Morgunblaðið - 09.02.2003, Blaðsíða 2
FRÉTTIR
2 SUNNUDAGUR 9. FEBRÚAR 2003 MORGUNBLAÐIÐ
MEIRA KEYPT AF DÖLUM
Seðlabankinn kaupir nú 1,5 millj-
ónir Bandaríkjadala á dag, alla virka
daga vikunnar. Bankinn keypti áður
dali þrjá daga vikunnar. Ástæðan er
m.a. sú að Seðlabankinn vill greiða
niður gjaldeyrisskuldir sem stofnað
var til árin 2000 og 2001 þegar bank-
inn varði gengi krónunnar.
Vill að MR greiði kostnað
Búnaðarbankinn krefst þess að
Mjólkurfélag Reykjavíkur (MR) taki
á sig kostnað sem féll á bankann
vegna sölu á Fóðurblöndunni. MR
hefur ekki fallist á þessa kröfu en
samkvæmt heimildum Morgunblaðs-
ins er um háar fjárhæðir að ræða.
„Bull og vitleysa“
Fræðimenn hafna algjörlega nýj-
um kenningum Gavin Menzies um að
Kínverjar hafi fundið Ameríku um 70
árum á undan Kristófer Kólumbus og
segja þær vera bull og vitleysu.
Kaupendur láta gagnrýnina ekki á
sig fá því bókin selst mjög vel.
Sömu upphæð til einkaskóla
Borgarfulltrúar Sjálfstæðisflokks-
ins vilja að Reykjavíkurborg greiði
sömu upphæð með nemendum í borg-
ar- og einkareknum skólum. Meiri-
hlutinn sagði það óhóflegt en taldi þó
að auka þyrfti stuðninginn.
Vinanauðganir eru 90%
V-dagurinn verður haldinn hér á
landi í annað sinn föstudaginn 14.
febrúar. Lögð verður áhersla á bar-
áttu gegn svonefndum vinanauðg-
unum en 90% nauðgana eru framdar
af vinum, ættingjum eða kunningjum
fórnarlambsins.
Ekkert leynimakk
Árni Tómasson og Sólon Sigurðs-
son, bankastjórar Búnaðarbankans,
svara spurningum vegna samnings
bankans um Straum, deilur við Norð-
urljós og fleira. Árni segir að ekkert
leynimakk hafi verið með samning-
inn.
Háskólakennarar
Við fiski- og náttúrufræðideild Háskólans í Bodø
eru lausar 3 stöður kennara (førsteamanuensis) innan
fiskeldis og gæða fiskmetis. Stöðurnar tengjast auknu
námsframboði í sjávarfræðum við deildina og nýrrar
landsstöðvar fyrir lúðueldi.
St. nr. 1518: Kennari í fiskeldi, sérgrein fóðrun og
fæða eldisfisks.
St. nr. 1519: Kennari í fiskeldi, sérgrein æxlunarlíffræði
sjávarfiska í eldi
St. nr. 1525: Kennari í gæðastjórnun og framleiðslu
fiskmetis.
Fulla starfslýsingu má finna á heimasíðu okkar:
www.hibo.no
Nánari upplýsingar um stöðuna fást hjá Terje Solberg,
dekanus, í s. +47 75 51 73 58, Stig Skreslet,
1. amanuensis (um st. 1519) í s. +47 75 51 74 96 eða
Christel Solberg (um st. 1518) í s. +47 75 51 73 52.
Umsókn sé merkt stöðunr. og sendist til:
Høgskolen i Bodø,, N-8049 Bodø.
Umsóknarfrestur: 26. apríl 2002.
Við leitum að
sérfræðingi
Eitt öflugasta þjónustufyrirtæki
landsins óskar að ráða sérfræðing
til hagdeildarstarfa.
Starfsmaður þarf að vera talnaglöggur, hafa mikla tölvuþekkingu og góða þekkingu á gagnagrunnum og
úrvinnslu upplýsinga úr þeim. Viðkomandi sér um gagnaskemmu, stundar greiningar, ráðgjöf, úttektir og setur
fram skýrslur og greinargerðir. Einnig þarf hann að geta stýrt verkefnum með starfsmönnum mismunandi deilda.
Umsóknir óskast sendar til Hagvangs merktar „Sérfræðingur“ fyrir 17. febrúar nk.
Upplýsingar veitir Ari Eyberg. Netfang: ari@hagvangur.is
Starfssvið:
Rekstur gagnaskemmu, aðstoð við notendur og
kennsla, auk umsjónar með þróun tækisins.
Ýmis tilfallandi verkefni og úttektir fyrir
framkvæmdastjóra og forstjóra.
Arðsemisútreikningar vegna nýrra fjárfestinga og
tilfallandi verkefna.
Þátttaka í vinnu við áætlanagerð fyrirtækisins.
Menntun og hæfniskröfur:
Háskólamenntun í viðskiptafræði, verkfræði eða
hagfræði.
Reynsla af notkun og rekstri gagnagrunna.
Reynsla af verkefnastjórnun er kostur.
Hæfni í mannlegum samskiptum.
Skipulögð og sjálfstæð vinnubrögð.
Skógarhlíð 12 • 105 Reykjavík • Sími 520 4700 • Bréfasími 520 4701 • www.hagvangur.is
Flugumsjónarmaður
Flugfélagið Atlanta hf. auglýsir starf
flugumsjónarmanns laust til umsóknar.
Um er að ræða starf við flugáætlana-
gerð, leiða-, afkastagetu- og hleðsluút-
reikninga, auk SITA og AFTN skeyta-
sendinga. Einnig við öflun yfirflugs-,
lendingarheimilda, flugvalla- og veður-
upplýsinga.
Leitað er að umsækjanda með skírteini
flugumsjónarmanns, þekkingu og
reynslu á ofangreindum sviðum. Góð
enskukunnátta og reynsla í tölvunotkun
eru áskilin.
Laun eru samkvæmt kjarasamningi
Félags íslenskra flugumsjónarmanna og
miðast við menntun og reynslu.
Eldri umsóknir óskast endurnýaðar.
Umsóknir, ásamt upplýsingum um
menntun og reynslu, berist til félagsins
fyrir 18. febrúar nk., merktar:
Flugfélagið Atlanta hf., Starfsmannahald,
Umsókn — Flugumsjónarmaður,
v/Álafossveg,
270 Mosfellsbæ.
Sunnudagur
9. febrúar 2003
atvinnatilboðútboðfundirtilsölutilleigutilkynningarkennslahúsnæðiþjónustauppboð
mbl.is/atvinna Gestir í vikunni 9.260 Innlit 17.8401 Flettingar 83.578 Heimild: Samræmd vefmæling
Morgunblaðið/Kristinn
Ofboðsleg fagnaðarlæti brutust út eftir að
tjaldið féll á frumsýningunni á Macbeth
eftir Verdi í Íslensku óperunni um liðna
helgi. Anna G. Ólafsdóttir svipti hulunni
af lafði Macbeth og leyndarmáli Elínar
Óskar Óskarsdóttur.
.
.
Á stjörnuhimni
ferðalögSumarferðirsælkerarÚt að borða í VerónabörnKínabíóMorðóðar danspíur
Magnaður galdur
Á leikhúsfjölum frá tíu ára aldri
Mér finnst best
þegar ég fæ
sterka heildar-
tilfinningu í
leikhúsinu
Prentsmiðja
Morgunblaðsins
Sunnudagur
9. febrúar 2003
Yf ir l i t
Í dag
Sigmund 8 Hugvekja 49
Af listum 28 Myndasögur 5
Birna Anna 28 Bréf 50
Listir 29/31 Dagbók 52/53
Forystugrein 32 Krossgáta 54
Reykjavíkurbréf 32 Leikhús 56
Skoðun 33 Fólk 56/61
Umræðan 35/37 Bíó 58/61
Minningar 38/43 Sjónvarp 62
Þjónusta 49 Veður 63
* * *
Kynningar – Blaðinu í dag fylgir aug-
lýsingablaðið „Sumar 2003“ frá
Heimsferðum. Blaðinu er dreift um
allt land.
LANDLÆKNIR hefur mælst til
þess að sjóntækjafræðingar hætti
þegar í stað sjónmælingum meðan
verið sé að ráða úr hvort og þá hve-
nær sjóntækjafræðingar fái að gera
sjónmælingar. Fulltrúar Félags ís-
lenskra sjóntækjafræðinga og land-
læknisembættisins funduðu í fyrra-
dag um málið. Að sögn Kristins
Kristinssonar, sjóntækjafræðings
og stjórnarmanns í Félagi íslenskra
sjóntækjafræðinga, kom fram í máli
landlæknis að í smíðum sé ný
reglugerð sem heimili sjóntækja-
fræðingum að gera sjónmælingar.
Hins vegar yrði ekkert hægt að að-
hafast fyrr en Alþingi hefði staðfest
frumvarp um umrædda breytingu
og það yrði ekki lagt fyrir á yf-
irstandandi þingi. Þinginu verður
slitið fyrr en venjulega vegna kosn-
inga í vor.
„Við sögðum við landlækni að
þetta væri ekki það sem við hefðum
ætlað okkur og að við myndum
halda okkar striki þangað til við
værum búnir að tala við okkar fé-
lagsmenn,“ segir Kristinn. Hann
segist fagna yfirlýsingum landlækn-
is á fundinum en að enn sé langt í
land og sér finnist að nokkru leyti
sem verið sé að þæfa málið fram yf-
ir kosningar.
Félag sjóntækjafræðinga ráðger-
ir að halda fund með félagsmönnum
á þriðjudag þar sem tekin verður
afstaða til þess hvort þeir fara að
tilmælum landlæknis.
„Við ákveðum í framhaldi af því
hvað við gerum.“
Reglugerð um sjónmælingar í smíðum
Nýjar reglur heim-
ila sjóntækjafræð-
ingum að sjónmæla
STJÓRN Landsvirkjunar var
kynntur úrskurður Jóns Kristjáns-
sonar heilbrigðisráðherra um Norð-
lingaölduveitu á stjórnarfundi í
fyrradag. Ekki stóð til að taka neinar
ákvarðanir af hálfu Landsvirkjunar
á fundinum.
„Menn voru að upplýsa stjórnina
og fara yfir stöðu málsins,“ segir
Þorsteinn Hilmarsson upplýsinga-
fulltrúi Landsvirkjunar. „Við mun-
um halda því áfram og komum til
með að ræða við Norðurál á næst-
unni og eins við Hitaveitu Suður-
nesja (HS) og Orkuveitu Reykjavík-
ur (OR) en í samkomulaginu frá því í
sumar var gert ráð fyrir að hluti af
orkunni kæmi frá þeim.“
Landsvirkjun og
úrskurður vegna
Norðlingaölduveitu
Ætla að funda
með Norðuráli
og OR og HS
RÍKISSTJÓRNIN hefur að beiðni Valgerðar Sverris-
dóttur iðnaðarráðherra samþykkt að Fjárfestingar-
stofa – orkusvið aðstoði þýska fyrirtækið RAG Trad-
ing GmbH við gerð umhverfismats og annan undir-
búning vegna rafskautaverksmiðju við Grundartanga í
Hvalfirði. Áformað er að undirrita verkefnaáætlun
upp úr miðjum mánuðinum við RAG Trading en Þjóð-
verjarnir leggja mikla áherslu á að ákvörðun liggi fyr-
ir í lok þessa árs um hvort af framkvæmdum verður
eða ekki.
Líkt og Morgunblaðið greindi frá í síðustu viku hef-
ur RAG Trading lýst áhuga á að reisa 340 þúsund
tonna rafskautaverksmiðju í landi Kataness, sem er
ríkisjörð austan við lóð Norðuráls á Grundartanga.
Verksmiðjan gæti skapað allt að 140 störf og bygging-
arkostnaður er áætlaður um 20 milljarðar króna í
fyrsta áfanga. Hefur fyrirtækið áform um að stækka
verksmiðjuna síðar meir um helming. Rafskaut eru
notuð við framleiðslu áls, en til að framleiða eitt tonn
af áli þarf hálft tonn af rafskautum. Álverin hér á
landi flytja rafskautin inn og Alcoa hyggst gera slíkt
hið sama í Reyðarfirði. Fulltrúar RAG Trading hafa
ásamt því að ræða við Fjárfestingarstofu einnig hitt
forráðamenn Grundartangahafnar að máli.
Að sögn Páls Magnússonar, stjórnarformanns Fjár-
festingarstofu, liggur ekki nákvæmlega fyrir hve mik-
ill kostnaður verður við undirbúningsvinnuna. Sam-
kvæmt samþykkt ríkisstjórnarinnar skuldbinda
stjórnvöld sig til að greiða helming kostnaðarins á
móti RAG Trading og verði af framkvæmdum fá
stjórnvöld sinn kostnað endurgreiddan frá Þjóðverj-
um. Páll segir þetta svipað fyrirkomulag og við und-
irbúning annarra stóriðjuverkefna hér á landi. Kostn-
aður ríkisins gæti verið á bilinu 10–20 milljónir króna.
,,Það liggur ekki alveg fyrir hvaða rannsóknarvinnu
þarf að ráðast í eða kaupa. Þegar hafa töluverðar
rannsóknir farið fram á Grundartangasvæðinu og það
ætti að gera undirbúninginn ódýrari,“ segir Páll.
Rafskautaverksmiðja í Hvalfirði í undirbúningi
Verkefnaáætlun undir-
rituð við RAG Trading
HANNES Þ. Sigurðsson skilaði af
sér ársreikningi Knattspyrnu-
sambands Íslands (KSÍ) í fimmtug-
asta skiptið í gær þegar KSÍ-þing
var haldið á Hótel Loftleiðum.
Hannes var kosinn félagslegur
endurskoðandi sambandsins á árs-
þinginu árið 1953.
Hannes sagðist hafa dregist
ósjálfrátt inn í félagsmál knatt-
spyrnunnar. „Eins og ungum
mönnum, sem vilja hafa áhrif, er
tamt var ég eitthvað að hafa mig í
frammi varðandi meðferð fjár-
muna Knattspyrnusambandsins og
gerði einhverjar athugasemdir.“
Þegar kom að kosningum kom
varaformaður KSÍ að máli við
Hannes, sem þá var aðeins 23 ára,
og spurði hann hvort það mætti
ekki gera tillögu um hann sem
endurskoðanda í kosningunum.
Einhverjir hafa hlustað á þennan
unga mann, sem hefur skoðað
reikninga KSÍ síðan.
Mikið hefur breyst frá því að
Hannes hóf störf hjá KSÍ. „Allt
bókhald fram til síðustu tuttugu
ára var flutt á höndum. Undir það
síðasta voru fylgiskjölin orðin hátt
í fimmtán hundruð. Við vorum svo
nákvæmir endurskoðendurnir að
við flettum hverju einasta fylgi-
skjali,“ segir Hannes.
Eitt árið voru þeir þrjú kvöld að
endurskoða reikninga og bendir
Hannes á að gjaldkerinn á þeim
tíma, Friðjón Friðjónsson, hafi
unnið hálfgert þrekvirki að færa
þetta allt til bókar.
Breyttur fjárhagsgrundvöllur
Fjárhæðirnar sem KSÍ býr yfir
nú eru heldur á skjön við það sem
gerðist hér áður fyrr. „Oft og tíð-
um var Knattspyrnusambandið í
gamla daga rekið með halla en
sem betur fer nú í seinni tíð hefur
alltaf verið afgangur,“ enda segir
Hannes fjárhagsgrundvöllinn gjör-
breyttan. Hann segir KSÍ þó alltaf
hafa farið vel með fé.
Hannes er einnig þekktur knatt-
spyrnudómari og dæmdi í 30 ár og
var meðal annars milliríkjadómari
í 16 ár. Hann hefur einnig verið
eftirlitsdómari KSÍ sl. 25 ár.
Hannes fylgist enn vel með
knattspyrnunni og styður sitt lið,
Fram. Hann má helst ekki missa
af leik en finnst nú orðið gott að
geta horft á fótboltann í sjónvarp-
inu, þó að enn fari hann á völlinn.
Hann segir þróun knattspyrn-
unnar hafa verið nokkuð góða fyr-
ir utan að nú finnst honum ljótari
ásetningsbrot líta dagsins ljós en
áður.
Hannes hefur séð marga góða
knattspyrnumenn um ævina. Í
mestu uppáhaldi hjá honum er
fyrrverandi landsliðsmaðurinn
Ríkarður Jónsson. „Hann var mik-
ill snillingur og auk þess var hann
svo drenglyndur í allri sinni
keppni,“ segir Hannes og bætir
við að erfitt sé að bera snillingana
saman.
Hefur endurskoðað reikninga Knattspyrnusambandsins samfleytt í 50 ár
KSÍ hefur alltaf farið vel með fé
Morgunblaðið/Þorkell
Hannes Þ. Sigurðsson og Eggert Magnússon, formaður KSÍ, glugga í ársreikninga sambandsins.