Morgunblaðið - 09.02.2003, Blaðsíða 30
LISTIR
30 SUNNUDAGUR 9. FEBRÚAR 2003 MORGUNBLAÐIÐ
TVENNIR tónleikar eru fram-
undan á Myrkum músíkdögum.
Hljómeyki syngur í Ými í kvöld kl.
20, og Blásarasveit Reykjavíkur
leikur í Seltjarnarneskirkju annað
kvöld kl. 20.
Á efnisskrá Hljómeykis eru ís-
lensk kórverk, andleg og ver-
aldleg: Canite tuba eftir Hildi-
gunni Rúnarsdóttur, samið fyrir
Hljómeyki haustið 2001 og frum-
flutt á jólatónleikum kórsins það
ár; Iustorum animæ eftir John
Speight, samið árið 1988 í tilefni
10 ára afmælis Söngdaga í Skál-
holti, og Namárië eftir Jónas
Tómasson. Jónas segir að þegar
Hljómeyki hafi beðið hann að
semja verk fyrir sig í samstarfi
við kammerkórana á Ísafirði og
Egilsstöðum hafi hann hafið mikla
leit að texta. „Eftir lestur fjölda
ljóðabóka, frá ýmsum tímum, var
mér öllum lokið,“ segir Jónas. „En
mitt í öllu Hringadróttinssöguæð-
inu rámaði mig í ljóð á álfamáli en
þessa sögu eftir Tolkien las ég
fyrir nærri 40 árum. Sonur minn
fann þetta ljóð undir eins svo og
kennslubók í álfamálinu og það
skipti engum togum, verkið rann
upp úr mér á síðasta ári og var
frumflutt á Ísafirði af Hljómeyki
og Kammerkórnum á Ísafirði und-
ir stjórn Bernharðs Wilkinsonar.“
Fleiri verk verða sungin á tónleik-
unum. 145. Davíðssálmur eftir
Þorkel Sigurbjörnsson var saminn
fyrir Hljómeyki að beiðni Sum-
artónleika í Skálholti vorið 2002
og frumfluttur í júlí það ár. Trú
mín er aðeins týra eftir Jón Nor-
dal er samið við síðari hluta ljóðs
Jóns Helgasonar: Á sjúkrahúsinu.
Hljómeyki frumflutti það í Reyk-
holtskirkju 30. júní 1999, í tilefni
aldarafmælis skáldsins. Verk Stef-
áns Arasonar: Fimm vísur um
nóttina var samið að beiðni Hljóm-
eykis sumarið 2002 fyrir tónleika-
ferðalag hópsins á Austfirði og
Vestfirði. „Þótt vísurnar séu fimm
er verkið í fjórum stuttum köfl-
um,“ segir Stefán um verk sitt.
„Vísur I og II eru í einum sam-
felldum kafla. Við Sigurður Óskar,
höfundur ljóðsins, erum báðir
bornir og uppaldir á Austfjörðum
og þótti mér vel viðeigandi að
sækja í sjóð æskuminninganna þar
sem vetrarnóttin er stjörnubjört
með norðurljósum og niði frá haf-
inu. Og þar sem vorið kemur með
fyrirheit um gott sumar, snjórinn
bráðnar smám saman og golan
næðir um sinuna að hausti.“ Jubi-
late Deo eftir Óliver Kentish er
tækifæristónlist; tónskáldið fann
textann og langaði til að semja við
hann tónlist. „Verkið beið tilbúið
til að stökkva upp úr skúffunni
þegar einhver kallaði eftir því,“
segir Óliver, en nú er sú stund
runnin upp, með frumflutningi
Hljómeykis á tónleikunum í kvöld.
Hljómeyki var stofnað árið
1974, starfaði fyrstu árin undir
stjórn Rutar L. Magnússon og
flutti þá aðallega veraldlega tón-
list. Kórinn hefur lengst af lagt
megináherslu á flutning nýrrar ís-
lenskrar tónlistar. Árið 1994 hófst
samstarf Hljómeykis við Bernharð
Wilkinson. Kórinn hefur frumflutt
26 íslensk kórverk í stóru formi en
samtals hefur kórinn sungið u.þ.b.
90 íslensk kórverk. Árið 2001
hafði Tilraunaeldhúsið samband
við kórinn og fékk hann til að taka
upp verk eftir Barry Adamson
ásamt finnska rafdúóinu Pan So-
nic. Verkið var síðan gefið út á
geisladiski. Fimm hljómdiskar
hafa komið út með söng Hljóm-
eykis og sá fimmti, með verkum
Báru Grímsdóttur, er væntanlegur
nú í mars. Hljómeyki fékk styrk
frá Menningarborgarsjóði Reykja-
víkur árið 2000 til að panta tvö ný
tónverk og flytja þau ásamt
kammerkórum á Vestfjörðum og
Austurlandi. Þessi verk, Namáríë
eftir Jónas Tómasson og Fimm
vísur um nóttina eftir Stefán Ara-
son, heyrast nú í fyrsta skipti í
Reykjavík. Stjórnandi Hljómeykis
er Bernharður Wilkinson.
Ef frá er talinn Forleikur Páls
Ísólfssonar að Skálholtsljóði eru
öll tónverkin á tónleikum Blás-
arasveitar Reykjavíkur að koma í
fyrsta sinn fyrir hlustir íslenskra
tónleikagesta, en verk Páls hefur
þó aðeins verið flutt einu sinni áð-
ur. Árið 1956 var þess minnst, að
liðin voru 900 ár frá því að bisk-
upsstóll var settur í Skálholti. Af
því tilefni var efnt til samkeppni
um tónlist við Hátíðarljóð sr. Sig-
urðar Einarssonar. Fyrstu verð-
laun vann Skálholtsljóð, kantata
eftir dr. Pál Ísólfsson. Þetta er í
fyrsta sinn að þessi blásaratónlist
heyrist síðan á frumflutningsárinu
1956. Ingi Garðar Erlendsson út-
skýrir sitt verk, Þá sefur venju-
legt fólk, með eftirfarandi samtali:
Kjartan: „Halló.“
Tröndur: „Halló, þetta er
Tröndur. Er Hrefna heima?“
Kjartan: „Veistu hvað
klukkan er?“
Tröndur: „Já, hún er fimm.“
Kjartan: „Þá sefur
venjulegt fólk!“
Konsert fyrir slagverk og 58
hljóðfæri eftir Áka Ásgeirsson var
saminn um áramótin síðustu fyrir
slagverksleikarann Steef van
Oosterhout og Blásarasveit
Reykjavíkur. Að sögn tónskáldsins
er konsertinn endurunninn úr árs-
gömlu verki fyrir kammersveit,
sem frumflutt var í Haag í Hol-
landi.
Konsert Tryggva M. Baldvins-
sonar fyrir klarinettu og blás-
arasveit var saminn að beiðni
Sveinhildar Torfadóttur og hugs-
aður sem fyrri hluti lokaprófs
hennar í klarinettuleik frá Kon-
unglegu tónlistarakademíunni í
Gent í Belgíu, eins og greint var
frá í samtali Morgunblaðsins við
Sveinhildi fyrir skömmu. Svein-
hildur leikur einnig einleik í verk-
inu nú. „Konsertinn er í þremur
köflum,“ segir Tryggvi, „og ber
flest merki hins sígilda einleiks-
konserts. Tónefni fyrsta þáttar er
að mestu leyti byggt á litlu mótífi
lítillar og stórrar þríundar, en
annar þátturinn snýst að miklu
leyti um hreina og stækkaða fer-
und yfir liggjandi orgelpunkt á
tóninum F. Þriðji þátturinn er svo
kraftmikill, hraður og glaðvær,
nokkuð sem mér fannst til-
hlýðilegt í prófkonsert sem þess-
um. Konsertinn gerir miklar kröf-
ur til einleikarans, jafnt
tæknilegar sem úthaldslegar, en
hann tekur rúmar 25 mínútur í
flutningi. Konsertinn er tileink-
aður Kjartani Óskarssyni, en hann
hefur verið mér óþrjótandi upp-
spretta hvatningar og hugmynda
um árabil,“ segir Tryggvi, sem
þakkar Tónskáldasjóði Rík-
isútvarpsins ekki síður hans fram-
lag, því án styrks hans hefði verk-
ið ekki litið dagsins ljós.
Sveinhildur frumflutti konsertinn í
Belgíu 17. janúar sl. með blás-
arasveit konunglegu tónlistar-
akademíunnar í Gent, undir stjórn
Tryggva.
Blásarasveit Reykjavíkur var
stofnuð í janúar 1999 og kom fyrst
fram á tónleikum Myrkra mús-
íkdaga í Seltjarnarneskirkju sama
ár. Tilgangur sveitarinnar er að
kynna ný og eldri tónverk blásara-
bókmenntanna, jafnt innlend sem
erlend, sem og að stuðla að ný-
sköpun á þessu sviði tónsmíða.
Liðsmenn Blásarasveitarinnar eru
að meginuppistöðu ungir hljóð-
færaleikarar sem eru langt komn-
ir í tónlistarnámi eða hafa nýlokið
námi, og stjórnandi hennar er
Kjartan Óskarsson.
Myrkir músíkdagar
Morgunblaðið/Ásdís
Kjartan Óskarsson, stjórnandi Blásarasveitar Reykjavíkur, og Tryggvi M.
Baldvinsson tónskáld.
Sungið á
álfamáli og
blásið símtal
Morgunblaðið/Sigurgeir
Sönghópurinn Hljómeyki syngur í Ými í kvöld klukkan átta á Myrkum músíkdögum.
50. OG síðasta sýning á barna-
leikritinu Jóni Oddi og Jóni Bjarna,
sem gert er eftir sögu Guðrúnar
Helgadóttur, verður í dag, sunnu-
dag og er sýningin jafnframt hátíð-
arsýning í tilefni listahátíðarinnar
List á Evrópuári fatlaðra – List án
landamæra. Lögð verður áhersla á
að sem fjölbreyttust listsköpun fái
að njóta sín og að hinir fötluðu
sjálfir verði sem virkastir þátttak-
endur á hátíðinni og við undirbún-
ing hennar.
Markmiðið er að koma á sam-
vinnu milli fatlaðra og ófatlaðra
listamanna þar sem báðir aðilar
njóti góðs af og auka þannig vægi
þessarar starfsemi út í samfélagið.
Fjölbreytt dagskrá verður allt árið
og þátttakendur eru af öllu landinu.
Hápunktur hátíðarinnar verður svo
seinni part hausts. Það eru Átak,
félag fólks með þroskahömlun,
Landssamtökin Þroskahjálp, Fjöl-
mennt - Fullorðinsfræðsla fatlaðra,
Sérsveit Hins hússins og vinnustof-
an Ásgarður sem standa að listahá-
tíðinni þar sem listsköpun fólks
með þroskahömlun verður í brenni-
depli. Tveir leikenda í Jóni Oddi og
Jóni Bjarna eru fatlaðir og verða
þeir heiðraðir í sýningarlok. Þá
mun Magnús Korntop flytja ávarp
fyrir sýninguna en hann er í stjórn
listahátíðarinnar ásamt Atla Lýð-
ssyni, Friðriki Sigurðssyni, Þór
Inga Daníelssyni, Kristni Ingv-
arssyni og Ólafi Guðmundssyni.
Morgunblaðið/Ásdís
Benedikt og Sigurbjartur í hlutverkum sínum, ásamt Sigurði Sigurjónssyni.
Hátíðarsýn-
ing í Þjóð-
leikhúsinu