Morgunblaðið - 13.02.2003, Blaðsíða 2
2 B FIMMTUDAGUR 13. FEBRÚAR 2003 MORGUNBLAÐIÐ
NFRÉTTIR
! "
# $%
!
"
'
%%
( ! ! *
"
+
Í SÍÐUSTU viku var sagt frá því að Elín Sigfúsdóttir hefði tek-
ið við stöðu framkvæmdastjóra fyrirtækjasviðs Búnaðarbankans
og þannig orðið fyrsta konan í framkvæmdastjórn bankans. Full
ástæða er til að fagna þessu, því þær konur sem eru í viðlíka
áhrifastöðum í fjármálageiranum má telja á fingrum annarrar
handar. Sífellt fleiri konur setjast þó í sæti millistjórnenda í bönk-
um auk þess sem konur eru nú orðnar í meirihluta þeirra sem
nema fjármál, viðskipti og tengd fræði. Æðstu stjórnendur fjár-
málafyrirtækja eru þó undantekningarlaust karlar en ekki konur.
Þetta er áhyggjuefni, ekki síst í ljósi þess að meiri völd virðast
vera að færast til þeirra sem stjórna fjármálafyrirtækjum.
Könnun sem sýndi hinn dæmigerða stjórnanda var kynnt í síð-
ustu viku og þar kom í ljós dapurleg staða. Fjórir af hverjum
fimm stjórnendum fyrirtækja í landinu eru karlar. Þegar kemur
að stóru fyrirtækjunum breytist hlutfallið enn konum í óhag því
samkvæmt tölum frá Hagstofunni eru 96% stjórnenda þeirra 250
allra stærstu, karlar. Þessar tölur eru þó alls engar nýjar fréttir.
Þorri landsmanna hafði án efa svipaða mynd í huga sér af hinum
dæmigerða forstjóra og könnunin sýndi. Miðaldra karlmaður í
jakkafötum sem ekur um á jeppa.
Hópur æðstu stjórnenda á Íslandi virðist vera einsleitur, sem
er slæmt. Ef gróska á að vera í atvinnulífinu þarf fjölbreytni. En
einsleitnin er ekki slæm fyrir alla. Að falla inn í einsleita hópinn er
slæmt en að geta skorið sig úr honum ber vott um gott við-
skiptavit. Í viðtali sem Morgunblaðið birti sl. föstudag segir frum-
legur sænskur viðskiptaprófessor, Jonas Ridderstråle, að það að
vera öðruvísi skipti sífellt meira máli í viðskiptum. Með breyttum
viðskiptaháttum, auknu frelsi á mörkuðum og síaukinni sam-
keppni verði það sífellt brýnna fyrir fyrirtæki og ekki síður
stjórnendur þeirra að hafa eitthvað að bjóða sem enginn annar
hefur. Hlutfallslegir yfirburðir kvenna sem stjórnenda ættu að
vera augljósir. Þær eru ekki miðaldra karlmenn.
Vissulega er málið ekki svona einfalt. Þótt stjórnendahópurinn
virðist einsleitur þá er ekki víst að
hann sé það þegar betur er að gáð.
Auk þess skera ekki allar konur sig
neitt sérstaklega úr þessum hópi,
þótt þær séu af öðru kyni. Konur
sem vilja berjast til æðstu valda inn-
an fyrirtækja hljóta að spyrja sig að
því hvort það sé þeim í hag að skil-
greina sig sem konur eða hvort þær
ættu heldur að reyna að falla inn í
hinn dæmigerða hóp karlanna. Í stað
þess að reyna að afmá þann mismun sem er á körlum og konum
sem stjórnendum þá er lag fyrir konur að nýta sér það að vera
„öðruvísi“ og leggja áherslu á það sem greinir þær frá hinum
dæmigerða karlkyns stjórnanda.
Konum er nú hægt og sígandi að fjölga í hópi viðskipta- og hag-
fræðinga og von til þess að þær sjáist í fleiri stjórnunarstöðum í
fjármálageiranum á næstu árum. Það gerist líklega ekki strax og
enn síður gerist það af sjálfu sér. Ekki þarf að fara lengra aftur en
til ársins 1998 til að sjá viðskipta- og hagfræðideild Háskóla Ís-
lands með mun fleiri karla en konur við nám. Hlutirnir eru að
breytast en ómögulegt er að segja til um hversu langt er að bíða
þess að kona verði bankastjóri hér á landi.
Morgunblaðið/Arnaldur
Innherji skrifar
Ungfrú
bankastjóri?
Yfirburðir kvenna
sem stjórnenda
ættu að vera
augljósir. Þær eru
ekki miðaldra
karlmenn.
innherji@mbl.is
ll VIÐSKIPTI
● OLÍUFÉLAGIÐ, Esso, hefur tekið ákvörðun
um kaup á birgðastýringarkerfinu AGR Inn-
kaup. Kerfið tengist viðskiptakerfi Esso en
hlutverk kerfisins er að
framkvæma söluspár og
koma með innkaupa-
tillögur sem lágmarka
birgðahaldskostnað og
hugsanlegar vantanir.
Hugbúnaðurinn AGR Innkaup er útfærður
af verkfræðifyrirtækinu AGR ehf. sem sér-
hæfir sig í lausnum til hagræðingar í rekstri.
AGR Innkaup var þróaður í samvinnu við Að-
föng og Húsasmiðjuna en auk þeirra hafa
fyrirtæki á borð við Nathan&Olsen, Johan
Rönning, Fríhöfnin og ÁTVR fjárfest í kerfinu.
Esso semur við AGR
● EVRÓPUSAMBANDIÐ
kannar nú hvort tillaga
ítalskra ráðamanna sem
létta á skuldabyrði af þar-
lendum knattspyrnu-
félögum standist lög.
Ítalska úrvalsdeildin tap-
aði alls um 950 millj-
ónum evra eða tæpum
80 milljörðum íslenskra króna á síðasta leik-
tímabili. Skuldir deildarinnar jukust um 41%
á tímabilinu og nema nú 2,5 milljörðum evra
eða um 210 milljörðum króna. Hin umdeilda
tillaga ríkisstjórnar Silvio Berlusconi, sem
þegar hefur verið samþykkt í neðri deild
ítalskaþingsins, felur í sér að knattspyrnu-
félög fái frest til 10 ára til að greiða niður
skuldir í stað þess að fá til þess þrjú ár eins
og önnur félög í landinu. Berlusconi er eig-
andi og stjórnarformaður AC Milan sem er
eitt þeirra knattspyrnufélaga sem er skuld-
um vafið eftir síðustu leiktíð. BBC sagði frá.
Ítalski boltinn
skuldum vafinn
◆
● BAUGUR-ID hefur keypt hálft prósent
hlutabréfa, um eina milljón hluta, í breska
verslunarfyrirtækinu
Selfridges. Talsmaður
Baugs segir að þessi
kaup séu í samræmi
við þá stefnu fyrirtæk-
isins, að kaupa í lágt
metnum fyrirtækjum á breskum smá-
sölumarkaði.
Viðskiptin urðu fyrir um þremur vikum.
Miðað við gengið þá, sem var á bilinu 230–
238 pens, nam kaupverð hlutanna um 290
milljónum íslenskra króna. Lokagengi Sel-
fridges var 246 pens í gær.
Baugur kaupir 0,5%
í Selfridges
● HAGKERFI farnast betur ef stór hluti
vinnuafls þess er skráður í verkalýðsfélag,
segir í skýrslu Alþjóðabankans sem birt var í
gær. Niðurstöður skýrslunnar benda til þess
að í ríkjum þar sem margir eru í verkalýðs-
félagi sé lægra atvinnuleysi, lægri verð-
bólga, meiri framleiðni og hraðari aðlögun
að sveiflum í hagkerfinu. Einnig kemur fram
að aukin þátttaka í verkalýðsfélögum er lík-
leg til að minnka launamun milli ómenntaðra
og menntaðra, og milli karla og kvenna. Einn
af höfundum skýrslunnar, Robert Holzmann,
segir að bankinn sé í raun með þessu að
breyta viðhorfi sínu til verkalýðsfélaga sem
áður hafi verið nokkuð neikvætt.
Verkalýðsfélög lækka
verðbólgu
EINSTÆÐ bresk móðir,
Louisa Young, gerði nýlega
milljón punda samning við
barnabókaútgefand-
ann Puffin um útgáfu-
rétt á fyrstu bók af
þremur um strák sem
getur talað við ketti og
sagður er líklegur arf-
taki Harry Potter.
Höfundur þeirra
bóka, J.K. Rowling,
fékk þó ekki nema lítið
brot af þessari upp-
hæð fyrir fyrstu bók
sína um galdrastrákinn, um
2.000 pund eða sem nemur um
250.000 íslenskum krónum. Hin-
ar gríðarlegu vinsældir Potters
hafa þó skilað Rowling tölu-
verðu í aðra hönd og er hún nú
tekjuhæsta kona Bretlands,
með eignir metnar á yfir 200
milljónir punda eða um 25 millj-
arða króna. Nú velta menn fyrir
sér hvort skapari Lionboy, eins
og fyrsta bókin um
strákinn sem skilur
ketti heitir, feti í fótspor
Rowling. Hátt í milljón
pund, sem nemur um
125 milljónum króna
hlýtur í það minnsta að
teljast góð byrjun.
Að sögn Young skrif-
ar hún sögurnar af
ljónastráknum með
dóttur sinni Isabel og
þær muni skipta öllum mögu-
legum tekjum af bókinni til
helminga. Fyrsta bókin um
ljónastrákinn kemur út í októ-
ber nk. og þá mun líklega koma í
ljós hvort Young nær þeim him-
inháu sölutölum og tekjum sem
Rowling státar af.
Arftaki Harry
Potter fundinn
Verður hún ríkasta
kona Bretlands?
◆
PLASTHÚÐUN og pökkun ehf. í Skeifunni
9býður nú í fyrsta skipti á Íslandi fyrir-
tækjum, stofnunum og einstaklingum upp á
að fá eigið nafn og vörumerki sem vatns-
merki í flestan pappír í hvaða upplagi sem er.
Í fréttatilkynningu frá fyrirtækinu kemur
fram að hingað til hafi hver sá sem ætlaði að
fá eigin vatsnmerktan öryggispappír orðið að
kaupa í miklu magni beint frá papp-
írsframleiðendum með ærnum kostnaði en nú
geti hver og einn pantað eftir þörfum. Ennfremur býður fyr-
irtækið upp á þá þjónustu að setja vatnsmerki í það bréfsefni sem
nú þegar er til staðar hjá fyrirtækjum.
Sést munur á frumriti og afriti
„Víða um heim eru fyrirtæki, stofnanir og einstaklingar að nýta
sér þennan möguleika til að henda reiður á frumritum sínum. Þar
á meðal reikningum og öðrum skjölum. Hér á landi hefur sýnt sig
að þörfin er síst minni. Í dag kemur æ oftar upp að erfitt getur
reynst að greina á milli frumrits og afrits. Vatnsmerktur pappír
leysir það vandamál,“ segir í fréttatilkynningunni.
Í tilkynningunni segir jafnframt að hver og einn geti haft sam-
band við sína prentsmiðju eða auglýsingastofu sem sér um að
panta vatnsmerki í pappír hjá Plasthúðun og pökkun. Einnig er
hægt að snúa sér beint til fyrirtækisins.
Vatnsmerki á Íslandi
MARKAÐSFYRIRTÆKIÐ
X-18, sem hefur framleitt og selt
skó undir vörumerkinu X-18, var
í gær úrskurðað
gjaldþrota. Albert
Sveinsson, fram-
kvæmdastjóri fyrir-
tækisins, segir það
mikil vonbrigði að til
þessa hafi þurft að koma. Verið
sé að skoða leiðir til að halda
rekstri félagsins áfram. Nýsköp-
unarsjóður eignaðist vörumerkið
á síðasta ári.
Að sögn Alberts eru heildar-
skuldir X-18 rúmar 400 milljónir
króna. Hann segir að þar af séu
um 300 milljónir langtímalán, að-
allega hjá bönkum og Nýsköp-
unarsjóði, en um 100 milljónir
skammtímaskuldir sem gjald-
fallið hafi á undanfönum mánuð-
um.
Hann segir að sala
fyrirtækisins á síðasta
ári hafi verið góð en
undir væntingum.
Tekjur hafi því ekki
skilað sér eins og búist hafi verið
við. Því hafi ekki verið unnt að
standa við skuldbindingar við
lánardrottna félagsins. Farið
hafi verið fram á greiðslustöðv-
un, sem úrskurðuð hafi verið
m.a. á grundvelli vilyrðis fyrir
auknu fjármagni á greiðslu-
stöðvunartíma, háð skilyrðum
sem ekki hafi tekist að fullnægja.
X-18 gjaldþrota
Kringlan 6 - Stóri Turn - 550 2000 www.sphverdbref.is
Besta ávöxtun skuldabréfasjóða 2002
Skuldabréfasjóður SPH Verðbréfa, skv. Lánstrausti hf.
13,2%