Morgunblaðið - 05.02.2003, Blaðsíða 7

MORGUNBLAÐIÐ MIÐVIKUDAGUR 5. FEBRÚAR 2003 B 7
Höfum til sölu lítið notaða
sýningarbíla frá
DETHLEFFS og KNAUS
árgerðir 2001, 2002 og 2003
á frábæru verði.

Útvegum einnig allar gerðir af
notuðum og nýjum húsbílum.

Hægt er að fá bílinn erlendis
og byrja fríið með fjölskyldunni
í Evrópu, við flytjum svo bílinn
til Íslands, tollafgreiðum
og skráum.

Fáið besta verðið án allra
milliliða, persónuleg og góð
þjónusta
Nánari upplýsingar
í síma 00352 2136 5895
og tölvupóst island@pt.lu
LMC 635 árgerð 2001
Mercedes Benz Sprinter 313 CDi.
Sjálfskiptur, ekinn 41 þús. km,
6 manna, stór geymsla.
Verð 5.990.000.
Dethleffs A5880HG árgerð 2002
Fiat Ducato 2,8 Jdi.
Ekinn 600 km, 6 manna, sem nýr.
Verð 4.182.000.
Dethleffs A5820 árgerð 2001
Fiat Ducato 2,8 Jtd.
Ekinn 35 þús. km, 5 manna.
Verð 3.992.000.
Dethleffs A6880 árgerð 2003
Fiat Ducato 2,8 Jtd.
Ekinn 0 km, nýr 6 manna.
Verð 5.234.000.
Dethleffs A6970 árgerð 2003
Fiat Ducato 2,8 Jtd.
Ekinn 11 þús. km, 6 manna.
Verð 4.850.000.
Knaus (Eifelland) 610
árgerð 2002 Fiat Ducato 2,8 Jtd.
Ekinn 11 km, sem nýr, 4 manna.
Verð 4.090.000
Dethleffs A5251 árgerð 2003
Fiat Ducato 2,0 Jtd.
Ekinn 0 km. Nýr, 4 manna.
Verð 3.509.000.
Knaus (Eifelland) 520
árgerð 2002 Fiat Ducato 1.9 Td.
Ekinn 19 þús. km, 4 manna.
Verð 2.852.000
MARGRÉT Ólafsdóttir, landsliðs-
kona í knattspyrnu og leikmaður
Breiðabliks, er með netta bíladellu
og sportar sig á einum laglegasta
sportbíl seinni ára, Audi TT. Mar-
grét, sem er 26 ára gömul og er kerf-
isfræðingur hjá SKÝRR, segir að
Audi-inn sé fallegasti bíllinn sem hún
hafi átt og stelpurnar í boltanum séu
grænar af öfund þegar hún mæti á
honum á æfingar.
Margrét er fædd og uppalin í
Kópavogi og hefur spilað fótbolta
með Breiðabliki síðan hún var tíu ára
að undanskildu einu ári þegar hún
lék með Philadelphia Charge í
Bandaríkjunum.
„Ég hef hálfpartinn verið með bíla-
dellu alla ævi og hef alltaf átt bíl al-
veg frá því ég fékk bílpróf. Það er
auðvitað gaman að eiga góðan og
flottan bíl. Fyrsti bíllinn minn var
Ford Fiesta sem ég átti í tvö ár og
hann reyndist mér vel í að komast á
milli staða.“
Svo eignaðist hún nýjan svart-
an Nissan Almera, „sem var
æðislegur bíll en ég varð að
selja hann þegar ég fór út
til Bandaríkjanna 2001.
Ekki má gleyma því að
móðurbróðir minn,
Jón Rúnar Ragnars-
son [rallkappi og bíla-
sali með meiru,
innsk. blm.], flutti
inn fyrir mig Mitsub-
ishi Eclipse sportbíl
með 140 hestafla,
tveggja lítra vél. Þá
komst ég á bragðið og
vildi komast aftur á
svipaðan eða jafnvel afl-
meiri bíl,“ segir Margrét,
sem varð að ósk sinni því Audi-
inn er jú með 1,8 lítra forþjöppuvél,
180 hestafla.
Í Philadelphia bjó Margrét með
kínverskri og bandarískri stúlku auk
vinkonu sinnar, Rakelar, og spiluðu
þær allar með Philadelphia Charge.
Þar var Margrét bíllaus og reddaði
sér bara fari.
Þegar Margrét kom heim frá
Bandaríkjunum keypti hún sér lítinn
Opel Corsa til bráðabirgða því hún
átti von á því að fara aftur til Banda-
ríkjanna. Ekkert varð hins vegar úr
því vegna þess að reglurnar í banda-
ríska fótboltanum höfðu breyst og
liðunum átta sem keppa í deildar-
keppninni þar er nú eingöngu heimilt
að hafa fjóra erlenda leikmenn. Hún
losaði sig þó fljótt við Opel-inn og
keypti svartan Mercedes-Benz
C180. „Hann var eiginlega of
stór og sjálfskiptur og ég
fílaði hann ekki alveg
og datt þá allt í
einu í hug
að
kaupa Audi-inn. Ég veit ekki hvað
réð valinu en mér líkar vel við hönn-
un bílsins. Hann er æðislegur bæði
að utan og innan. Margir tala um að
hann sé svo flottur að utan en hann er
ekki síðri að innan og allt er svo út-
pælt,“ segir Margrét.
Hefur hún gaman af því að keyra
hratt?
„Já, já, en það er bara ósköp erfitt
hér á landi. Maður þarf alltaf að
passa sig en líklega þarf ég að kaupa
mér radarvara. Ég var einu sinni
stöðvuð fyrir hraðakstur á Fiestunni,
en ég var nú bara á 70 km hraða þar
sem hámarkshraði var 50.“
Margrét er einhleyp og segir að
hún geti leyft sér að eiga svona bíl
meðan svo er. „Ég var svolítið að spá
í það þegar ég keypti bílinn hvort ég
ætti að láta það eftir mér því bíllinn
kostar auðvitað sitt. En svo hugsaði
ég með mér að ef ég gerði það ekki
núna þá myndi ég aldrei gera það. Ég
keypti bílinn í október á síðasta ári
og ég er þriðji eigandinn. Bíllinn er
keyrður um 32.000 km og ég hef
bara keyrt hann um 1.000 km.
Guðjón í Oz keypti
hann nýjan frá um-
boðinu og síðan
eignaðist Björn
Sveinbjörns-
son hann.“
En hvað er
það sem Mar-
grét sækist
eftir í bílum?
„Ég veit það
ekki fyrir víst.
Líklega er það
blanda af öllu.
Hönnunin og
útlitið skemmir
ekki fyrir en svo
höfða aksturseigin-
leikarnir líka til mín. Ég keyri
reyndar ekki mikið – mest bara í
vinnuna og heim og svo á æfingar.“
Margrét útskrifaðist sem kerfis-
fræðingur 1999 og vinnur nú við for-
ritun hjá SKÝRR. Hún hefur spilað
með landsliðinu í fótbolta síðan hún
var sautján ára en hún ætlar að taka
sér hlé frá boltanum í sumar. „Ég er
ekki það gömul að ég get alltaf byrj-
að aftur.“
180 hestöfl og
lagleg form í bíl
Margrétar.
Morgunblaðið/Kristinn
Margrét undir stýri á Audi TT.
Audi-inn hennar
Margrétar
FORD var í hópi 8 mest seldu bíla á Íslandi í fyrra og
hefur sala á Ford aukist mikið síðustu misseri. Að sögn
Egils Jóhannssonar, framkvæmdastjóra Brimborgar, um-
boðsaðila Ford, má þakka þetta að miklu leyti miklum
fjölda nýrra gerða bíla sem komið hafa á markaðinn
undanfarin ár, hagstæðu verði og bættri þjónustu.
Í takt við þetta kynnir Brimborg í lok febrúar Ford
Galaxy, vel búinn sjö sæta fjölnotabíl. Þessi bíll hefur
verið á markaði í Evrópu í um sjö ár en ekki verið seldur
hérlendis áður. Að sögn Egils er Ford Galaxy mest seldi
bílinn í sínum flokki í Evrópu. „Með hagstæðum
samningum og skilvirkri birgðastýringu mun Brim-
borg bjóða Ford Galaxy á sérlega hagstæðu verði eða
frá kr. 2.595.000 í 7 sæta útgáfu kominn á götuna.
Ford Galaxy verður fáanlegur með 4 vélargerðum,
bæði bensín og dísil og bæði beinskiptur og sjálf-
skiptur. Hann verður að auki vel búinn með ABS-
hemlakerfi, samlæsingu með fjarstýringu, fjórum ör-
yggispúðum, upphituðum framsætum og loftkælingu
svo fátt eitt sé nefnt,“ segir Egill.
Ford Galaxy kynntur
Ford Galaxy kostar frá 2.595.000 kr. í 7 sæta útgáfu.
bílar