Morgunblaðið - 20.02.2003, Blaðsíða 18

HÖFUÐBORGARSVÆÐIÐ
18 FIMMTUDAGUR 20. FEBRÚAR 2003 MORGUNBLAÐIÐ
Samvera
eldri borgara
verður í kirkjunni í kvöld fimmtudag 20. febrúar kl. 15.00
Gestur samverunnar verður Aðalsteinn Bergdal leikari og mun
hann ræða um „lífsins list“.
Kór eldri borgara syngur undir stjórn Guðjóns Pálssonar.
Að venju verður helgistund í upphafi og léttar veitingar í
safnaðarsal.
Allir velkomnir.
Glerárkirkja
FORELDRAR í Staðahverfi hafa
ritað menntamálaráðherra bréf
vegna Korpuskóla, sem þeir telja
ekki uppfylla reglugerð um lág-
markshúsnæði grunnskóla. Óska
foreldrarnir eftir því að ráðherra
sinni eftirlitsskyldu sinni gagnvart
skólanum og láti athuga hvort lög
um grunnskóla séu uppfyllt í skól-
anum af hálfu Reykjavíkurborgar.
Í bréfinu er rakið að deiliskipulag
hverfisins geri ráð fyrir skóla í miðju
hverfi en hann hafi hins vegar verið
staðsettur til bráðabirgða á Korp-
úlfsstöðum frá stofnun hans. Bent er
á þá annmarka sem á húsnæðinu eru
og telja foreldrarnir ljóst að það upp-
fylli ekki reglugerð frá árinu 1996
um lágmarkshúsnæði grunnskóla.
Er óskað eftir því að menntamála-
ráðherra, sem lög kveða á um að hafi
eftirlit með því að sveitarfélög upp-
fylli grunnskólalög, reglugerðir við
þau og aðalnámskrá grunnskóla, láti
kanna hvort grunnskólalög séu upp-
fyllt í skólanum.
Undir bréfið rita átta foreldrar í
hverfinu. Að sögn Öldu Bjarkar
Marinósdóttur, eins foreldranna, er
ástæða þess, að leitað er til mennta-
málaráðherra nú, sú að foreldrafélag
og foreldraráð hafi barist fyrir því að
hafist verði handa við byggingu
nýrrar skólabyggingar allt frá því að
skólanum var komið á laggirnar.
Hins vegar hafi íbúar í hverfinu ekki
fengið nein svör um það hvenær
byrjað verði á skólanum.
Ekki kominn á
byggingaráætlun
„Við fórum í gegn um grunnskóla-
lögin og ég tel að það sé alveg ljóst að
þetta húsnæði uppfyllir ekki lög um
lágmarksaðstöðu,“ segir hún. „Nú
koma nýir bekkir inn næsta haust og
það er ekkert pláss í húsnæðinu eins
og það er í dag fyrir þau börn. Við
höfum ekki fengið svör um hvar á að
koma þeim fyrir þannig að þetta er
allt í lausu lofti. Skólabyggingin, sem
fyrirhuguð er á þessari lóð sam-
kvæmt skipulaginu, er ekki einu
sinni komin inn á byggingaráætl-
unina hjá Reykjavíkurborg.“
Hún bætir við að þar sem til standi
að flýta framkvæmdum hjá ríki og
borg vilji menn með þessu reyna að
þrýsta á borgaryfirvöld til að hefjast
handa við skólann. „Þeir eru núna að
forgangsraða hjá sér og við erum að
reyna að hafa áhrif á þessa forgangs-
röðun.“
Foreldrar rita menntamálaráðherra bréf vegna Korpuskóla
Foreldrar í Staðahverfi segja Korpúlfsstaði ekki uppfylla reglugerðir um
lágmarkskröfur til grunnskólahúsnæðis.
Ráðherra kanni hvort
grunnskólalögum sé fylgt
Staðahverfi
ERLENT
BÆJARYFIRVÖLD í Garðabæ
hyggjast auglýsa á næstunni eftir
aðilum til að byggja og reka leik-
skóla á Sjálandi, bryggjuhverfinu
sem fyrirhugað er að rísi í Arn-
arnesvoginum. Þetta verður í
fyrsta sinn sem Garðabær auglýsir
með þessum hætti eftir rekstrarað-
ilum fyrir leikskóla í bænum.
Að sögn Ásdísar Höllu Braga-
dóttur bæjarstjóra er vilji til þess
að kanna áhuga á slíkum rekstri.
„Við höfum ekki gert þetta áður en
við skynjum að það eru nokkrir að-
ilar sem vilja gjarnan reka leik-
skóla í eigin húsnæði. Þá yrði það
gert með þeim hætti að Garðabær
hefði forkaupsrétt að húsnæðinu ef
skipt yrði um rekstraraðila. Við
ætlum að prófa þetta og kanna
hvort það er ekki markaður fyrir
hendi.“
Hún segir hugmyndina ekki vera
að leikskólinn verði byggður og
rekinn í einkaframkvæmd. „Einka-
framkvæmd er þegar sveitarfélagið
leigir af einkaaðilanum en þarna
erum við að tala um að einkaaðili
fái lóð til að byggja og reka leik-
skóla. Hins vegar yrði hann að
sjálfsögðu með samning við Garða-
bæ sem fæli í sér að Garðabær
borgaði fyrir börnin í skólanum
með sambærilegum hætti og við
höfum gert í leikskólanum í Ása-
hverfi.“
Athugað með grunnskóla
á Sjálandi
Þá var staðsetning grunnskóla
fyrir Ása-, Grunda- og Strandhverfi
til umræðu á fundi bæjarráðs á
þriðjudag en að sögn Ásdísar Höllu
hafa tvær tillögur þar að lútandi
verið í skoðun bæjaryfirvalda um
nokkurt skeið. „Önnur tillagan ger-
ir ráð fyrir að hann verði staðsettur
á hluta af Héðinslóðinni og hin að
hann verði á Sjálandi og teygði sig
út á Grundir. Við erum mjög alvar-
lega að skoða leiðina á mörkum
Sjálands og Grunda núna en þurf-
um að kanna hana svolítið frekar
áður en við getum tekið ákvörðun,“
segir hún og á von á að málið skýr-
ist betur á næstu vikum.
Á fundinum bókaði Einar Svein-
björnsson, bæjarfulltrúi Framsókn-
arflokks, að hann teldi mikilvægt
að nýr grunnskóli yrði miðsvæðis,
m.a. til að koma í veg fyrir mikinn
akstur til og frá skóla. Með tilliti til
þessa teldi hann skóla á hluta Héð-
inslóðarinnar heppilegri kost.
Einkaaðilar reki leikskóla
Til athugunar að staðsetja grunnskóla á Sjálandi
Garðabær
NESLISTINN lagði til á fundi
bæjarstjórnar Seltjarnarness í
síðustu viku að skipaður yrði
starfshópur til þess að móta til-
lögur að aukinni og endurbættri
þjónustu við aldraða í bænum og
leggja fyrir bæjarstjórn eigi síð-
ar en 1. júní 2003. Leggur Nes-
listinn til að tillögurnar verði
hafðar til hliðsjónar við mótun
heildarstefnu varðandi þjónustu
við aldraða á Seltjarnarnesi.
Taka þarf aukið
tillit til aldraðra
Neslistinn vill að áhersla verði
lögð á að aldraðir geti búið sem
lengst á eigin heimili með stuðn-
ingi og fjölbreyttum úrræðum til
dvalar utan heimilis um lengri
eða skemmri tíma. Neslistinn vill
að tillögur starfshópsins feli
einnig í sér hvernig best verði
staðið að félags- og tómstunda-
starfi aldraðra, heilsurækt og
annarri nauðsynlegri þjónustu.
Tillögunni var vísað til Félags-
málaráðs og verður hún tekin
fyrir á næsta fundi bæjarstjórn-
ar.
Í greinargerð sem fylgdi tillög-
unni segir að fyrir liggi nýleg út-
tekt á þjónustu Seltjarnarnes-
bæjar við aldraða.
Þar er einnig sett fram áætluð
þjónustuþörf til næstu ára á ýms-
um sviðum þeirrar þjónustu.
„Samkvæmt samantektinni eru
aldraðir stækkandi hópur á Sel-
tjarnarnesi sem taka verður auk-
ið tillit til við ákvörðun um þjón-
ustu af hálfu bæjarfélagsins og
mikilvægt að aldraðir taki þátt í
stefnumótun um eigin mál.
Mikilvægt er að vinna að til-
lögum um þjónustu við aldraða
samhliða endurskoðun á aðal-
skipulagi sem nú er hafin, þar
sem m.a. verður að taka afstöðu
til byggingar hjúkrunarheimilis
fyrir Seltirninga og hugsanlega
uppbyggingu á annars konar
þjónustu fyrir aldraða,“ segir í
greinargerð Neslistans.
Vilja móta tillögur
að bættri þjónustu
við aldraða
Seltjarnarnes
FIMM lóðir í og við miðbæ
Hafnarfjarðar verða auglýstar
til úthlutunar á næstu dögum
en bæjarráð hefur samþykkt
tillögu þar um.
Lóðirnar eru allar í hjarta
bæjarins en um er að ræða
Lindarhvamm 10, Gunnars-
sund 4 og Austurgötu 44 sem
allar eru ætlaðar fyrir íbúðar-
hús auk þess sem Linnetsstíg-
ur 2–4 og Strandgata 43 verða
auglýst þar sem fyrirhugað er
að hafa skrifstofu- eða verslun-
arhúsnæði.
Hafdís Hafliðadóttir skipu-
lagsstjóri segist gera ráð fyrir
að sumar lóðanna séu nokkuð
eftirsóttar. „Lóðin á Austur-
götu 44 hefur t.d. lengi verið til
í deiliskipulagi og ég veit að það
hefur þó nokkuð verið leitað
eftir henni í gegn um árin.
Sama er með lóðina á Strand-
götu. Þegar við vorum í skipu-
lagsvinnu vegna miðbæjarins
fengum við þó nokkrar fyrir-
spurnir um þá lóð,“ segir hún.
Lóðum út-
hlutað í
miðbænum
Hafnarfjörður
NOKKRIR tugir manna mótmæltu
heimsókn Roberts Mugabe, forseta
Zimbabve, til Parísar í gær þegar
hann kom þangað í boði frönsku
stjórnarinnar til að sitja leiðtoga-
fund Frakklands og Afríkuríkja.
Einn mótmælendanna, Bretinn Pet-
er Tatchell, sem hefur barist fyrir
mannréttindum og réttindum sam-
kynhneigðra, lagði fram formlega
beiðni um að Mugabe yrði handtek-
inn og sóttur til saka fyrir brot á al-
þjóðasáttmála og frönskum lögum
sem banna pyntingar.
Tatchell sakaði stjórn Mugabe um
að láta pynta stjórnarandstæðinga
og blaðamenn til að kveða niður and-
óf og krafðist þess að hann yrði
handtekinn á grundvelli sáttmála
Sameinuðu þjóðanna gegn pynting-
um frá 1984. Frakkar undirrituðu
sáttmálann og felldu hann inn í eigin
lög. „Pyntingar eru glæpur sam-
kvæmt frönskum lögum, hvar sem
þær fara fram,“ sagði Tatchell.
Beiðnin byggist á eiðsvörnum yfir-
lýsingum tveggja stjórnarandstæð-
inga í Zimbabve, sem segjast hafa
sætt pyntingum og ofsóknum að fyr-
irmælum forsetans síðustu þrjú árin.
Ólíklegt þykir að beiðnin verði
samþykkt og enginn sitjandi þjóðar-
leiðtogi hefur verið handtekinn í
Frakklandi.
Tatchell og stuðningsmenn hans
hafa tvisvar sinnum reynt að hand-
taka Mugabe sjálfir, fyrst í miðborg
London 1999 og aftur í Brussel 2001.
Í síðara skiptið réðust lífverðir Mug-
abe á Tatchell og börðu hann.
Fékk undanþágu frá
ferðabanni
Franska stjórnin bauð Mugabe til
Parísar þrátt fyrir andstöðu nokk-
urra ríkja Evrópusambandsins,
einkum Breta. Evrópusambandið
bannaði fyrir ári að Mugabe og
helstu samstarfsmönnum hans yrði
leyft að ferðast til aðildarríkjanna
vegna mannréttindabrota og að-
gerða sem hafa valdið pólitískum og
efnahagslegum glundroða í Zimb-
abve. Sambandið bannaði einnig sölu
vopna til landsins, hætti að veita því
þróunaraðstoð og frysti eignir þess í
aðildarlöndunum. ESB-ríkin sam-
þykktu í vikunni sem leið að fram-
lengja refsiaðgerðirnar í eitt ár en
veita Mugabe undanþágu til að sitja
leiðtogafund Frakklands og um 45
Afríkuríkja í París. Frakkar höfðu
hótað því að hindra að refsiaðgerð-
irnar yrðu framlengdar nema Mug-
abe fengi undanþágu.
Evrópusambandið hefur þurft að
fresta eigin fundi með leiðtogum
Afríkuríkja, sem fyrirhugaður var í
apríl, vegna deilu um hvort Mugabe
eigi að sitja hann.
Reuters
Bretinn Peter Tatchell, sem krafðist handtöku Roberts Mugabe, forseta
Zimbabve, tekur þátt í mótmælum gegn honum í París í gær.
Krefst þess að
Frakkar hand-
taki Mugabe
París. AFP, AP.
ALLT að 1,2 metrum af jafnfölln-
um snjó kyngdi niður í hríðarbylj-
um sem gengu yfir norðaustur-
hluta Bandaríkjanna síðasta
sólarhring. 44 dauðsföll eru rakin
til vetrarhamsins, sem olli mikilli
röskun á öllum samgöngum og
sprengdi útgjöld sveitarfélaga til
snjóruðnings upp úr öllu valdi.
Þegar hríðina lægði í Boston-
borg á þriðjudagsmorgun höfðu
70 cm af snjó fallið á einum sólar-
hring, sem er met.
Unnið var að því hörðum hönd-
um að opna aftur flugvelli á svæð-
inu, sem lokuðust að mestu af
völdum fannfergisins.
Meðal þeirra sem týndu lífi af
völdum vetrarveðursins voru fjög-
ur börn sem voru í bílum sem
fennti inni í Maryland og dóu úr
kolmónoxíðeitrun úr útblæstri.
Metfannfergi í NA-
Bandaríkjunum
Boston. AP.