Morgunblaðið - 13.02.2003, Blaðsíða 5
MORGUNBLAÐIÐ FIMMTUDAGUR 13. FEBRÚAR 2003 B 5
NÚR VERINU NÝSJÁLENSKA sjávarútvegs-
fyrirtækið Sealord er án nokkurs
vafa langstærsta sjávarútvegsfyr-
irtæki heims. Fyrirtækið rekur út-
gerð og fiskvinnslu út um allan
heim, t.d. umfangsmikla fiskvinnslu
í Grimsby á Englandi og notar þar
m.a. íslenskt hráefni sem flutt er til
Englands með flugi.
Keith Brown, innkaupastjóri
Sealord í Grimsby, var einn helsti
hvatamaður þess að byrjað var að
fljúga með íslenskan fisk beint til
Humberside. Hann segir að mikið
hagræði hljótist af því að fljúga
meðfiskinn beint á Humber-svæðið.
„Fiskurinn lendir nánast á þrösk-
uldinum hjá okkur. Höfuðstöðvar
okkar eru aðeins í 20 kílómetra
fjarlægð frá flugvellinum. Það þýð-
ir að þegar fiskinum er flogið beint
á Humberside-flugvöll er hann
kominn í hendur okkar sama dag
og hann er veiddur.
Það var gaman að fylgjast með
þegar við fengum fisk úr fyrsta
fluginu. Vélin lenti á Humberside-
flugvelli um klukkan 23 og aðeins
75 mínútum síðar var fiskurinn
kominn í hús til okkar. Áður en
þetta flug kom til gátum við í fyrsta
lagi vænst þess að fá fiskinn um
klukkan 6 til 7 að morgni. Við hefj-
um vinnslu kl. fjögur á morgnana
og með þessum hætti er fiskurinn
kominn í hillur stórmarkaðanna um
hádegi. Miðað við þær ströngu
kröfur sem stórmarkaðirnir gera
um ferskleika hráefnisins hefur það
mikið að segja fyrir okkur að koma
vörunni degi fyrr í hillurnar en
ella.“
Sjálfbærar veiðar skipta máli
Brown segir að þannig fái Sealord
eins ferskan fisk og völ er á. „Ís-
lenskur fiskur er þekktur fyrir
gæði og ferskleika og nú fáum við
hann ferskari en áður. Ekki
skemmir fyrir að íslenski fiskurinn
er úr sjálfbærri auðlind en sá þátt-
ur skiptir sífellt meira máli. Eins og
flestir vita hafa fiskveiðar okkar
Breta í Norðursjó verið skornar
mjög niður vegna ofveiði. Við kaup-
um breskan fisk þar sem því verður
við komið en það dugar hinsvegar
engan veginn til að standa undir
framleiðslunni. Við reynum að
forðast að kaupa breskan þorsk og
leggja þannig okkar af mörkum til
að þorskstofninn í Norðursjó rétti
úr kútnum. Það þýðir að við verð-
um að reiða okkur á innflutning á
ferskum fiski og þar leikur Ísland
stórt hlutverk vegna ábyrgrar fisk-
veiðistjórnunar,“ segir Keith
Brown.
Greininni til framdráttar
Sealord kaupir íslenskan fisk eink-
um í gegnum útflutningsfyrirtækið
Danica Seafood. Jan Bernstorff
Thomsen, framkvæmdastjóri Dan-
ica, segist ekki í vafa um að beint
fragtflug á Humberside-flugvöll
verði ferskfiskútflutningi frá Ís-
landi í heild til framdráttar. „Með
því að fljúga fiskinum beint á Hum-
ber-svæðið fái kaupendurnir fisk-
inn mun fyrr til vinnslu og komi
honum því fyrr til stórmarkaðanna
en ella. Eins má benda á að þó að
seinkun verði á flugi, þá kemst fisk-
urinn alltaf strax í hendur kaup-
endanna um leið og hann lendir á
Humberside-flugvelli. Í þeim til-
fellum sem flugi seinkar á Ed-
inborg eða London, er alltaf fyrir
höndum þessi langi akstur til kaup-
endanna á Humber-svæðinu. Þá er
það líka kostur hversu lítill Humb-
erside-flugvöllur er í samanburði
við til dæmis Heathrow í London. Á
Humberside ganga hlutirnir mun
hraðar fyrir sig, fiskurinn er flutt-
ur beint úr flugvélinni í flutningabíl
sem ekur honum til kaupandans. Á
stærri flugvöllum er meiri erill og
afhendingin vill oft taka dálítið
langan tíma.“
Jan segir stöðuga aukningu á
ferskfiskútflutningi með flugi.
Þannig hafi Danica flutt út um
2.500 tonn af flökum á síðasta ári,
sem er um 25% aukningi frá árinu
2001. Hann segir ekki útlit fyrir
annað en að vöxturinn haldi áfram.
Morgunblaðið/Helgi Mar
Jan Bernstorf Thomsen, framkvæmdastjóri Danica Seafood, og Keith Brown, inn-
kaupastjóri Sealord í Bretlandi, tóku á móti fyrsta fragtfluginu á Humberside.
Fáum
besta
fiskinn
enn betri