Morgunblaðið - 31.01.2003, Blaðsíða 56
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 31. JANÚAR 2003 VERÐ Í LAUSASÖLU 190 KR. MEÐ VSK.
Fitulítil og freistandi
FORYSTUMENN ríkisstjórnar-
flokkanna lýsa ánægju með úr-
skurð setts umhverfisráðherra um
Norðlingaölduveitu sem kveðinn
var upp í gær.
Viðbrögð Össurar Skarphéðins-
sonar, formanns Samfylkingarinn-
ar, og Sverris Hermannssonar, for-
manns Frjálslynda flokksins, eru
einnig jákvæð en þeir segja að við
fyrstu sýn sé það gleðiefni að mörk
friðlands Þjórsárvera verði virt.
Úrskurðurinn veldur hins vegar
Steingrími J. Sigfússyni, formanni
Vinstrihreyfingarinnar – græns
framboðs, miklum vonbrigðum.
Talsmenn náttúruverndarsam-
taka lýsa vonbrigðum með að ráð-
herra fellst á framkvæmdina en
segja baráttu náttúruverndarsinna
þó hafa skilað árangri. Jákvætt sé
að framkvæmdir verði utan frið-
landsins og tekið sé tillit til alþjóð-
legra skuldbindinga um verndun
votlendis. Árni Finnsson, formaður
Náttúruverndarsamtaka Íslands,
segir ráðherra hafa úrskurðað með
nokkuð óvæntum hætti.
Gerbreytt framkvæmd
Davíð Oddsson forsætisráðherra
segist vera mjög ánægður með að
fundin hafi verið leið sem eigi að
tryggja í senn að hægt sé að nýta
hagkvæman virkjunarkost en um
leið að halda Þjórsárverum algjör-
lega óskertum. Össur Skarphéð-
insson segir að við fyrstu sýn virki
úrskurðurinn vel á sig. Hér sé um
gjörbreytta framkvæmd að ræða
frá því sem áður var fyrirhugað.
Steingrímur J. Sigfússon gagn-
rýnir hins vegar úrskurðinn og
segir einu viðunandi niðurstöðuna
þá ef ráðherra hefði hafnað þessari
framkvæmd. „Þetta er enn einn
dapur dagur í sögu umhverfismála
í landinu og þeir hafa verið býsna
margir síðustu misserin.“
Valgerður Sverrisdóttir iðnaðar-
ráðherra segir úrskurðinn vel rök-
studdan en sér sé efst í huga sú
spurning hvort Landsvirkjun
treysti sér til að ráðast í verkið.
Ragnar Guðmundsson, fram-
kvæmdastjóri fjármálasviðs Norð-
uráls, segir að fara verði í gegnum
það á næstunni hvort þessi niður-
staða hafi áhrif á tímasetningar og
rammasamkomulag fyrirtækisins
og Landsvirkjunar frá sl. sumri.
Aukin samstaða er
um framkvæmdina
Úrskurðað er með óvæntum hætti, segir for-
maður Náttúruverndarsamtaka Íslands
„Held …“/28
FRIÐRIK Sophusson, forstjóri
Landsvirkjunar, segir ljóst að
framkvæmdir við Norðlinga-
ölduveitu muni tefjast. „Við þurf-
um á næstu vikum og mánuðum
að fá svar við þeirri spurningu
hvort þetta sé arðsöm fram-
kvæmd þegar ljóst er að þessi út-
færsla er önnur en við von-
uðumst eftir. Við verðum ekki
komnir með svar fyrr en í fyrsta
lagi í sumar. Því má gera ráð
fyrir að sú töf sem óhjákvæmi-
lega verður á verkinu verði til
þess að stækkun álversins á
Grundartanga og framkvæmdir
við virkjanir vegna hennar tefjist
og lendi saman við framkvæmdir
við Kárahnjúkavirkjun og álver
á Reyðarfirði,“ segir Friðrik.
Óhjákvæmilegt
að tafir verði
ÞRJÁTÍU og sex ára þota af gerðinni B727-100 hafði
viðdvöl á Keflavíkurflugvelli í gær en þotan hét upp-
haflega Gullfaxi og var í eigu Flugfélags Íslands. Var
hún fyrsta þotan sem Íslendingar eignuðust og kom
hingað til lands sumarið 1967. Þotan er nú í eigu flutn-
ingafyrirtækisins UPS og sinnir fraktflutningum.
Jóhannes R. Snorrason, fyrrverandi flugstjóri, sótti
þotuna fyrir Flugfélag Íslands til Seattle snemmsumars
1967 og lenti henni á Reykjavíkurflugvelli en hún var
smíðuð sérstaklega fyrir FÍ.
„Þetta var afskaplega góð vél og ég saknaði hennar
mjög,“ sagði Jóhannes í gær. Hann flaug þotunni m.a.
til áfangastaða á Norðurlöndum, í sólarlandaferðir og
til Grænlands. Jóhannes hætti störfum árið 1980 og
lauk flugstjóraferli sínum á þessari þotutegund. Gamli
Gullfaxi hefur ekki komið til Íslands frá því hann var
seldur árið 1984.
Gamli Gullfaxi í
Keflavík á ný
Ljósmynd/Gunnar
ÞAÐ vantaði ekki réttan klæðn-
að hjá honum Þóri Þorbjörns-
syni þar sem hann var á fleygi-
ferð í rólunni á leikskólanum
Listakoti í vikunni. Þórir, sem
er fjögurra ára, lætur veðrið
greinilega ekkert aftra sér frá
því að njóta góðrar útiveru
heldur gallar sig upp að sjó-
mannasið. Enda veit hann sjálf-
sagt eins og aðrir að enginn er
verri þótt hann vökni þó að
auðvitað sé betra að það sé á
sem fæstum stöðum ef hægt er
að koma því við.
Morgunblaðið/Ómar
Í réttum galla í rólunni
HÆSTIRÉTTUR dæmdi í gær tvo 19 ára
pilta í annars vegar tveggja ára fangelsi og
hins vegar 22 mánaða fangelsi fyrir að
nauðga stúlku heima hjá öðrum þeirra sum-
arið 2000 þegar þeir voru 17 ára og stúlkan
tæplega orðin svo gömul. Voru þeir enn-
fremur dæmdir til að greiða henni 700 þús-
und krónur í miskabætur. Piltarnir voru
stúlkunni ókunnugir en hún mun hafa þegið
heimboð þeirra í grandaleysi sínu.
Var niðurstaða fjölskipaðs dóms Héraðs-
dóms Reykjaness frá 19. júní 2002 staðfest í
Hæstarétti. Að mati héraðsdóms var hátt-
semi piltanna svívirðileg og einkar niður-
lægjandi. Bar framferði þeirra vott um mis-
kunnarleysi og fullkomið virðingarleysi við
kynfrelsi stúlkunnar og áttu þeir sér engar
málsbætur. Héraðsdómur leit hins vegar til
ungs aldurs þeirra og hafði það eitt áhrif til
refsilækkunar.
Piltarnir voru báðir á skilorði vegna ann-
arra hegningarlagabrota þegar þeir voru
dæmdir í héraðsdómi fyrir nauðgunina.
Munur á þyngd refsinganna skýrist ein-
göngu af eldri refsidómum, sem dæmdir
voru með í málinu.
Hæstiréttur taldi ótvírætt að háttsemi
piltanna hefði haft verulega slæm áhrif á
sálarlíf og geðheilsu stúlkunnar. Við
ákvörðun bóta til hennar varð ekki heldur
litið fram hjá því að ákærðu stóðu saman að
atlögu gegn kynfrelsi hennar, sem var til
þess fallið að auka enn á ótta hennar og
vanlíðan við atburðinn og eftir hann.
Tveggja ára
fangelsi fyr-
ir nauðgun
ÍSLAND er eina Norðurlandaþjóðin sem
stendur eftir í heimsmeistarakeppni í
handknattleik og takist íslenska liðinu að
vinna annan hvorn þeirra leikja sem það á
eftir verður það eini fulltrúi Norður-
landanna í handknattleikskeppni næstu
Ólympíuleika í karlaflokki. Ísland tapaði
fyrir Spáni í gærkvöldi, 32:31, og leikur
um 5.–8. sætið á mótinu ásamt Júgóslöv-
um, Rússum og Ungverjum.
Berjumst til þrautar/B2
Morgunblaðið/RAX
Erum bestir á
Norðurlöndum
Atvinnu-
lausum
fjölgar
um 828
Í GÆR voru 5.909 einstak-
lingar á atvinnuleysisskrá,
3.178 karlar og 2.731 kona.
Frá áramótum hefur þeim
sem ekki hafa vinnu fjölgað
um 828 eða um 16,3%. Meiri-
hluti atvinnulausra býr á
höfuðborgarsvæðinu eða
3.627.
Undanfarin 10 ár hefur at-
vinnulausum fjölgað að með-
altali um 13% frá desember
til janúar. Atvinnulausum
fjölgaði hins vegar að með-
altali um 22,1% milli desem-
ber 2001 og janúar 2002.
Atvinnuleysið var 2,4% í
janúar í fyrra. Í síðustu
skýrslu Vinnumálastofnunar
er því spáð að atvinnuleysi í
þessum mánuði verði 3,5–
3,9%. Atvinnuleysi í desem-
ber síðastliðnum var 3%,
sem var mesta atvinnuleysi í
tæplega fimm ár.
Lausum störfum hefur
fækkað mikið að undanförnu.
Í gær voru 68 laus störf
skráð hjá Vinnumálastofnun,
en í september sl. voru að
jafnaði 270 störf á skrá hjá
stofnuninni.
♦ ♦ ♦