Morgunblaðið - 09.02.2003, Blaðsíða 50
50 SUNNUDAGUR 9. FEBRÚAR 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÉG var að fá send fasteignagjöldin
sem hækka alltaf á hverju ári en
eignin rýrnar samt því það þarf að
halda gömlum húsum við en það er
ekki mikið í afgang af ellilaununum
til þess. Ekki er nú svo greiður gang-
ur inn á elliheimilin þannig að þeir
gömlu hanga í lengstu lög í kofanum,
oft kannski lengur en ætti að vera af
því að ekkert er að fara og svo er líka
gott að vera á gamla staðnum. Þess
vegna finnst mér að borgarstjórn
Reykjavíkur ætti að láta þá sem eru
komnir á ellilaun borga fasteigna-
gjöldin á níu mánuðum en ekki sex
eins og nú er. Það myndi laga tals-
vert fyrir þá gömlu. Ég get heldur
ekki séð að það ætti að breyta miklu
fyrir borgarsjóð þó að það væri gert
en myndi laga stórlega fyrir þá
gömlu greiðendur sem vaða ekki upp
í klof af peningum vægast sagt. Þess
vegna skora ég á borgarstjórn
Reykjavíkur að breyta þessu svo við
gamla fólkið getum staðið í skilum.
Ég vil senda Þórólfi væntanlegum
borgarstjóra sem tekur við eftir
nokkra daga kveðju mína og vona að
hann láti það verða sitt fyrsta verk
að breyta greiðslum í níu mánuði.
Ég held að allir eldri borgarar
myndu virða það við hann. Ég vil að
endingu óska honum góðs gengis í
starfinu. Ég vona að þessu verði
breytt strax.
GUÐMUNDUR BERGSSON,
Sogavegi 178, Rvk.
Til borgarstjórnar
í Reykjavík
Frá Guðmundi Bergssyni
TILEFNI þessa bréfs er vísan
umsóknar Átaks, félags fólks með
þroskahömlun, um styrk til menn-
ingarstarfsemi frá menningar-
málanefnd til félagsmálaráðs.
Á haustmánuðum 2002 sendi
Átak, félag fólks með þroskahöml-
un, umsókn um styrk til menning-
armálanefndar Reykjavíkurborg-
ar. Tilefni þessarar styrk-
umsóknar var listahátíð sem Átak
hyggst halda á árinu 2003 ásamt
fjórum félagasamtökum og stofn-
unum hér í Reykjavík. Á dögunum
var Átaki sent bréf þess efnis að
styrkumsókninni hafi verið vísað
frá menningarmálanefnd til félags-
málaráðs.
Eins og segir í styrkumsókn fé-
lagsins til menningarmálanefndar
sækir Átak, ásamt fjórum öðrum
aðilum sem vinna að málefnum
fatlaðra, um styrk til þess að halda
listahátíð þar sem listsköpun fólks
með þroskahömlun verður í
brennidepli. Á þessari listahátíð
munu bæði fatlaðir og ófatlaðir
listamenn koma fram saman og
sýna vinnu sína. Listahátíðin hefur
hlotið vinnuheitið „List án landa-
mæra“ og er það til að gefa til
kynna eitt af markmiðum hennar,
þ.e. að rjúfa þau landamæri sem
gjarnan liggja milli fatlaðra og
ófatlaðra. Þegar þessi orð eru
skrifuð er þegar búið að móta dag-
skrána í stórum dráttum og vænta
hlutaðeigandi aðilar mikils af þess-
ari hátíð sem menningarviðburði í
höfuðborginni á þessu ári.
Það vekur því mikla furðu hjá
aðstandendum þessarar hátíðar
þau viðbrögð sem umsóknin fær.
Hún er ekki tekin fyrir í menning-
armálanefnd, eins og okkur þótti
tilheyra þegar við ákváðum að
sækja um styrk, heldur er hún
send til félagsmálaráðs.
Við mótmælum þessari meðferð
harðlega og lýsum hneykslun okk-
ar á henni. Við viljum jafnframt
spyrja forsvarsmann menningar-
málanefndar hver sé afstaða borg-
arinnar til þeirrar menningarstarf-
semi sem hér um ræðir og hver sé
afstaða borgarinnar til menningar-
starfsemi fatlaðra yfirleitt? Við
teljum þetta ákaflega sérkennilega
málsmeðferð, sérstaklega þegar
tekið er tillit til þess að umsóknin
er send inn í tilefni af Evrópuári
fatlaðra. Við hvetjum menningar-
málanefnd eindregið til að endur-
skoða afgreiðslu þessa máls.
Það skal jafnframt bent á að
Átak, félag fólks með þroskahöml-
un, sótti um styrk til félagsmála-
ráðs fyrir tveimur árum. Sá styrk-
ur var hugsaður sem stuðningur
fyrir félagsmenn í starfi á vegum
félagsins og heyrði vissulega undir
félagsmálaráðið en hér er annað
upp á teningnum. Þeir sem koma
munu fram á þessari listahátíð eru
allt aðilar sem fyllilega standa
undir nafni og hafa margir hverjir
getið sér mjög gott orð fyrir list-
sköpun sína.
ÍNA VALSDÓTTIR,
formaður Átaks,
ÓLAFUR GUÐMUNDSSON,
starfsmaður Átaks.
Opið bréf til Stefáns
Jóns Hafstein, for-
manns menningarmála-
nefndar Reykjavíkur
Frá Ínu Valsdóttur og Ólafi Guð-
mundssyni