Morgunblaðið - 03.02.2003, Blaðsíða 32

32 MÁNUDAGUR 3. FEBRÚAR 2003 MORGUNBLAÐIÐ
DV
Ein umdeildasta og djarfasta
kvikmynd ársins er komin í bíó.
Stranglega bönnuð innan 16 ára
Náðu þeim í bíó í dag.
í mynd eftir Steven Spielberg.
Monica Bellucci
2 vinsælustu myndir frönsku kvikmyndahátíðarinar
DV
MBL
SV MBL
DV
MBL
ÓHT Rás 2
Kvikmyndir.is
Sýnd kl. 5.20, 8 og 10.40. Sýnd kl. 7, 9 og 11. Enskur texti
Misstu ekki af
vinsælustu mynd
síðasta árs í bíó
Tilboð 2 fyrir 1
Sýnd kl. 6, 8 og 10. Sýnd kl. 5.50. Sýnd kl. 8. Sýnd kl. 10.15.
Sýnd kl. 5.40, 8 og
10.15. B. i. 14.
Íslenska fjölskyldumyndin
Didda og dauði kötturinn
frumsýnd um næstu helgi
KRINGLAN AKUREYRI
Sýnd kl. 8 og 10. / Sýnd kl. 10.
/
ÁLFABAKKI
Sýnd kl. 8 og 10.
Sýnd kl. 4, 6, 8 og 10. / Sýnd kl. 4 og 6. / Sýnd kl. 8 og 10.
ÁLFABAKKI KRINGLAN KEFLAVÍK
/
/ /
ÓHT Rás 2
FRIDA Kahlo er ekki aðeins einn
merkasti málari Mexíkóbúa, heldur
hefur tilvist hennar öll fengið á sig
goðsagnarlegan blæ í augum landa
hennar, sem og kvenna og karla víða
um heim. Frida átti í raun ótrúlega
ævi, stutta, heimssögulega, ákafa og
þyrnum stráða og allt varð þetta
henni efniviður í hinum áhrifaríku
málverkum, sem einkenndust af
sterkri sjálfstjáningu.
Þegar gera á ævi svo margbrotinn-
ar manneskju skil t.d. í kvikmynd
vakna þó alltaf ákveðnar spurningar.
Hvernig er hægt að fanga æviskeið,
hugarfar og list manneskju í tveggja
tíma verki?
Í kvikmyndinni Frida er í raun far-
in nokkuð hefðbundin leið. Stiklað er
á stærstu viðburðunum í lífi hennar,
frá unglingsárum til dauðadags. Vik-
ið er að fyrstu ástinni, dvöl í föður-
húsum, hinu skelfilega slysi sem
Frida lenti í 18 ára gömul og dró hana
að lokum til dauða. Rakin eru kynnin
við hinn fræga málara Diego Rivera,
átök í hjónabandi Fridu, erfiðleikar
við barneignir, pólitísk og hugmynda-
fræðileg virkni hjónanna, ferðin til
Ameríku, fráfall foreldris, helstu sýn-
ingar, kynnin við Trotsky og aðra
listamenn og hugmyndafræðinga.
Ekki er kafað sérstaklega ofan í list
Fridu, heldur verða málverkin að
nokkurs konar stiklum er tjá og skrá
hina ólíku viðburði í lífi listamanns-
ins. Þessi aðferð er umdeilanleg því
hún hlýtur alltaf að fela í sér einföld-
un og kalla á hagræðingu í þágu
heildstæðrar frásagnar. Í kvikmynd-
inni Frida hefur einmitt þetta gerst,
því framvindan er í eðli sínu grunn og
yfirborðskennd, flakkað er frá einum
viðburði til annars, en ekki staldrað
nægilega lengi við til þess að gera
einhverjum þessara þátta nægilega
vel skil, hvort sem þar er um að ræða
viðburði eða samskipti persóna. Hið
stormasama samband Fridu við eig-
inmanninn Diego er reyndar nokkurs
konar leiðarminni, og spyrja má
hvort ekki hefði verið áhugaverðara
að nálgast ævi þessarar „sterku“
konu frekar út frá listrænum þroska
og þróun málverks hennar.
Nálgunin við Fridu Kahlo í þessari
kvikmynd er reyndar skiljanleg, þar
sem ævi hennar var gríðarlega við-
burðarík og mótuðu ævisögulegir
þættir málverk hennar mjög sterk-
lega. Myndmál er notað ríkulega til
þess að túlka sjónrænan og fantast-
ískan innri heim listakonunnar, og er
hin sjónræna útfærsla reyndar helsti
kostur myndarinnar. Hið vandlega
mótaða útlit vinnur vel saman með
tregafullri tónlistinni og skapar um-
gjörð sem hrífur áhorfandann með
sér.
Ég hef á tilfinningunni að mikill
metnaður og ástríða fyrir viðfangs-
efninu hafi legið gerð kvikmyndar-
innar að baki, en gerð hennar tók
langan tíma og hafa margir aðilar
komið að verkefninu – sem veit
sjaldnast á gott – sérstaklega ekki í
tilfelli handritsins, sem fjórir eru
skrifaðir fyrir. En þrátt fyrir allt skil-
ar ákveðinn metnaður og ástríða sér í
gegnum kvikmyndina. Salma Hayek
túlkar Fridu af miklum krafti og nær
að hrífa áhorfandann með sér inn í
ímyndaða persónu Fridu Kahlo. Það
má líklegast halda því fram að hér
hafi Salma Hayek í fyrsta sinn fengið
hlutverk í stórri mynd sem reynir
sterklega á leikhæfileika hennar, en
ekki aðeins útlit og kynþokka. Utan
Alfred Molina, sem er frábær í hlut-
verki Diego, njóta aðrir stórleikarar
sín ekkert sérstaklega í myndinni,
Geoffrey Rush á til dæmis mjög
máttlausa innkomu í hlutverki
Trotskys.
Á heildina litið er Frida kraftmikil
og litrík kvikmynd sem veitir ævin-
týrakennt yfirlit yfir ævi Fridu
Kahlo, en áhuginn á að kafa nægilega
djúpt í list eða hugmyndaheim lista-
konunnar víkur fyrir áherslu á
dramatík og holdlegar ástríður og
þaðan er stuttur vegur yfir í söluvæn-
lega melódramatík.
Að fanga ævi
Reuters
Salma Hayek túlkar Fridu Kahlo í kraftmikilli en fullmelódramatískri
mynd um þessa mikilvægu mexíkósku listakonu.
KVIKMYNDIR
Regnboginn
Leikstjórn: Julie Taymor. Handrit: Clancy
Sigal, Diane Lake, Gregory Nava and
Anna Thomas. Byggt á ævisögu Hayden
Herrera. Aðalhlutverk: Salma Hayek,
Alfred Molina, Geoffrey Rush, Ashley
Judd, Antonio Banderas, Edward Norton,
Valeria Golino. Lengd: 127 mín. Banda-
ríkin. Miramax, 2002.
FRIDA
Heiða Jóhannsdóttir
ÓPERUUNNENDUR fjölmenntu í Íslensku óperuna þegar
Macbeth eftir Verdi var frumsýnd á laugardagskvöld. Fagn-
aðarlátum ætlaði aldrei að linna og þátttakendur í sýningunni
léku á als oddi að henni lokinni. Alls taka um fimmtíu söngv-
arar þátt í uppfærslunni.
 Þær voru vígalegar
nornirnar úr kór Íslensku
óperunnar að sýningu lok-
inni. Búningahönnun er í
höndum hinnar lettnesku
Kristine Pasternaka.
Morgunblaðið/Jim Smart
 Ólafur Kjartan Sigurðarson að-
stoðar félaga sinn, Jóhann Friðgeir
Valdimarsson, við að gretta sig
framan í ljósmyndara í gríni.
Söngvurunum Guðjóni Óskarssyni, Ólafi Kjartani Sigurðarsyni
og Elínu Ósk Óskarsdóttur var vel fagnað.
Syngjandi sæl
á Macbeth
SÝNING á verkum sex lista-
manna var opnuð í Listasafni
ASÍ á laugardag undir heitinu
Nýleg kynni.
Þessi tiltekna sýning er
hluti af alþjóðlegri samsýn-
ingu sem ber heitið Then…
hluti 5.
Margir mættu á opnunina
en listamennirnir sex eiga það
sameiginlegt að vera sérstakir
áhugamenn um það andartak
er listaverkið hittir áhorfand-
ann fyrir. Tveir Íslendingar
eiga verk á sýningunni.
Hægt verður að berja verk
listamannanna augum til 16.
febrúar milli klukkan 13 og 17
alla daga nema mánudaga.
Morgunblaðið/Jim Smart
Þetta brosmilda unga fólk
mætti á opnun sýningarinnar
Then…hluti 5 í Listasafni ASÍ
á laugardag. Það er engu lík-
ara en herramaðurinn hafi
haft samráð í litavali við lista-
manninn sem gerði verkið sem
sést í bakgrunni.
Nýleg
kynni í
Lista-
safni ASÍ