Morgunblaðið - 08.02.2003, Blaðsíða 6

FRÉTTIR
6 LAUGARDAGUR 8. FEBRÚAR 2003 MORGUNBLAÐIÐ
Á ÞESSU ári verður meiri fjármun-
um varið til kynningar og markaðs-
mála í ferðaþjónustu af hálfu ís-
lenskra stjórnvalda en nokkru sinni
áður. Alls verður 325 milljónum var-
ið í að kynna Ísland sem ferða-
mannastað á árinu. Þar af verða 202
milljónir króna settar í pott sem
ætlaður er til landkynningar á fjór-
um markaðssvæðum. Fyrirtæki í
ferðaþjónustu, sveitarfélög, einstak-
lingar og aðrir hagsmunaaðilar geta
sótt um fjármagn úr þessum sjóði til
kynningarstarfs með því að koma
með a.m.k. sama framlag á móti,
krónu á móti krónu. Þannig er
stefnt að því að alls verði hátt í hálf-
um milljarði króna varið til að kynna
Ísland á næstu tólf mánuðum.
Ætlað að styrkja
ferðaþjónustu um allt land
Markaðssvæðin sem um ræðir
eru fjögur, Norður-Ameríka, Bret-
landseyjar, Norðurlönd og megin-
land Evrópu. 40 milljónir króna eru
til ráðstöfunar fyrir hvert svæði,
sem á að skipta í tvö verkefni. Er
þess krafist að lágmarksframlag
samstarfsaðila verði 20 milljónir
króna í hvoru fyrir sig. Þá eru lægri
upphæðir einnig í boði, þar sem
samstarfsaðilar þurfa að reiða af
hendi eina milljón króna. Sérstak-
lega er stefnt að því að kynning-
arverkefnin styrki ferðaþjónustu
um allt land og á heilsársgrunni. Við
val samstarfsaðila verður einnig litið
til þess hvaða útbreiðslu kynningin
muni fá.
Sturla Böðvarsson samgönguráð-
herra hélt blaðamannafund í gær
þar sem kynnt var hvernig staðið
yrði að landkynningu á þessu ári.
Hann sagði að í framhaldi af atburð-
unum 11. september hafi það verið
mat stjórnvalda að nauðsynlegt
væri að efla til sérstaks kynningará-
taks til að verja íslenska ferðaþjón-
ustu. Því hafi 150 milljónum verið
varið til kynningarmála í fyrra, til
viðbótar við önnur kynningarverk-
efni sem þegar hafi verið í gangi. Til
að fylgja þeim góða árangri sem þá
náðist hafi þetta sérstaka framlag
verið tvöfaldað á fjárlögum fyrir
þetta ár.
Aldrei jafnmiklir fjármunir
settir í landkynningu
Magnús Oddsson ferðamálastjóri
sagði að aldrei áður hefðu jafnmiklir
fjármunir verið settir til landkynn-
ingar Íslands erlendis. Þessi aðferð
„króna fyrir krónu“ hafi reynst vel á
innlenda markaðnum síðasta ár.
„Hugmyndin er auðvitað sú að þess-
ar 202 milljónir verði a.m.k. 404 þar
sem það er skilyrði að þeir sem hafa
áhuga á samstarfinu leggi a.m.k.
krónu á móti krónu. Þannig að raun-
verulega er þarna verið að efna til
víðtækasta samstarfs sem ég man
eftir við markaðssetningu Íslands
erlendis í samvinnu stjórnvalda,
greinarinnar sjálfrar og þeirra
hagsmunaaðila sem áhuga hafa,“
sagði Magnús. Hann sagði að auki
færu 140 milljónir til almennra
kynningarverkefna Ferðamálaráðs
og til samstarfsverkefnisins Iceland
Naturally í Bandaríkjunum. Þá
færu 46 milljónir í að hvetja Íslend-
inga til ferðalaga um eigið land og
það verði síðar kynnt hvernig þeim
fjármunum verði ráðstafað.
Sturla sagði samgönguráðuneytið
sífellt vera að bjóða út hin ýmsu
verkefni og að í raun væri kynning-
arátakið „útboð á peningum til
markaðsaðgerða“. Hagsmunaaðilar
séu þannig hvattir til samstarfs við
ferðamálayfirvöld. Sturla sagði Ís-
land þurfa fleiri ferðamenn og þeir
þurfi að dreifast betur yfir árið svo
fjárfesting í ferðaþjónustu nýtist
sem best.
Magnús sagði að ekki hafi verið
sett markmið um ákveðinn fjölda
ferðamanna í tengslum við þetta
átak. „Stærsti árangurinn er sá að
fá aðila til samstarfs, sjá hverjir eru
til í að leggja til markaðsmála á móti
stjórnvöldum og fá aðila til að sam-
einast um mikilvæg og stór kynn-
ingarverkefni. Það er kannski
stærsti árangurinn.“
Ljóst er að menn verða að hafa
hraðar hendur hafi þeir áhuga á
þessu samstarfi, umsóknarfrestur
er til 21. febrúar og er miðað við að
kyningin eigi sér stað á tímabilinu 1.
mars 2003 til 29. febrúar 2004. Inn-
lendir jafnt sem erlendir aðilar geta
sótt um að taka þátt í verkefninu.
Morgunblaðið/Golli
Sturla Böðvarsson kynnti í gær hvernig staðið verður að landkynningu á erlendri grundu þetta árið. Hér er hann
ásamt Magnúsi Oddssyni ferðamálastjóra og Unni Gunnarsdóttur skrifstofustjóra í samgönguráðuneyti.
Aldrei hefur jafn
miklum fjármun-
um verið varið til
landkynningar
Útboð á 202 millj-
óna landkynningu
HÉRAÐSDÓMUR Reykjavíkur
framlengdi í gær gæsluvarðhald
yfir íslenskum karlmanni um þrí-
tugt og sextugum þýskum karl-
manni, en þeir eru í haldi vegna
rannsóknar á smygli á um 900
grömmum af amfetamíni og um
kíló af hassi til landsins. Þegar
Þjóðverjinn var handtekinn kvaðst
hann vera blaðamaður sem væri
hingað kominn til að vinna að grein
um land og þjóð.
Mennirnir hafa nú setið í gæslu-
varðhaldi frá því í byrjun nóvem-
ber. Ásgeir Karlsson, yfirmaður
fíkniefnadeildar lögreglunnar í
Reykjavík, segir rannsóknina vel á
veg komna en vill ekki tjá sig um
málið að öðru leyti.
Áfram í
haldi vegna
fíkniefna-
rannsóknar
GUÐMUNDUR Þorgeirsson, lyf-
læknir og hjartasérfræðingur, segir
jákvætt að læknar geti nú valið úr
fleiri tegundum blóðþrýstingslyfja
því misjafnt sé hvað henti hverjum og
einum sjúklingi. Hann segir að nýju
lyfin séu verulega mikilvæg viðbót
við þau gömlu.
Guðmundur segir niðurstöður
nýrrar rannsóknar á blóðþrýstings-
lyfjum veita haldgóðar upplýsingar
um meðferð háþrýstisjúklinga.
Rannsóknin er sú stærsta sem gerð
hefur verið á blóðþrýstingslyfjum í
Bandaríkjunum. Fjallað var ítarlega
um rannsóknina í Morgunblaðinu sl.
fimmtudag og fram kom að sam-
kvæmt samantekt á vegum heilbrigð-
isráðuneytisins er áætlað að spara
hefði mátt allt að 5 milljarða króna
frá árinu 1983 með notkun eldri lyfja.
„Þetta er merkileg rannsókn, stór
og viðamikil. Lengi höfðu menn
reyndar verið þeirrar skoðunar að
það sé ekki mikill munur á lyfjaflokk-
unum með tilliti til virkni þeirra varð-
andi lækkun blóðþrýstings,“ segir
Guðmundur. Hann segir aðalkostinn
við fjölda lyfjategunda vera að mis-
jafnt sé hvað henti hverjum og einum
og því sé gott að hafa margar teg-
undir til taks. „Sumir svara einu lyfi,
aðrir svara öðru lyfi og svo framvegis
og á því eru sennilega einhverjar
erfðafræðilegar forsendur. Það er
einmitt ein af ástæðunum fyrir því að
menn eru svo spenntir fyrir því að
reyna að skilja erfðafræðina á bakvið
háþrýsting,“ segir Guðmundur.
Guðmundur segir einnig að margt
annað spili inn í lyfjaval lækna. Oft
eru sjúklingar með háþrýsting ásamt
öðrum sjúkdómum. Segir Guðmund-
ur að ódýrari lyf, eins og til dæmis
þvagræsilyf, séu ekki góður kostur
þegar sjúklingur glímir einnig við
sykursýki eða skert sykurþol. Þá
sagði hann þau heldur ekki henta fyr-
ir sjúklinga með þvagsýrugigt. „Þá
eru önnur lyf sem við myndum velja
frekar. Ef það eru aðrir sjúkdómar á
ferðinni líka eins og til dæmis krans-
æðaþrengsl þá eru það betablokkar
sem koma efst á blað hjá okkur.“
Guðmundur sagði mikilvægt að
taka tillit til margra atriða þegar gefa
á sjúklingum lyf. Málin flæktust oft
þar sem margir háþrýstingssjúkling-
ar þurfa meira en eitt lyf og þá þarf
að nota lyf úr hinum ýmsu lyfjaflokk-
um. „Þegar svoleiðis stendur á er oft
mjög skynsamlegt að hafa þvagræsi-
lyf með í spilinu. Þau efla oft verkun
annarra lyfja.“
Guðmundur er sammála rann-
sókninni á margan hátt. „Það sem
þessi rannsókn sýnir er að afdrif
sjúklinganna eru síst verri þegar not-
uð eru þvagræsilyf heldur en þegar
notuð eru nýrri lyf og ég er þess
vegna alveg sammála því að ef ekkert
mælir á móti því þá eigi maður að
prófa þvagræsilyf sem fyrsta valkost.
Það er það sem ég tem mér,“ segir
Guðmundur.
„Nýju lyfin eru verulega mikilvæg
viðbót við þau gömlu,“ segir Guð-
mundur og bætir við að nú sé kominn
annar lyfjaflokkur sem hentar enn
betur við flóknari sjúkdóma.
Guðmundur segir enn fremur að
ein rannsókn sem þessi svari ekki öll-
um þeim spurningum sem skipta
máli í meðhöndlun háþrýstings. „Ég
held samt sem áður að þetta sé mik-
ilvæg rannsókn og gefi okkur mik-
ilvægar upplýsingar um það hvernig
við eigum að velja lyfin.“
Ný blóðþrýst-
ingslyf mikil-
væg viðbót
KVIKMYNDAÁHUGAMENN hafa boðað til
„bíóverkfalls“ dagana 13.-23. febrúar og
hvetja fólk til að sniðganga kvikmyndahúsin
þessa dagana til að knýja fram verðlækkun.
Í tölvubréfi, sem gengur manna á milli
þessa dagana, segir að ástæðan sem for-
ráðamenn kvikmyndahúsanna hafi gefið þeg-
ar miðaverð var hækkað á sínum tíma hafi
verið að Bandaríkjadalur hafi verið svo hár
„og það var rétt, dollarinn fór upp í 112 krón-
ur á tímabili og því var rík ástæða fyrir þessu
miðaverði. En nú stendur dollarinn í tæpum
77 krónum, hefur lækkað um 31% síðan hann
var hæstur og ekkert bólar á verðlækkunum.
Sýnum vilja okkar í verki og sleppum því að
fara í bíó dagana 13.-23. febrúar, sýnum að
við séum ekki sátt við þetta og krefjumst úr-
bóta,“ segir í bréfinu.
Bíóin tóku á sig hluta
hækkunarinnar
Segir í bréfinu að verkfallið verði blásið af
lækki kvikmyndahúsin miðaverð á tímabilinu.
Ekki kemur fram í bréfinu hverjir standa á
bak við það.
Þorvaldur Árnason, forstöðumaður kvik-
myndadeildar hjá Sambíóunum og formaður
Félags kvikmyndahúsa, segir að kvikmynda-
húsin hafi hækkað almennt miðaverð um 13%
meðan bandaríkjadalur hækkað um 30%.
Barnaverð og verð fyrir eldri borgara hafi
haldist óbreytt og raunhækkun hafi því verið
um 10%. „Bíóin tóku á sig töluvert mikla
kostnaðaraukningu, sem má segja að bíóin
séu enn að vinna á,“ segir Þorvaldur. Hann
segir rétt að Bandaríkjadalur hafi lækkað
mjög mikið upp á síðkastið og Sambíóin hafi
fylgst með þeirri þróun, en ekki sé hægt að
lækka verð fyrr en gengi Bandaríkjadals sé
orðið stöðugt. Bendir Þorvaldur einnig á að
myndir sem komi til sýninga í dag hafi verið
keyptar fyrir um ári og þá hafi verið borgað
inn á þær, einmitt þegar gengi Bandaríkja-
dals var enn mjög hátt.
Þekkja ekki hvernig
kaupin gerast á eyrinni
Björn Sigurðsson, framkvæmdastjóri kvik-
myndadeildar Norðurljósa, tekur í sama
streng og segist halda að sá hópur sem standi
að „bíóverkfallinu“ þekki ekki til hvernig
kaupin gerist á eyrinni. Þegar miðaverð var
síðast hækkað hafði það ekki hækkað í eitt og
hálft ár, þrátt fyrir að dollarinn hafi farið
upp um 30% á því tímabili. Síðan hafi orðið
miklar kostnaðar- og launahækkanir þannig
að miðaverð sé ekki óeðlilegt í dag.
Hann segir að Norðurljós muni ekki grípa
til aðgerða vegna verkfallsins. „Auðvitað höf-
um við ákveðnar áhyggjur af því þegar menn
sem ekki þekkja stöðuna ráðast svona á okk-
ur. Þetta er ekkert nema atvinnurógur í
sjálfu sér því menn þekkja ekki söguna á bak
við þetta. Ég held að allur almenningur skilji
hvernig þetta gengur og rjúki ekki upp til
handa og fóta út af einu tölvubréfi,“ segir
Björn.
Um þessa helgi standa Sambíóin og Há-
skólabíó fyrir fjölskyldudögum þar sem miða-
verð á valdar myndir sem allar höfða til
yngstu kynslóðarinnar verður 250 krónur.
Þorvaldur segir þetta ekki viðbrögð við
„verkfallinu“. Fjölskyldudagar hafi líka verið
haldnir um síðustu helgi og einnig síðasta
haust.
Hvetja til „bíóverkfalls“
LÝSTAR kröfur í þrotabú Frétta-
blaðsins ehf., sem gaf út samnefnt
blað þar til sl. vor að annað félag tók
við rekstrinum, nema rúmum 300
milljónum króna og kröfur í þrotabú
auglýsingastofunnar Note bene ehf.
nema um 230 milljónum króna. Eig-
endur þessara fyrirtækja voru að
mestu hinir sömu og áttu Frjálsa
fjölmiðlun hf., sem einnig varð gjald-
þrota, og þar fóru lýstar kröfur yfir 2
milljarða króna.
Sigurður Gizurarson hrl. er
skiptastjóri vegna þrotabúa Frétta-
blaðsins og Nota bene. Fyrirtækin
voru úrskurðuð gjaldþrota 22. nóv-
ember síðastliðinn. Hann sagðist
ekki vera búinn að taka saman upp-
lýsingar um stærstu kröfuhafa en
kröfulýsingarfrestur rann út sl.
fimmtudag. Nú tæki við sú vinna að
taka afstöðu til krafna en skiptafund-
ur í þessum þrotabúum hefur verið
ákveðinn 27. febrúar næstkomandi.
Gjaldþrot Fréttablaðsins ehf. og Nota bene
Lýstar kröfur yfir
500 milljónir