Morgunblaðið - 11.02.2003, Blaðsíða 9
MORGUNBLAÐIÐ ÞRIÐJUDAGUR 11. FEBRÚAR 2003 B 9HeimiliFasteignir
VARMARAF ehf. hefur þróað
nýja tegund af varmarafölum, en
það er tæki sem umbreytir varma
í rafmagn. Nýja tækið hefur það
umfram aðra varmarafala að ekk-
ert kalt vatn þarf til þess að
mynda varmastreymi í honum til
rafmagnsframleiðslu heldur er
notast við kælingu frá umhverf-
inu.
Frá þessu er skýrt í fréttatil-
kynningu frá fyrirtækinu. Nýi
rafallinn, sem nefnist Thermator
A, hefur þegar verið settur upp í
nokkrum sumarbústöðum sem
hafa heitt vatn en eru ekki tengd-
ir rafveitu. Varmarafalinn er þar
notaður til að knýja dælu í lokuðu
ofnakerfi og til framleiðslu raf-
magns til lýsingar og annarra
þarfa þegar bústaðurinn er í
notkun.
Rafmagnsframleiðsla með
Thermator A er háð hitastigi
heita vatnsins og lofthita. Því
meiri sem þessi munur er, þeim
mun meira rafmagn er framleitt.
Þannig nær rafmagnsframleiðslan
hámarki á veturna þegar kaldast
er í veðri, en þá er yfirleitt mesta
þörfin fyrir rafmagnið. Tækið
vinnur því vel með sólarrafölum
og rafbúnaður er sams konar.
Fyrirtækið Varmaraf ehf. var
stofnað árið 2000 og sérhæfir sig í
rannsóknum, þróun og fram-
leiðslu á varmarafölum og vetn-
isgeymslubúnaði.
Ný tegund varmarafala
frá Varmarafi ehf.
Bústaður í Grímsnesi með hinum nýja varmarafali Thermator A.