Morgunblaðið - 10.02.2003, Blaðsíða 25
FRÉTTIR
MORGUNBLAÐIÐ MÁNUDAGUR 10. FEBRÚAR 2003 25
Rangt nafn móður
Þau mistök urðu í viðtali við Stef-
án Jónsson leikara í blaðinu í gær að
rangt var farið með nafn móður
hans, Áslaugar Stephensen. Eru
hlutaðeigandi beðnir velvirðingar á
þessu.
LEIÐRÉTT Framkoma í fjölmiðlum Dagana24. og 25. febrúar býður Endur-
menntun HÍ upp á námskeið fyrir þá
sem vilja fá þjálfun í að koma málum
sínum frá sér af fagmennsku og ör-
yggi. Kennari á námskeiðinu er Sig-
rún Stefánsdóttir, fyrrverandi
fréttamaður, nú forstöðumaður upp-
lýsingaskrifstofu Norðurlandaráðs
og Norrænu ráðherranefndarinnar.
Námskeiðið skiptist í tvo þætti:
Annars vegar er fjallað um fréttir og
fréttamat, kennt hvernig standa skal
að því að koma málum á framfæri
við fjölmiðla. Hins vegar er leiðbeint
um undirbúning fyrir viðtöl í fjöl-
miðlum og þátttakendur gera verk-
legar æfingar fyrir framan sjón-
varpsvél.
Frekari upplýsingar um öll nám-
skeið er að finna á vef Endurmennt-
unar www.endurmenntun.is. Þar er
hægt að skrá sig á námskeið.
Stafsetning byrjenda í Reykjavík
og Rødøvre Baldur Sigurðsson,
dósent við Kennaraháskóla Íslands,
heldur fyrirlestur á vegum Rann-
sóknarstofnunar KHÍ næstkomandi
miðvikudag 12. febrúar kl. 16.15.
Fyrirlesturinn verður haldinn í saln-
um Skriðu í Kennaraháskóla Íslands
við Stakkahlíð og er öllum opinn.
Verður fjallað um rannsókn á staf-
setningu byrjenda á Íslandi og í
Danmörku og reynt að skýra þann
mun sem fram kom á frammistöðu
þeirra með því að athuga mismun-
andi tengsl framburðar og stafsetn-
ingar í þessum tungumálum.
Á NÆSTUNNI
Málþing um lífsgleði
Fræðslunefnd Náttúrulækninga-
félags Íslands heldur málþing á Hót-
el Loftleiðum þriðjudaginn 11. febr-
úar kl. 20. Málþingið ber
yfirskriftina: Lífsgleði.
Viðfangsefnið snertir alla og munu
frummælendur fjalla um það sem
felst í lífsgleði, hvernig má finna
hana og halda henni. Allir eru vel-
komnir.
Á MORGUN
LÆKNAVAKTIR
BARNALÆKNIR er til viðtals á stofu í Domus Medica á
kvöldin v.d. kl. 17–22, lau., sun. og helgid., kl. 11–15.
Upplýsingar í s. 563 1010.
BRÁÐAMÓTTAKA fyrir þá sem ekki hafa heimilislækni
eða ná ekki til hans opin kl. 8–17 v.d. S. 543 2000 eða
543 1000 um skiptiborð.
LÆKNAVAKT miðsvæðis fyrir heilsugæsluumdæmin í
Reykjavík, Seltjarnarnesi, Kópavogi, Garðabæ og Hafn-
arfirði, í Smáratorgi 1, Kópavogi. Mótttaka kl. 17–23.30
v.d. og kl. 9–23.30 um helgar og frídaga. Vitjanabeiðni og
símaráðgjöf kl. 17–08 v.d. og allan sólarhringinn um
helgar og frídaga. Nánari upplýsingar í s. 1770.
SJÚKRAHÚS REYKJAVÍKUR: Slysa- og bráðamóttaka í
Fossvogi er opin allan sólarhringinn fyrir bráðveika og
slasaða s. 543 1000 um skiptiborð / 543 2000 beinn sími.
TANNLÆKNAVAKT – neyðarvakt um helgar og stórhá-
tíðir. Símsvari 575 0505.
VITJANAÞJÓNUSTA læknis í heimahús. Alla v.d. kl. 10–
16. Símapantanir og ráðgjöf kl. 8–20 í síma 821 5369.
LÆKNALIND, Bæjarlind 12, Kópavogi. Einkarekin lækn-
isþjónusta. Vaktþjónusta alla virka daga kl 08–17. Uppl.
í síma 520 3600 og á heimasíðu www.laeknalind.is
APÓTEK
LYF & HEILSA: Austurveri við Háaleitisbraut. Opið kl. 8–
24, virka daga, kl. 10-24 um helgar. Sími 581 2101.
APÓTEKIÐ: LYFJA, Lágmúla: Opið alla daga ársins kl.
8–24. S. 533 2300.
LYFJA, Smáratorgi: Opið alla daga ársins kl. 8–24. Sími
564 5600.
BORGARAPÓTEK: Opið alla daga til kl. 24, virka daga kl.
9–24 og um helgar kl. 10–24. Sími 585 7700. Læknasími
585 7710 og 568 1250. Fax: 568 7232.
Milli kl. 02 og 8 er lyfjaþjónusta á vegum læknavaktar.
NEYÐARÞJÓNUSTA
NEYÐARMÓTTAKA vegna nauðgunar er opin allan sólar-
hringinn, s. 525 1710 eða 525 1000.
EITRUNARUPPLÝSINGASTÖÐ er opin allan sólarhring-
inn. S. 525 1111 eða 525 1000.
ÁFALLAHJÁLP. Tekið er á móti beiðnum allan sólar-
hringinn. S. 525 1710 eða 525 1000 um skiptiborð.
BAKVAKT Barnaverndarnefndar Reykjavíkur er starf-
rækt eftir kl. 16.15 virka daga, allan sólarhringinn aðra
daga. Sími 892 7821, símboði 845 4493.
HJÁLPARSÍMI Rauða krossins, fyrir þá sem þjást af dep-
urð og kvíða og eru með sjálfsvígshugsanir. Fullum
trúnaði heitið. Gjaldfrjálst númer: 1717, úr öllum símum.
TRÚNAÐARSÍMI RAUÐAKROSSHÚSSINS. Ráðgjafar-
og upplýsingasími ætlaður börnum, unglingum og að-
standendum þeirra. Nafnleynd. Opið allan sólarhr.
Gjaldfrjálst númer: 1717 – Netfang: husid@redcross.is
VINALÍNA Rauða krossins, s. 561 6464. Grænt númer
800 6464, er ætluð fólki 20 og eldri sem þarf einhvern til
að tala við. Svarað kl. 20–23.
ÞJÓNUSTAN
SAMGÖNGURÁÐHERRA hefur
óskað eftir heimild fjármálaráðherra
til að nýta eftirstöðvar af 15 milljóna
króna fjárheimild af fjárlögum ársins
2000 vegna samnings við grænlensku
landstjórnina um flug Flugfélags Ís-
lands á milli Íslands og Narsarsuaq.
Hinn 10. september sl. samþykkti
ríkisstjórnin 8,5 milljóna króna fram-
lag á ári til þriggja ára samnings um
flugið. Grænlenska landstjórnin hafði
á þeim tíma lýst sig reiðubúna til að
leggja fram 13,5 milljónir íslenskra
króna á ári gegn því að Ísland legði
fram 8,5 milljónir. Gert var ráð fyrir 3
milljónum króna úr SAMIK-sam-
starfinu eða samtals 25 milljónum
króna.
Grænlenska heimastjórnin leggst
nú gegn því að fé úr SAMIK-sam-
starfinu fari til annars en markaðs-
setningar á fluginu og leggur til að
samningurinn við Flugfélag Íslands
byggist á jöfnu framlagi frá hvoru
landi, 12,5 milljónum króna. Er því
leitað eftir heimild ríkisstjórnarinnar
vegna þessara fjögurra milljóna sem
á vantar. Samkvæmt upplýsingum
frá samgönguráðuneytinu hefur
Flugfélag Íslands þegar selt nokkur
hundruð miða á flugleiðinni þar sem
samningar virtust í höfn á haustmán-
uðum.
Samgönguráðherra hefur óskað
eftir heimild fjármálaráðherra til að
nýta til þessa verkefnis eftirstöðvar af
15 milljóna króna fjárheimild af fjár-
lögum ársins 2000. Þeir fjármunir
voru upphaflega ætlaðir til uppbygg-
ingar ferðamála í Scoresbysundi á
Grænlandi en ekki verið nýttir fram
að þessu. Í framhaldinu yrði síðan
leitað eftir frekari fjárveitingum til að
geta uppfyllt samninginn á árunum
2004 og 2005.
Meira fé til
flugs milli Ís-
lands og Suð-
ur-Grænlands
FÁKEPPNI er ráðandi í landflutn-
ingum á Íslandi og samfara þróun-
inni hafa gjaldskrár flutningsfyrir-
tækja hækkað verulega umfram
þróun neysluvöruvísitölu, sam-
kvæmt skýrslu nefndar um flutn-
ingskostnað, sem Sturla Böðvars-
son, samgönguráðherra, hefur kynnt
í ríkisstjórninni.
Margt hefur leitt til mikillar
hækkunar flutningskostnaðar og
„meðal ástæðna eru eðlisbreytingar
á margvíslegri flutningsjöfnun í ís-
lensku atvinnulífi“.
Miklar breytingar hafa orðið á
sviði flutninga undanfarin ár og hafa
skipafélögin orðið ráðandi í land-
flutningum í krafti eignarhalds á
vöruflutningafyrirtækjum. Í skýrsl-
unni kemur fram að á níunda ára-
tugnum hafi verið allt að fimm skip í
áætlunarsiglingum við strendur
landsins en nú sé eitt skip í strand-
siglingum. Það sé reyndar stærra en
fyrri skip og því hafi flutningsgetan
ekki dregist eins mikið saman og
fækkun skipa gefi til kynna, en
skipakomur séu færri og þjónusta
við ströndina minni. Skipið siglir á 11
hafnir en viðkomustaðir skipanna
voru um 30 fyrir fáum árum. Hins
vegar hefur heildarakstur bifreiða
yfir 4 tonnum að þyngd aukist mikið,
en fjölgun á eknum kílómetrum á ár-
unum 1996 til 2000 nemur 25%.
Innheimta kílómetragjalds fer
vaxandi en þungaskattur á land-
flutninga er um fjórðungur tekju-
stofns Vegagerðar og 13 til 15%
heildarskatttekna vegakerfisins.
Fram kemur að bifreiðaeigendur
kjósi í auknum mæli að aka einkabíl-
um á föstu gjaldi en með mæli. Þann-
ig hafi fastagjaldið verið um 23% af
heildarálagningu þungaskatts 1996
en um 46% árið 2001.
Veruleg frávik með afslætti
Þegar vöruflutningamiðstöðvar
endurskoða verðskrár sínar er litið
til launa, sem vega um helming, og
olíu og þungaskatts. Í skýrslunni
segir að auknar hækkanir séu líklega
að nokkru leyti vegna ákveðinna
breytinga á flutningamarkaðnum, en
gera megi ráð fyrir „að gjaldskrá
flutningsaðilanna endurspegli ekki
raunkostnað þeirra fyrirtækja sem
nota þjónustuna. Veruleg frávik í
formi afsláttar tíðkast í ríkum mæli“.
Ennfremur segir að því meiri velta
sem sé hjá verslun þeim mun lægra
sé hlutfall flutningskostnaðar af söl-
unni. Haft er eftir einum viðmæl-
anda að sérstök innheimta fyrir
framhaldsflutninga frá Reykjavík í
innflutningi hafi hækkað flutnings-
kostnað, en það er yfirleitt samdóma
álit viðmælenda að þjónusta land-
flutninga sé góð.
Í skýrslunni er bent á nokkrar
leiðir til þess að lækka flutnings-
kostnað og m.a. sagt að skoða megi
möguleika sem liggi í formi hagræð-
ingar í vöruafgreiðslu um landið. „Sé
vilji til staðar að styrkja flutninga er
að öllum líkindum ráðlegast að taka
upp einhvers konar beina flutninga-
styrki til atvinnugreina sem talið er
að eigi undir högg að sækja staðsetn-
ingar sinnar vegna. Slíkt má gera að
norskri eða sænskri fyrirmynd,“
segir í skýrslunni.
Á ríkisstjórnarfundinum var sam-
þykkt tillaga samgönguráðherra, í
samráði við iðnaðar- og viðskiptaráð-
herra, að Byggðastofnun verði falið
að fara yfir skýrsluna og í fyrstu að
kanna umfang flutninga atvinnu-
greina sem talið er að eigi undir
högg að sækja staðsetningar sinnar
vegna og meta hver styrkþörf þeirra
gæti verið.
Flutningskostnaður
hefur aukist verulega
KVENNARÁÐ knattspyrnudeildar
Aftureldingar stóð nýlega fyrir
knattspyrnumóti til styrktar
Rebekku Allwood, 13 ára stúlku úr
knattspyrnudeild Aftureldingar,
sem slasaðist alvarlega í bílslysi í
byrjun nóvember sl. Gríðarlega góð
þátttaka var á mótinu, um 550 stúlk-
ur úr 61 liði frá 13 félögum á aldr-
inum 6-17 ára kepptu sín á milli báða
dagana, segir í tilkynningu frá Aft-
ureldingu. Alls söfnuðust 326.902
krónur á mótinu. Verndari mótsins
var Flugfélagið Atlanta sem gaf alla
verðlaunapeninga.
Foreldrar stúlkna í Aftureldingu
sáu um kaffiveitingar og bakstur og
allur ágóði af veitingasölu og þátt-
tökugjöldum rann óskiptur í styrkt-
arsjóð Rebekku og fjölskyldu henn-
ar. Fjöldi gesta sótti mótið og styrkti
málstaðinn með því að kaupa kaffi-
veitingar. Mosfellingar og aðrir sem
á mótið komu víluðu ekki fyrir sér
að greiða yfir 1.000 krónur fyrir
kaffibolla og bakkelsi, sumir jafnvel
5.000 krónur, til að styrkja
Rebekku. Einnig var söfnunar-
baukur á staðnum.
Reikningur til
styrktar Rebekku
Þeir sem ennþá vilja styrkja þetta
málefni geta lagt inn á reikning sem
Afturelding stofnaði í þessu tilefni,
reikningur 0549-14-103030, kenni-
tala 020389-2499.
Kvennaráð knattspyrnudeildar
Aftureldingar vill koma á framfæri
þakklæti til fjölmiðla, birgja, sem
margir hverjir gáfu vörur, og ann-
arra sem komu og styrktu þetta mál-
efni. Þá ekki síst til allra sem tóku
þátt í mótinu, jafnt leikmenn sem
starfsmenn og einnig sérstaklega til
foreldra sem sáu um kaffiveitingar
og bakstur; án þeirra hefði mótið
aldrei orðið svo árangursríkt.
Í einstökum flokkum sigruðu eft-
irtalin lið: 2A: Fjölnir, 2B: Fjölnir,
3A: Afturelding, 3B: ÍR, 4A: Aftur-
elding, 4B: Afturelding, 5A: Breiða-
blik, 5B: Breiðablik, 5C: Breiðablik,
6A: Fylkir, 6B: Afturelding, 6C: KR.
Það er samdóma álit mótsstjórnar
að hinn stóri sigurvegari þessa móts
hafi án efa verið sá jákvæði hugur
sem ríkti jafnt yfir keppendum sem
og mótsgestum og samhugur þeirra
í verki.
Vel heppnað styrktarmót í Mosfellsbæ
Lið Aftureldingar í 6. flokki var meðal yngstu liðanna sem tóku þátt í
knattspyrnumóti til styrktar Rebekku Allwood.
RÍKISSTJÓRNIN hefur samþykkt
tillögu iðnaðarráðherra um að veita
sérstakan styrk að upphæð 3 millj-
ónir króna til markaðsátaks á sviði
jarðhitanýtingar í Kína. Samkvæmt
upplýsingum frá iðnaðarráðuneyt-
inu er verulegur áhugi meðal kín-
verskra stjórnvalda á að auka nýt-
ingu jarðhita og tengist það
áformum þjóða heims um að draga
úr losun gróðurhúsalofttegunda og
auka hlut endurnýjanlegra orku-
gjafa.
Í kjölfar heimsóknar forseta Kína
hingað til lands vorið 2002 tókust
samningar á milli íslenska orkufyr-
irtækisins Enex hf. og jarðhitayfir-
valda í Peking um samstarf á sviði
jarðhitamála. Er nú m.a. unnið að
hönnun á hitaveitu fyrir 15.000
manna hverfi í Norður-Peking.
Nýlega gaf Enex út skýrslu um
frumathugun á markaði fyrir ís-
lenska jarðhitaþekkingu í Kína og
kemur þar m.a. fram að 10–15 álit-
leg jarðhitaverkefni eru fyrir hendi í
Kína sem hugsanlegt er að sam-
vinna gæti tekist um við íslenska að-
ila.
Hefur því verið ákveðið að efla til
sérstaks markaðsátaks til að láta
reyna á hvort og á hvern hátt unnt
sé að taka þátt í álitlegum jarðhita-
verkefnum í Kína á næstu árum.
Markaðsátakið standi í eitt ár
Enex hf. og Orkuveita Reykjavík-
ur settu nýlega á fót fyrirtækið
Enex-Kína ehf., sem ætlað er að afla
verkefna í Kína og annast samskipti
við kínverska aðila sem munu vinna
að verkefnunum með íslenskum sér-
fræðingum. Samkvæmt upplýsing-
um frá iðnaðarráðuneytinu verður
markaðsátakinu ekki sinnt öðruvísi
en með því að koma upp sérstakri
skrifstofu í Peking. Gert er ráð fyrir
að átakið standi í eitt ár og er áætl-
aður stofn- og rekstrarkostnaður
skrifstofunnar 14,5 m.kr. Hefur
Enex hf. í kjölfarið óskað eftir
stuðningi iðnaðarráðuneytisins við
markaðsátakið sem að mati ráðu-
neytisins er „fullkomlega tímabært
að ráðast í“. Um sé að ræða um-
fangsmesta átak til markaðsöflunar
á útflutningi á íslenskri jarðhita-
þekkingu sem ráðist hafi verið í sem
geti skipt miklu fyrir útrás á jarð-
hitaþekkingu Íslendinga í framtíð-
inni, að mati iðnaðarráðuneytisins.
3 milljónir
í markaðs-
átak vegna
jarðhitaverk-
efna í Kína
UNGMENNAFÉLAG Íslands og
B&L hafa gert með sér sam-
komulag um að B&L verði einn af
aðalstyrktaraðilum Unglingamóts
UMFÍ 2003.
Mótið verður haldið á Ísafirði um
verslunarmannahelgina, 1.–3.
ágúst nk., og er gert ráð fyrir að
það laði til sín um 7–8.000 gesti, þar
af um 1.200 til 1.500 keppendur.
Samkomulagið felur m.a. í sér að
Ungmennafélagið fær afnot af
nýrri Renault Megane-bifreið í
tengslum við undirbúnings mótsins.
Morgunblaðið/Árni Sæberg
Helga Guðrún Jónasdóttir, kynningarstjóri B&L, afhendir Birni B. Jóns-
syni, formanni UMFÍ, lykilkort að nýjum Renault Megane.
B&L styrkir UMFÍ