Morgunblaðið - 09.02.2003, Blaðsíða 31

LISTIR
MORGUNBLAÐIÐ SUNNUDAGUR 9. FEBRÚAR 2003 31
KAMMERHÓPUR Salarins, KaSa,
heldur fjórðu Tíbrártónleika sína
á þessu starfsári í Salnum í dag.
Að venju er um klukkustundar
langa tónleika að ræða, með
stuttu tónleikaspjalli á undan, og
hefjast þeir kl. 16. Flytjendur í
dag eru Sigrún Eðvaldsdóttir
fiðluleikari, Sigurður Bjarki
Gunnarsson sellóleikari og Nína
Margrét Grímsdóttir píanóleikari.
Karólína Eiríksdóttir tónskáld
mun vera með tónleikaspjallið að
þessu sinni, þar sem hún kynnir
efnisskrána og tónskáldin sem þar
eiga verk.
Tvö verk eru á efnisskránni í
dag og eru þau bæði samin á síð-
ari hluta 19. aldarinnar. Hið fyrra
er tríó fyrir fiðlu, selló og píanó í
F-dúr ópus 42 eftir Niels W. Gade,
en verkið samdi Gade árið 1863.
Síðara verk efnisskrárinnar er
sónata fyrir selló og píanó í A-dúr
ópus 36 eftir Edvard Grieg frá
árinu 1883.
Hafði áhrif á íslenska tónlist
„Það má segja að Niels Gade sé
einn af guðfeðrum íslenskra tón-
listarmanna. Hann var Dani og
mjög málsmetandi í þarlendu tón-
listarlífi á 19. öld. Hann lærði
fyrst í Danmörku og fór þaðan til
Leipzig og kynntist bæði Schu-
mann og Mendelssohn, sem hjálp-
uðu báðir til við að koma honum
á framfæri sem tónskáldi og tón-
listarmanni, en hann lék á fiðlu.
Þegar Gade hvarf aftur til starfa í
Danmörku hafði hann mikil áhrif
á tónlistarfólk þar í heila öld og
þegar Íslendingar fóru að kíkja í
áttina að evrópsku hefðinni upp
úr aldamótunum 1800 voru flutt
hingað sálmalög, meðal annars
eftir Gade, sem jafnvel enn er
verið að syngja í dag. Íslensk tón-
skáld eins og Sveinbjörn Svein-
björnsson og síðar Páll Ísólfsson
og fleiri ólust upp við þessa
sálma. Sveinbjörn lærði einnig hjá
Gade í Kaupmannahöfn á sínum
tíma og maður finnur að verk
hans eru undir miklum áhrifum
frá honum,“ segir Nína Margrét,
sem hefur orð fyrir hópnum í
samtali við Morgunblaðið. Hún
lýsir tríói Gades sem ljúfri og
þægilegri tónlist, án mikilla
átaka. „Þar kveður líka við ákveð-
inn skandinavískan tón, þótt Gade
hafi einnig verið fyrir áhrifum frá
Þýskalandi, þar sem hann lærði.“
Vísanir í fyrsta
píanókonsertinn
Þetta er í fyrsta sinn sem Sig-
urður Bjarki kemur að sónötu í
A-dúr eftir Grieg. „Hann samdi
hana á seinni hluta starfsferils
síns. Þá var hann búinn að eiga í
miklum veikindum og átti erfitt
með að semja. Á þessum tíma
hafði hann verið lengi að vinna
við píanókonsert sem hann hafði
verið beðinn að semja. Fyrsta pí-
anókonsertinn, þennan þekkta
sem er í a-moll, samdi hann mjög
ungur og konsertinn nánast
spratt fram fullskapað verk.
Grieg var alltaf að reyna að
fylgja honum eftir og það er svo-
lítið merkilegt, að það eru vísanir
í þennan fyrsta píanókonsert í
sellósónötunni. Hann virðist aldrei
hafa komist alveg frá píanókons-
ertinum og hefur fengið svolitla
útrás í þessari sónötu.“
Aðspurð hvað ráði vali verk-
anna segir Nína Margrét að þau
hafi viljað hafa tónleika sem voru
helgaðir Skandinövum á þessu til-
tekna tímabili. „Á þessu 19. aldar
rómantíska tímabili er ekkert um
svo auðugan garð að gresja. En
þetta er dæmi um efnisskrá frá
19. öldinni í Skandinavíu,“ segir
hún að lokum. Meðan á tónleik-
unum stendur er boðið upp á tón-
smiðju fyrir börn frá þriggja ára
aldri í umsjón Sigríðar Pálma-
dóttur lektors og verslunin 12
tónar verður með kynningu í and-
dyri Salarins.
Norræn nítjándu aldar tónskáld
Morgunblaðið/Árni Sæberg
KaSa tríóið á æfingu í Salnum í gær.
Listasafn Reykjavíkur – Ásmund-
arsafn Pétur H. Ármannsson, arki-
tekt og deildarstjóri byggingarlist-
ardeildar Listasafns Reykjavíkur,
leiðir óformlegt spjall kl. 15 þar sem
safnhúsið við Sigtún verður skoðað út
frá hugmyndum Ásmundar Sveins-
sonar á sviði byggingarlistar.
Formáli að leiksýningu kl. 19 Fyrir
sýningu á Sölumaður deyr mun Jón
Ólafsson heimspekingur flytja erindi
sitt: Farsæld og sjálfsblekking.
Fyrirlesturinn er öllum opinn.
Bíósalur MÍR, Vatnsstíg 10 Rúss-
neska kvikmyndin „Farðu og sjáðu“
(Ídí í smotrí) verður sýnd kl. 15. Mynd-
in er frá 1985 og leikstjóri er Elem
Klímov. Myndin fjallar um grimmd-
arverk herja nasista í Sovétríkjunum í
síðari heimsstyrjöldinni og hlaut m.a.
gullverðlaun á kvikmyndahátíðinni í
Moskvu. Kvikmyndin er textuð á
ensku og er aðgangur ókeypis.
Í DAG
 Sjá einnig Staður og stund á mbl.is
13
.0
2
20.02
13.03
27
.0
2
Háskólabíó við Hagatorg I Sími 545 2500 I sinfonia@sinfonia.is I www.sinfonia.is
AÐALSTYRKTARAÐILI SINFÓNÍUHLJÓMSVEITAR ÍSLANDS
M
Á
T
T
U
R
IN
N
&
D
Ý
R
Ð
IN
1
1
/0
2
Á þessum tónleikum kemur fram glæsilegt tríó einleikara með Sinfóníu-
hljómsveit Íslands. Þessir frábæru hljóðfæraleikarar fá næg tækifæri til
að láta ljós sitt skína í skemmtilegum þríleikskonsert Beethovens.
Þrír magnaðir einleikarar
Tónleikar í gulu röðinni í Háskólabíói fimmtudaginn 13. febrúar kl. 19:30
Fáir fiðlukonsertar tuttugustu aldarinnar njóta jafn mikillar hylli
og Fiðlukonsert Barbers enda gætti höfundurinn þess að gæða
verkið bæði ljóðrænu og leikgleði. Þetta er snúinn konsert sem
afburðar fiðluleikarar ættu einir að taka til kostanna.
Sigrún og Fiðlukonsert Barbers
Drífðu þig!
Tónleikar í rauðu röðinni í Háskólabíói fimmtudaginn 20. febrúar kl. 19:30
Þorkell Sigurbjörnsson: Gangur
Ludwig van Beethoven: Þríleikskonsert
Gustav Mahler: Sinfónía nr. 1
Hljómsveitarstjóri: Thomas Kalb
Einleikarar: Judith Ingólfsson
Bryndís Halla Gylfadóttir
Vovka Stefán Ashkenazy
Eitt vinsælasta verk Ralph Vaughan-Williams, Lundúnasinfónían, hefur
aldrei verið flutt hér á landi og það sama gildir um verk Arvo Pärt, Cecilia,
verndardýrling tónlistarinnar. Hamrahlíðarkórinn fær að spreyta sig á
tónlist meistara Pärts, sem sjálfur er einlægur aðdáandi kórsins.
Lundúnasinfónían
Tónleikar í bláu röðinni í Háskólabíói fimmtudaginn 27. febrúar kl. 19:30
Atli Heimir Sveinsson: Via Dolorosa
Arvo Pärt: Cecilia
Ralph Vaughan-Williams: Lundúnasinfónían
Hljómsveitarstjóri: Tõnu Kaljuste
Hamrahlíðarkórarnir
Camille Saint-Saëns: Le rouet d'Omphale
Samuel Barber: Fiðlukonsert
Maurice Ravel: La mère l'oye
Maurice Ravel: La valse
Hljómsveitarstjóri: Gilbert Varga
Einleikari: Sigrún Eðvaldsdóttir
Vinsældir svítu 1 og 2 úr Pétri Gauti þarf ekki að tíunda, en fyrir þá sem
það ekki vita er flautukonsert Rautavaara ægifagurt verk, enda maðurinn
af mörgum talinn mesta norræna samtímatónskáldið. Þessir tónleikar eru
margbrotnir og athyglisverðir fyrir alla unnendur góðrar tónlistar.
Láttu koma þér á óvart
Tónleikar í gulu röðinni í Háskólabíói fimmtudaginn 13. mars kl. 19:30
Edvard Grieg: Pétur Gautur, úr svítu 1 og 2
Einojuhani Rautavaara: Flautukonsert
Robert Schumann: Sinfónía nr. 2
Hljómsveitarstjóri: Justin Brown
Einleikari: Hallfríður Ólafsdóttir
Pantaðu miða núna í síma 545 2500
Fjöldinn allur af frábærum tónleikum framundan