Morgunblaðið - 01.02.2003, Blaðsíða 12

VIÐSKIPTI/ATHAFNALÍF
12 LAUGARDAGUR 1. FEBRÚAR 2003 MORGUNBLAÐIÐ

 




 


 
 


 ! "#$ 

  
   % !&!!




 
!   "  
"
"
"
 # $   % &'()*%$
"  )
!  %


) 
+
$  ,") % -)
*
  $ %$
./ !0* 1 %
2$
*
  1*

)% ! '
#
 
(3"  4
 #  )56+)$
" ,("  
"78
BJARNI Ákason hefur sagt upp
störfum sem framkvæmdastjóri
verslunarsviðs Aco-Tæknivals, ATV.
Hann segist ætla
að nota næstu vik-
ur til að ákveða
hvað hann taki sér
nú fyrir hendur.
Faðir Bjarna,
Áki Jónsson,
stofnaði Aco hf. árið 1972, einkum til
að sjá um tölvuþjónustu fyrir herinn,
en á þeim tíma var eina tölvuvæð-
ingin í landinu hjá Bandaríkjaher.
Félagið er elsta tölvufyrirtæki
landsins og það fyrsta til að flytja til
landsins IBM samhæfða tölvu. Árið
2001 var félagið sameinað Tæknivali
undir nafninu Aco-Tæknival, en tap
sameinaðs félags nam 1.082 milljón-
um króna það ár.
Samningar um kaup á versl-
unarsviði fóru út um þúfur
Í desember sl. bárust fréttir um að
samningar væru á lokastigi um að
Bjarni, ásamt hópi fjárfesta, keypti
verslunarþátt ATV, þ.e. BT-verslan-
irnar, sem fyrirtækið á og rekur, Off-
ice One, Apple og Sony-setrið. Ekk-
ert varð úr þeim samningum, en
skömmu seinna var tilkynnt að
Baugur-ID og Eignarhaldsfélagið
Fengur hefðu hvort um sig keypt
23,95% hlutafjár í ATV. Almar Örn
Hilmarsson var ráðinn fram-
kvæmdastjóri. Fludir Holding, í eigu
Ragnars Kristjánssonar, keypti svo
10% hlut rétt fyrir jól. Ragnar er
fyrrum stór hluthafi í Feng.
Uppsagnir um áramótin
Sautján starfsmönnum ATV var
sagt upp störfum um áramótin, þar á
meðal framkvæmdastjóra fjármála-
sviðs félagsins. Á fyrstu níu mánuð-
um ársins 2002 var 188 milljóna
króna tap á rekstri fyrirtækisins.
Bjarni Áka-
son hættir
hjá ATV
HÖSKULDUR Ásgeirsson, fram-
kvæmdastjóri Flugstöðvar Leifs Ei-
ríkssonar hf., FLE, segir að úr-
skurður samkeppnisráðs þar sem
lagt er fyrir FLE að hún fresti fyr-
irhugaðri framkvæmd forvals
rekstraraðila og fyrirhuguðum
skipulagsbreytingum til 1. júní til að
tryggja að samkeppni verði ekki
raskað frekar, komi sér verulega á
óvart. Logi Úlfarsson, fram-
kvæmdastjóri Íslensks markaðar,
segist sáttur við úrskurðinn og hann
staðfesti að brotið hefði verið á
rekstraraðilum.
Vegið að
rétti eigenda
Höskuldur Ásgeirsson segir að
með úrskurðinum sé vegið að skýr-
um rétti eiganda Flugstöðvarinnar
til að ákveða hverjir eru leigutakar í
byggingunni. Hann segist í samtali
við Morgunblaðið ekki telja ósenni-
legt að úrskurðinum verði áfrýjað til
áfrýjunarnefndar samkeppnismála,
en stjórn Flugstöðvarinnar muni
koma saman í næstu viku til að
ræða viðbrögð við úrskurðinum.
„Okkur finnst þessi úrskurður mjög
undarlegur. Í honum er tekið undir
sjónarmið eins leigutaka og ekki lit-
ið á þær breytingar sem við erum
að boða með þessu forvali, sem fel-
ast í því að efla þjónustu við ferða-
menn með fjölgun verslana og veit-
ingastaða og auka þar með
samkeppni á svæðinu. Okkur finnst
það skjóta skökku við að samkeppn-
isráð tekur ekki undir þau sjónar-
mið okkar,“ sagði Höskuldur Ás-
geirsson.
Aðspurður hvort aðrir rekstrar-
aðilar en Íslenskur markaður hafi
látið í ljósi óánægju með forvalið
segir Höskuldur að enginn þeirra
hafi látið óánægju í ljós við Flug-
stöðina og allir hafi þeir sótt um í
forvalinu. „Markmiðið með forval-
inu er meðal annars að gefa aðilum
sem eru ekki inni á svæðinu í dag,
tækifæri til að komast þar inn til að
geta gert flugstöðina almennt að
fjölbreyttara verslunar- og þjón-
ustusvæði.“
Um þá gagnrýni Íslensks mark-
aðar að Flugstöðin sjálf vilji tryggja
sér bestu verslunarplássin á svæð-
inu segir Höskuldur að eigandi
Flugstöðvarinnar hafi miklar skuld-
bindingar út af rekstri byggingar-
innar og verði að standa undir þeim.
„Það félag sem á og rekur þessa
byggingu hlýtur að hafa allt um það
að segja hverjir eru leigutakar í
byggingunni. Þetta fyrirkomulag er
þekkt víða erlendis að það sé sami
eignaraðili að Flugstöð og kjölfestu-
verslun á fríhafnarsvæði. Svo má
benda á að það er alþekkt að eig-
endur verslunarmiðstöðva séu með
kjölfestuverslun og fái síðan aðra
aðila til að koma inn með annan
verslunarrekstur.“
Sáttur við úrskurðinn
Logi Úlfarsson framkvæmda-
stjóri Íslensks markaðar í flugstöð
Leifs Eiríkssonar segist vera sáttur
við úrskurðinn og segir hann vera
staðfestingu á því sem Íslenskur
markaður hefur haldið fram allan
tímann. „Það að leigusali sé aðal-
samkeppnisaðili annarra rekstrar-
aðila finnst okkur einkennilegt og
þessi úrskurður er fyrst og fremst
staðfesting á því að við höfðum rétt
fyrir okkur; það var verið að brjóta
á okkur og ekki bara okkur heldur
öllum sem starfa í flugstöðina og öll-
um sem tóku þátt í forvalinu,“ sagði
Logi í samtali við Morgunblaðið.
Hann segir að inntakið í kærunni
hafi verið að allir fái að sitja við
sama borð. „Við vildum ekki að
Flugstöðin gæti tekið bestu vöru-
flokkana og bestu svæðin fyrir sig
og látið hina bítast um restina. „Ég
get ekki séð annað en að forvalið sé
ónýtt. Það þarf að breyta það miklu
áður en verður farið af stað aftur.
Þessi niðurstaða verður til þess að
menn vita hvað má og hvað má ekki
og fyrir allt framtíðarstarf er þetta
mjög góð niðurstaða. Menn eru með
hreint borð og árekstrar þurfa ekki
að koma upp ef rétt verður úr spil-
að. Ég held að það sé mjög mik-
ilvægt því menn ætla sér að vera
áfram þarna í húsinu.“
Viðbrögð við úrskurði samkeppnisráðs um FLE
Kemur okkur verulega á óvart
Deildar meiningar eru um úrskurð samkeppnisráðs.
HAGNAÐUR Bakkavarar Group á
síðasta ári var 1.556 milljónir króna
eftir skatta samanborið við 382 millj-
ónir króna árið áður sem er um 307%
aukning. Fyrir skatta var hagnaður-
inn 2.112 milljónir króna sem er um
296% aukning hagnaðar milli ára, en
hagnaður félagsins fyrir skatta árið
2001 var 533 milljónir króna. Þetta
er langbesta afkoma félagsins frá
upphafi.
Ágúst Guðmundsson stjórnarfor-
maður félagsins kveðst ánægður
með afkomu ársins. „Síðasta ár gekk
eins og áætlanir gerðu ráð fyrir. Það
var mjög góður innri vöxtur eða sem
svaraði 21% og við erum mjög
ánægðir með það. Við horfum björt-
um augum fram á veginn,“ sagði
Ágúst í samtali við Morgunblaðið.
Á fundi sem haldinn var í gær fyrir
greinendur og hluthafa kom fram að
Bakkavör hyggst hefja sölu á vörum
sínum í Þýskalandi 1. apríl nk. sem
verður tilraun til sex mánaða að því
er kom fram í máli Ágústs. Ef sú til-
raun heppnast vel á að skoða frekari
sókn inn á þann markað, en Bakka-
vör sérhæfir sig í framleiðslu ferskr-
ar tilbúinnar matvöru.
Rekstrartekjur félagsins jukust
um 200% á síðasta ári og fóru úr
6.114 milljónum króna í 18.286 millj-
ónir króna. Veltufé frá rekstri jókst
úr 616 milljónum króna árið 2001 í
2.089 milljónir króna á síðasta ári eða
um 239%. Hagnaður fyrir afskriftir
og fjármagnsliði var nú 3.120 millj-
ónir króna samanborið við 937 millj-
ónir króna árið 2001. Það er um 233%
aukning milli ára. Hlutfall EBITDA
af rekstrartekjum var 17,1%, en var
15,3% árið 2001. Innri vöxtur sam-
stæðunnar var 21,2%.
Gæði hagnaðar mikil
Iða Brá Benediktsdóttir hjá grein-
ingardeild Kaupþings segir uppgjör-
ið gott og gæði hagnaðar mikil.
„Uppgjörið verður að teljast gott þó
svo að greiningardeild hafi gert ráð
fyrir örlítið hærri framlegð en lægri
framlegð skýrist að hluta til vegna
þess að það frestaðist að taka í notk-
un nýja verksmiðju, en frestunin
kostaði félagið 270 m.kr. Tekjur og
hagnaður ársins eru þó í takt við spá
greiningardeildar ef frá er talin nið-
urfærsla vegna lokunar á starfsemi í
Póllandi,“ segir Iða Brá í samtali við
Morgunblaðið.
Iða Brá segir að lægri framlegð sé
þó vissulega nokkur vonbrigði en
uppgjörið sé þó í takt við áætlun fé-
lagsins sem gefin var út í upphafi árs.
„Það sem er ánægjulegt við upp-
gjörið er að yfirtakan á KFF virðist
vera að takast vel, eins og sjá má á
miklum vexti og góðri framlegð en
innri vöxtur félagsins á tímabilinu
var rúmlega 20%. Það sem einkennir
einnig reksturinn er sterkt sjóð-
streymi en segja má að gæði hagn-
aðarins séu mikil en tiltölulega lítill
munur er á veltufé frá rekstri og
handbæru fé frá rekstri. Arðsemi
eiginfjár var 21% á tímabilinu.
Árið í ár lítur vel út hjá félaginu en
áfram er gert ráð fyrir miklum vexti
tekna einkum vegna vaxtar markað-
arins en auk þess virðist félagið vera
að bæta við markaðshlutdeild sína,“
segir Iða Brá Benediktsdóttir.
Miðað við meðaltal sem Morgun-
blaðið hefur reiknað út úr spám
nokkurra íslenskra fjármálafyrir-
tækja er hagnaður Bakkavarar
minni en búist var við. Meðaltal spáa
fjármálafyrirtækjanna er 1.564
milljónir en niðurstaðan er 1.497
milljónir króna. Sé niðurfærsla
vegna verksmiðju sem lögð var niður
í Póllandi ekki tekin með í dæmið
nemur hagnaðurinn hinsvegar 1.556
milljónum króna.
Dótturfélag í Póllandi
lagt niður
Rekstur dótturfélaga Bakkavarar
gekk vel á árinu ef frá er talinn
rekstur sölu- og dreifingarfyrir-
tækisins Bakkavör Polska í Póllandi
sem starfrækt hefur verið í þrjú ár.
Á fundinum í gær kom fram að
rekstur félagsins hafi gengið erfið-
lega vegna ákaflega erfiðs ástands á
pólska matvörumarkaðnum og ljóst
sé að starfsemin uppfylli ekki kröfur
Bakkavarar Group um arðsemi og
vöxt. Einnig kom fram að stjórn
Bakkavarar þyki einsýnt að veru-
legar breytingar á rekstrarumhverfi
Bakkavarar Polska muni ekki verða í
náinni framtíð og því hafi verið
ákveðið að leggja starfsemina niður.
Tekið er fram að kostnaður við að
hætta starfseminni í Póllandi hafi all-
ur verið gjaldfærður í reikningum fé-
lagsins og nemur hann rúmlega 59
milljónum íslenskra króna.
Hagnaður Bakka-
varar margfaldast
Innri vöxtur 21%

 


  





 

  




    


 
   

 
  
 !


"!


# "


# !
# $





%
 &
 





 '
 '(
 
#

) &  *
+  &  %
 ,  
 
 

 
 '$
$
'-(.
-'.
 ('
#
 



 ! "



(  


#$ %
   
SAMANLÖGÐ verðvísitala sjávarafurða
mæld í SDR hækkaði um 1,8% í síðasta
mánuði og mældist 108,1 stig. Yfir sama
tímabil styrktist íslenska krónan nokkuð
þannig að mæld í íslenskum krónum
lækkaði vísitalan lítið eitt. Mæld í SDR
hækkaði verðvísitala allra afurðaflokka.
Þetta kemur fram í morgunpunktum
Íslandsbanka, en það er Hagstofan sem
reiknar og gefur vísitölurnar út.
Samanlögð verðvísitala botnfiskafurða
hækkaði um 1,8% en þar munar mest um
2,6% hækkun verðvísitölu saltfiskafurða.
Verðvísitala rækju hækkaði um 2,1% milli
mánaða en verðvísitala mjöls, lýsis og
síldar hækkaði um 1,1%.
Frá því desember 2001 hefur sam-
anlögð verðvísitala sjávarafurða, mæld í
SDR, hækkað um 3,8%. Mæld í íslensk-
um krónum hefur verðvísitala sjávaraf-
urða lækkað um 12,4% frá desember í
fyrra. Sú lækkun skýrist af styrkingu ís-
lensku krónunnar frá sama tímabili í
fyrra.
Verðvísitölur sjávarafurða eru teknar
saman og birtar af Hagstofunni og eru
þær byggðar á upplýsingum frá helstu út-
flytjendum um dagverð um miðjan hvern
mánuð og verð í þeim gjaldmiðli sem við
á hverju sinni.





 







          !




 
  


Verðvísitala fisk-
afurða hækkar