Morgunblaðið - 01.02.2003, Blaðsíða 2
FRÉTTIR
2 LAUGARDAGUR 1. FEBRÚAR 2003 MORGUNBLAÐIÐ
ÍRAK AFVOPNIST STRAX
George W. Bush Bandaríkja-
forseti og Tony Blair, forsætisráð-
herra Bretlands, sögðu í gær að
Írakar yrðu að afvopnast strax, ella
mættu þeir vænta aðgerða af hálfu
Bandaríkjanna og bandamanna
þeirra. Bush sagðist ekki mótfallinn
nýrri ályktun öryggisráðs Samein-
uðu þjóðanna ef hún yrði til að sýna
Saddam Hussein, forseta Íraks, að
full alvara væri á bak við þann ásetn-
ing að afvopna Íraka. Ný ályktun
væri hins vegar engin forsenda þess
að hægt yrði að grípa til aðgerða.
Mörk friðlands verði virt
Þóra Ellen Þórhallsdóttir, pró-
fessor í grasafræði, telur að Jón
Kristjánsson, settur umhverfis-
ráðherra, hafi með úrskurði sínum
um Norðlingaölduveitu mótað af-
dráttarlausa stefnu um að virða beri
mörk friðlandsins í Þjórsárverum.
Góður gróði hjá Bakkavör
Hagnaður Bakkavarar á síðasta
ári var 1.556 milljónir króna eftir
skatta og er þetta um 307% aukning
frá því árið áður þegar hagnaður var
382 milljónir króna. Þetta er besta
afkoma félagsins frá upphafi.
Al-Qaeda að verki?
Öflug sprengja varð 18 manns að
bana í Afganistan en yfirvöld í land-
inu telja víst að liðsmenn al-Qaeda-
hryðjuverkasamtakanna eða talib-
anar hafi komið sprengjunni fyrir.
Neikvæð ávöxtun
Nafnávöxtun Sameinaða lífeyr-
issjóðsins var í fyrra neikvæð um
8,1% og raunávöxtunin var neikvæð
um 9,9%. Slök ávöxtun er sögð skýr-
ast af mikilli lækkun á verði er-
lendra verðbréfa sjóðsins.
L a u g a r d a g u r
1.
f e b r ú a r ˜ 2 0 0 3
Yf ir l i t
Í dag
Sigmund 8 Viðhorf 40
Viðskipti 12/14 Minningar 42/51
Erlent 16/24 Kirkjustarf 52/53
Höfuðborgin 22 Þjónustan 55
Akureyri 24 Bréf 56
Suðurnes 24 Myndasögur 56
Árborg 26 Skák 57
Landið 27 Dagbók 58/59
Neytendur 28 Sport 60/63
Heilsa 29 Fólk 64/69
Listir 30/33 Bíó 66/69
Forystugrein 36 Ljósvakamiðlar 70
Umræðan 34/41 Veður 72
* * *
Kynningar Blaðinu í dag fylgir auglýs-
ingablaðið „Finndu sigurvegarann í
sjálfri þér“ frá Djassballettskóla
Báru. Blaðinu er dreift á höfuðborg-
arsvæðinu.
Götumarkaðsstemmning
Útsölulok
um helgina
Opið til kl. 18.00 í dag
„FYRST heyrðum við hljóð sem við
héldum að væri flugvéladrunur.
Síðan kom svakalegur hvellur og
blossi sem lýsti upp húsið,“ segir
Elvar Árni Herjólfsson sem var að
vinna með félaga sínum í skemmu
við vélsmiðjuna Norma hf. á iðn-
aðarsvæðinu við Voga á Vatns-
leysuströnd í gærmorgun þegar
eldingu laust niður í húsið. Eldingin
gerði gat á þakglugga fyrir ofan þá.
Elvar Árni og Davíð Hreinsson,
18 ára starfsmenn hjá Norma, voru
inni í skemmu sem verið er að
byggja við vélsmiðjuhúsið um
klukkan níu í gærmorgun þegar
eldingunni laust niður. Þeir voru
uppi í körfu sem lyft var í um hálfs
annars metra hæð, með borvél að
vinna við klæðningu. Elvar Árni
lýsir því svo að þeir hafi heyrt hljóð
sem þeir héldu að væru flugvéla-
drunur þegar eldingunni laust nið-
ur í húsið með tilheyrandi hávaða
og blossa. Húsið lýstist upp með
bláum blossa. „Okkur dauðbrá,
fengum hálfgert áfall,“ segir Elvar.
Borvél ónýt
Þegar þeir fóru síðan að líta á að-
stæður sáu þeir stórt gat á báru-
plastglugga á þakinu, beint fyrir of-
an þann stað sem þeir voru að
vinna. Rafmagnið sló út og þegar
búið var að koma því á aftur reynd-
ist borvélin ónýt. Telur Elvar hugs-
anlegt að hún hafi leitt eldinguna
en borvélin er með tvöföldu öryggi.
Símakerfið hjá Norma varð
óvirkt um sama leyti og segir Þór-
hallur Ívarsson tæknifræðingur hjá
Norma ekki útilokað að það hafi
verið af völdum eldingarinnar og
símkerfið í Vogum og Reykjanesbæ
var raunar í lamasessi fram eftir
degi.
Eldingu laust í vélsmiðjuna Norma í Vogum
Blossi lýsti upp húsið
NEMENDUR á sjávarútvegsbraut
auðlindadeildar Háskólans á Ak-
ureyri hafa stundað sjómennsku
undanfarna tvo daga og reynt fyr-
ir sér með ýmis veiðarfæri á Poll-
inum við Akureyri. Einar í Nesi,
rannsóknarbátur Hafrann-
sóknastofnunar, var notaður til
verksins en leiðangursstjóri var
Hreiðar Valtýsson, útibússtjóri
stofnunarinnar á Akureyri og
kennari við auðlindadeild.
Hreiðar sagði að alls hefðu 12
nemendur tekið þátt í verkefninu,
sex hvorn dag. Hann sagði að
veiðin hefði gengið illa fyrri dag-
inn en mun betur í gær, enda
veðrið þá mun betra. „Við erum
að sýna nemendum fiska og
hvernig þeir eru rannsakaðir.
Fiskarnir eru mældir og vigtaðir,
það er skoðað hvað þeir eru að éta
og þá eru teknar kvarnir úr fisk-
unum svo hægt sé að aldursgreina
þá. Við höfum verið að prófa okk-
ur áfram og vorum með net og
gildrur í sjónum og einnig not-
uðum við handfæri og veiðistang-
ir en aflinn var nær eingöngu
þorskur,“ sagði Hreiðar.
Morgunblaðið/Kristján
Nemendur á sjávarútvegsbraut auðlindadeildar Háskólans á Akureyri á þorskveiðum á Pollinum.
Þorskveiðar á Pollinum
TÆPLEGA þrítugur danskur maður var í gær
dæmdur í Héraðsdómi Reykjavíkur í 12 mánaða
fangelsi fyrir að flytja fimm kíló af hassi til lands-
ins 18. desember sl. Hassið var falið í fóðri ferða-
tösku en maðurinn kvaðst hafa haldið að aðeins
væru 1–2 kíló af hassi í töskunni. Dómarinn skoð-
aði töskuna og taldi að maðurinn hefði mátt gera
sér grein fyrir að í henni væri meira af hassi.
Yrði hann að bera hallann af því að láta „sér
magnið í léttu rúmi liggja“ eins og segir í dómn-
um.
Tollgæslan á Keflavíkurflugvelli stöðvaði
manninn við komuna til landsins frá Kaupmanna-
höfn. Veittu tollverðir athygli að þegar búið var
að tæma ferðatösku hans vó taskan rúmlega 11
kíló en full vó hún 20 kíló. Þegar klæðning var
fjarlægð úr botni og loki töskunnar kom hassið í
ljós. Maðurinn, sem ekki hefur áður verið dæmd-
ur vegna fíkniefnabrota, sagði svo frá að hann
hefði tveimur mánuðum áður hitt danskan mann í
Kaupmannahöfn sem hefði spurt hann hvort
hann vildi flytja inn efni til Íslands. Hann hefði
fallist á þetta enda fjárþurfi. Hann hefði síðan
fengið töskuna afhenta og samið um að hann
fengi 10.000 danskar krónur fyrir flutninginn sem
áttu að greiðast við afhendingu efnisins. Einhver
myndi síðan hafa samband við sig á Íslandi. Mað-
urinn gaf ekki frekari upplýsingar um þann sem
fékk hann til fararinnar og bar fyrir sig ótta við
hefndaraðgerðir. Maðurinn sagði að taskan hefði
verið tóm þegar hann fékk hana afhenta, utan við
það að hann hefði gert sér grein fyrir að hún inni-
hélt kannabisefni. Í niðurstöðu dómsins segir að
maðurinn hefði enga ástæðu séð til að kanna
hversu mikið magn taskan innihélt né hvort um
hass væri að ræða. Dómarinn hefði skoðað um-
rædda tösku og vegið hana og metið, með og án
þyngdar sem svarar til hassins. Var það mat hans
að maðurinn hefði mátt gera sér grein fyrir að
hún innihélt meira en 1–2 kíló af hassi. Var hann
því sakfelldur fyrir innflutning á fimm kílóum.
Hjörtur O. Aðalsteinsson kvað upp dóminn.
Brynjar Níelsson hrl. var skipaður verjandi en
Sigurður Gísli Gíslason sótti málið f.h. lögreglu-
stjórans í Reykjavík.
Dæmdur í 12 mánaða fangelsi fyrir innflutning á fimm kílóum af hassi
Tóm ferðataskan þótti
grunsamlega þung
FIMM skipverjar á Hugin VE65 eru enn
innlyksa um borð í skipinu í höfn í Múrm-
ansk í Rússlandi og hafa verið það síðan á
þriðjudag. Ástæðan er sú að rússnesk yf-
irvöld segja vegabréf þeirra ógild.
Að sögn Gríms Gíslasonar, vélstjóra á
Hugin, voru þeir að skila skipinu til
Múrmansk þangað sem það hafði verið selt.
Stóð til að þeir tækju rútu til Kirkenes í
Noregi strax sama dag og þeir komu þang-
að. Þaðan ætluðu þeir að fljúga til Oslóar og
síðan heim og voru þeir væntanlegir til
landsins á miðvikudaginn var. Ekkert varð
úr því þar sem rússneskir embættismenn
neituðu að taka vegabréf þeirra gild. Þrjú
vegabréfanna voru gefin út til bráðabirgða í
Vestmannaeyjum skömmu áður en skip-
verjarnir héldu utan.
Loforð svikin æ ofan í æ
Grímur segir að í gær hafi tveir skipverj-
anna fengið að fara í land. Embættismenn-
irnir hafi æ ofan í æ lofað að þeir mættu
fara frá landinu en það hafi ævinlega verið
svikið. Í gær hafi þeim verið sagt að emb-
ættismennirnir myndu koma með vega-
bréfsáritanir og fylgja þeim síðan úr landi í
dag en þeir voru enn ókomnir með árit-
anirnar þegar klukkan var að nálgast níu í
gærkvöld að rússneskum tíma. Sagðist
Grímur því vonlítill um að þeir kæmust úr
landi í dag. Hann segir ómögulegt að ekki
sé hægt að treysta vegabréfum sem íslensk
stjórnvöld gefi út. Þeir hafi snúið sér til ís-
lenska sendiráðsins í Moskvu með vand-
ræði sín sem ætlaði að vinna í málum þeirra
en það hafi þó gengið hægt.
Íslendingum
enn haldið
í skipi í
Múrmansk