Morgunblaðið - 08.02.2003, Blaðsíða 23

LISTIR
MORGUNBLAÐIÐ LAUGARDAGUR 8. FEBRÚAR 2003 23
GRO Tove Sandsmark, sendikennari
í norsku við Háskóla Íslands, mun
kynna norskar nýútkomnar bækur og
strauma í norskum bókmenntum í
Norræna húsinu í dag, laugardag, kl.
16–18.
Rithöfundinum og stríðsfréttarit-
aranum Åsne Seierstad hefur verið
boðið að koma í tengslum við kynn-
inguna og mun hún lesa upp og kynna
höfundarverk sitt.
Åsne Seierstad (f. 1970) er cand.
mag. frá háskólanum í Ósló með próf í
rússnesku, spænsku og hugmynda-
sögu. Hún hefur mikla reynslu af
fréttastörfum á átakasvæðum eins og
Kosovo og Afganistan og hefur hlotið
mörg verðlaun sem stríðsfréttaritari
fyrir þau störf. Bokhandleren i Kabul
– et familiedrama hefur verið á met-
sölulistum allt frá útgáfudegi í haust.
Åsne Seierstad, var með fyrstu vest-
rænu fréttamönnunum sem komu til
Kabúl, höfuðborgar Afganistans, eftir
flótta talibana haustið 2001. Þar
kynntist hún bóksala í bænum og vor-
ið 2002 fékk hún að búa hjá fjölskyldu
hans, konum hans tveimur og skyldu-
liði. Þessu fólki er lýst í Bokhandleren
i Kabul – et familiedrama. Seierstad
sameinar hér starfsaðferðir blaða-
mannsins og bókmenntalegan stíl.
Hún kynnist fjölskyldunni með því að
tala við hana og fylgjast með henni en
sögur einstaklinganna eru sagðar
eins og skáldsaga með ósýnilegum
sögumanni. Åsne hefur einnig gefið út
bókina Med ryggen mot verden.
Portretter fra Serbia.
Dagskráin fer fram með fjárhags-
legum stuðningi frá Norrænu ráð-
herranefndinni.
Stríðsfréttamaður
kynnir verk sín
SJÓNLEIKHÚSIÐ í samstarfi við
Leikfélag Reykjavíkur frumsýnir
nýtt leikrit með söngvum eftir Val-
geir Skagfjörð og Stefán Sturlu
Sigurjónsson sem gert er eftir hinu
þekkta og sígilda ævintýri um Stíg-
vélaða köttinn. Frumsýningin er á
Litla sviði Borgarleikhússins í dag
kl. 14. Leikarar eru Jakob Þór
Einarsson, Hinrik Hoe og Stefán
Sturla Sigurjónsson.
„Í Stígvélaða kettinum segir frá
malarasyninum hugprúða sem
eignast forláta kött eftir föður sinn.
Kötturinn reynist hinn mesti kosta-
gripur og býr svo um hnútana að
pilturinn hlýtur óvænta upphefð
sem leiðir þá á vit nýrra ævintýra.
Ýmsar skondnar uppákomur eiga
sér stað áður en yfir lýkur. Þar
koma við sögu heimskur kóngur,
galdrakarlinn ógurlegi og fleiri,“
segir Stefán Sturla. „Hver veit
nema fátæki malarasonurinn eign-
ist kóngsdótturina og hálft kóngs-
ríkið eins og í öllum góðum æv-
intýrum. Að sýningu lokinni er
öllum boðið upp á ís,“ segir Stefán,
sem rekið hefur Sjónleikhúsið um
nokkurra ára skeið. Ævintýrið
Bangsaleikur eftir Illuga Jökulsson
var fyrsta verk Sjónleikhússins og
naut mikilla vinsælda og var m.a.
sýndur í morgunsjónvarpinu.
„Sjónleikhúsið hefur þá stefnu að
setja upp gömlu góðu ævintýrin á
einfaldan hátt fyrir yngstu áhorf-
endurna. Sérstaklega er lögð
áhersla á að segja sögu án þess að
notast við flókinn sviðsbúnað.“
Leikstjórn, tónlist og söngtextar
eru eftir Valgeir Skagfjörð, en leik-
mynd og búninga hefur leikhóp-
urinn unnið í sameiningu. Stígvél-
aði kötturinn verður sýndur á Litla
sviði Borgarleikhússins um helgar
og er sýningartíminn 40 mínútur.
Leikarar ásamt leikstjóra í
Stígvélaða kettinum.
Bjóða öllum
ís í lok
sýningar
„EFNISSKRÁ? Ja, nú
veit ég ekki,“ segir Sibyl
Urbancic um tónleika
sönghópsins Voces Spont-
anae á Myrkum músík-
dögum í Borgarleikhúsinu
í dag kl. 14.00. Það er held-
ur ekki ætlast til þess að
efnisskráin sé tilkynnt,
þar sem Voces Spontanae
er spunahópur – spinnur í
söng – og þá getur allt
gerst. „Ætli það verði ekki
til röð af mislöngum
spunaverkum, allt frá
spaugilegum til drama-
tískra? Eða klukkustundar fantasía?
Það getur verið undir veðri komið,
hvernig listafólkinu líkar umhverfið,
eða hvernig áhorfendur eru á svip-
inn. Oftast er spurt að tónleikum
loknum: Hvað var ákveðið fyrirfram?
Ekkert, nema staður og stund. Sem-
sagt: Algjör uppspuni, frá upphafi til
enda.“
Fleira verður ekki gefið upp, en
hver veit nema tónleikagestir verði á
endanum þátttakendur í verkinu.
Voces spontanae tilheyra söng-
flokknum Voces Wien,
sem Sibyl stofnaði fyrir
16 árum, og hún skipar
í eftir verkefnum. Voc-
es spontanae hafa frá
upphafi eingöngu feng-
ist við raddspuna, en
stundum í samvinnu við
hljóðfæraleikara, dans-
ara eða leikara. Hópinn
skipa: Johann Leutgeb,
söngvari og kennari við
Tónlistarháskólann í
Vín, en sérsvið hans eru
óperur núlifandi tón-
skálda; Karin Schnei-
der-Riessner, söngkona og tónlistar-
kennari, og Katharina Lugmayr,
blokkflautuleikari og kennari við
Tónlistarháskólann í Vín. Síðan
Katharina bættist í hópinn eru
blokkflautur af öllu tagi fastir liðir í
samhljóminum, þótt hún syngi líka.
Karin hefur verið með frá upphafi, og
kom einnig fram með hópnum á
Kirkjulistarhátíð í Hallgrímskirkju
fyrir nokkrum árum. Eftir að Johann
slóst í förina hafa leikur og hreyfing
skipað æ meiri sess í spunavinnunni.
Sibyl Urbancic
Söngspuni á Myrkum
músíkdögum
Gallerí Fold,
Rauðarárstíg 14–16
Sunnudaginn 9. febrúar lýkur sýn-
ingu á smáverkum, Smákornum
2003, í baksalnum í Galleríi Fold.
Alls eiga 36 listamenn verk á sýning-
unni.
Gallerí Fold er opið daglega frá kl.
10–18, laugardaga til kl. 17 og sunnu-
daga frá kl. 14–17.
Sýningu lýkur
Örugg lei›
til ávöxtunar
www.spar.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.IS
S
PA
2
00
29
0
2/
20
03
Hvort sem flú hyggst ávaxta sparifé flitt til lengri
e›a skemmri tíma b‡›ur Sparisjó›urinn gó›a ávöxtun
og fjármálará›gjöf, sni›na a› flínum flörfum.
Spariskírteini ríkissjó›s ver›a greidd út
10. febrúar. fiá er gott a› vita af fjölbreyttum
sparna›arlei›um Sparisjó›sins.
Komdu í Sparisjó›inn og fá›u rá›gjöf
hjá fljónustufulltrúa okkar.
Sparna›ur hjá Sparisjó›num
♦ ♦ ♦