Morgunblaðið - 08.02.2003, Blaðsíða 39

KIRKJUSTARF
MORGUNBLAÐIÐ LAUGARDAGUR 8. FEBRÚAR 2003 39
GUÐSÞJÓNUSTA verður í Fríkirkj-
unni í Hafnarfirði á morgun kl. 13.
Guðsþjónustan verður að þessu sinni
með sama yfirbragði og hinar vin-
sælu kvöldvökur sem haldnar eru
einu sinni í mánuði þar sem ekki er
stuðst við hefðbunda messusiði. Örn
Arnarson spilar á gítar, Þóra Guð-
mundsdóttir á píanó og Guðmundur
Pálsson á bassa og kórinn leiðir
söng. Umfjöllunarefni guðsþjónust-
unnar er nærvera Guðs í okkar dag-
lega lífi og mikilvægi þess að njóta
góðrar nærveru samferðafólks og
vina. Ritningarvers, hugleiðingar og
sálmar tengjast þessu efni. Með létt-
ara sniði guðsþjónustunnar er leit-
ast við að mæta þeim mörgu sem
finnst hefðbundin guðsþjónusta of
formföst og ópersónuleg.
Kvöldmessa í
Laugarneskirkju
NÚ ER komið að fyrstu kvöldmess-
unni á nýju ári hjá okkur í Laug-
arneskirkju, sunnudaginn 9. febrúar
kl. 20:30. Sem fyrr er það djass-
kvintett Gunnars Gunnarssonar sem
leikur. Auk Gunnars er hann skip-
aður þeim Matthíasi M.D. Hemstock,
Tómasi R. Einarssyni, Sigurði Flosa-
syni og Aðalheiði Þorsteinsdóttur.
Kór Laugarneskirkju syngur. Bjarni
Karlsson, Jóna Hrönn Bolladóttir og
Þorkell Sigurbjörnsson þjóna ásamt
bænahópi kirkjunnar sem býður
fram til fyrirbæna að messu lokinni.
Djassinn hefst í húsinu kl. 20:00
svo það er gott að koma snemma í
góð sæti og njóta alls frá upphafi.
Svo bíður messukaffið allra í safn-
aðarheimilinu á eftir. Verið velkom-
in í Laugarneskirkju.
Kennimaðurinn
dr. Jakob Jónsson
Á FRÆÐSLUMORGNI í Hallgríms-
kirkju á morgun, sunnudaginn 9.
febrúar, kl. 10.00 mun séra Ragnar
Fjalar Lárusson flytja erindi um
fyrrum samstarfsmann sinn við
Hallgrímskirkju, dr. Jakob Jónsson.
Dr. Jakob þjónaði Hallgrímssöfn-
uði frá upphafi, árið 1941 og allt til
ársins 1974. Hann var á sinni tíð
þjóðkunnur rithöfundur og ræðu-
maður og lét til sín taka á umræðu-
vettvangi sinnar tíðar. Þá vakti
doktorsritgerð hans, Humour and
Irony in the New testament, athygli
og umtal enda talin brautryðj-
andaverk. Séra Ragnar mun í erindi
sínu einkum beina athyglinni að
kennimanninum og prédikaranum
dr. Jakobi. Kl. 11.00 hefst síðan
messa í umsjá séra Sigurðar Páls-
sonar.
Biblíulestur
í Landakoti
SR. HALLDÓR Gröndal heldur
áfram Biblíulestri sínum næsta
mánudagskvöld (10. febrúar) kl.
20.00 í safnaðarheimili kaþólskra á
Hávallagötu 16.
Allir sem áhuga hafa á því eru
hjartanlega velkomnir.
Sunnudagaskólinn
í Hveragerði
haldinn á Ási
SUNNUDAGINN 9. febrúar brydd-
um við upp á þeirri nýbreytni að
halda sunnudagaskólann á hjúkr-
unarheimilinu Ási. Börnin mæta,
gjarnan með foreldrum sínum,
nokkrum mínútum fyrir ellefu í dag-
stofuna á Ási. Þar ætla ungir sem
aldnir að sameinast í helgistund.
Þar verða sagðar sögur, mikið sung-
ið og sjálfsagt hlegið. Brúðurnar
verða á sínum stað. Börnin syngja
hreyfisöngva fyrir gamla fólkið og
öll syngjum við saman, síðan fá
börnin sína Jesúmynd í bókina.
Þessi stund hefur vakið eftirvænt-
ingu með gamla fólkinu og vonumst
við aðstandendur sunnudagaskólans
til að sjá sem flesta með okkur á Ási.
Stefnumótun
Þjóðkirkjunnar
ÞJÓÐKIRKJAN undirbýr nú um-
fangsmikla stefnumótunarvinnu og
sendir í dag út vinnugögn til sókn-
arnefnda um land allt, félaga og
stofnana innan kirkjunnar. Búast
má við að vel á annað þúsund manns
taki þátt í þessari vinnu því að í
sóknarnefndum landsins sitja rúm-
lega þúsund manns og eru þá ótaldir
aðrir hópar, svo sem félagasamtök,
starfsfólk kirkjunnar og kórar.
Stefnumótunin er unnin í sam-
ræmi við samþykkt Kirkjuþings
2002. Tvennt er einkum haft að leið-
arljósi: að greina stöðu Þjóðkirkj-
unnar í samtíðinni og að fá vitneskju
um það hvaða skoðun þjóðkirkjufólk
hefur á því hvert kirkjan eigi að
stefna.
Samkvæmt ályktun Kirkjuþings
skal virkja sem flesta innan Þjóð-
kirkjunnar til þátttöku í þessari
stefnumótun og á það bæði við um
fólk í safnaðarstarfi auk félaga og
stofnana innan Þjóðkirkjunnar.
Stefnumótunarferlið er opinn
vettvangur fyrir alla sem áhuga
hafa á að koma að stefnumótun
Þjóðkirkjunnar til næstu ára.
Áhugasamt fólk innan kirkjunnar
getur myndað hópa og fengið
stefnumótunargögn send eða nálg-
ast þau á vef stefnumótunar:
www.kirkjan.is/stefnumotun. Skila-
frestur er til febrúarloka.
Settur hefur verið upp ann-
álsvefur þar sem hægt er að fylgjast
með framvindu stefnumótunarinnar
og senda inn athugasemdir. Slóð
hans er www.kirkjan.is/annall/
stefnumotun. Verkefnisstjóri stefnu-
mótunar hjá þjóðkirkjunni er Adda
Steina Björnsdóttir guðfræðingur.
Brúðuleikhús í
Seltjarnarneskirkju
HELGA Steffensen kemur með
brúðuleikhúsið sitt í heimsókn í Sel-
tjarnarneskirkju sunnudaginn 9.
febrúar.
Sýnd verða tvö stutt leikrit í fjöl-
skylduguðsþjónustu kl. 11.
Skemmtileg stund fyrir alla fjöl-
skylduna.
Verið öll hjartanlega velkomin.
Léttmessa
í Fríkirkjunni
í Hafnarfirði
Fríkirkjan í Hafnarfirði.
HANNES Hlífar Stefánsson er
kominn í úrslit á Íslandsmótinu í
atskák eftir sigur gegn Íslands-
meistaranum Helga Ás Grétarssyni
í undanúrslitum. Viðureign þeirra
fór fram á fimmtudagskvöld. Helgi
hafði hvítt í fyrri skákinni og notaði
töluvert meiri tíma en Hannes.
Skákin var þó í jafnvægi allan tím-
ann uns samið var. Hannes sigraði
hins vegar í seinni skákinni og
hlaut því 1½ vinning gegn ½ vinn-
ingi Helga.
Hinni viðureigninni í undanúrslit-
um, Helgi Ólafsson gegn Arnari
Gunnarssyni, var frestað um einn
dag. Helgi verður að teljast sig-
urstranglegri í þeirri viðureign,
enda hefur hann þrívegis orðið Ís-
landsmeistari í atskák, síðast árið
2000. Stórmeistararnir hafa reynd-
ar einokað titilinn allt frá árinu
1992, þegar alþjóðlegi meistarinn
Karl Þorsteins varð Íslandsmeist-
ari.
Olís-einvígið hefst
á mánudag
Dagana 10.–15. febrúar stendur
Taflfélagið Hellir í samvinnu við Ol-
ís og Guðmund Arason fyrir einvígi
milli Hannesar Hlífars Stefánsson-
ar, fjórfalds Íslandsmeistara, og of-
urstórmeistarans Sergei Movsesj-
an. Það verður haldið í
höfuðstöðvum Olís, Sundagörðum 2.
Góð aðstaða verður fyrir áhorfend-
ur, en aðgangur er ókeypis.
Notuð verða hin svokölluð FIDE-
tímamörk og er það í fyrsta sinn
sem það er gert hér á landi, en þau
þykja bjóða upp á mikla spennu og
tímahrak.
Sannkölluð skákhátíð fer fram á
mótsstað í kringum sjálft einvígið.
Má þar nefna að Helgi Áss Grét-
arsson ætlar sér að slá Íslands-
metið í blindskák og tefla við ellefu
keppendur í einu. Fjölskyldumót
fer fram, ungir og upprennandi
meistarar, Bragi Þorfinnsson og
Arnar E. Gunnarsson, mæta öflugu
Hannes Hlífar kominn í úr-
slit Íslandsmótsins í atskák
SKÁK
Faxafen 12
5.–9. feb. 2003
ÍSLANDSMÓTIÐ Í ATSKÁK – ÚRSLIT
Daði Örn Jónsson
Bragi Kristjánsson
dadi@vks.is
Frá viðureign Helga Áss Grétarssonar og Hannesar Hlífars í undan-
úrslitum Íslandsmótsins í atskák.
skákforriti auk þess sem skákskýr-
ingar verða á hverju kvöldi.
Þeir sem taka þátt í blindskák-
inni við Helga Ás eru:
Guðlaug Þorsteinsdóttir, Hall-
gerður Helga Þorsteinsdóttir, Elsa
María Þorfinnsdóttir, Helgi Brynj-
arsson, Arnar Sigurðsson, Hjörvar
Steinn Grétarsson, Dagur Kári
Jónsson, Sæbjörn Guðfinnsson,
Gunnar Nikulásson, Helgi Heiðar
Stefánsson og Stefán Þormar Guð-
mundsson.
Edduskákmótið – minning-
armót um Guðmund
J. Guðmundsson
Dagana 5.–7. mars fer fram
Edduskákmótið, þar sem tefld
verður atskák, en mótið er jafn-
framt minningarmót um Guðmund
J. Guðmundsson, verkalýðsleiðtoga
og alþingismann. Mótið er gífurlega
sterkt en meðal keppenda eru
Topalov (2.743), Adams (2.734) og
Shirov (2.723). Nú þegar eru 15
skákmenn með meira 2.600 skák-
stig skráðir til leiks og sjö íslenskir
stórmeistarar. Allir geta tekið þátt í
mótinu en þátttökugjald er 4.000
kr. og er hægt að skrá sig í gegnum
heimasíðu mótsins, icechess.com/
Edda2003/.
FRÉTTIR
SAUTJÁNDA Rask-ráðstefna Ís-
lenska málfræðifélagsins verður
haldin í fundarsal Þjóðarbókhlöð-
unnar í dag, laugardaginn 8. febrúar.
Ráðstefnan hefst klukkan 11.
Á ráðstefnunni fjallar Baldur Sig-
urðsson um stafsetningu byrjenda í
Reykjavík og Rødovre.
Jóhannes Gísli Jónsson fjallar í
sínu erindi um hvernig eigi að greina
í orðflokka. Hrafnhildur Ragnars-
dóttir talar um sögubyggingu og
samloðun í frásögnum 5–6 ára barna.
Erindi Haraldar Bernharðssonar
nefnist: „Forníslenska þykkja og
þikja: hljóðbeygingarvíxl einfölduð“.
Jón Axel Harðarson fjallar um
norræn mannanöfn af gerðinni Ein-
arr, Hróarr og Steinarr.
Eftir kaffihlé veltir Margrét Jóns-
dóttir fyrir sér hvort Snorri hafi ver-
ið höfundur Eglu. Þá ætlar Mörður
Árnason að greina frá málstefnu í Ís-
lenskri orðabók.
Gert er ráð fyrir að ráðstefnuslit
verði klukkan 16.15.
Rask-ráð-
stefna í
Þjóðarbók-
hlöðunni
BÆNDUR og aðrir jarðeigendur í
Skaftafellssýslum boða til almenns
fundar í Hofgarði í Öræfum laugar-
daginn 15. febrúar og hefst fundur-
inn kl. 16.00. Í Morgunblaðinu í gær
segir að fundurinn verði haldinn 14.
febrúar, en það er ekki rétt.
Fundarefnið er kröfugerð fjár-
málaráðherra f.h. ríkisstjórnar í
þjóðlendumálum fyrir Óbyggða-
nefnd og dómstólum.
Frummælendur á fundinum verða
Sigurður Líndal prófessor, Ragnar
Aðalsteinsson hæstaréttarlögmaður,
Reynir Sigursteinsson bóndi og
Gunnar Sæmundsson, varaformaður
Bændasamtakanna.
Þingmönnum og frambjóðendum
til Alþingis á Suðurlandi ásamt ráð-
herrum í ríkisstjórn verður boðið að
sækja fundinn.
HAUKUR Helgason áhugaljós-
myndari opnar sýningu á verkum
sínum í Kænunni við Hafnarfjarðar-
höfn kl. 14. Hann hefur verið áhuga-
ljósmyndari í 50 ár og á sýningunni
eru nokkrar mynda hans frá síld-
veiðum áranna 1953-57.
Haukur hefur einnig opnað
myndavef á slóðinni www.mynd-
verk.is. Þar getur nú þegar að líta yf-
ir 700 myndir undir þremur megin
flokkum: Frá síldveiðum, Úr Lækj-
arskóla og frá Vinnuskólanum í
Krýsuvík 1959-62.
Ljósmyndir
í Kænunni
HINN 5. feb. sl. var ekið á bifreiðina
RJ-519, sem er rauð Subaru Legacy-
fólksbifreið, þar sem hún stóð kyrr
og mannlaus við Ármúla 1a. Tjón-
valdur fór af vettvangi án þess að til-
kynna hlutaðeiganda eða lögreglu
atburðinn. Talið er nokkuð víst að
bifreið tjónvalds sé gul Mercedes
Benz-sendibifreið. Ökumaður henn-
ar eða aðrir sem geta gefið frekari
upplýsingar eru beðnir að snúa sér
til umferðardeildar lögreglunnar í
Reykjavík.
Þá er lýst er eftir vitnum að um-
ferðaróhappi er varð á bifreiðaplani
við Ikea, Holtagörðum, 5. febrúar
milli kl.16:45 og 17:10. Ekið var utan
í bláa Nissan Sunny Wagon fólks-
bifreið sem lagt var í bifreiðastæði
og fór tjónvaldur af vettvangi.
Lýst eftir
vitnum
Fundur um
þjóðlendumál
í Skaftafells-
sýslum