Morgunblaðið - 20.02.2003, Blaðsíða 5

MORGUNBLAÐIÐ FIMMTUDAGUR 20. FEBRÚAR 2003 C 5

















































































































NFÓLK
Þ
ú ert aftur kominn með fyr-
irtækið Hagvang. Hvað
kemur til?
„Ég fór aldrei neitt,
tók bara smá hring í
sama starfinu, en fyrirtækið skipti
nokkrum sinnum um nafn á leiðinni.
Ég hóf störf hjá Hagvangi 1981. Árið
1986 keypti ég fyrirtækið ásamt
þrem öðrum þáverandi starfs-
mönnum. Á árinu 1998 sameinaðist
fyrirtækið Endurskoðunarmiðstöð-
inni Coopers & Lybrand. Ástæða
þess var að Coopers & Lybrand og
Pricewaterhouse sameinuðust á
heimsvísu og til varð stærsta endur-
skoðunar- og ráðgjafarfyrirtæki í
heiminum, PricewaterhoseCoopers.
Hagvangur var á þessum tíma í
nánu samstarfi við Pricewaterhouse
og var þetta því eðlilegt skref í ljósi
þess sem var að gerast á þessum
tíma. Síðan hafa hlutirnir gerst hratt
og flestir þekkja hvað hefur gerst í
Bandaríkjunum varðandi ný sam-
keppnislög, en PwC er skráð í Banda-
ríkjunum og samkvæmt þeim var
óheimilt að reka fyrirtæki sem bæði
var í endurskoðun og ráðgjöf. PwC
seldi síðan ráðgjafarhlutann til IBM
og tókum við formlega til starfa undir
því heiti 1. október 2002, en ráðning-
arhlutinn undir nafninu Hagvangur.
Það var síðan um síðastliðin ára-
mót að ég ásamt Katrínu S. Óladótt-
ur, samstarfsmanni mínum frá árinu
1983, keyptum Hagvang aftur, en við
keyptum fyrirtækið saman árið 1986.
Starfsmenn Hagvangs í dag eru 6,
Katrín er nú framkvæmdastjóri og ég
stjórnarformaður ásamt því að starfa
við ráðningar og starfsmannaráðgjöf.
Það má því segja að ég sé kominn
„heim“ í gamla Hagvang.“
Hefur mikið breyst á þeim starfsvett-
vangi sem Hagvangur starfar á á þeim
rúmu þremur áratugum sem liðnir eru
frá stofnun fyrirtækisins?
„Já, það hafa orðið mjög miklar
breytingar á starfsemi og starfs-
háttum fyrirtækisins á þessum tíma.
Fyrirtækið hefur vaxið úr því að vera
lítið ráðgjafarfyrirtæki með ungum
og framsýnum nýútskrifuðum há-
skólamönnum á borð við Sigurð R.
Helgason í Björgun, nafna hans hjá
Icelandair og Ásmund Stefánsson hjá
Þróunarfélagi Íslands, svo einhverjir
séu nefndir, í það að vera hluti af
stóru alþjóðlegu ráðgjafarfyrirtæki.
Vinnubrögðin hafa eðlilega þróast og
þekking og menntun þeirra sem
starfa við ráðgjöf vaxið. Einnig skipt-
ir það mjög miklu fyrir íslenskt at-
vinnulíf að þjónustan sem veitt er á
þessu sviði er ekki aðeins byggð á ís-
lensku hugviti, við sækjum einnig
okkar þekkingu og reynslu í gagna-
banka þeirra erlendu fyrirtækja og
starfsmanna þeirra sem við erum
hluti af eða í nánu samstarfi við.
Hagvangur starfar áfram í nánu
samstarfi við IBM Business Consult-
ing Services á Íslandi og Pricewater-
houseCoopers ehf.“
Hvað með áhugamálin?
„Ef þú spyrðir konuna mína mundi
hún eflaust svara því til að ég væri
alltof mikið í félagsmálum og hefði of
lítinn tíma til að sinna áhugamálunum
og fjölskyldunni. Ég hef tekið virkan
þátt í baráttumálum fatlaðra og verið
formaður stjórnar Styrktarfélags
lamaðra og fatlaðra síðan 1988 og
sem slíkur setið í aðalstjórn Öryrkja-
bandalags Íslands og setið sem
fulltrúi þess í stjórn Lottósins und-
anfarin 12 ár. Einnig er ég virkur fé-
lagi í Oddfellowreglunni og síðast en
ekki síst er ég stjórnarformaður
Hagvangs.
Áhugamálin eru aðallega ferðalög,
lax- og silungsveiði, sem ég því miður
sinni alltof lítið, og notalegar stundir
með góðum vinum. Við eigum okkar
fellihýsi og erum dugleg að ferðast
um landið. Við höfum töluvert ferðast
um Bandaríkin, þá gjarnan með við-
komu í Washington DC þar sem faðir
Hjördísar býr. Við hjónin höfum
einnig farið víða, m.a. til Ástralíu og
Balí. Í sumar er ferðinni m.a. heitið til
Makedóníu, Albaníu og Grikklands
en vinahjón okkar búa í Makedóníu
og ætlum við að ferðast saman undir
góðri leiðsögn þeirra.“
Kominn „heim“ í
gamla Hagvang
Morgunblaðið/Halldór Kolbeins
Þórir Þorvarðarson keypti ráðgjafarfyrirtækið Hagvang út úr fyrirtækinu
IBM Consulting Services um síðastliðin áramót ásamt Katrínu S. Óladótt-
ur. Þórir fæddist á Hellissandi 1950, lauk samvinnuskólaprófi frá Bifröst
1971 og eins árs námi við Den Danske Andelskole í stjórnun og versl-
unargreinum 1975. Hann var verslunarstjóri Kaupfélags Borgfirðinga
1971–1978, kenndi við Samvinnuskólann á Bifröst 1978–1981 og hóf
störf hjá Hagvangi 1981. Þórir er kvæntur Hjördísi Harðardóttur, skóla-
liða í Árbæjarskóla, og eignuðust þau þrjú börn, Erlu 24 ára og Hörð 15
ára. Auður, tvíburasystir Erlu, lést á fyrsta aldursári.