Morgunblaðið - 20.02.2003, Page 2
2 D FIMMTUDAGUR 20. FEBRÚAR 2003 MORGUNBLAÐIÐ
NFJARSKIPTI Hljóð og mynd
SONYERICSSON reið á vaðið í Cannes með 3.
kynslóðar farsímanum Z1010, sem er sagður
væntanlegur síðar árinu. Um er að ræða tveggja
banda UMTS/GSM-GPRS-síma, sem býr yfir
möguleika til myndsendinga. Þá hefur síminn yfir
að ráða innbyggðri myndavél svo dæmi séu tekin.
Notandi getur því fangað hreyfimyndir með lita-
skjá og myndavél, að sögn SonyEricsson. Einnig er
Z1010 með minniskort, sem gerir notanda mögu-
legt að flytja á milli mynd- og tónlistarskrár. Enn-
fremur mun notandi eiga þess kost að sinna öðr-
um möguleikum símans á sama tíma og hann
tekur við eða sendir gögn.
6650 frá Nokia, sem er sagður fyrsti
þriðju kynslóðarfarsíminn frá fyrirtækinu,
er væntanlegur í sumar. Hann mun einnig
búa yfir myndavél og getur sent
hljóð- og myndskrár og stutt mynd-
bönd. Hægt verður að nota símann
bæði í núverandi farsímakerfi og 3.
kynslóðarkerfi. Báðir símarnir eru
jafnframt með annan hefðbundinn
staðalbúnað. Nokia segist þegar hafa
dreift um 10 þúsund símum til síma-
félaga á borð við Orange, Vodafone, T-
Mobile og Sonera til prófunar og einnig
til fyrirtækja sem framleiða farsímakerfi,
svo sem Ericsson, Nortel og Siemens.
Ekki er búist við að fleiri stærri fram-
leiðendur muni kynna þriðju kynslóðar
síma á 3GSM World í Cannes heldur bíði þar
til CeBIT-sýningin hefst í Hannover í mars.
ÍSLENSKA fyrirtækið Trackwell
hefur kynnt til sögunnar staðsetn-
ingartæki sem gerir eigendum
mögulegt að fylgjast með gæludýr-
um sínum, svo sem hundum, með því
að koma fyrir litlum búnaði á hálsól
dýranna. Sigurður Þórarinsson, þró-
unarstjóri hjá Trackwell, segir að
fyrirtækið hafi orðið vart við mikinn
áhuga fyrir vörunni í Bretlandi og
Svíþjóð, en þar hefur Trackwell
kynnt þessa tækni.
Tæknin nefnist PetTracker og
byggir á búnaði sem notar GPS-
staðsetningarlausn eða GSM-tækni
til þess að staðsetja búnaðinn, hvort
sem merki séu tekin frá einni sellu
eða nokkrum sellum í einu. Með
þeim hætti er hægt að reikna stað-
setninguna út frá styrk merkja sem
koma frá búnaðinum. Með síðari að-
ferðinni er mögulegt að fá nákvæm-
ari staðsetningu, niður í 50 metra,
að sögn Sigurðar, sem staddur er á
3GSM World-sýningunni í Cannes í
Frakklandi. „Nú eru að verða til
nógu lítil og ódýr tæki sem hægt er
að nýta sér. Tækið er í raun GPS-
og/eða GSM-búnaður, sem gerir
staðsetningarháða þjónustu að veru-
leika.“
Sigurður segir að það virðist vera
mikil eftirspurn eftir slíkri vöru því
eigendur eigi það til að eyða miklum
fjármunum í gæludýrin. „Við höfum
kynnt vöruna í Bretlandi, Þýska-
landi, Bandaríkjunum og Svíþjóð og
fengið góðan hljómgrunn. Það er
mikil umræða um lausnir sem þess-
ar og símfélög eða framleiðendur
gæludýrafóðurs hafa einnig sýnt
áhuga.“ Sigurður segir að nú þegar
hafi fyrirtækið leitað hófanna hjá
framleiðendum gæludýrafóðurs og
dýravinafélögum í Bretlandi, en
hann segir fullsnemmt að segja til
um nöfn á slíkum fyrirtækum eða
umfangi mögulegra samninga þar
sem enginn slíkur sé enn í höfn. „Við
gerum okkur engu að síður vonir um
að lausnin hljóti brautargengi enda
virðist áhugi til staðar.“
Samningur við Radiolinja
í Finnlandi
Trackwell, sem var stofnað undir
nafninu Stefja árið 1996, hefur eink-
un lagt áherslu á staðsetningarháð-
ar lausnir. Má þar nefna MyBuddy-
Tracker, sem gerir notendum
mögulegt að staðsetja vini sína, með
því að nota farsíma eða Vefinn, eða
MyChildTracker, sem gerir foreldr-
um kleift að fylgjast með börnum
sínum, hvort sem það er staðsetn-
ingarháð lausn í farsíma, leikjatölvu,
úri eða öðrum tækjum fyrir SMS
eða GPS. Þá hefur fyrirtækið gert
samning við fjarskiptafyrirtækið
Radiolinja í Finnlandi á staðsetning-
arháðum lausnum þar í landi.
Sigurður segir að fleiri staðsetn-
ingarháðar lausnir frá Trackwell
séu til reiðu, meðal annars Senior-
Tracking, en sú tækni er ætluð til
þess að fylgjast með eldra fólki um
farsíma. Einnig hefur fyrirtækið
þróað farartækjaeftirlit, sem er
undir heitinu TracScape. Til viðbót-
ar hefur fyrirtækið þróað fiskveiði-
kerfi, sem byggist á staðsetningar-
háðri lausn, og upplýsinga- og
skilaboðaþjónustu fyrir Tetra-kerf-
ið.
Trackwell hefur einnig unnið að
þróun að hringitónum, leikjum,
stefnumótaþjónustu og lausnum
sem eru til staðar í Vit-upplýsinga-
þjónustu Símans og byggir á SMS-
tækni fyrir farsíma og Vefinn. Sig-
urður segir að fyrirtækið hafi einnig
teygt anga sína til Færeyja og hafi
gert samning við Førøya Tele, sem
byggja á VITAL-lausnum Track-
well. „Forsvarsmenn fyrirtækisins
eru ánægir með vöruna þar sem
margar lausnir okkar eru mikið not-
aðar, svo sem frítt SMS um vefinn
og hringitónar. Þá nota þeir okkar
tækni til þess að bjóða upp á fleiri
lausnir eins og símaskrá eða upplýs-
ingaþjónustu fyrir GSM-stöðu.“
Trackwell tekur þátt í 3GSM
World í þriðja sinn og þar hafa My-
ChildTracker og TracScape vakið
mesta athygli af vörum fyrirtækis-
ins. „Við höfum einnig lagt áherslu á
að kynna þessar tvær vörur í Bret-
landi, á Norðurlöndunum og víðar,
enda erum við endursöluaðila víða
um heim. Við ýttum MyChildTrack-
er úr vör í fyrra og nú virðist mark-
aðurinn ætla að taka við sér, enda
virðist þörfin vera til staðar. Það
virðist taka tíma fyrir fyrirtæki á
þessu sviði að koma vöru sinni áleið-
is til notenda eða viðskiptavina. Nú
er vörumerkið orðið þekkt enda hef-
ur það skapað sér ákveðna sérstöðu
þar sem lítil samkeppni virðist í því
ferileftirliti sem við leggjum áherslu
á.“
Staðsetningartæki fyrir leikjatölvur
Morgunblaðið/Gísli Þorsteinsson
ChildTracker og TracSpace hafa vakið athygli á sýningunni.
HREYFIMYNDIR, farsíma-
lausnir og virðisaukandi þjónusta er
meðal þess sem sjö íslensk fyrirtæki
og aðilar kynna á 3GSM World-far-
símasýningunni sem stendur yfir í
Cannes í Frakklandi. Fjórir aðilar
eru undir merkjum Útflutningsráðs,
en þau eru SmartSMS, Trackwell,
Zoom og Agora. Þá eru OZ, Maskína
og Landmat með eigin bása. Búist er
við því að um 28 þúsund gestir sæki
sýninguna, sem lýkur á morgun,
föstudag.
SmartSMS hefur gert samning við
bandaríska fjarskiptafyrirtækið EI
(Eletcronic For Imaging) sem
tryggir SmartSMS að farsímanot-
endur í Bandaríkjunum geta notfært
sér þjónustu sem fyrirtækið hefur
yfir að ráða. Halldór Viðar Sanne,
framkvæmdastjóri SmartSMS, segir
að samningurinn, sem fyrirtækið
gerði við EI á 3GSM World í Cannes
spari fyritækinu háar fjárhæðir
varðandi tekjuskiptasamninga við
símfélög í Bandaríkjunum. „Samn-
ingurinn gerir okkur mögulegt að ná
til allra GSM-farsímanotenda þar í
landi.“
SmartSMS er fyrirtæki sem hefur
boðið hringitóna, leiki og tákn fyrir
farsímanotendur á Íslandi og gert
samninga við fyrirtæki um virðis-
aukandi SMS-þjónustu.
Halldór segir að viðtökur við
starfsemi SmartSMS, sem markaðs-
sett verður undir nafninu SmartText
í Bandaríkjunum og SmartAds í
Evrópu, hafi komið sér í opna
skjöldu. „Við áttum ekki von á þess-
um viðtökum en fólk hefur beðið á
morgnana eftir því að ræða við okk-
ur. Það er ánægjulegt hve mikinn
hljómgrunn vörumerkið hefur á sýn-
ingunni,“ segir Halldór, sem hyggst
flytja búferlum til Bandaríkjanna til
þess að fylgja málum eftir þar í landi.
Hann bendir jafnframt á að fjár-
sterkir aðilar hafi sýnt á áhuga á að
fjárfesta í fyrirtækinu og skapa við-
skipti á erlendum vettvangi. Þá höf-
um við gert samning við fyrirtæki í
Dubaí sem óskar eftir að selja SMS-
þjónustu. „Unnið er að því að mark-
aðssetja vörumerkið víða um heim,
en Ísland er engu að síður stærsti
markaðurinn hjá okkur miðað við
höfðatölu. Þessi markaður er sífellt
að opnast betur fyrir SMS-þjónustu
á yfirverði.“
Dreifisamningur til not-
enda í Bandaríkjunum
Morgunblaðið/Gísli Þorsteinsson
Sjö íslensk fyrirtæki eru meðal þátttakenda á 3GSM World-sýningunni.
FORSVARSMENN Agora-
sýningarinnar, sem er ein
helsta tæknisýning landsins,
hafa hug á að fá erlend fyr-
irtæki til þess að kynna vöru og
þjónustu á sýningunni, sem
haldin verður næst árið 2004.
Einar Gunnar Guðmundsson
hjá Agora segir ljóst að sýn-
ingin muni ekki stækka mikið
til viðbótar miðað við árferði og því sé markmiðið að kynna sýn-
inguna á erlendum vettvangi. „Við erum þegar búin að kynna
Agora í Kanada og möguleika á fleiri sýningum í framhaldi.“ Ein-
ar segir að erfiðlega hafi gengið
að fá erlend fyrirtæki til þess að
sýna á Íslandi, einkum vegna
þess hve markaðurinn er lítill og
hversu langt hann er frá öðrum
mörkuðum.
„Það vekur hins vegar eft-
irtekt hvers fljótir Íslendingar
eru að tileinka sér nýjungar á
litlum markaði. Af þeim sökum
er auðvelt fyrir erlendu fyrirtækin að prufukeyra vörur sínar. Enn-
fremur er afar hagstætt að reka þróunardeildir því rekstr-
arkostnaður er lítill á Íslandi í samanburði við önnur lönd.“
Agora-sýningin kynnt í Cannes
LANDMAT, sem hefur þróað far-
símalausnir fyrir símafyrirtæki, hefur
gert samninga við fyrirtæki í Banda-
ríkjunum, Singapúr, Bretlandi og víð-
ar. Fyrirtækið hefur gert samning við
AT&T Wireless í Bandaríkjunum á
stefnumótaþjónustu, sem nefnd er
DateTrack en hefur gengið undir
fleiri nöfnum hjá samstarfsaðilum
Landmats.
Þá hefur Landmat gert samning
við Vodafone í Bretlandi um staðsetn-
ingarþjónustu sem nefnist City Guide
þar sem notendur geta leitað eftir
veitinga- og matsölustöðum, gistingu
eða leiðarvísi um ákveðin hverfi. „Þá
höfum við boðið upp á stjörnuspá sem
nefnist StarTrack og er hjá Vodafone
og Simtel. Þessi þjónusta er einnig í
notkun hjá Íslandssíma og Síman-
um,“ segir Davíð Bjarnason, yfirmað-
ur viðskiptaþróunar hjá Landmati.
Spurður hvaða þýðingu það hafi
fyrir fyrirtæki eins og Landmat að
gera samning við fyrirtæki eins og
AT&T Wireless í Bandaríkjunum
segir Davíð að fyrirtækið sé komið í
samstarf með helstu fjarskiptafyrir-
tækjum heims sem sýni að það hafi
yfir góðum vörum að ráða. „Við höf-
um lagt áherslu á tilbúnar vörur, sem
standast strangar gæðakröfur fyrir-
tækjanna, en þau hafa trú á að lausnir
frá okkur muni skapa tekjur.“
Landmat hefur einnig framleitt
þjónustu sem nefnist á erlendum
vettvangi Relevance, sem styður
MMS og er meðal annars spjallþjón-
usta og staðsetningarþjónusta, svo
dæmi séu tekin. Davíð segir að Land-
mat og vörur þess hafi fengið góðar
viðtökur á 3GSM World og yfirhöfuð
sé áhugi fyrir þeim. „Það hefur sýnt
sig í háum notkunartölum hversu vel
sú þjónusta, sem við höfum yfir að
ráða, hafa gengið.“
Í samstarfi við
AT&T Wireless