Morgunblaðið - 20.02.2003, Blaðsíða 11
MORGUNBLAÐIÐ FIMMTUDAGUR 20. FEBRÚAR 2003 C 11
NÚR VERINU Frá hugmynd
að fullunnu verki
Fiskimjölsverksmiðjur
H
ön
nu
n:
G
ís
li
B
.
Í Ármúla – TIL LEIGU
Til leigu húsnæði við Ármúla 31, allt að 4.000 fm. Hentar fyrir ýmiskonar
starfsemi s.s. framleiðslu, verslun, þjónustu og/eða lager. Allur aðbúnaður
og aðkoma er til fyrirmyndar. Mjög góð staðsetning, góð aðkoma og næg
bílastæði. Húsnæðið er laust nú þegar. Eignin er í eigu Landsafls, sem er
öflugt sérhæft fasteignafélag.
Upplýsingar veitir
Magnús Gunnarsson í
s. 588 4477 eða 822 8242
Ingólfur G. Gissurarson, logg. fast. www.valholl.is - Opið virka daga frá kl. 9-17.30.
SKELVERTÍÐ lauk í Stykkis-
hólmi 13. febrúar sl. Alls var landað
3.566 tonnum sem er 29% minni afli
en í fyrra og er aflaminnkun enn
meiri ef litið er þrjú ár aftur í tím-
ann. Sex bátar stunduðu skelveiðar í
vetur og var aflinn unninn hjá tveim-
ur skelvinnslum sem starfræktar
eru í Stykkishólmi, Sigurði Ágústs-
syni ehf. og Þórsnesi ehf.
Eins og fram hefur komið eru blik-
ur á lofti varðandi ástand hörpudisks
í Breiðafirði. Stofninn hefur hrunið á
síðustu tveimur árum og hafa heima-
menn miklar áhyggjur af ástandinu
því hörpudiskurinn hefur verið
Hólmurum nokkurs konar gullkista
og ein sterkasta undirstaða atvinnu-
lífsins.
Stjórnmálaflokkurinn Vinstri-
grænir hélt fyrir skömmu fund í
Stykkishólmi þar sem rædd var
staða skelveiðanna í Breiðafirði. Á
fundinn mættu Hrafnkell Eiríksson,
fiskifræðingur hjá Hafrannsókna-
stofnun, Jón Sólmundsson, fiski-
fræðingur frá útibúi Hafrannsókna-
stofnunar í Ólafsvík og Róbert Arnar
Stefánsson, forstöðumaður Náttúru-
stofu Vesturlands í Stykkishólmi. Í
erindum þeirra kom fram að stofn-
vísitala hörpudisks hefur minnað um
65% frá árinu 2000 miðað við með-
alvísitölu áranna 1996–2000. Fall á
sóknareiningu er 45% miðað við
sama tíma. Á þessu sést að um alvar-
legt ástand er að ræða. Hjá fiski-
fræðingunum kom fram að engin
ákveðin skýring liggur fyrir hvers
vegna skelstofninn hefur hrunið svo
hratt. Aftur á móti nefndu þeir ýms-
ar tilgátur sem gætu haft þessi áhrif
en til að slá einhverju föstu vantar
miklu meiri rannsóknir. Nefnt hefur
verið að aukið hitastig sjávar hafi
slæm áhrif á skelina, en mælingar á
botnhita eru nýhafnar svo að ekki er
til samanburður. Rannsóknir fara
fram á Keldum hvort fisksjúkdómar
geti verið að hrjá skelina og eins fara
fram rannsóknir hvernig skelin
bregst við misjöfnu hitastigi. Heilsu-
far skelstofnsins hefur versnað mik-
ið síðustu tvö ár. Skelvöðvinn, eða
bitinn, er mun rýrari nú en áður.
Hlutfall nýdauðra skelja er hátt og
er hlutfallið hærra eftir því sem skel-
in er stærri og eldri.
Lítið veitt á næstu vertíð
Hrafnkell gaf það fyllilega í skyn að
ekki yrði mikið veitt á næstu vertíð,
ef þá nokkuð. Það kæmi í ljós eftir
könnunarleiðangur Hafrannsókna-
stofnunar í vor og svo aftur í haust.
Ljósi punkturinn er sá að mikið er
um smáskel á miðunum og er vöxtur
þeirra óvenju hraður og mikil
þyngdaraukning. Það væru því ekki
mörg ár þangað til þeirra færi að
gæta í veiði, ef náttúran verði þeim
hliðholl. Þangað til þarf að þreyja
þorrann.
Það kom skýrt fram á fundinum að
það er krafa heimamanna að stór-
auka rannsóknir á ástandi hörpu-
disksins og lífríki hans í Breiðafirði í
þeim tilgangi að finna orsakir hruns
stofnsins og ekki síður til að byggja
hann upp að nýju. Þá verður að rann-
saka áhrif veiðafæra, en þær rann-
sóknir hafa setið á hakanum þrátt
fyrir beiðni heimamanna. Róbert
Arnar Stefánsson lagði til að ríkis-
sjóður legði fram stöðugildi og rekst-
ur sjávarlíffræðings sem rannsakaði
eingöngu hörpuskel og tegundir sem
hafa áhrif á hana og stuðlaði þannig
að upplýstari og betri veiðistjórnun.
Stofnvísitala minnkað
um 65% á tveimur árum
Hrafnkell Eiríksson fiskifræðingur, Jón Sólmundsson fiskifræðingur og Róbert Arnar
Stefánsson líffræðingur gerðu grein fyrir ástandi hörpudisksstofnsins í Breiðafirði
og kynntu niðurstöður rannsókna sinna, sem eru langt frá því að vera nægilegar til
að skýra hrun stofnsins.
Morgunblaðið/Gunnlaugur Árnason
Hörpudiskurinn er undirstaða allrar vinnslu sjávarfangs í Stykkishólmi. Margt bendir til þess að veiðar verði stöðvaðar.
Erfiðustu skelvertíð í Stykkishólmi er lokið. Á myndinni eru skipverjarnir á Þórsnesi
SH 109, Alex Páll Ólafsson, Eiríkur Helgason og Jónas Sigurðsson, að taka í land
skelveiðiúthaldið að lokinni síðustu veiðiferð.
Dræmri skelvertíð lokið í Breiðafirði og óvíst með veiðar á næstu vertíð