Morgunblaðið - 16.02.2003, Blaðsíða 6

SKÆRULIÐAR í Kólumbíu skutu í
vikunni niður bandaríska flugvél
sem var notuð í baráttunni gegn
fíkniefnasölum.Tveir Bandaríkja-
mannanna féllu og tveir þeirra voru
teknir í gíslingu auk innfædds Kól-
umbíumanns, að sögn lögreglu-
manna í gær. Talið er að þetta sé í
fyrsta sinn sem skæruliðar skjóta
niður bandaríska flugvél en Banda-
ríkjamenn veita ríkisstjórn Kólumb-
íu mikla aðstoð af ýmsu tagi í barátt-
unni gegn fíkniefnasölu sem oft er
helsta tekjulind vinstrisinnaðra
skæruliðahópa.
Stjórnvöld í Kólumbíu sögðu þeg-
ar á fimmtudag að vélarbilun hefði
valdið því að vélin varð að nauðlenda.
Talið er að liðsmenn svonefndra
FARC-samtaka hafi verið að verki
og séu gíslarnir nú í höndum þeirra.
Björgunarmenn fundu brunnið flak
einshreyfils Cessna-vélar Banda-
ríkjamannanna á fimmtudag í Caq-
ueta-héraði. Lík hinna föllnu voru
skammt frá brakinu.
Florencia, höfuðstaður Caqueta-
héraðs, er á svæði þar sem FARC-
samtökin eru mjög athafnasöm. En
skammt frá borginni er einnig Tres
Esquinas-bækistöðin þar sem þrír
öflugir herflokkar kólumbískra sér-
sveita gegn fíkniefnasölum hafa að-
setur. Sveitirnar eru þjálfaðar af
bandarískum hermönnum. Alls eru
um 500 bandarískir hermenn í Kól-
umbíu þar sem þeir aðstoða við bar-
áttuna gegn fíkniefnum.
Felldu
bandaríska
hermenn í
Kólumbíu
Bogota. AFP.
ERLENT
6 SUNNUDAGUR 16. FEBRÚAR 2003 MORGUNBLAÐIÐ
Fólkið í húsunum sefur. Það eru engir á ferli nema ljósastaurar
og stöku nátthrafnar. Einhverra hluta vegna er blaðamaður að
klæða sig í Manchester United-búninginn sinn, með áletruninni Roy
Keane, og baksa við að troða flíkunum, töskunni og skónum inn í
alltof lítinn skáp sem er númer 147.
Ef þetta væri venjuleg nótt, þá lægi hann uppi í rúmi heima hjá
sér. Annaðhvort sofnaður eða í miðju koddatali við konuna sína. Það
var einmitt í slíkum samræðum í vikunni, sem hún sagði alvörugef-
in:
– Ertu ekki orðinn dálítið feitur?
Þar sem blaðamaður er vanur því að hún hugsi upphátt, lét hann
sér hvergi bregða og svaraði því til að hann yrði fljótur að ná um-
framkílóunum af sér – bara um leið og hann byrjaði að hreyfa sig.
– Er það ekki orðið miklu erfiðara, spurði hún
full efasemda. Þú ert nú einu sinni að eldast.
– Ég er 31 árs, segir blaðamaður við hressi-
legan strák í afgreiðslu á líkamsræktarstöðvar
sem opin er allan sólarhringinn. Og strákurinn
slær aldurinn inn í tölvuna fyrir fitumælinguna.
Hann slær líka inn hæð og þyngd og svo grípur
blaðamaður um handföngin. Það kemur upp úr dúrnum að fitan er
19% af líkamsþyngdinni. Fyrst heldur blaðamaður að það sé slæmt,
en svo kemur í ljós að hann fór línuvillt og þetta er bara tiltölulega
gott – fyrir mann á hans aldri.
– Borgin er drungaleg á nóttunni, segir blaðamaður við tvo þjóna-
nema, sem horfa á hann undrandi.
– Af hverju segirðu það, spyr annar.
– Það er myrkur yfir öllu, göturnar auðar og aðeins ljósastaur-
arnir eru vakandi, segir blaðamaður og þykist skáldlegur.
Fyrst horfa piltarnir á hann rannsakandi augnaráði, svo missa
þeir áhugann og grúfa sig aftur ofan í blöðin sem þeir eru að lesa.
Það er engin biðröð í tækin.
– Þá er að byrja að hreyfa sig, segir blaðamaður stundarhátt til að
vekja einhver viðbrögð. En það er sama dúnalognið og áður.
Hann fer á gönguskíðatæki, sem framleiðir sitt eigið rafmagn.
Nokkuð sem þyrfti að benda Vinstri grænum á. Ef til vill væri hægt
að virkja Austfirðinga með svona tækjum í stað þess að senda þá á
fjöll til að tína fjallagrös. Það væri miklu betri nýting á þeim.
– Þú ert nú meiri maðurinn, segir íðilfögur blondína og rennir
fingrunum um hárið á hetjunni í fjórða sjónvarpstæki frá vinstri.
– Heyrðu, hann gleymdi lyklinum í skránni, segir hetjan og kipp-
ist við.
– Eftir hverju ertu að bíða, spyr blondínan.
– Þetta gæti verið gildra, svarar hann.
– Ég er hrædd. Flýtum okkur út á meðan við getum, segir blond-
ínan og þau hlaupa út úr fangaklefanum og skilja blaðamann eftir.
Það er nóg af sjónvörpum, sem blaðamaður horfir stjarfur á með-
an hann skíðar eftir tækjasalnum. Og auglýsingar upp um alla
veggi. Ein þeirra býður 20% afslátt fyrir alla korthafa á krönsum,
krossum og kistuskreytingum.
– Það vantar fáklæddar stúlkur, segir maður sem er að lyfta lóð-
um. Samt er búið að sýna myndbandið Dirrty með Christinu Aguil-
era tvisvar síðustu mínúturnar.
Tveim tímum og fáeinum kílómetrum síðar er blaðamaður aleinn í
búningsklefanum með sextán sturtuhausum, þremur pissuskálum og
á þriðja hundrað skápum. Aldrei þessu vant á hann ekki í vandræð-
um með að finna handklæðið sitt aftur í rekkanum.
Kyrrðin er rofin af manni sem gengur rakleiðis að skáp 163 og
byrjar að klæða sig í æfingagallann.
– Sæll, segir blaðamaður.
– Sæll, svarar hann.
– Hvað dregur þig hingað á þessum tíma sólarhrings, spyr blaða-
maður.
– Þetta er þægilegt.
– Nú?
Maðurinn gengur orðalaust út úr klefanum. Og ljóst að fé-
lagsskapurinn er ekki það sem rekur hann í ræktina á nóttunni.
Fyrir utan líkamsræktarstöðina bíða tveir drengir í bíl. Annar
þeirra blæs hringjum út um framrúðuna. Hinn er að bíða eftir stúlk-
unni sinni. Þannig er þetta líka á nóttunni.
Það er einkennileg stemmning í borginni eftir miðnætti. Ekkert
nema tónlist í útvarpinu og endurflutningur á Hrafnaþingi.
Blaðamaður er orðinn svangur af hreyfingunni. Hann kemur við á
bensínstöð í Öskjuhlíðinni á leiðinni heim. Þar bíða leigubílstjórar í
rólegheitum eftir að skólaballi ljúki.
– Við ættum að ná einum til tveim túrum.
Inni eru bara karlmenn og flestir að fá sér pylsu. Svo virðist sem
engar konur séu á ferli á þessum tíma sólarhrings. Einn er í lopa-
peysu og annar með lopahúfu. Þannig liti heimurinn út ef hann væri
einungis byggður karlmönnum. Þá væri ekkert annað á boðstólum
en pylsur. Og uppgangur í ullariðnaðinum.
Morgunblaðið/Kristinn
Líkamsrækt
að næturlagi
SKISSA
Pétur Blöndal
skoðaði hina
hliðina á sólar-
hringnum.
SERBNESKI stjórnmálamaðurinn
Vojislav Seselj hefur verið ákærður
hjá stríðsglæpadómstóli Sameinuðu
þjóðanna í Haag í Hollandi og segist
hann ætla að mæta fyrir dómstólinn
innan tíu daga. Flokkur Seselj, sem
er herská þjóðernissinnasamtök, átti
náið samstarf við Slobodan Milosev-
ic, fyrrverandi forseta Júgóslavíu
sem var. Milosevic er nú í haldi í
Haag, sakaður um stríðsglæpi.
„Hann hefur verið ákærður fyrir
glæpi í átta liðum gegn mannkyninu
og sex ákæruþættirnir snúast um
stríðsglæpi í tengslum við hlutverk
hans í Króatíu, Bosníu-Herzegóvínu
og í Vojvodína,“ sagði Christian
Chartier, talsmaður stríðsglæpa-
dómstólsins, um Seselj.
Seselj er fæddur í Sarajevo í
Bosníu, hann er 48 ára gamall og
fékk 23% stuðning er hann bauð sig
fram í forsetakjöri í september sl. Er
hann reyndi að verða forseti 1997 hét
hann því að leysa vandann í Kosovo á
„fimm dögum“ með því að reka á
brott alla Kosovo-Albana sem ekki
væru með lögleg skilríki. Eftir að
Milosevic var steypt af stóli tók Ses-
elj upp tengsl við Saddam Hussein
Íraksforseta. Fyrr í mánuðinum
efndi Seselj til fjöldafundar til að
mótmæla fyrirhugaðri árás Banda-
ríkjamanna á Írak.
Haft var eftir Seselj á föstudag í
Belgrad að hann ætlaði innan tíu
daga að fara til Haag og koma þar
fyrir dómstólinn. Hann varaði hins
vegar við því að reynt yrði að hand-
taka hann og flytja með valdi til Hol-
lands.
Seselj er menntaður í lögfræði og
ætlar að verja sig sjálfur. Sagði hann
að réttarhöldin myndu verða „póli-
tísk og fagleg ögrun“ fyrir sig en
jafnframt myndi hann geta notað
þau sem leiksvið þar hann myndi
verja þjóðarhagsmuni Serba.
Ofsóknir, morð og pyntingar
Flokkur Seselj, SSR, studdi ákaft
serbneska uppreisnarmenn í Króat-
íu og Bosníu, hann gekk svo langt að
stofna sjálfstæða herflokka sjálf-
boðaliða sem sendir voru til átaka-
svæðanna. Sagði Seselj þá að mark-
miðið með aðgerðunum væri að
tryggja til frambúðar „nauðungar-
flutninga“ á meirihluta Króata,
múslíma og annarra þjóðarbrota
sem ekki voru af serbnesku þjóðerni
frá um það bil þriðjungi Króatíu,
stórum svæðum í Bosníu-Herzegó-
vínu og hluta Vojvodínu en í síðast-
talda héraðinu býr mikið af Ungverj-
um. Síðan átti að stofna nýtt ríki,
Stór-Serbíu þar sem umrædd héruð
yrðu hluti móðurríkisins.
Seselj og menn hans hafa verið
sakaðir um hvers kyns glæpi, þ.á m.
ofsóknir, morð og pyntingar og
koma þessar ásakanir fram í ákær-
unni í Haag. Nefna má að Seselj er
sakaður um að hafa skipulagt svo-
nefnda þjóðarhreinsun í mörgum
borgum í Króatíu, einnig í borgunum
Zvornik og Bosanski Samac í Bosn-
íu.
„Í nóvember 1991 þegar herir
Serba reyndu að taka Vukovar [í
Króatíu] heimsótti Vojislav Seselj
borgina og lýsti yfir opinberlega:
„Ekki einn einasti Ustasha-maður
má komast lifandi frá Vukovar,“ seg-
ir í ákærunni á hendur Seselj.
Ustasha er hefðbundið nafn á sam-
tökum öfgafullra króatískra þjóðern-
issinna.
Seselj ætlar að verja
sig sjálfur í Haag
Tók upp sam-
starf við Sadd-
am Hussein eftir
fall Milosevic
Reuters
Vojislav Seselj greiðir atkvæði í forsetakosningum í desember sl. Ekki hefur tekist að kjósa forseta í Serbíu, kjör-
sókn hefur alltaf reynst undir lögboðnu lágmarki sem er 50%. Seselj var næsthæstur frambjóðenda með 23% fylgi.
Haag. AFP.
♦ ♦ ♦