Morgunblaðið - 01.02.2003, Blaðsíða 63

ÍÞRÓTTIR
MORGUNBLAÐIÐ LAUGARDAGUR 1. FEBRÚAR 2003 63

JULIAN R. Duranona leikur með
þýska handknattleiksliðinu Wetzlar
út þessa leiktíð en henni lýkur í lok
maí. Duranona lék tvo leiki með
Wetzlar fyrir jóla- og HM leyfi og
stóð sig vel. Síðan hefur framtíð hans
verið í óvissu þar til félagið ákvað í
gær að framlengja samninginn.

GUILLAUME Warmuz, 32 ára
franskur markvörður, gekk í gær til
liðs við Arsenal og samdi við félagið
til vorsins. Allir markverðir Arsenal,
David Seaman, Rami Shaaban og
Stuart Taylor, hafa átt við meiðsli að
stríða í vetur og Warmuz á að fylla í
skarðið á varamannabekknum eins
og með þarf.

MIDDLESBROUGH gekk í gær
frá leigusamningi við Derby County
um Malcolm Christie og Chris Rigg-
ott, leikmenn með enska 21 árs
landsliðinu. Þeir leika með Middles-
brough til vorsins og þá er reiknað
með því að félagið kaupi þá af Derby
fyrir um 400 milljónir króna.

MICHAEL Ricketts, sóknarmaður
frá Bolton, gekk einnig til liðs við
Middlesbrough í gær. Félagið greið-
ir Bolton um 500 milljónir króna fyr-
ir Ricketts sem fékk tækifæri með
enska landsliðinu í fyrra en hefur
ekki náð sér á strik í vetur.

TERRY Venables, knattspyrnu-
stjóri Leeds, sagði í gær að hann
væri ekki búinn að gera upp hug sinn
um hvort hann vildi halda starfinu
áfram. Venables er afar óhress með
að Leeds skyldi selja Robbie Fowler
og Jonathan Woodgate. „Leikmenn-
irnir sem eru eftir hjá félaginu
skipta þó mestu máli og ég reyni að
einbeita mér að þeim og næsta leik,“
sagði Venables á blaðamannafundi í
gær en Leeds sækir Everton heim í
dag.

RUFUS Brevett, varnarmaður úr
Fulham, gekk til liðs við annað
Lundúnalið, West Ham, í gær. Kaup-
verð var ekki gefið upp. Brevett hef-
ur leikið með Fulham í þremur deild-
um á undanförnum fimm árum.

JIMMY Floyd Hasselbaink verður
á ný í leikmannahópi Chelsea í dag
þegar liðið mætir Tottenham í ná-
grannaslag í ensku úrvalsdeildinni í
knattspyrnu. Hann hefur misst af
síðustu tveimur leikjum liðsins
vegna ökklameiðsla.

HASSELBAINK og Eiður Smári
Guðjohnsen verða væntanlega í
fremstu víglínu og þá þarf Gian-
franco Zola að líkindum að setjast á
varamannabekkinn. Hasselbaink
hefur skorað 10 mörk gegn Totten-
ham í 7 leikjum með Chelsea.

SVERRIR Garðarsson, unglinga-
landsliðsmaður í knattspyrnu, er
kominn í raðir FH-inga á ný eftir að
hafa verið í herbúðum Molde í Nor-
egi í hálft annað ár og leikið þar með
unglingaliðinu. Sverrir er 19 ára og
hefur æft af fullum krafti með meist-
araflokki FH að undanförnu.
FÓLK
STEFFEN Damborg, fram-
kvæmdastjóri danska kvennaliðsins
Skovbakken/Brabrand frá Árósum,
sagði í samtali við staðarblaðið År-
hus Stiftstidende í gær að samningar
við íslenska handknattleiksþjálfar-
ann Kristján Halldórsson væru á
lokastigi.
„Við höfum rætt saman um hríð og
erum komnir það langt að ég tel að
lokaniðurstaðan sé á borðinu. Ég
reikna með því að geta lagt samning-
inn fyrir stjórn félagsins í næstu
viku, en það er hennar að taka end-
anlega ákvörðun í málinu,“ sagði
Damborg.
Kristján, sem þjálfar karlalið
Haslum í Noregi, sagði við Morgun-
blaðið í gær að það væri rétt að hann
væri með samningstilboð í höndun-
um. „Malið er þó ekki í höfn, ég á eft-
ir að skoða það mjög vel næstu dag-
ana,“ sagði Kristján. Hann fór með
fjölskyldu sína til Árósa um síðustu
helgi til að skoða aðstæður þar og
sagði að sér litist vel á þær og að öll
umgjörð í kringum kvennahandbolt-
ann í Danmörku væri glæsileg.
Ef af verður tekur Kristján við lið-
inu í sumar. Skovbakken/Brabrand
er í fallbaráttu í dönsku úrvalsdeild-
inni en hefur styrkt leikmannahóp
sinn verulega að undanförnu og
markmiðið er að liðið verði komið í
fremstu röð í deildinni á næsta tíma-
bili.
Samningar við
Kristján á lokastigi
Salan á Woodgate eykur ennóánægju Terry Venables,
knattspyrnustjóra Leeds, sem eins
og áður segir hefur þurft að sjá á eft-
ir hverjum framúrskarandi knatt-
spyrnumanninum frá félaginu síðan
hann tók við stjórn liðsins í sl. sumar.
Fyrir vikið er farið að þykkna í
Venables og óvíst að hann verði til
langframa í starfi sínu. Sé Venables
óánægður þá er gremja stuðnings-
manna liðsins enn meiri og kom hóp-
ur af hörðustu stuðningsmönnum
Leeds saman fyrir framan Elland
Road til að lýsa yfir megnri óánægju
með störf Peters Ridsdale stjórnar-
formanns. Ridsdale segir aftur á
móti að Leeds sé nauðugur sá kostur
að selja leikmenn til þess að grynnka
á skuldunum sem hafi verið orðnar
óheyrilega miklar. Þrátt fyrir
skuldahalann þá náði liðið samning-
um við Real Madrid á elleftu stundu í
gær um að fá leigðan Raul Bravo frá
spænska liðinu fram til vors. Bravo,
sem hefur leikið með 21 árs landsliði
Spánar, hefur ekki átt upp á pall-
borðið hjá þjálfara Evrópumeistar-
anna á leiktíðinni og var feginn því
að fá tækifæri til að róa á önnur mið.
Reiknað er með því að Woodgate
leiki í fyrsta sinn með Newcastle á
morgun þegar liðið tekur á móti
Englandsmeisturum Arsenal. Sir
Bobby Robson, knattspyrnustjóri
Newcastle, er hins vegar í sjöunda
himni yfir að hafa krækt í hinn unga
og vaska varnarmann enda hefur
hann haft á honum augastað í nokk-
urn tíma. Woodgate er 23 ára gamall
og hefur verið í röðum Leeds í tíu ár.
Eftir talsverða eftirgangsemi
tókst Southampton að öngla í hinn
efnilega miðvallarleikmann Notting-
ham Forest, David Prutton, síðdegis
í gær, en í fyrradag hafði tilboði fé-
lagsins í Prutton verið vísað á bug.
Southampton reiddi fram 2,5 millj.
punda, um 320 millj. króna, fyrir pilt
sem leikið hefur með 21 árs landsliði
Englendinga.
Þá tókst West Ham að fá David
Noble frá Arsenal og gerði við hann
samning fram á vorið. Noble hefur
ekki lánast að komast í stjörnum
prýtt lið ensku meistaranna síðan
hann kom til þeirra fyrir fjórum ár-
um. Var hann m.a. í láni hjá Watford
hluta úr síðustu leiktíð. Noble vonast
til að geta lagt sitt lóð á vogarskál-
arnar hjá West Ham svo liðið haldi
sæti sínu í úrvalsdeildinni, annars
þykir líklegt að hann verði að finna
annað skip og annað föruneyti í sum-
ar.
Forráðamenn Sunderland leggja
allt í sölurnar til þess að halda liðinu
áfram í úrvalsdeildinni og í gær
höfnuðu þeir tilboðum frá Man-
chester United og Liverpool í David
Bellion. Þessi tvítugi kantspilari hef-
ur um nokkrut skeið verið undir
smásjánni hjá Sir Alex Ferguson en
áhugi Liverpool er nýr af nálinni.
Reuters
Jonathan Woodgate á hér, fyrir ofan, í höggi við Darius Vassell,
sóknarleikmann Aston Villa, en þeir eru báðir í enska lands-
liðshópnum. Woodgate gekk til liðs við Newcastle í gær.
Sá sjötti seld-
ur frá Leeds
NEWCASTLE innsiglaði kaupin á varnarmanninum Jonathan Wood-
gate frá Leeds réttri klukkustund áður en lokað var fyrir kaup og
sölu á knattspyrnumönnum í Evrópu í gær. Þá undirritaði Woodgate
samning við Newcastle eftir að hafa lokið við læknisskoðun sem
hann stóðst í alla staði. Newcastle borgaði 9 milljónir punda, jafn-
virði rúmlega 1,1 milljarðs fyrir Woodgate, og hefur þar með selt
sex leikmenn á nokkrum mánuðum fyrir um 50 milljónir punda eða
sem svarar til um 6,5 milljarða króna.
SUNNA Gestsdóttir bætti Ís-
landsmetið í langstökki inn-
anhúss á Reykjavíkurmótinu
sem haldið var í Egilshöll í
fyrrakvöld. Hún stökk 6,08
metra og bætti eigið met um 5
sentímetra en hún stökk 6,03
metra á móti í Noregi fyrir
tæplega ári síðan. Sunna
keppti sem gestur á mótinu
en hún er í Ungmenna-
sambandi Skagafjarðar.
Fanney Björk Tryggvadótt-
ir úr ÍR bætti eigið Íslands-
met í stangarstökki meyja um
fimm sentímetra á mótinu
þegar hún vippaði sér yfir
3,15 metra.
Sunna
bætti Ís-
landsmetið
STEFÁN Gíslason knattspyrnumaður, sem hefur
leikið í Austurríki og Noregi síðustu ár, mun spila
með FH eða Keflavík á komandi keppnistímabili.
Stefán sagði við Morgunblaðið eftir fund með FH-
ingum í gær að þessi tvö félög kæmu til greina
hjá sér og hann tæki ákvörðun á næstu dögum um
með hvoru þeirra hann myndi spila.
„Þetta eru tveir góðir kostir og þótt Keflavík sé
í 1. deild líst mér mjög vel á aðstæður og þjálfar-
ann þar, enda geri ég ráð fyrir að semja til
tveggja ára,“ sagði Stefán.
Hann er 22 ára gamall Eskfirðingur og lék
fyrst með KVA, eitt tímabil með unglingaliði Ars-
enal og síðan eitt sumar með KR í úrvalsdeildinni,
en spilaði síðan í þrjú ár með Strömsgodset í Nor-
egi. Þaðan fór hann til Grazer AK í Austurríki
fyrir ári. Þar hætti hann nú um áramótin og flutti
heim til Íslands.
Stefán í FH
eða Keflavík
Morgunblaðið/Arnaldur
Stefán Gíslason
ÁRANGUR Evrópuþjóða í heims-
meistarakeppninni í Portúgal, þar
sem þær skipa þrettán efstu sætin,
leiðir til þess að Evrópa fær eitt
sæti til viðbótar í handknattleik-
skeppni karla á Ólympíuleikunum í
Aþenu á næsta ári. Um það sæti
verður leikið í Evrópukeppninni í
Slóveníu í janúar á næsta ári.
Liðið sem verður í áttunda sæti á
heimsmeistaramótinu mun því enn
eiga von um að komast til Aþenu.
Það verður þó þungur róður því þá
þarf það að skáka Svíum, Dönum
og Slóvenum en þeir síðarnefndu
verða á heimavelli, og fleiri sterk-
um þjóðum í Evrópukeppninni. Það
verður sem sagt efsta liðið á Evr-
ópumótinu af þeim sem ekki á
ólympíusæti víst, sem dettur í
lukkupottinn og tryggir sér farseð-
ilinn til Aþenu.
Evrópa átti sjö lið af tólf sæt-
unum á Ólympíuleikunum í Sydney
árið 2000. Þá átti Afríka tvö lið þar
sem Egyptar höfðu náð sjöunda
sætinu á heimsmeistaramótinu árið
áður. Evrópa hefur hins vegar
tryggt sér samtals níu lið á leik-
unum í Aþenu. Það eru sjö efstu lið-
in frá HM í Portúgal og gestgjaf-
arnir, Grikkir, og síðan svokallað
álfusæti, en Evrópa, Ameríka, Asía
og Afríka fá eitt sæti hver álfa fyrir
utan hin átta sætin sem ráðstafað
hefur verið.
Ólympíusæti í boði
á EM í Slóveníu
Haukur Ingi leigður?
EKKERT verður af því að Haukur Ingi Guðnason, landsliðsmaður í
knattspyrnu úr Keflavík, gangi til liðs við Grazer AK í Austurríki.
Félagaskiptamarkaðnum í Evrópu var lokað á miðnætti og austur-
ríska félaginu tókst ekki að selja júgóslavneska landsliðsmanninn
Boban Dmitrovic, eins og þurfti til að það gæti gengið til samninga
við Keflvíkinga um Hauk Inga að svo stöddu. Hann sagði við Morg-
unblaðið í gær að líklegast væri að hann spilaði með liði í úrvals-
deildinni hér á landi í sumar.
Haukur Ingi dvaldi hjá Grazer AK á dögunum og spilaði tvo
æfingaleiki með liðinu. Hann fékk sérstaklega góða dóma fyrir
fyrri leikinn, sem var gegn austurríska liðinu Hartberg. „Þeir
sýndu strax mikinn áhuga og voru með tilbúið samningstilboð fyrir
mig, en voru bundnir af því að geta selt júgóslavneskan leikmann.
Það gekk ekki eftir og málið er því úr sögunni, allavega fram á
sumar. Ég geri ekki ráð fyrir því að spila með Keflavík í sumar, ef
ég ætla mér að eiga möguleika áfram á landsliðssæti verð ég að
minnsta kosti að vera í efstu deild hér heima. Keflvíkingar skilja
mína afstöðu mjög vel og þeirra hugmyndir eru að leigja mig til
liðs í úrvalsdeildinni. Það er hinsvegar á algjöru byrjunarstigi og
ég hef æft af fullum krafti með Keflavík, á frábærum æfingum und-
ir stjórn Milans Stefáns Jankovic,“ sagði Haukur Ingi.