Morgunblaðið - 01.02.2003, Blaðsíða 6

FRÉTTIR
6 LAUGARDAGUR 1. FEBRÚAR 2003 MORGUNBLAÐIÐ
Verð á mann frá 19.800* kr.
þegar bókað er á www.icelandair.is
www.icelandair.is
Netsmellur - alltaf ódýrast á Netinu
Flugsæti á broslegu verði
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
IC
E
19
89
0
01
/2
00
3
*Innifalið: Flug og flugvallarskattar
Fauk á hliðina
í krappri beygju
UNNIÐ var að því í gær að koma
flutningabíl með tengivagn á rétt-
an kjöl en hann valt á hliðina í
Mjóafirði á fimmtudagskvöld.
Ökumaðurinn slapp ómeiddur.
Að sögn lögreglunnar á Ísafirði
varð óhappið við Djúpmannabúð.
Þar er kröpp beygja á veginum og
sagði ökumaður svo frá að þegar
hann ók bílnum í beygjuna feykti
kröpp vindhviða honum á hliðina
og valt hann niður um þriggja
metra háan vegarkant. Ökumað-
urinn meiddist ekki og fékk hann
far að næsta bæ með öðrum flutn-
ingabíl.
SKÁKFÉLAGIÐ Hrókurinn stendur fyrir sann-
kallaðri skákveislu á næstunni en félagið heldur
tvö alþjóðleg mót í Reykjavík í febrúar og mars.
„Við höldum sókninni áfram frá fyrra ári, þegar
við héldum fjögur alþjóðleg skákmót,“ segir
Hrafn Jökulsson, forseti Hróksins.
Stórmót Hróksins fer fram á Kjarvalsstöðum
18. til 27. febrúar og er um að ræða eitt öflugasta
skákmót sem hefur farið fram hér á landi. „Þetta
verður eitt sterkasta skákmótið í heiminum í ár
og metnaðarfyllsta verkefni Hróksins til þessa,“
segir Hrafn, en meðalstigafjöldi keppenda er
2.617 Elo-stig.
Michael Adams er stigahæsti skákmaður móts-
ins með 2.734 stig en hann er jafnframt stigahæsti
skákmaður Vestur-Evrópu. Alexei Shirov, einn
vinsælasti skákmaður heims, er skammt undan
með 2.723 stig, en aðrir keppendur eru Ivan Sok-
olov með 2.688 stig, Etienne Bacrot (2.671), Victor
Korchnoi (2.642), Bartomil Macieja (2.629), Hann-
es Hlífar Stefánsson (2.569), Luke McShane
(2.568), Helgi Áss Grétarsson (2.514) og Stefán
Kristjánsson (2.432).
Minningarmót um Guðmund J.
Að loknu stórmótinu gengst Hrókurinn fyrir al-
þjóðlegu atskákmóti til minningar um Guðmund
J. Guðmundsson, formann Dagsbrúnar og mikinn
áhugamann um skák, og verður það haldið í Borg-
arleikhúsinu 3. til 5. mars. „Minningarmótið verð-
ur okkar stærsta framkvæmd til þessa, því þar
verða svo margir af sterkustu skákmönnum
heims og verðlaunin eru með þeim hæstu á
árinu,“ segir Hrafn, en mótið er öllum opið.
Stigahæsti skákmaður mótsins er Búlgarinn
Veselin Topalov sem hefur 2.743 Elo-stig og er
fjórði á heimslistanum. Næstir koma Englending-
urinn Michael Adams, Lettinn Alexei Shirov og
Ivan Sokolov frá Bosníu sem unnið hefur marga
góða sigra á Íslandi. Tveir bestu skákmenn
Frakklands, Etienne Bacrot og Joel Lautier,
mæta til leiks og þeir þrír skákmenn sem hampað
hafa Evrópumeistaratitli, síðan byrjað var að tefla
um þann titil 1999, verða með eða Rússinn Pavel
Tregubov, Ísraelinn Emil Sutovsky og Pólverjinn
Bartlomiej Macieja. Allir eru þeir í hópi ofur-
stórmeistara, með meira en 2.600 Elo-stig. Af öðr-
um ofurstórmeisturum á skákmótinu má nefna
Viktor Bologan frá Makedóníu, Mikail Krasenk-
ow frá Póllandi og Predrag Nikolic frá Bosníu.
Gert er ráð fyrir að 25 stórmeistarar keppi á
mótinu og er vonast til þess að sem flestir af ís-
lensku stórmeisturunum verði með. Þegar eru
skráðir til keppni Jóhann Hjartarson, stigahæsti
skákmaður Norðurlanda, Friðrik Ólafsson, fyrsti
stórmeistari Íslendinga, Hannes Hlífar Stefáns-
son, Þröstur Þórhallsson, Margeir Pétursson,
Helgi Áss Grétarsson og Helgi Ólafsson.
Mikilvægir bakhjarlar
Verðlaun nema samtals 30.000 dollurum, en
fyrstu verðlaun eru 10.000 dollarar. Sérstök verð-
laun verða veitt fyrir bestan árangur kvenna,
ungmenna og stigalausra skákmanna. Heild-
arverðlaunin á Stórmótinu nema 15.000 dollurum.
Edda – miðlun og útgáfa hf. og Björgólfur Guð-
mundsson, aðaleigandi fyrirtækisins, eru helstu
styrktaraðilar atskákmótsins. Margir fjármagna
mótið á Kjarvalsstöðum, en mestur stuðningurinn
er frá Reykjavíkurborg, Baugi og Viðskiptanet-
inu.
Að sögn Hrafns er tímabært fyrir Íslendinga að
halda á ný alþjóðleg stórmót í skák og þessi mót
séu liður í nýrri sókn. Mikið er lagt í bæði mótin.
Skákfélagið Hrókurinn hefur hleypt miklu lífi í
íslenskt skáklíf með margvíslegum hætti. Í fyrra-
vor stóð félagið fyrir alþjóðlegu skákmóti í fyrsta
sinn, Símaskákmótinu 2002, þar sem 25 stórmeist-
arar voru á meðal keppenda í Ráðhúsi Reykjavík-
ur. Í september sem leið hélt Hrókurinn Hreyf-
ilseinvígið 2002 í Þjóðarbókhlöðunni, en þar
áttust Hróksmennirnir Tomas Oral frá Tékklandi
og Stefán Kristjánsson við í sex skáka einvígi. Í
kjölfarið var félagið með Mjólkurskákmótið á Sel-
fossi. Samhliða því var efnt til skákveislu á Suður-
landi á þar sem mörg hundruð börn áttu hlut að
máli.
Tvö sterk alþjóðleg skákmót verða haldin í Reykjavík á næstunni
Morgunblaðið/Sigurður Jónsson
Verðlaunahafar á mótinu á Selfossi ásamt fulltrúum Barnaskólans á Eyrarbakka og Stokkseyri. Pedr-
ag Nikolic og Ivan Sokolov eru á miðri mynd og milli þeirra Arndís Harpa Einarsdóttir skólastjóri.
Eru stærstu og metnaðar-
fyllstu verkefni Hróksins
DAVÍÐ Oddsson forsætisráðherra
opnaði í gær vefinn finna.is, gagna-
veitu Íslenskra fyrirtækja í eigu
Fróða hf. Um er að ræða öfluga leit-
arvél á Netinu og veflausnir sem
þjóna íslensku atvinnulífi. Fróði hef-
ur um áratuga skeið gefið árlega út
handbókina Íslensk fyrirtæki en að
sögn Magnúsar Hreggviðssonar
stjórnarformanns Fróða var hand-
bókin ein og sér farin að renna sitt
skeið á enda. Var því fyrir þremur
árum farið út í viðamikið þróunar-
starf til að nýta möguleika Netsins
til að svara þörf fyrir hraðari end-
urnýjun upplýsinga um íslensk fyr-
irtæki.
Hlutverk gagnaveitunnar er að
opna fyrirtækjum greiða leið að
samskiptum við sívaxandi hóp við-
skiptamanna á Netinu, veita almenn-
ingi traustar upplýsingar um fyrir-
tæki og stofnanir í landinu, vöru
þeirra og þjónustu.
Finna.is leitar á öllu Netinu og
birtir tæknilega réttar niðurstöður á
mjög skömmum tíma og býður einn-
ig upp á fjölda leitarskilgreininga til
að þétta niðurstöður og gera þær
markvissari, auk fjölmargra sérleita
að sögn aðstandenda finna.is.
Jón Karlsson, framkvæmdastjóri
upplýsingasviðs Fróða, segir að
finna.is sé fyrir allan almenning og
jafnframt séu þar sértækar upplýs-
ingar fyrir fyritæki. „Við teljum okk-
ur vera með ítarlegustu upplýsingar
sem nokkur aðili er með um fyrir-
tæki, vörur þeirra og þjónustu,“ seg-
ir hann. „Við erum með gríðarlega
stóra leit á veraldarvefnum, þar sem
leitað er í þremur billjónum léna og
ennfremur er mjög stór leit á ís-
lenskum lénum. En fyrst og fremst
koma mjög vandaðar niðurstöður út
úr leitunum, það er ekki fjöldinn sem
skiptir máli heldur gæði niðurstað-
anna. Sérstaða okkar felst í því að
þeir aðilar sem við þjónustum eru
með miklu hærra upplýsingastig en
þeir gætu við nokkrar aðrar kring-
umstæður verið í leitarvél, vegna
þess að vélin leitar í öllum gögnum
viðkomandi fyrirtækis.“
Gagnaveitan finna.is hefur verið opnuð hjá Fróða hf.
Öflug leitarvél sem þjón-
ar íslensku atvinnulífi
Morgunblaðið/Sverrir
Davíð Oddsson ásamt fulltrúum Fróða, þeim Magnúsi Hreggviðssyni
stjórnarformanni og Jóni Karlssyni, framkvæmdastjóra upplýsingasviðs.
Upplýsingafulltrúi
Landsvirkjunar um
tillögu VST
Svipar til
áforma um
6. áfanga
Kvíslaveitu
ÞORSTEINN Hilmarsson, upplýs-
ingafulltrúi Landsvirkjunar, segir að
tillaga Verkfræðistofu Sigurðar
Thoroddsen, VST, í úrskurði um
Norðlingaölduveitu svipi að verulegu
leyti til áforma Landsvirkjunar um 6.
áfanga Kvíslaveitu. Um sé að ræða
útfærslu á þeirri hugmynd þar sem
setlón vestan Þjórsárlóns sé stækkað
og vatn látið renna inn í Kvíslaveitu, á
svipuðum slóðum og fyrirhugað var.
Þorsteinn segir að það sé því ómak-
leg gagnrýni á Landsvirkjun að halda
því fram að fyrirtækið hafi ekki skoð-
að þá kosti sem settir eru fram í úr-
skurði ráðherra. Landsvirkjun hafi
sett fram áform sín fyrir nokkrum ár-
um en vegna mikillar andstöðu, m.a.
frá Þjórsárveranefnd og heimamönn-
um, hafi verið hætt við þau árið 2001.
Heimamenn og ýmsir vísindamenn
hafi t.d. verið mjög andsnúnir því að
draga úr vatnsrennsli í gegnum
Þjórsárverin, sem nú sé gert ráð fyrir
í úrskurði setts umhverfisráðherra.
Frekar hafi verið bent á miðlunarlón
sem næði jafnvel inn fyrir friðlandið.
Landsvirkjun hafi því ekki yfirsést
þessi útfærsla sem VST bendi á.
Unnt að taka vatn ofar í Þjórsá
„Við höfum fyrir löngu síðan bent á
það og útfært að hægt sé að taka vatn
ofar í Þjórsánni heldur en friðlandið
nær til og beina því inn í Kvíslaveitu.
Einnig er hægt að fikra sig neðar með
ánni og fara neðar með vatnsborðið
en því meira sem slíkt er gert, þeim
mun óhagkvæmari verður fram-
kvæmdin. Einhvers staðar verður að
velja lágmarkspunkt, sem við gerðum
í 575 metra lónhæð yfir sjó, á grund-
velli viðræðna við ýmsa aðila, en án
veituleiðar inn í Kvíslaveitu. Fyrir lá
að möguleiki væri á að vatn færi inn á
friðlandið, enda var gert ráð fyrir því í
friðlýsingu Þjórsárvera.“