Morgunblaðið - 12.02.2003, Blaðsíða 23
MORGUNBLAÐIÐ MIÐVIKUDAGUR 12. FEBRÚAR 2003 B 23
vélsleðar
Það er hægt að koma sér upp vél-
sleða án þess að kostnaðurinn hlaupi
á milljónum. Vélsleðaáhugamaðurinn
Ommi hafði lengi alið með sér þann
draum að eignast sleða og lét verða
af því í fyrra. Hann er brottfluttur Ak-
ureyringur og segir fyrir norðan sé
allt önnur menning í vélsleðunum en í
Reykjavík. „Það er enginn maður
með mönnum fyrir norðan nema
hann eigi vélsleða. Það skiptir engu
hvort sleðinn er gamall eða nýr.“
Fyrsti sleði Omma var Ski-Doo
Mach 1, árgerð 1992.
„Ég keypti hann af kunningja mín-
um á Akureyri og borgaði 80 þúsund
krónur fyrir gripinn. Það er búinn að
vera draumur minn í mörg á að eign-
ast svona leikfang. Ég átti skíðagalla
en þurfti að kaupa hjálm. Undir sleð-
ann notaði ég venjulega garðkerru
sem dugði til að druslast hér í ná-
grenni Reykjavíkur. Ætli ég hafi ekki
sloppið með 100 þúsund kall til að
láta drauminn rætast.“
Nú hafði Ommi smitast fyrir alvöru
af vélsleðaveirunni og langaði að fá
sér betri sleða. „Ég var búinn að biðja
kunningja minn, sem er í þessu sporti,
að hringja í mig ef hann vissi af sleða
á góðu verði. Í júlí sl. hringdi hann og
sagði mér af Polaris 700, 1998 ár-
gerð. Þetta var gott eintak, í topp-
standi, og vel með farið. Ég keypti
sleðann um mitt sumar og fékk hann
á hálfvirði, 350 þúsund. Maður er því
búinn að bíða lengi eftir snjónum.“
Gamla sleðann seldi Ommi ungum
frænda sínum „til að smita fleiri í fjöl-
skyldunni,“ eins og hann orðar það.
Nýi sleðinn kallaði á smíð á betri
kerru og eins fékk Ommi sér almenni-
legan vélsleðagalla og betri hjálm.
Hann áætlar að þessi pakki hafi alls
kostað um 500 þúsund krónur.
Ommi hefur aðallega ekið sleða í
nágrenni Reykjavíkur. Lengsta ferðin
var á Langjökul um jólin því þangað
var styst í snjó. Sleðinn hefur orðið
fjölskyldunni til ánægju og tilefni til
útivistar.
„Um síðustu helgi vorum við uppi í
Skíðaskála með sleðann og þar voru
allir félagar sonar míns með. Við
hengdum eina fjóra Stiga-sleða aftan
í og fórum út um allt, mjög varlega að
sjálfsögðu. Ég á unglingspilt og það er
kannski ekki síst til að geta verið
meira með honum um helgar að ég
keypti sleða.
Ég hugsaði þetta fyrst og fremst
sem leikfang fyrir fjölskylduna, en
síður til að fara í langar ferðir um há-
lendið. Maður gerir það ekki nema í
hópi reyndra ferðamanna. Það er
meiri útgerð og dýrari. Ég er ekki
genginn í neitt félag en held að það sé
næsta mál á dagskrá að setja sig í
samband við félag vélsleðamanna.“
Draumurinn rættist
fyrir 100 þúsund krónur
Ommi keypti notaðan Polaris-sleða á
góðu verði.
Morgunblaðið/Kristinn
Netsalan, Garðatorgi 3,
sími 544 4210
Nú er lagið! en enginn veit hve lengi
GRAND CHEROKEE LIMITED
frá kr. 5.350.000
GRAND CHEROKEE OVERLAND
frá kr. 5.550.000
Notið tækifærið meðan
$ er hagstæður
Opið virka daga kl. 10-18 og laugardaga kl. 10-12
Árgerð 2003
Eigum til á lager