Morgunblaðið - 31.01.2003, Blaðsíða 8
BANDARÍKJAMENN
ætla í næstu viku
að leggja fram
nýjar sannanir
gegn Saddam
Hússein, forseta
Íraks. Þeir segjast
geta sannað að
Saddam hafi látið
smíða
gjöreyðingar-vopn.
Hann hafi líka átt
samstarf við
hryðjuverka-menn.
Þetta kom fram í
ræðu sem George
Bush, forseti
Bandaríkjanna, hélt
á þriðjudag. Í
ræðunni sagði
Bush að tími Íraka væri að
renna út. Saddam þyrfti að
afhenda vopn sín. Gerði
hann það ekki myndu
Bandaríkjamenn og fleiri
þjóðir ráðast á Írak.
Colin Powell,
utanríkis-ráðherra
Bandaríkjanna, mun leggja
sannanirnar fram næsta
miðvikudag. Mikil spenna
ríkir, því öruggt þykir að
Bandaríkjamenn ætli ekki
að bíða öllu lengur. Veiti
Saddam ekki allar
upplýsingar um vopn sín
eins og Sameinuðu
þjóðirnar hafa krafist verði
ráðist á Írak.
Ekki eru allir sáttir við að ráðist verði á
Írak. Hér ganga mótmælendur í New
York með kröfuspjöld.
Leggja
fram sannanir
Reuters
AUÐLESIÐ EFNI
8 FÖSTUDAGUR 31. JANÚAR 2003 MORGUNBLAÐIÐ
NÝR Barnaspítali Hringsins
var opnaður um síðustu
helgi. Það er kvenfélagið
Hringurinn sem hefur í sextíu
ár barist hvað mest fyrir
byggingu spítalans og safnað
miklum peningum til að hægt
yrði að byggja hann. Margir
aðrir hafa líka lagt hönd á
plóginn.
Biskup Íslands, Karl
Sigurbjörnsson, blessaði
nýja spítalann. Fyrstu
sjúklingarnir verða fluttir
þangað inn á næstu vikum.
Á nýja spítalanum verður
góð aðstaða fyrir foreldra til
að vera hjá veikum börnum
sínum. Vökudeildin, þar sem
veikustu börnin dvelja, er
miklu stærri en á gamla
spítalanum. Ásgeir
Haraldsson, yfirlæknir
Barnaspítala Hringsins,
sagði þegar spítalinn var
opnaður að mörg ævintýri
væri að finna í húsinu. Átti
hann þar við að brot úr
ævintýrum um Hans klaufa,
Svínahirðinn og fleiri eru
skrifuð í suma gluggana. Þá
er listaverk úti í garði eftir
Sigurð Guðmundsson sem er
ævintýri líkast. En Ásgeir
sagði að spítalinn sjálfur væri
líka eitt stórt ævintýri.
Fyrsta skóflustungan að
nýjum barnaspítala var tekin
árið 1998. Það kostaði einn
og hálfan milljarð að byggja
hann. Þar verða rúm fyrir 80
sjúklinga.
Morgunblaðið/Árni Sæberg
Ingibjörg Pálmadóttir, fyrrv. heilbrigðisráðherra, skoðar nýja vökudeild á Barnaspítala Hrings-
ins ásamt Magnúsi Péturssyni, forstjóra Landspítalans, og Karli Sigurbjörnssyni biskup.
Nýr barnaspítali opnaður
ÁSTHILDUR Helgadóttir,
fyrirliði Íslands- og
bikarmeistara KR í
knattspyrnu, var útnefnd
íþróttamaður Reykjavíkur
2002 á þriðjudag. Ásthildur
hlaut viðurkenninguna fyrir
góðan árangur í knattspyrnu
á árinu. Hún skoraði 33 mörk
í 26 leikjum á síðasta ári. Var
Ásthildur, að mati
dómnefndar, „að öðrum
ólöstuðum besti leikmaður
kvenna-knattspyrnunnar“.
Ásthildur, sem er fyrirliði
íslenska kvenna-landsliðsins
í knattspyrnu, var einnig ein
tíu íþróttamanna sem
Íþrótta-bandalag Reykjavíkur
verðlaunaði í gær fyrir
íþrótta-afrek á síðasta ári.
Hver íþróttamaður fékk bikar
og 50 þúsund króna ávísun.
Auk Ásthildar fengu
viðurkenningu Anna Soffía
Víkingsdóttir og Bjarni
Skúlason fyrir árangur í júdói,
Edda Blöndal fyrir árangur í
karate, Guðmundur
Stephensen fyrir árangur í
borðtennis og Guðrún
Jóhannsdóttir, fyrir
skylmingar. Þá fengu þau
Gunnar Örn Ólafsson og
Kristín Rós Hákonardóttir
viðurkenningu fyrir góðan
árangur í sundi fatlaðra.
Jakob Jóhann Sveinsson
fékk viðurkenningu fyrir
árangur í sundi og Karen
Björk Björgvinsdóttir fyrir
árangur sinn í dansi.
Morgunblaðið/Kristinn
Ásthildur Helgadóttir tók brosandi við bikurunum.
Ásthildur íþrótta-
maður Reykjavíkur
Í MARS verða Músík-tilraunir
haldnar í 20. skipti. Smá
breyting hefur orðið í ár og
verða tilraunirnar haldnar á
tveimur stöðum. Tvö kvöld
verða í Tónabæ og svo verða
tvö kvöld í Hinu húsinu.
Úrslita-kvöldið verður svo
haldið í Austurbæ 28. mars.
Fyrstu Músíktilraunirnar
voru haldnar árið 1982. Þá
vann DRON (Danshljómsveit
Reykjavíkur Og Nágrennis)
Síðan hafa eftirtaldar
hljómsveitir unnið:
Dúkkulísur, Gipsy, Greifarnir,
Stuðkompaníið, Jójó,
Laglausir, Nabblastrengir,
Infusoria, Kolrassa
krókríðandi, Yukatan, Maus,
Botnleðja, Stjörnukisi,
Soðin fiðla, Stæner, Mínus,
XXX Rottweilerhundar og
Búdrýgindi.
Músíktilraunir hafa reynst
mörgum hljómsveitum vel.
Enda hafa margar sveitanna
gefið út plötur eftir að hafa
unnið. Í verðlaun eru
nefnilega meðal annars
tímar í hljóðveri, þar sem
þær geta tekið upp lögin sín.
Strákarnir sem unnu í fyrra,
Búdrýgindi, eru enn þá í
grunnskóla en hafa gefið út
plötu. Hún kom út um
síðustu jól og heitir
Kúbakóla.
Drengirnir í Búdrýgindum unnu á Músík-tilraunum í fyrra.
Músíktilraunir
að byrja
ÍSLENSKA karla-landsliðið í
hand-knattleik hefur tryggt
sér rétt til að leika um sæti
á Ólympíu-leikunum í
Grikklandi. En þeir verða
haldnir í Aþenu árið 2004.
Átta landslið taka þátt í
loka-keppninni á
heimsmeistara-mótinu í
Portúgal. Það fer fram í
höfuðborg landsins,
Lissabon, á laugardag og
sunnudag. Þær þjóðir sem
verða í efstu sjö sætunum
á heimsmeistara-mótinu
leika í Aþenu ásamt
landsliði Grikklands og
landsliðum frá Asíu, Afríku,
Ameríku og Eyjaálfu.
Morgunblaðið/RAX
Íslendingar sigruðu lið
Pólverja á miðvikudag.
Leikið um
ólympíusæti
í Aþenu
Netfang: auefni@mbl.is