Morgunblaðið - 01.02.2003, Blaðsíða 32

LISTIR
32 LAUGARDAGUR 1. FEBRÚAR 2003 MORGUNBLAÐIÐ
Listasafn Íslands Sýningin Á
mörkum málverksins verður opnuð
í dag. Þar verða m.a. verk eftir
Mike Bidlo en á sýningartímanum
verður sýnt myndband með samtali
Mike Bidlo og Arthur C. Danto um
málverkið.
Myndbandið var tekið upp við opn-
un sýningar Bidlo í Listasafni
Bergen sl. haust og vakti þetta
samtal þeirra athygli.
Vefurinn Rithringur.is verður opn-
aður á Celtic Cross, Hverfisgötu 26,
kl. 20 og verður af tilefninu haldin
kynning á Rit-
hringnum. Vef-
urinn er ætlaður
rithöfundum og
áhugafólki um
ritsmíðar. Á
vefnum geta höf-
undar lagt fram
efni og fengið
gagnrýni ásamt
ábendingum frá
öðrum notendum
vefjarins, sem og gagnrýnt hjá öðr-
um. Einnig er þarna að finna spjall-
svæði, greinar og margt fleira.
Þá lesa upp úr verkum sínum og
ræða um ritlistina þau Auður Jóns-
dóttir, Gerður Kristný, Jón Atli
Jónasson, Rúnar Helgi Vignisson
og Viktor Arnar Ingólfsson.
Opna galleríið verður í dag á
Laugavegi 51 (gamla Blanco y
negro), en galleríið er starfrækt
mánaðarlega, á löngum laugardegi.
Tómt verslunarhúsnæði tekið
traustataki og undirlagt myndlist
eina eftirmiðdagsstund. Allir starf-
andi listamenn eru velkomnir með
verk og uppákomur sér að kostn-
aðarlausu. Þeir sem vilja setja upp
verk mæta í umrætt húsnæði milli
13-14 en húsnæðið verður opnað
gestum og gangandi kl. 14. Klukk-
an 18 verða verkin tekin niður og
það krælir ekki á sér fyrr en mán-
uði síðar einhvers staðar annars
staðar.
Siglufjarðarkirkja Kristín R. Sig-
urðardóttir sópran og Antonia
Hevesi píanóleikari halda einsöngs-
tónleika kl. 17.
Flutt verða
þekkt íslensk
sönglög og aríur
eftir Eyþór Stef-
ánsson, Sigvalda
Kaldalóns, Þór-
arin Guðmunds-
son, Árna
Björnsson,
Markús Krist-
jánsson, Handel,
Mozart, Cilea, Puccini, Mascagni og
Verdi.
Tónleikarnir verða einnig fluttir í
Miðgarði í Varmahlíð á morgun,
sunnudag, kl. 15.
Sólheimar í Grímsnesi Ólafur
Már Guðmundsson opnar mál-
verkasýningu kl. 16. Ólafur Már er
Ísfirðingur fæddur 1957 og íbúi á
Sólheimum. Hann útskrifaðist frá
MHÍ árið 1980 og hefur að baki
langan feril sem myndlistarmaður,
myndlistarkennari og af starfi með
fötluðum. Í sýningarskrá ritar
Katrín Valgerður Karlsdóttir
myndlistarkona og segir m.a.: Ólaf-
ur Már byggir myndir sínar hægt
en hnitmiðað upp, lag eftir lag af
þunnum litum frá dökku yfir í ljóst,
það gerir það að verkum að birtan
eins og sogast inn í myndirnar.
Formin eru stílhrein og fáguð,
staðlaðar táknmyndir fyrir mann-
eskjur sem stillt er upp í huglægu
landslagi, íkonumynd af náttúrunni.
Leitast er við að ná jafnvægi og ró,
en undir niðri skynjar maður
spennu, einmanaleika og duldar til-
finningar.“
Sýningin verður opin fram í maí,
virka daga frá kl. 9-17, um helgar
kl. 14-18.
Haukur Dór opnar málverkasýn-
ingu í gamla Álfaborgarhúsinu,
Knarrarvogi 4 og í verslun Álfa-
borgar að Skútuvogi 6. Á fjörutíu
ára ferli hefur Haukur Dór sýnt
reglulega á Íslandi og erlendis.
Mörg verka hans eru í opinberri
eigu og á einkasöfnum. Sýningin
stendur til 9. febrúar.
Í DAG
 Sjá einnig Staður og stund á mbl.is
Gerður Kristný
Kristín R.
Sigurðardóttir
Í LISTASAFNI Reykjavík-
ur – Hafnarhúsi verður opn-
uð sýning kl. 16 í dag á verk-
um myndskreyta í íslenskum
handritum frá siðaskiptum
fram á miðja 19. öld. Sýn-
ingin er í verkefninu Lýsi og
er sýningar- og verkefna-
stjóri Ásrún Kristjánsdóttir.
Viðfangsefni hennar á þess-
ari sýningu er að sýna fram
á að myndlistarsaga er jafn-
gömul þjóðinni og eru mynd-
lýsingar í miðaldahandritum
einn hluti af þeim arfi sem
sýnir fram á þetta.
Á sýningunni getur að líta
myndir Jóns bónda Bjarna-
sonar og ýmissa annarra
myndskreyta, og skiptast
verkin í nokkra efnisflokka,
sem gerð er grein fyrir í
sýningarsölunum. Myndir
Jóns bónda eru „bernskar“, og í
samræmi við það gæti mörgum þótt
þær hafa meira skemmtana- og
upplýsingagildi um tíðaranda en
listrænt gildi.
Á sýningunni verður einnig flutt
hljóðlistaverkið Hvísl skrifarans eft-
ir Sjón og Hilmar Örn Hilmarsson.
Gagnagrunnur um myndlist
Lýsir er heitið á verkefni sem
sett var á stofn með það að mark-
miði að búa til gagnagrunn um
myndlist í íslenskum handritum.
Samstarfsaðilar Lýsis eru Listasafn
Reykjavíkur og Landsbókasafn Ís-
lands – Háskólabókasafn. Markmið
er að rannsaka og ljósmynda ís-
lensk handrit í þeim tilgangi að auð-
velda aðgengi myndlistarfólks,
fræðimanna, nemenda og almenn-
ings að þeim lítt þekkta þætti
myndlistarsögu þjóðarinnar sem
þar er að finna. Lýsir hefur frá upp-
hafi haft hug á að efna til sýninga á
völdu myndefni í tengslum við rann-
sóknir á handritum og er sýningin í
Listasafni Reykjavíkur fyrsta skref-
ið á þeirri leið. Ætlunin er að sá
gagnagrunnur sem myndast út frá
þessum rannsóknum verði opnaður
almenningi næsta haust og síðan
uppfærður eftir því sem verkinu
vindur fram.
Sýningin stendur til 9. mars og er
opið alla daga kl. 10–17.
Myndlistarsaga
jafngömul þjóðinni
Ein myndanna á sýningunni Lýsi í Lista-
safni Reykjavíkur – Hafnarhúsi.
YFIRSKRIFT tónleikanna á
fimmtudagskvöld var „Kvöld-
skemmtun á þorra“. Kabarettsleg
viðfangsefni 4Klassískra voru fjöl-
breytt og sköruðust á milli aðgengi-
legra ljóðasöngva, Vínarléttmetis,
Broadway- og innlendra söngleikja,
líkt og fyrir e.k. þyngri útgáfu af
Borgardætrum. Aðsóknin var þó
ekki nema tæp 40 manns.
Langflest var sungið í terzett-
skipan, oftast með Signýju Sæ-
mundsdóttur í sópran, Björk Jóns-
dóttur í mezzo og Jóhönnu V.
Þórhallsdóttur í alt. Þó átti hver um
sig sitt einsöngstækifæri í seinni
hluta; Jóhanna í tangó Árna Björns-
sonar, Að ganga í dans, Signý í
Ljúflingshól (Jón Múli Árnason) og
Björk í Maður hefur nú ... (Gunnar
Reynir Sveinsson). Byrjað var á
tveim lögum eftir Franz P. Schu-
bert, Lachen und Weinen og Sil-
ungnum, en síðan tekið hið róm-
antískt líðandi Beau Soir eftir
Claude Debussy. Signý og Jóhanna
fluttu þá Dôme Épais, blómadúett-
inn kunna úr „Lakme“ Delibesar.
Kvennatríóið söng að því loknu hið
seiðandi The water is Wide; sagt
amerískt en hér kunnast undir
nafninu Þvílík er ástin við texta
Jónasar Árnasonar er telur það
írskt þjóðlag (Til söngs, 1987).
Næst var Till there was you úr
söngleik Meredith Willsons The
Music Man (1957) sem varð end-
anlega ófeigt á öndverðum ferli
Bítlanna.
Eftir tvö hálfdauf Vínaróperettu-
lög var Domino („ertu frönsk eða
frónsk eða bæði?“ eins og gárungar
syngja) Ferraris kyrjað af krafti.
Can Can Offenbachs úr „Orfeus í
undirheimum“ er frumhugsað til
spils og í raun ósönghæft, og
breytti útsetning Ophovens engu
um það. Hins vegar var gaman að
Three little Maids from Scool úr
Mikado Gilberts & Sullivans er
henti hópnum bráðvel með til-
heyrandi taktföstu nipponskulegu
sviðstipli.
Í seinni hluta mætti gesturinn
Tómas R. Einarsson til samleiks,
enda viðfangsefnin nær djassinum
og hefði að skaðlausu einnig mátt
bæta trommuburstara við, því oft
vantaði sárlega eftirslag til að lyfta
sveiflu. Fjögurra laga syrpa úr
sennilega einum af fimm beztu
Broadwaysöngleikjum allra tíma,
Fiðlaranum á þakinu eftir Jerry
Bock, tókst með ágætum og einnig
áðurnefnd einsöngslög þar næst á
eftir. Einskis var getið um aldur
lags Atla Heimis Sveinssonar við
Maístjörnu Halldórs Laxness, né
heldur hafði undirr. áður eyrum
barið þetta snotra léttpoppaða lag í
nærri djassvalskenndum 6/8 takti
(hér sagt í útsetningu 4Klassískra)
sem kvartettinn flutti – ef ekki
frumflutti – að tónhöfundi nær-
stöddum við góðar undirtektir.
Epískur hápunktur Vesalinga
Claude-Michels Schönbergs, Einn
dag enn, átti sín augnablik með
þeim stöllum en náði samt ekki
fullu flugi, trúlega einkum sakir of
hægs tempós. „Offbítið“ vantaði
áberandi í Ain’t no mountain high
enough (Ashford/Simpson) og kisu-
lórulegu fettur Marilyn Monroe úr
Some like it hot (1959) voru full-
óskammfeilið stældar í I Wanna Be
Loved By You (Stothart/Ruby/
Kalmar). Hins vegar var mikill
kraftur yfir lokalaginu, The Imp-
ossible Dream (Leigh/Darion) úr
Don Quixote-söngleiknum „Man of
la Mancha“. Hér sem víðar var pí-
anóleikurinn á hinn bóginn óþarf-
lega hógvær, og það, ásamt ekki
nægilega kabarettslegum aðstæðum
þar sem sitja mætti við borð, dró
sennilega mest úr notagildi annars
vel þegins framlags til aukinnar
fjölbreytni í reykvísku tónlistarlífi.
Kabarett án kabaretts
TÓNLIST
Iðnó
Ýmis mismunandi sígild söngleikja- og
kaffihúsalög. 4Klassískar (söngkonurnar
Björk Jónsdóttir, Jóhanna V. Þórhalls-
dóttir og Signý Sæmundsdóttir og píanó-
leikarinn Aðalheiður Þorsteinsdóttir).
Gestur: Tómas R. Einarsson kontrabassi.
Fimmtudaginn 30. janúar kl. 20.
SKEMMTITÓNLEIKAR
Ríkarður Ö. Pálsson
ALÞJÓÐLEGA samsýningin
Then … hluti 5 verður opnuð í
Listasafni ASÍ, Ásmundarsal,
Freyjugötu 41, í dag, laugardag, kl.
15. Verk á sýningunni eiga Birgir
Snæbjörn Birgisson, Miles Hend-
erson Smith, Andrew Child, Gísli
Bergmann, Tom Merry og Stefan
Bottenberg en sami hópur er einnig
með sýningu á Kjarvalsstöðum um
þessar mundir.
Þessi sýning heitir „Nýleg kynni“
og á henni sýna listamennirnir nýj-
ustu verk sín en það sem tengir þau
er sameiginlegur áhugi listamann-
anna á rými og því andartaki er
listaverkið hittir áhorfandann fyr-
ir. Tilfinningarík og hljóðlát efn-
isnotkun, jafnt í hlutlægum sem og
óhlutlægum verkum sýningarinnar
kallar á bein samskipti við áhorf-
andann. Fígúrur eru gefnar í skyn í
mörgum verkanna en aldrei alveg
afhjúpaðar. Áherslan er lögð á
sambandið milli áhorfandans og
listaverksins til að áhorfandinn nái
að skynja sjálfan sig í sýningarrým-
inu og spyrji sig spurninga sem
ekkert eitt svar er við.
Sýningin er opin til 16. febrúar,
alla daga nema mánudaga kl. 13–17
og er aðgangur ókeypis.
Á morgun, sunnudag, kl. 14 verð-
ur leiðsögn um sýninguna.
Í tengslum við sýningarnar tvær
hefur verið gefin út sýningarskrá
með grein eftir heimspekinginn
Jonathan Dronsfield.
Sex undir sama hatti
í Listasafni ASÍ
Morgunblaðið/Golli
Þrír þátttakenda á sýningunni Then … hluti 5 – nýleg kynni. F.v. Birgir
Snæbjörn Birgisson, Miles Henderson Smith og Gísli Bergmann.
BÓKIN Afhverju Hvernigson og
regnboginn eftir Elínu Arnar kom
nýverið út hjá bókaforlaginu Sölku.
Þar segir frá Afhverju sem býr í
Spurningalandi og vinkonu hans,
Afþvíbara. Á dögunum heimsótti El-
ín Arnar sjö og átta ára gömul börn
í Breiðagerðisskóla og Varmárs-
kóla. Hún las söguna fyrir þau og
síðan spunnust umræður um nauð-
syn þess að spyrja og vera opin fyrir
því sem er að gerast í kringum okk-
ur. Börnin unnu verkefni úr bókinni
og máluðu síðan stóran regnboga
sem þau fylltu af spurningum. Þar
mátti m.a. sjá eftirfarandi hugleið-
ingar: „Af hverju hneggja hestar og
hvers vegna stríða krakkar sumum
en ekki öðrum? Af hverju er guð til
og til hvers í ósköpunum þarf ég að
vera í skóla?!“ Ætlunin er að heim-
sækja fleiri skóla á næstunni.
Elín Arnar rithöfundur með börnum úr Breiðagerðisskóla.
Af hverju
er guð til? Dinner I nefnistný plata þar sem
Sigurður D. Dan-
íelsson leikur af
fingrum fram.
M.a. Einu sinni á
ágústkvöldi,
Dagný, Spanish eyes, Fly me to the
moon og Twilight time.
Í plötuumslagi segir m.a.: „Dinner-
tónlist er að því leyti ólík annarri tón-
list að hún er byggð á útsetningum
sem hljóðfæraleikarinn hefur ýmist
numið af nótum eða með hlustun og
hún er einnig að hluta til skáldverk
flytjandans, sem leikur af fingrum
fram og leyfir sér að gera ýmsar
„slaufur í anda líðandi stundar“.
Sigurður nam píanóleik og hefur
verið tónlistarskólastjóri og organisti
til margra ára. Hann er kennari við
Engjaskóla og hefur einnig komið að
tónlistarkennslu við Tónskóla Hörp-
unnar.
Útgefandi er Vestfirska forlagið.
Dægurtónlist