Morgunblaðið - 17.02.2003, Side 1

Ljósmynd/Pjetur Stefánsson
Andrína Guðrún Erlingsdóttir þurfti að ríghalda sér til að fjúka ekki af sleðanum og gengu öldurnar
yfir hana meðan hún beið björgunar að því er virðist ein og yfirgefin í hafsjó af krapa og ís.
TF-LÍF, þyrla Landhelgisgæsl-
unnar, bjargaði rúmlega þrí-
tugri konu, Andrínu G. Erlings-
dóttur, úr lífsháska í gær, en
konan sat föst á vélsleða úti í
miðjum krapaelg. Konan beið í
þrjá tíma eftir þyrlunni og
gengu öldurnar yfir hana meðan
hún beið. Þyrluáhöfnin var
undrandi á því hvað Andrína var
vel á sig komin og segir flug-
stjórinn hana mikinn kjarnak-
venmann.
„Þetta var svolítið óþægilegt,
ég þurfti að halda mér á sleð-
anum til að fjúka ekki. Ég var nú
aldrei hrædd en þetta var ónota-
legt samt,“ segir Andrína sem
var á ferð ásamt eiginmanni sín-
um, Benedikt Bragasyni. „Við
vorum að fara yfir krapasvæði
og svo opnaðist allt í einu hafsjór
fyrir framan okkur og við reynd-
um að fleyta okkur yfir. Ég lenti
í röstinni á eftir sleðanum hjá
[Benedikt], sleðinn fór nokkrar
veltur og ég kastaðist af honum.
Ég fór á bólakaf ofan í krapann
og vissi ekki hvað sneri upp eða
niður. Ég sá glitta í sleðann, sem
stóð aðeins upp úr vatninu, og
náði að svamla að honum.“
Benedikt reyndi að vaða út í
til hennar en sökk upp að hönd-
um strax og hann steig út í.
Hann vissi að langt var í aðstoð
og sá að eina leiðin til að bjarga
konu hans úr prísundinni væri
úr þyrlu. Hann óttaðist að þyrlan
gæti ekki flogið vegna veðurs.
Benóný Ásgrímsson, flugstjóri
þyrlunnar, segir að það hafi ver-
ið á mörkunum að björgunin
væri framkvæmanleg þar sem
mjög vont veður var þegar at-
vikið varð og búið að spá enn
verra veðri. „Svona ákvarð-
anatökur eru alltaf erfiðar. Að
meta hvort útkallið sé réttlæt-
anlegt út frá öryggissjón-
armiðum. Flugskilyrðin voru
vissulega erfið, en við vorum
ekki nálægt neinum hættumörk-
um að mínu mati,“ segir Benóný.
Hann segir að Landhelgisgæslan
hafi talið Andrínu í yfirvofandi
lífshættu.
Föst á vélsleða í krapaelg í 3 tíma
Morgunblaðið/Jim Smart
Á mörkunum að björgun væri framkvæmanleg

Alveg á mörkunum/2

„Þetta herðir mann bara“/4
Andrína segir að áhugi hennar á
vélsleðaferðum hafi ekki dvínað.
STOFNAÐ 1913 46. TBL. 91. ÁRG. MÁNUDAGUR 17. FEBRÚAR 2003 mbl.is
Úr karate
í ballett
Nemar æfa með Íslenska
dansflokknum Listir 12
Milljónir
mótmæltu
Stríði gegn Írak mótmælt
í um 60 löndum 9/11
Nemandi
og kennari
Stundar iðnnám í Reykjavík og
þjálfun í Borgarnesi Íþróttir C9
BELGAR féllu í gær frá and-
stöðu við málamiðlun í Atlants-
hafsbandalaginu, NATO, í deil-
unum um aðstoð bandalagsins
við Tyrki komi til stríðs við
Írak. „Samheldni bandalagsins
hélt,“ sagði Robertson lávarður,
framkvæmdastjóri NATO, seint
í gærkvöldi eftir fund hermála-
nefndar NATO. Frakkar taka
ekki þátt í störfum nefndarinn-
ar en eiga aðild að stjórnmála-
samstarfi bandalagsins. Þeir
hafa ásamt Þjóðverjum og
Belgum neitað að samþykkja að
hafinn verði undirbúningur að
varnaraðgerðum í Tyrklandi og
sagt þær geta komið í veg fyrir
friðsamlega lausn. Deilan var
talin geta ógnað framtíð NATO.
Bandaríkjamenn hafa reynt
að fá Tyrki til að leyfa banda-
rísku herliði að sækja inn í Írak
frá Tyrklandi, komi til stríðs.
Var skýrt frá því í gærkvöldi að
sjónarvottar hefðu séð fimm
geysistórar flutningaflugvélar
með bandaríska hermenn lenda
á völlum í Suðaustur-Tyrklandi.
Condoleezza Rice, öryggis-
málaráðgjafi George W. Bush
Bandaríkjaforseta, sagði í gær
að Saddam Hussein Íraksfor-
seti hefði nokkrar „vikur, ekki
mánuði“ til að komast hjá stríði
og verða við kröfum öryggis-
ráðs SÞ um að veita upplýs-
ingar um írösk gereyðingarvopn.
Hún sagði að til greina kæmi að
samþykkt yrði ný ályktun í
ráðinu en ekki mætti veita Írök-
um endalaust frest. Áður hafði
Colin Powell, utanríkisráðherra
Bandaríkjanna, einnig gefið í
skyn að vopnaeftirlitsmenn
fengju meiri tíma til að reyna að
fá Íraka til samstarfs.
Jacques Chirac Frakklands-
forseti segir í viðtali við tímaritið
Time, sem birtast mun í dag, að
takist að afvopna Íraka með frið-
samlegum hætti megi án efa
þakka það að miklu leyti þeim
þrýstingi sem hernaðarundir-
búningur Bandaríkjamanna við
Persaflóa hafi lagt á Íraka.
Hann segir aðspurður að Frakk-
ar útiloki ekki valdbeitingu
gagnvart Írökum ef önnur ráð
þrjóti. „Frakkland er ekki land
friðarsinna (pasifista),“ sagði
Chirac.
Samkomulag náðist
um aðstoð við Tyrki
Brussel, Washington, París. AP, AFP.
FLEIRI Íslendingar, Norðmenn og Liechten-
steinar segjast hafa stundað atvinnurekstur en
íbúar ríkja Evrópusambandsins í heild og Banda-
ríkjanna. Kemur þetta fram í könnun á viðhorfum
til stofnunar atvinnurekstrar sem Gallup gerði fyr-
ir framkvæmdastjórn Evrópusambandsins.
Fram kom að 29% Íslendinga kváðust hafa
stundað atvinnurekstur, 26% Norðmanna og 22%
Liechtensteina. Skera EFTA-þjóðirnar sig úr í
þessari könnun því meðaltalið í Evrópusamband-
inu er 15%. Þá segjast 14% þeirra Bandaríkja-
manna sem spurðir voru hafa verið í eigin rekstri.
EFTA-löndin skáru sig á ýmsan annan hátt frá
meðaltali Evrópusambandsríkja í þessari könnun.
Áberandi meiri vilji er meðal íbúa þessara þriggja
landa til að stunda eigin atvinnurekstur en í Evr-
ópusambandinu. Bandaríkjamenn sýna mun meiri
vilja til að starfa við eigin atvinnurekstur en Evr-
ópubúar sem margir hverjir vilja frekar vera laun-
þegar.
Fleiri Íslending-
ar segjast hafa
stundað rekstur

Meiri vilji/6
FJÖLMIÐLAR stjórnarinnar í
Bagdad sögðu í gær að mótmæl-
in gegn stríði sem fram fóru víða
um heim um helgina og nið-
urstaða umræðna í öryggisráði
Sameinuðu þjóðanna á föstudag
væru sigur fyrir Saddam Huss-
ein Íraksforseta. Fundur örygg-
isráðsins „var ósigur fyrir stríðs-
röksemdir Bandaríkjamanna
frammi fyrir öllum íbúum heims-
ins,“ sagði Ath-Thawra, mál-
gagn Baath-stjórnarflokksins.
Stjórnarblaðið Al-Jumhuriyia
sagði almenning um allan heim,
einnig í Bandaríkjunum og Bret-
landi, hafa hafnað hótunum
Bandaríkjastjórnar í garð Íraka.
Þjóðir heims hefðu lýst sam-
stöðu með Írökum og Banda-
ríkjamenn væru einangraðir.
„Allt sýnir þetta hve glæstan sig-
ur Írakar hafa unnið…en
Bandaríkin eru á barmi hengi-
flugs mistaka og endanlegs ósig-
urs.“
Írakar fagna sigri
Bagdad. AFP.
EFTIRLITSSTOFNUN EFTA, eða ESA, óskaði
á föstudag eftir frekari upplýsingum frá stjórn-
völdum vegna opinberra styrkja og ívilnana ríkis
og sveitarfélaga við álver Alcoa í Reyðarfirði.
Von var á umsögn stofnunar-
innar um þetta leyti en að sögn
Valgerðar Sverrisdóttur iðnað-
arráðherra er ljóst að það getur
tafist um nokkrar vikur. Hún
segist ekki trúa því að þetta geti
frestað undirritun endanlegra
samninga við Alcoa, sem ráð-
gert hefur verið að fari fram í
fyrri hluta marsmánaðar, en
spurningarnar frá ESA komi
óneitanlega seint fram. Emb-
ættismenn í ráðuneytum iðnaðar og fjármála hafa
um helgina unnið hörðum höndum við að safna
upplýsingunum þannig að hægt verði að skila þeim
til ESA á næstu dögum.
Samkvæmt reglum Evrópska efnahagssvæðis-
ins þarf að tilkynna alla opinbera styrki af þessu
tagi frá ríki og sveitarfélögum til ESA, sem síðan
skilar umsögn sinni. Fjárfestingarsamningur rík-
isins við Alcoa bíður undirritunar auk þess sem
semja þurfti við sveitarfélagið Fjarðabyggð um
hafnar- og lóðarsamning vegna álversins. Í báðum
tilvikum leggur hið opinbera fram ákveðinn stuðn-
ing og ívilnun þar sem ýmist er veittur afsláttur af
gjöldum eða þau aflögð.
Engin hættumerki
Að sögn Valgerðar var verkefnið tilkynnt form-
lega til ESA um miðjan desember sl. en tveimur
vikum áður höfðu embættismenn gert grein fyrir
því í heimsókn sinni til Brussel.
„Unnið hefur verið í málinu alla helgina og við
vonumst til að geta sent svörin á morgun [í dag]
eða þriðjudag. Þetta eru ekki það flóknar spurn-
ingar og við sjáum engin hættumerki í þeim,“ segir
Valgerður og telur aðallega um að ræða spurn-
ingar um tæknilegar útfærslur stuðningsins.
Valgerður segir innihaldi frumvarpsins um álver
Alcoa, sem nú er til meðferðar á Alþingi, svipa
mjög til frumvarpsins um álver Norðuráls. ESA
hafi skilað jákvæðri umsögn vegna þess á sínum
tíma og reiknað sé með svipaðri niðurstöðu núna.
ESA óskar
eftir frekari
upplýsingum
Álver Alcoa í Reyðarfirði
Valgerður
Sverrisdóttir
♦ ♦ ♦