Morgunblaðið - 06.02.2003, Blaðsíða 5

MORGUNBLAÐIÐ FIMMTUDAGUR 6. FEBRÚAR 2003 B 5














































































































NFRÉTTIR TÖLVUORMURINN „SQL Slammer“ eða
„Sapphire“ sem nýlega gerði usla í netkerfum
heimsins er sagður hafa breiðst hraðar út en
allir fyrirrennarar hans. Slammerinn ku hafa
breiðst um heiminn þveran og endilangan á
einungis 10 mínútum. Mestum vandræðum olli
hann í Suður-Kóreu þar sem internetið hrein-
lega lá niðri um tíma, en óvíða er meira um net-
tengingar en einmitt þar. Ormurinn nýtti sér
veikleika í tölvum sem keyra vefþjóna með
SQL 2000 gagnagrunni Microsoft.
Orminum var komið af stað um kl. 5.30 að
morgni laugardagsins 25. janúar. Í upphafi er
talið að hann hafi tvöfaldast að umfangi á
hverjum 8,5 sekúndum. Á rétt innan við 10
mínútum hafði hann náð að sýkja um 90%
óvarðra netþjóna um allan heim. Frá þessu
greinir BBC.
Talið er að ormurinn Slammer hafi náð til
a.m.k. 75.000 netþjóna og líklega 250.000 tölva.
Ormurinn olli töfum og hefur eflaust kostað
fjárútlát hjá ýmsum fyrirtækjum og stofnun-
um; flugfélög þurftu að fresta flugi, mörg fyr-
irtæki urðu að kalla út mannskap í að koma
netþjónum í samt horf auk þess sem tölvu-
tengdir búðarkassar urðu víða ónothæfir um
tíma. Hinn ógurlegi hraði ormsins er talinn
hafa valdið því hversu áhrif hans urðu mikil á
svo stuttum tíma, þótt hann hafi ekki borið með
sér veiru sem eyðileggur skjöl eða veldur var-
anlegum skaða í tölvum og netþjónum.
Microsoft hugi að öryggi
Í frétt Reuters um orminn Slammer er haft eft-
ir sérfræðingi að hin hraða og óhefta útbreiðsla
ormsins sé merki um að Microsoft standi sig
ekki sem skyldi í öryggismálum. Veikleikinn í
SQL grunninum sem ormurinn nýtti sér sé vel
þekktur í tölvuheiminum og því hefði Microsoft
getað komið í veg fyrir vandann sem ormurinn
skapaði. Fyrir rúmu ári tilkynnti Bill Gates að
öryggismál yrðu sett á oddinn hjá fyrirtækinu
og þykir því ýmsum skjóta skökku við að svo
skæður ormur fái að leika lausum hala vegna
mistaka í kerfi Microsoft.
Umhverfis jörðina
á 10 mínútum
Ormurinn „SQL Slammer“ var sá hraðskreiðasti í netsögunni
Reuters
Suður-Kóreumenn fóru verst út úr baráttunni við
orminn Slammer. Þar í landi er nú mikið lagt undir
til að ormur sem þessi nái ekki að gera netnot-
endum grikk á ný.
FORMÆLENDUR svokallaðrar
Gann-kenningar eru sannfærðir um
að ef breska FTSE-100 hlutabréfa-
vísitalan muni lækka niður fyrir
helming þess gildis sem hún náði þeg-
ar hún fór hæst, muni hún aftur
lækka um helming. Þetta kemur fram
í umfjöllun BBC um breska hluta-
bréfamarkaðinn og Gann-kenn-
inguna. Gangi þetta eftir mun vísital-
an fara niður í um 1.733 stig, því hún
fór hæst í 6.930 stig í desember 1999.
Vísitalan stendur nú í tæplega 3.600
stigum, en helmingurinn af 6.930 stig-
um er 3.465 stig.
Haft er eftir einum af fylgismönn-
um kenningarinnar, Fred Stafford
hjá Gann Management, að ekki sé
nóg að vísitalan fari um stundarsakir
niður fyrir 3.465 stig eins og hún
gerði innan dags fyrir skömmu.
Lokagildi yrði að vera undir þessu
marki og svo aftur yfir því, til að hún
lækkaði á ný. Þetta ferli gæti tekið
marga daga eða vikur, en samkvæmt
kenningunni eigi vísitalan að lækka
um helming ef þróunin verði á þessa
leið. Þótt Stafford sé sannfærður um
hverjar afleiðingarnar verði ef vísital-
an fer með þessum hætti undir 3.465
stig, vill hann ekki spá fyrir um hvort
hún fari undir þá tölu.
Nafn Gann-kenningarinnar er
dregið af William D. Gann, sem var að
sögn BBC farsæll fjárfestir á þriðja
áratug síðustu aldar í Bandaríkjun-
um og notaði stærðfræði við verð-
bréfaviðskipti.
BBC ræðir einnig við David
Schwartz, sem hefur sérhæft sig í
sagnfræði hlutabréfamarkaðarins.
Hann segir að síðastliðna öld hafi
markaðurinn 25 sinnum fallið um
meira en 15%. Í fjögur skipti hafi
hann lækkað um meira en helming,
en að í öllum tilvikum hafi sú lækkun
tengst stórkostlega skaðlegum at-
burði. Hlutabréf hafi til dæmis fallið
um 60% á árunum fyrir síðari heims-
styrjöldina. Þau hafi einnig fallið mik-
ið á áttunda áratug síðustu aldar þeg-
ar olíuskortur ríkti og stjórn breska
Verkamannaflokksins hafi verið álitin
andsnúin viðskiptalífinu. Á árunum
1972 til 1974 hafi hlutabréfaverð fallið
um 74%.
Schwartz segir að lækkunin nú sé
ískyggilega nærri 50% markinu. Sag-
an segi okkur að ef um venjulega nið-
ursveiflu sé að ræða og hætta vegna
stríðs sé skammvinn, þá muni verðið
ekki fara neðar. Ef stórkostlega skað-
legir atburðir séu hins vegar fram-
undan, þá sé frekari lækkunar að
vænta.
Eigi Gann-kenningin við rök að
styðjast var íslenski hlutabréfamark-
aðurinn nærri því í ágúst árið 2001 að
taka aðra dýfu, því þá fór Úrvalsvísi-
talan lægst í 989 stig og hafði lækkað
um tæplega 48% frá því hún náði
hæsta gildi, 1.889 stigum, í febrúar
árið áður. Frá þeim tíma hefur vísital-
an hækkað og er nú um 1.350 stig, eða
um 28% undir hæsta gildi sínu.
Helming-
ur á helm-
ing ofan
Gann-kenningin um hluta-
bréfavísitölur
Einföld lausn
á flóknum rekstri
Rekstur viðski
ptahugbúnað
ar (ASP)
Útvistun í hæs
ta gæðaflokki
Aðgengi að vi
nnuumhverfi
hvar sem er
Fyrsta flokks s
érfræðiþjónus
ta
Minni eða eng
in fjárfesting í
miðlurum
Líftími útstöðv
a tvöfaldast a
.m.k.
Öflugar vírusv
arnir
Örugg afritun
og aðgengi ga
gna
Vöktun gegn
tölvuinnbrotu
m
Fast verð á má
nuði
Áreiðanleiki o
g vinnsluafl
Þjónustuborð
allan sólarhrin
ginn
ADSL, SHDSL
og ljósleiðari
Lén- og vefhý
sing
Vírusvarnir og
póstsíur
Verisign-dulkó
ðun pósts
Eldveggjaþjón
usta
Vefumsýsluke
rfi
Vefmælingar
Öryggisafritun
iPass-þjónusta
Vefaðgangur
að tölvupósti
Aðgengi að ga
gnagrunnum
Þjónustuborð a
llan sólarhringi
nn
Fáðu upplýsingar og tilboð í síma 569 5100 eða með því
að senda póst til internet@skyrr.is eða kerfisleiga@skyrr.is
A
B
X
/
S
ÍA
90
30
09
6
Þjónustulausnir Skýrr gera fyrirtækjum kleift að spara tíma og fyrirhöfn
og ná niður kostnaði á sviði upplýsingatækni. Þjónustulausnir Skýrr
bjóða fyrirtækjum heildarþjónustu á sviði kerfisleigu (ASP) og fullkomna
Internetþjónustu. Þjónustulausnir Skýrr uppfylla ströngustu kröfur um
afköst, stöðugleika, þjónustu og öryggi.