Morgunblaðið - 22.02.2003, Blaðsíða 16

VIÐSKIPTI/ATHAFNALÍF
16 LAUGARDAGUR 22. FEBRÚAR 2003 MORGUNBLAÐIÐ
VUR
V I
ÐS
K IP
TAÞJÓNUSTA
U
TA
N
R Í K I S R Á Ð U N
E Y
T I
S
I N
S
í verki með íslenskri útrás
www.vur.is
Litla lirfan
ljóta verður
Katie the
Caterpillar
„CAOZ hf. vinnur nú að markaðs-
setningu á Litlu lirfunni ljótu erlendis.
Í samstarfi við viðskiptafulltrúa VUR
ytra er m.a. unnið að því að fara
markvisst inn á tvo af lykilmörkuðum
í Evrópu. Okkar hugmyndum hefur
verið tekið opnum örmum og eftir
gott undirbúningsstarf og
þarfagreiningu hefur tekið við öflugt
starf á báðum mörkuðum.
Það er okkar reynsla af samvinnu við
VUR að þar fer mjög hæft starfsfólk
saman við metnað og vilja til að ná
árangri. Ekki síðra virði fyrir okkur er
sú staðreynd að viðskiptafulltrúarnir
opna okkur dyr sem virtust lokaðar
áður. Við erum þess fullviss að sam-
starfið við VUR muni bera góðan ávöxt.“
Hilmar Sigurðsson,
framkvæmdastjóri CAOZ hf.
E
F
L
IR
/
H
N
O
T
S
K
Ó
G
U
R
V
U
R
6
0
2
0
3
LANDSBANKI Íslands hf. hef-
ur lækkað vexti óverðtryggðra
innlána og útlána um 0,50%.
Jafnframt lækka vextir verð-
tryggðra innlána og útlána um
0,3%. Frá þessu var greint í
fréttatilkynningu frá Lands-
bankanum í gær.
Í tilkynningunni segir að
lækkun á vöxtum á óverðtryggð-
um inn- og útlánum sé í sam-
ræmi við lækkun á stýrivöxtum
Seðlabankans, en Landsbankinn
hafi undantekningarlaust fylgt
eftir lækkun á stýrivöxtum. Þá
segir að vextir verðbréfaveltu
vaxtareiknings, sem sé eitt vin-
sælasta innlánsform Landsbank-
ans, hafi þróast í samræmi við
stýrivexti Seðlabankans. Sama
megi segja um útlánsvexti en
eftir þessa vaxtabreytingu verði
kjörvextir óverðtryggðra
skuldabréfa 8,90% en þeir voru
13,85% í ársbyrjun 2002.
Mismunur kjör- og stýri-
vaxta hefur minnkað
Stýrivextir Seðlabankans eru
nú 5,3% en þeir voru 10,1% í
byrjun síðastliðins árs. Segir í
tilkynningu Landsbankans að
mismunur kjörvaxta og stýri-
vaxta hafi því minnkað úr 3,75%
í upphafi síðastliðins árs í 3,6%
nú. Þá segir að Landsbankinn
hafi haft frumkvæði að lækkun
vaxta í mars á síðasta ári stuttu
áður en Seðlabankinn hóf vaxta-
lækkunarferli sitt.
Landsbankinn
lækkar vexti
PÉTUR Guðmundarson stjórnarformaður Össur-
ar hf. sagði á aðalfundi félagsins í gær að geng-
issveiflur sem urðu á síðasta rekstrarári hefðu haft
neikvæð áhrif á afkomu félagsins upp á 1,5 milljónir
Bandaríkjadala en félagið færði 20–30 störf hingað
til lands í fyrra vegna bætts skattaumhverfis fyr-
irtækja. „Þrátt fyrir að yfirvöld hafi bætt skatta-
umhverfi fyrirtækja hér á landi, fylgir sá böggull
skammrifi fyrir fyrirtæki, sem hefur nánast allar
sínar tekjur í erlendum gjaldmiðli en framleiðslu-
kostnað í íslenskum krónum, hversu óstöðugt gengi
íslensku krónunnar hefur verið. Þær miklu geng-
issveiflur sem urðu á síðasta rekstrarári hafa haft
neikvæð áhrif á afkomu félagsins.
Svo sem hluthöfum er kunnugt, eru bækur fé-
lagsins færðar í Bandaríkjadölum. Reynslan af
þessu hefur verið jákvæð í hvívetna, því að í tilviki
Össurar hf. er Bandaríkjadalur eðlilegri uppgjörs-
mynt en íslenska krónan. Þegar mið er tekið af því
og hinum miklu gengisbreytingum kemur í ljós að
kostnaður í íslenskum krónum jókst úr 11% af
kostnaði í upphafi árs 2002 í 18% í lok ársins. Laus-
lega má áætla að aukning kostnaðar á árinu vegna
styrkingar krónunnar sé um 1,5 milljónir dala,“
sagði Pétur en Össur tók þá ákvörðun í fyrra að
færa til Íslands alla framleiðslu á koltrefjum í kjöl-
far þess að skattaumhverfi fyrirtækja á Íslandi
hafði verið bætt á árinu. Sú breyting þýddi að ráðið
var í 20–30 stöðugildi hér á Íslandi.
Bankarnir ekki tilbúnir
Formaðurinn gagnrýndi einnig bankana fyrir að
vera ekki tilbúnir að skrá hlutafé í erlendri mynt en
samþykkt var á hluthafafundi Össurar sl. sumar að
skrá hlutafé félagsins í Bandaríkjadölum. „Þegar
til átti að taka, reyndist viðskiptakerfi bankanna
ekki vera í stakk búið fyrir þessa breytingu, þannig
að hún hefur ekki enn náð fram að ganga. Það er
miður, því það er sannfæring stjórnenda félagsins,
að með því að skrá hlutaféð í Bandaríkjadölum
megi laða að félaginu fleiri fjárfesta, einkum er-
lenda. Vonandi verður þó ráðin bót á uppgjörskerf-
um bankanna fljótlega.“
Stjórnin stækkar
Sex manna stjórn félagsins var endurkjörin á
fundinum en við bættist sjöundi stjórnarmaðurinn,
Bengt Kjell fulltrúi sænska fjárfestingarfyrirtæk-
isins Industry Verden sem á síðasta ári keypti 16%
hlut í Össuri.
Aðrir stjórnarmenn eru Gunnar Stefánsson,
Heimir Haraldsson, Kristján T. Ragnarsson, Pétur
Guðmundarson, Össur Kristinsson og Sigurbjörn
Þorkelsson.
Gengissveiflur á síðasta ári höfðu neikvæð áhrif á afkomu Össurar hf.
Kostnaðaraukning 1,5 milljónir
dala vegna styrkingar krónu
HANNES G. Sigurðsson, aðstoðar-
framkvæmdastjóri Samtaka atvinnu-
lífsins, segir að atvinnulífið kalli eftir
því að Seðlabankinn „endurskoði já-
kvæða afstöðu sína til hins of háa
gengis krónunnar sem myndast hefur
á markaðnum.“ Þetta kom fram í er-
indi hans á fundi samtakanna, Áhrif
hágengis á þjóðarhag.
Már Guðmundsson, aðalhagfræð-
ingur Seðlabankans, svaraði því til að
Seðlabankinn gæti ekki, nema til
skamms tíma, haft áhrif á raungengi
krónunnar. „Peningastefna getur að-
eins haft áhrif á raunstærðir í mjög
skamman tíma, í mesta lagi eitt ár.
Hér er að verða mjög mikil aukning í
eftirspurn vegna álversframkvæmd-
anna. Þessi aukning hlýtur alltaf að
leiða til hærra verðlags.“
Hærra raungengi en talið er
Hannes fjallaði í erindi sínu um
versnandi rekstrarskilyrði útflutn-
ingsfyrirtækja vegna hás gengis og
þar með lækkandi tekna í íslenskum
krónum. Hann sagði að raungengi,
mælt á mælikvarða launa, væri hærra
en talið væri og hefði verið það und-
anfarin ár, þar sem launavísitala Hag-
stofunnar vanmæti launakostnað. Þá
nái mælingar kjararannsóknarnefnd-
ar ekki til starfsgreina sem mest
spurn hafi verið eftir á tímabilinu.
„Ef þróun launa er „leiðrétt“ með
framangreindum hætti fæst sú nið-
urstaða, á grundvelli áætlunar Seðla-
bankans um raungengishækkun á
þessu ári, að raungengi á mælikvarða
launa verði hærra á þessu ári en
nokkru sinni síðustu 10 ár. Það verður
tæpum 10% hærra en að meðaltali
síðustu 10 ár,“ sagði hann.
Gylfi Arnbjörnsson, framkvæmda-
stjóri ASÍ, sagði í ræðu sinni að nauð-
synlegt væri að efna til formlegs sam-
starfs stjórnvalda, Seðlabanka og
aðila vinnumarkaðarins, til að sam-
ræma viðbrögð hagstjórnar næstu
missera. „Svona efnahagsstefna get-
ur ekki verið annað en ávísun á það,
að hér verði átök um grundvallar-
hagsmuni. Menn geta ekki ætlast til
þess að launafólk verði bara eins og
hver annar Svarti Pétur og verði ým-
ist atvinnulaust eða á lágum tekjum
til að mæta þessum sveiflum í nafn-
gengi krónunnar,“ sagði hann, „sem
byggjast á væntingum um það sem
verður eftir tvö eða þrjú ár.“
Mikil áhrif gengis á rekstur
Hörður Arnarson, forstjóri Marels,
sagði að gengisbreytingar hefðu mikil
áhrif á rekstur útflutningsfyrirtækja.
Hann nefndi sem dæmi að 5% geng-
ishækkun hefði sömu áhrif á rekstur
og 16% launahækkun. Ef gengi
hækkaði um 15% hefði það sömu áhrif
og nærri helmingshækkun launa.
Guðbrandur Sigurðsson, fram-
kvæmdastjóri Brims og Útgerðar-
félags Akureyringa, sagði að fram-
legð í fiskvinnslu á landi færi ört
lækkandi. Árið 2001 hefði hún numið
36,5 milljörðum króna, en í ár væru
líkur á að hún myndi nema um 23
milljörðum. Mun auðveldara væri að
laga rekstur á fiskveiðum að geng-
issveiflum, þar sem tveir þriðju
kostnaðar væru tengdir gengi. Í land-
vinnslunni væri lítil sem engin geng-
isaðlögun möguleg á kostnaði.
Gunnar Rafn Birgisson, fram-
kvæmdastjóri Ferðaskrifstofunnar-
Atlantik, sagði í ræðu sinni að gera
mætti ráð fyrir að Íslandsferð kostaði
25–30% meira í erlendri mynt núna
en árið 2002. Ferðaþjónustan væri að
tapa viðskiptum til annarra landa, svo
sem Írlands og Finnlands, vegna hins
háa gengis.
Opinn fundur SA um gengismál
Morgunblaðið/Halldór Kolbeins
Gylfi Arnbjörnsson, framkvæmdastjóri ASÍ, var einn framsögumanna á
opnum fundi Samtaka atvinnulífsins um gengismál.
Tekist á um
peningastefnu
Seðlabanka
HREIÐAR Már Sigurðsson að-
stoðarforstjóri Kaupþings
banka sagði á kynningarfundi á
ársuppgjöri Kaupþings í gær að
umtalsverð dulin verðmæti
lægju í óskráðum eignum fé-
lagsins. Hann sagði jafnframt
að til greina kæmi að selja eitt-
hvað af helstu óskráðum eign-
um félagsins á árinu, en stærstu
eignir bankans í óskráðum fé-
lögum eru í Vífilfelli, Bonus Store
Inc. og Karen Miller.
Eignir Kaupþings banka í
óskráðum félögum eru nú 4% af
heildareignum og hafa farið minnk-
andi hlutfallslega, en Hreiðar sagði
að óskráðar eignir Kaupþings
hefðu verið þyrnir í augum margra.
„Allt sem við eigum er til sölu hve-
nær sem er,“ sagði Hreiðar.
Slæm afkoma eignastýringar
Fram kom í máli hans að afkoma
í eignastýringu hefði verið slæm og
tap hefði numið 383 milljónum á
síðasta ári og jókst úr 201 milljón
árið áður. „Við erum að vonast til
þess að afkoma í eignastýringu
þessa árs verði umtalsvert betri.“
Hreiðar sagði að mjög góð af-
koma hefði verið af markaðs-
viðskiptum á síðasta ári, sér-
staklega á fjórða ársfjórðungi, og
hagnaður sviðsins hefði verið 712
milljónir króna fyrir skatta, og
heildartekjur 2,3 milljarðar. Fyr-
irtækjasvið hefði einnig gengið vel
á árinu og verið rekið með 852
milljóna hagnaði og sömuleiðis
hefði verið góð afkoma af fjárstýr-
ingu og bankastarfsemi en hagn-
aður var 882 milljónir og óx úr 177
milljónum króna.
Innlán hafa stóraukist
Hreiðar sagði að gjörbylting
hefði orðið í fjármögnun bankans
þar sem nú væru innlán orðin næst
stærsti hluti fjármögnunar bank-
ans, eða tæpir 72 milljarðar, en var
10,6 milljarðar árið áður. Hann
sagði að markmiðið um þreföldun
innlána sem hann hefði talað um
fyrir ári síðan hefði gengið eftir.
Eigið fé Kaupþings banka tvö-
faldaðist á milli ára fjórða árið í röð
úr 9,2 milljörðum í 18,3. Arðsemi
eigin fjár síðustu fimm árin hefur
verið 38% en markmiðið fyrir þetta
ár er 15%. CAD hlutfall bankans er
að vaxa umtalsvert á milli ára að
því er fram kom í máli Hreiðars og
fór úr 11,6% í 14,7%.
Rekstrartekjur félagsins hafa
vaxið um 63% á ári að meðaltali síð-
an árið 1998 þegar þær voru 1.391
milljónir en voru á síðasta ári 9.909
milljónir.
Hreiðar sagði að fyrirtækið ætli
að halda áfram að vaxa og að
stjórnendur teldu að góð tæki-
færi væru bæði fyrir innri vöxt
auk þess sem mörg yfirtöku-
tækifæri væru á norrænum
bankamarkaði.
Hann sagði að á þessu ári færi
mikill tími stjórnenda í að ná
samlegð út úr núverandi ein-
ingum. Hann sagði ennfremur
að starfsemi á Íslandi færi niður
fyrir 50% af tekjum félagsins á
þessu ári.
Hreiðar sagði aðspurður um út-
rás félagsins til Lundúna, en Kaup-
þing opnaði skrifstofu þar á síðasta
ári, að félagið hefði verið með
starfsmenn þar nær stanslaust í tvö
ár, þó að „skrifstofan“ hefði verið á
hótelherbergjum. Hann sagði að
starfsemin í London hefði skilað
fyrirtækinu bestum árangri í tekju-
sköpun á fyrirtækjasviði og áfram
yrði haldið á þeirri braut.
Hreiðar sagði að fljótlega yrði
nafni JP-Nordiska breytt í Kaup-
thing-JP-Nordiska og svo í fyllingu
tímans í Kaupthing eingöngu, en
það vörumerki á að vera ríkjandi í
framtíðinni á öllum einingum fé-
lagsins. „Við ætlum að innleiða
„Kaupþingskúltúrinn“ í Svíþjóð og
gera starfsfólkið þar með meira
söludrifið en nú er raunin.“ Að-
spurður hvort Kaupþing hefði í
hyggju að sækja um lánshæfismat
sagði Hreiðar að í raun væri ekki
eftir neinu að bíða í þeim efnum.
Hann sagði það þó ekki há félaginu
að hafa ekki sótt um lánshæfismat
þar sem Kaupþing nyti ágætra
kjara í sinni fjármögnum.
Kynningarfundur á ársuppgjöri Kaupþings banka
Morgunblaðið/Ásdís
Umtalsverð dulin verðmæti
í óskráðum félögum