisbrot gegn tveimur stúlkum
sem eru tengdar honum fjölskyldu-
böndum og að brotin hafi staðið yfir
árum saman. Ríkislögreglustjóri
hefur vikið lögreglumanninum frá
starfi tímabundið.
♦ ♦ ♦