Morgunblaðið - 16.02.2003, Blaðsíða 2
FRÉTTIR
2 SUNNUDAGUR 16. FEBRÚAR 2003 MORGUNBLAÐIÐ
FYLGI S-LISTA 40,1%
Samfylkingin mælist með 40,1%
fylgi og Sjálfstæðisflokkur með
35,8%, í nýrri skoðanakönnun sem
Félagsvísindastofnun gerði fyrir
Morgunblaðið. Framsókn hefur
13,5% fylgi, VG 7,4% og Frjálslyndi
flokkurinn 2,9%.
Fá lengri tíma
Vopnaeftirlitsmenn SÞ munu að
sögn Tony Blairs, forsætisráðherra
Breta, fá meiri tíma til að ganga úr
skugga um það hvort Írakar hafi hlítt
ályktunum SÞ er varðar vopnaeign.
Skipta verkum
Samson-menn hafa komið sér sam-
an um verkaskiptingu eftir kaup á
tæplega helmingshlut í Landsbanka.
Björgólfur Guðmundsson sér um
bankann, Björgólfur Thor um lyfja-
geirann og Magnús Þorsteinsson um
rekstur í Rússlandi.
Stríði mótmælt
Búist er við að milljónir hafi tekið
þátt í mótmælaaðgerðum gegn stríði í
Írak, sem skipulögð voru í gær í 60
löndum víða um heim.
550 millj. færslugjöld
Handhafar debetkorta greiddu
tæpar 550 millj. króna í færslugjöld á
síðasta ári og notuðu kortin alls rúm-
lega 45 milljón sinnum. Færslugjöld
eru hæst hjá Landsbanka og Spari-
sjóðunum, eða 13 krónur.
Súlujökull hopar
Súlujökull hefur hopað um allt að
100 metra á hverju ári síðustu ár. Ef
jökullinn heldur áfram að hopa er út-
lit fyrir að áin Súla sameinist Gígju-
kvísl og að lokum renni aðeins ein
jökulá frá Skeiðarárjökli.
Sunnudagur
16. febrúar 2003
atvinnatilboðútboðfundirtilsölutilleigutilkynningarkennslahúsnæðiþjónustauppboð
mbl.is/atvinna Gestir í vikunni 8.655 Innlit 16.655 Flettingar 70.546 Heimild: Samræmd vefmæling
Póls hf. er leiðandi fyrirtæki á sviði vigtar, flokkunar- og stýritækni
fyrir matvæla-iðnaðinn.
Sölumaður
Póls hf. óskar eftir að ráða sölumann til starfa
í sölu- og markaðsdeild félagsins í Reykjavík.
Sölu- og markaðsdeildin hefur umsjón með
stefnu fyrirtækisins í markaðs- og sölumálum
ásamt tilboðs- og samningsgerð á vörum og
lausnum félagsins. Upplýsingaöflun og grein-
ing á markaðsaðstæðum er stór þáttur í starfs-
emi deildarinnar ásamt umsjón og ábyrgð á
sýningarhaldi og gerð kynningarefnis. Starfinu
fylgja mikil ferðalög bæði innanlands og er-
lendis.
Hæfniskröfur:
Háskólamenntun eða sambærileg framhalds-
menntun.
Víðtæk starfsreynsla og þekking í matvæla-
framleiðslu.
Krafa um góða spænsku og/eða frönsku-
kunnáttu auk ensku.
Góð tölvukunnátta æskileg.
Leitað er eftir metnaðarfullri persónu sem er
til í að takast á við fjölbreytt verkefni í ört
stækkandi fyrirtæki, með gott frumkvæði og
sjálfstæð vinnubrögð.
Umsóknarfrestur er til 26. febrúar og skal skila
umsóknum til Póls hf. fyrir þann tíma, á eftirfar-
andi póstföng: ebg@pols.is, pso@pols.is eða
í P.O. Box 8836. 105 Reykjavík merktum:
„Sölumaður - Póls hf“.
Allar nánari upplýsingar um starfið veitir Pálmar
Sveinn Ólafsson, sími 456 6411.
Austur-Hérað
Leikskólinn Tjarnarland
Egilsstöðum
Leikskólinn Tjarnarland óskar að ráða:
Aðstoðarleikskólastjóra
frá 1. júní nk. Um er að ræða fullt starf sem
skiptist í 80% starf á deild og 20% stjórnunar-
starf.
Umsækjandi skal hafa lokið leikskólakennara-
námi.
Leikskólakennara
í 100% starf frá 1. júní eða eftir samkomulagi.
Hlutastarf kemur til greina.
Tjarnarland er 4ra deilda leikskóli. Lögð er
áhersla á að vinna í anda Reggio-hugmynda-
fræðinnar. Nánari upplýsingar gefur leikskóla-
stjóri í síma 471 2145.
Skriflegar umsóknir, ásamt upplýsingum um
menntun og fyrri störf, berist til leikskólastjóra
Tjarnarlands eigi síðar 10. mars nk.
Leikskólastjóri.
Landbúnaðarháskólinn á Hvanneyri
Háskólakennari
Landbúnaðarháskólinn á Hvanneyri auglýsir
stöðu háskólakennara lausa til umsóknar.
Til greina kemur að ráða í hlutastarf.
Hér er um að ræða stöðu háskólakennara
með sérmenntun á sviði skipulagssfræða,
landslagsarkitektúrs eða með hliðstæða
menntun (dósent/lektor). Laun og önnur
starfskjör samkvæmt kjarasamningum opin-
berra starfsmanna og aðlögunarsamningum
LBH við viðkomandi stéttarfélög.
Menntunar og hæfniskröfur:
Háskólamenntun með meistara- eða
doktorsgráðu í viðkomandi fræðigrein.
Frumkvæðishæfileikar við uppbyggingu
nýrrar þekkingar.
Æskilegt er að umsækjendur hafi reynslu
í kennslu á háskólastigi.
Umsækjendur láti fylgja ítarlega skýrslu um
námsferil, kennslu- og fræðastörf svo og
önnur störf. Einnig skulu fylgja eintök af
þeim fræðilegu gögnum sem þeir óska að
tekið sé tillit til. Nauðsynlegt er fram komi
hvaða verkefnum umsækjendur hafa unnið
að, hverju þeir eru að sinna og áform þeirra
ef til ráðningar kemur.
Umsækjendur láti fylgja nöfn a.m.k. tveggja
meðmælenda.
Nánari upplýsingar veita Magnús B. Jónsson
rektor (magnusb@hvanneyri.is) eða Auður
Sveinsdóttir dósent (audurs@hvanneyri.is)
eða í síma 437 0000.
Umsóknir sendist til Landbúnaðarháskólans
á Hvanneyri, 311 Borgarnesi, fyrir 7. mars
2003.
Skemmtilegt og krefjandi
verkefni fyrir
þroskaþjálfa/
stuðningsfulltrúa
Hæfingarstöðin Bjarkarás
Styrktarfélag vangefinna óskar eftir
þroskaþjálfum og/eða stuðningsfulltrú-
um til starfa á nýrri deild sem verið er að
opna í Bjarkarási, Stjörnugróf 9. Um er
að ræða tilraunaverkefni til eins árs.
Vinnutíminn er frá kl. 8:30-16:30 á virk-
um dögum. Deildin er ætluð einstakling-
um sem þurfa sértæka þjónustu vegna
hegðunarfrávika. Umsóknarfrestur er til
21. febrúar. Æskilegt er að viðkomandi
geti hafið störf sem fyrst.
Við leitum að starfsfólki sem:
Býr yfir skipulögðum og nákvæmum
vinnubrögðum.
Er sveigjanlegt og tilbúið að tileinka
sér nýjungar.
Hefur góða samstarfshæfileika.
Hefur tamið sér jákvæða hugsun og
viðhorf.
Við bjóðum:
Góðan stuðning og ráðgjöf.
Ágæta starfsaðstöðu og tíma til undir-
búnings.
Samvinnu við góðan starfsmannahóp.
Laun eru samkvæmt kjarasamningum
Þroskaþjálfafélags Íslands eða Starfs-
mannafélags ríkisstofnana og Styrktarfé-
lags vangefinna.
Nánari upplýsingar veita Þórhildur
Garðarsdóttir forstöðuþroskaþjálfi og
Krist- rún Sigurjónsdóttir yfirþroskaþjálfi
í síma 568 5330.
Prófessorsstöður
Við fiski- og náttúrufræðideild Háskólans í Bodø eru
lausar 3 stöður prófessora. Stöðurnar eru hluti af áætlun
Háskólans um að styrkja fiskeldissviðið, og felur m.a. í
sér að hleypa af stokkunum nýrri landsstöð fyrir
lúðueldi og koma á fót meistara- og doktorsnámi í
sjávarfræðum.
St. nr. 1522: Prófessor í sjávarfiskeldi og stjórnandi
rannsóknaráætlunar um lúðueldi.
St. nr. 1523: Prófessor í sjávarfiskeldi.
St. nr. 1525: Prófessor/førsteamanuensis
í sameindaerfðafræði.
Fulla starfslýsingu má finna á heimasíðu okkar.
Nánari upplýsingar um stöðuna fást hjá
Terje Solberg, dekanus, Terje.Solberg@hibo.no eða
Jarle Nordeide førsteamanuensis, Jarle.Nordeide@hibo.no
(sími +47 75 51 7200).
Umsóknir séu á ensku, merktar stöðunr. og sendist til
Høgskolen i Bodø, N-8049 Bodø.
Umsóknarfrestur: 9. mars 2003.
Skrifstofustarf
Kraftur hf., umboðsaðili fyrir m.a. MAN vöru
bifreiðar, óskar að ráða starfskraft á skrifstofu.
Um er að ræða heilsdagsstarf við merkingar
og skráningu á bókhaldi, afstemmingar og
undirbúning fyrir uppgjör, auk annarra tilfall-
andi starfa á skrifstofu fyrirtækisins.
Við leitum að einstaklingi með góða kunnáttu
á bókhaldsstörfum.
Unnið er með bókhaldskerfi frá TOK. Viðkom-
andi þarf að geta hafið störf eigi síðar en 1. júní
nk.
Umsóknum skal skilað til Krafts hf., Vagn-
höfða 1, eða á netfangi kraftur@kraftur.is,
fyrir 22. febrúar nk.
Sunnudagur
16. febrúar 2003
Morgunblaðið/Kristinn
Björgólfur, Magnús
og Börgólfur Thor
2–9
ferðalögSumarhús á ÍtalíusælkerarHereford steikhúsbörnSkógarlífbíóHugh Grant
Sálarbrot frá Nígeríu
Í landi hrópandi andstæðna
Í Nígeríu tak-
ast á ríkidæmi
og fátækt,
siðvæðing og
spilling.
Prentsmiðja
Morgunblaðsins
Yf ir l i t
Í dag
Sigmund 8 Hugvekja 47
Hugsað upphátt 20 Myndasögur 48
Listir 26/31 Bréf 48/49
Af listum 26 Dagbók 50/51
Birna Anna 26 Krossgáta 52
Forystugrein 32 Leikhús 54
Reykjavíkurbréf 32 Fólk 54/61
Skoðun 36 Bíó 58/61
Minningar 37/39 Sjónvarp 62
Þjónusta 46 Veður 63
* * *
Kynningar – Morgunblaðinu í dag
fylgir auglýsingablað frá Heims-
ferðum. Blaðinu er dreift um allt
land.
SÚLUJÖKULL hefur hopað um
hálfan kílómetra frá því Skeiðará
hljóp árið 1996, eða allt að 100
metra á ári undanfarin ár. Ef jökull-
inn heldur áfram að hopa er líklegt
að farvegur árinnar Súlu, sem kem-
ur úr jöklinum, færist austar og
sameinist Gígjukvísl og að lokum í
einn farveg, en þannig var lands-
lagið þegar numið var land á Ís-
landi.
Oddur Sigurðsson, jarðfræðingur
á Orkustofnun, segir það frekar já-
kvæða þróun að Súla færist austar,
því brúin yfir Gígjukvísl sé sterk-
byggðari en brúin yfir Núpsvötn,
sem áin rennur nú undir, og ætti því
að þola meiri ágang.
Súlujökull er vestan í Skeið-
arárjökli sem gengur suður úr
Vatnajökli. Áin Súla, sem rennur
undan jöklinum, sameinast í dag
Núpsá og saman mynda árnar
Núpsvötn sem renna undir vestustu
brúna á Skeiðarársandi, sem stend-
ur við Lómagnúp. „Ef jökullinn hop-
ar dálítið meira, eins og útlit er fyr-
ir núna, eru líkur til þess að áin
hætti að renna vestur í Núpsá, held-
ur fari austur með jökuljaðrinum og
sameinist Gígjukvísl,“ segir Oddur.
Hann segir að þetta þýði að
ágangurinn á brúna yfir Núpsvötn
minnki, en brúin hafi stundum
skemmst þegar hlaup hafi orðið úr
jöklinum. Í staðinn fari vatnið undir
brú sem var byggð yfir Gígjukvísl
eftir að gamla brúin rofnaði í jök-
ulhlaupinu árið 1996. Nýja brúin yf-
ir Gígjukvísl ætti að ráða við stærri
fljót en brúin yfir Núpsvötn þar sem
hún er sterkbyggðari. „Ef það koma
stór hlaup geri ég hins vegar ráð
fyrir því að það fari eitthvað af
vatni aftur vestur í Núpsvötn því þá
kemur vatn undan öllum jökuljaðr-
inum, en svona stórhlaup eru ekki
svo oft,“ segir Oddur.
Ein jökulá í Landnámu
„Jökullinn hefur hopað allt að 100
metra á ári undanfarin ár. Það er
ansi mikið, síðan hlaupið varð hefur
hann hopað um hálfan kílómetra og
það er drjúgur spölur,“ segir Odd-
ur. Þegar jöklar hopi leitist ár sem
frá þeim falla við að sameinast í
einn árfarveg. Í tilviki Skeið-
arárjökuls komi meginárnar upp
við sitthvorn endann. Súla við vest-
urendann og Skeiðará við þann
eystri. Þegar jökullinn hopi leiti
árnar aftur inn að miðjunni.
Oddur segir síðasta áratug hafa
verið þann hlýjasta á jörðinni frá
því mælingar hófust og að flestir
veðurfræðingar geri ráð fyrir því
að hlýindin haldi áfram. „Ég geri
ráð fyrir því að jökullinn haldi
áfram að hopa og þá gæti lands-
lagið breyst á þennan hátt, jafnvel
innan tíu ára,“ segir Oddur. Þá yrði
aftur komin jökulsá, sem er nefnd í
Landnámu og stundum kölluð „á
Sandi“.
Gígjukvíslarbrú, sem áin rynni
væntanlega undir, ætti að þola slíkt
vatnsmagn, að mati Odds. Hann
segir að brúin sé byggð til að þola
stór hlaup, það sé ekki nema komi
gríðarlega stór hlaup, eins og árið
1996, sem brúin gæti verið í hættu.
Allt vatn frá Skeiðarárjökli
safnist í einn árfarveg
Hér má frá vinstri sjá Núpsá, Súlu og loks Gígjukvísl. Oddur Sigurðsson segir að útlit sé fyrir að Súla eigi eftir að
sameinast Gígjukvísl og að haldi Skeiðarárjökull áfram að hopa muni allar ár frá jöklinum sameinast í eina á.
Ljósmynd/Oddur Sigurðsson
NÝ búgrein, fasanaræktun, er hafin
hjá Gunnari Óla Hákonarsyni á
Sandi í Aðaldal en hann fékk sér ný-
lega einn fasanahana og tvær fasana-
hænur frá Tókastöðum á Fljótsdals-
héraði til þess að byrja búskapinn.
Fasanar eru miklir skrautfuglar
og lifa víða í skóglendi erlendis en
fasanarnir á Íslandi eru innfluttir frá
Svíþjóð. Fasanabúið á Tókastöðum
er eina búið á landinu með þessa
fugla og varpstofninn um 400 fuglar.
Upphaflega eru allir fasanar í Evr-
ópu úr skógum Asíulanda.
Gunnar Óli hefur búið í haginn fyr-
ir fuglana í gömlum fjárhúsum. Þar
eru tvær krær með miklu af gömlum
birkitrjám sem þannig er komið fyrir
að umhverfið líkist sem mest skóg-
lendi. Ekki er annað að sjá en að
þessir nýju íbúar séu hinir ánægð-
ustu og stefnir Gunnar Óli að því að
fjölga í bústofninum að vori og reikn-
ar með að geta ungað út allt að 50
eggjum ef vel gengur, en hænurnar
byrja að verpa í lok apríl.
Fasana-
búskapur
í Aðaldal
Laxamýri . Morgunblaðið.
Morgunblaðið/Atli Vigfússon
Gunnar Óli með fasanahanann.
FLUGLEIÐIR Frakt ehf. fengu á
föstudag endanlega heimild kanad-
ískra flugmálayfirvalda til fraktflugs
til Halifax í Kanada. Félagið hafði
áformað fyrstu ferðina um síðustu
helgi en varð að fella hana niður,
sem og ferðina á föstudag, þar sem
flugfélagið Air Canada hafði í um-
sögn sinni til kanadískra yfirvalda
mótmælt fyrirhuguðu flugi Flug-
leiða. Heimild fékkst með því skil-
yrði að Flugleiðir flyttu ekki vörur
frá Halifax til London. Fyrsta ferðin
verður farin um næstu helgi, með
flugi til New York og þaðan til Hali-
fax og heim.
Pétur J. Eiríksson, framkvæmda-
stjóri Flugleiða Frakt ehf., sem er
dótturfyrirtæki Flugleiða hf., segir
samskiptin við Kanadamenn hafa
verið erfið í málinu og afstaða Air
Canada haft þar mikið að segja.
Fallist hafi verið á skilyrðið, sem
sett hafi verið vegna farþegaflugs
Air Canada til London. Annað skil-
yrði er að Flugleiðir Frakt verða að
gera kanadískum yfirvöldum grein
fyrir fraktfluginu mánaðarlega. Pét-
ur segir það einnig skipta máli að
enn sé ekki genginn í gildi loftferða-
samningur milli landanna, þrátt fyr-
ir viðræður í þá veru í meira en ára-
tug. Flugleiðir hættu sem kunnugt
er farþegaflugi til Halifax árið 2001
þar sem ekki fékkst heimild fyrr en
of seint að fjölga þangað ferðum.
Aðstoð frá viðskiptaráðherra
Pétur segir það hafa hjálpað Flug-
leiðum mikið að Valgerður Sverris-
dóttir viðskiptaráðherra tók málið
upp í viðræðum sínum við kanadíska
ráðamenn í heimsókn sinni til Kan-
ada í vikunni. Meðal þeirra sem Val-
gerður hitti var einn ráðherranna úr
ríkisstjórn Kanada og fylkisstjóri
Nova Scotia, þar sem Halifax er.
Pétur segir Flugleiðir hafa haft
heimild til fraktflugs einu sinni í
viku til Halifax í gegnum Boston,
samkvæmt samkomulagi frá árinu
2001. Síðan fluttu Flugleiðir sitt
fraktflug yfir á New York og í árs-
byrjun var sótt um leyfi til að fá að
fljúga þaðan til Halifax og heim til
Íslands. Að sögn Péturs var þessari
ósk hafnað, m.a. vegna mótmæla frá
Air Canada.
Flugleiðir Frakt felldu niður fyrstu ferðirnar til Halifax
Mótmæli Air Canada gegn
fluginu voru tekin til greina
Á FORSÍÐU sérblaðsins Sunnu-
dags í dag misritaðist nafn Björgólfs
Thors Björgólfssonar í fyrirsögn.
Beðizt er afsökunar á þessum mis-
tökum, sem ekki komu í ljós fyrr en
upplag blaðsins hafði verið prentað.
LEIÐRÉTT
♦ ♦ ♦