Morgunblaðið - 22.02.2003, Blaðsíða 43
MINNINGAR
MORGUNBLAÐIÐ LAUGARDAGUR 22. FEBRÚAR 2003 43
✝ Sigurður RósantIndriðason fædd-
ist í Hafnarfirði 11.
ágúst 1923. Hann lést
á Sjúkrahúsi Suður-
nesja 15. febrúar síð-
astliðinn. Foreldrar
hans voru Anna Þor-
láksdóttir, f. 4. apríl
1888, d. 24. des. 1930,
og Indriði Guð-
mundsson, f. 3. maí
1891, d. 6. sept. 1942.
Systkini Sigurðar:
Pétur Einarsson, f. 4.
júlí 1907, d. 4. júlí
1972; Anna Einars-
dóttir, f. 21. ágúst 1908, d. 1983;
Einar Indriðason, f. 15. ágúst
1916, d. 23. apríl 1993; Una Indr-
iðadóttir, f. 6. nóv. 1918; Guðrún
Indriðadóttir, f. 16. ágúst 1917;
Guðríður Jóna Indriðadóttir, f. 14.
ágúst 1920; Guðmundur H. Indr-
iðason, f. 23. apríl 1922; Ósk Guð-
mundsdóttir (Indriðadóttir), f. 1.
sept. 1924; Gunnar Þorkell Indr-
iðason, f. 29. nóv. 1925; og Sigrún
Alda Indriðadóttir 8. nóv. 1926.
Eginkona Sigurðar er Ásdís
Klara Enoksdóttir, f. 12.8. 1930,
og eiga þau fimm börn, þau eru: 1)
Enok Kristinn, f. 4. júlí 1953, sam-
býliskona hans er Skul Iodsong
Tragul, sonur hennar Kriangkrai.
2) Indriði, f. 8. feb. 1955, eigin-
kona Nanna Hjaltadóttir, dóttir
þeirra er Hrönn Helga, f. 1983.
Fyrir á Nanna dóttur, Margréti
Gledhill, dóttir hennar er Elísabet
Nanna. 3) Elísabet Anna, f. 8. apríl
1959, eiginmaður
Eyjólfur Valsson.
Börn þeirra eru
Guðrún Hildur, f.
1983, og Birna Vala,
f. 1987. Fyrir á Eyj-
ólfur dóttur, Soffíu
Melsteð, eiginmaður
Jón Bartels, sonur
þeirra er Einar
Sturla. 4) Birna
Kristín, f. 2. sept.
1961, eiginmaður
Georg Alexander.
Sonur hennar er Sig-
urður Ási Hannes-
son, eiginkona
Brandy, sonur þeirra er Damyan.
Fyrir á Georg þrjú börn, Dean,
Clifford og Rebeccu, börn hennar
eru Aidan og Aislin. 5) Hjálmar, f.
14. okt. 1963, sambýliskona hans
er Ásdís Jóhannesdóttir, þau eiga
tvö börn, Gunnar Kristin, f. 1991,
og Þórunni Klöru, f. 1995.
Sigurður ólst upp á Þórkötlu-
stöðum í Grindavík, hjá föður-
bróður sínum Hjálmari og dóttur
hans Elísabetu, hann ólst upp með
frænku sinni Sólrúnu Guðmunds-
dóttur og leit ávallt á hana sem
systur sína. Hann byrjaði sjó-
mennsku ungur að árum og stund-
aði hana til 1973, að hann þurfti
að hætta vegna heilsunnar. Hann
hóf þá störf hjá varnarliðinu og
starfaði hjá því þangað til hann
fór á eftirlaun sjötíu og eins árs.
Útför Sigurðar verður gerð frá
Grindavíkurkirkju í dag og hefst
athöfnin klukkan 14.
Elsku pabbi, nú ert þú loksins
kominn til hennar mömmu þinnar,
sem þú misstir aðeins sjö ára, eftir
öll þessi ár. Ég trúi því að þú hafir
líka verið feginn að sjá hana fóstru
þína. Þú saknaðir hennar Önnu
ömmu svo mikið. Ég kem til með að
sakkna þín mikið og nú fæ ég ekki að
heyra sögurnar um lífið hér áður
fyrr. Það var alltaf svo gaman að
heyra þig segja frá. Sögurnar um
sjóinn og lífið hér áður fyrr. Hvernig
það var að vera á olíuskipinu sem þú
varst á í seinni heimstyrjöldinni,
hvernig þið strukuð af því rétt áður
en því var sökkt.
Mínar bestu bernskuminningar
voru þegar við vorum að ferðast um
landið hér áður fyrr, hvað þú varst
duglegur við að fara með okkur
syskinin og mömmu í útilegur. Þú
varst líka alltaf svo léttur í skapi og
þolinmóður við okkur. Það var alveg
sama hvað gekk á, alltaf gast þú
hlegið með okkur. Það var alveg
sama hversu veikur og mikið þú
fannst til, aldrei heyrði ég þig
kvarta. Þú varst alltaf tilbúinn að
hjálpa okkur ef þú gast. Oft kom ég
með stelpurnar til ykkar og þið pöss-
uðuð þær fyrir mig meðan ég var að
vinna eða í skólanum. Eftir að þú
hættir að vinna sá ég þig aldrei sitja
auðum höndum, þú fannst þér alltaf
eitthvað að gera. Þú meira segja
skiptir um þakið á húsinu ykkar fyrir
tveim árum síðan.
Elsku pabbi, Guð blessi þig og
þakka þér fyrir allt.
Þín dóttir
Elísabet.
Elsku pabbi minn.
Ég vil í fáum orðum þakka þér
innilega fyrir allt sem þú hefur gert
fyrir mig og mína fjölskyldu í gegn-
um tíðina, þá sérstaklega fyrir börn-
in mín. Tárin brjótast fram er ég
reyni að koma orðum að því sem mig
langar til að segja við þig er ég kveð
þig. Þegar ég lít til baka um farinn
veg þá get ég í hreinskilni sagt að
það er engin slæm minning um þig
elsku pabbi minn. Þú varst alltaf svo
góður, klettur í hafinu, stoð okkar og
stytta. Í rauninni stóluðum við öll á
þig og tilveru þína. Það verður erfitt
án þín en þú ert okkar fyrirmynd og
við ætlum að reyna að lifa lífinu eins
og þú gerðir. Guð geymi þig og
styrki mömmu á þessum erfiða tíma.
Þessa bæn kenndir þú mér þegar
ég var lítill:
Vertu, Guð faðir, faðir minn,
í frelsarans Jesú nafni,
hönd þín leiði mig út og inn,
svo allri synd ég hafni.
(Hallgr. Pétursson.)
Þinn sonur,
Hjálmar.
Kallið kom ansi snöggt.
Við látum hugann reika, horfum á
kertaljósið. Það fyrsta sem kemur
upp í huga okkar er hvað þér þótti
gaman að grúska í bílunum þínum.
Þú varst heilu dagana að, annað
hvort hálfur ofan í húddinu eða undir
bílnum. Við munum að fyrir svona 12
árum síðan keyptir þú nýjan bíl og
varst hundóánægður með hann því
það var ekkert hægt að laga, þú seld-
ir hann og keyptir eldri bíl sem hægt
var að dytta að. Stundum voru bíl-
arnir þínir ekki nóg því að þú tókst
nú stundum bílana okkar líka. Þetta
hélt þér gangandi eftir að þú fórst á
ellilífeyrinn.
Þú varst höfðingi heim að sækja.
Þér var annt um alla í kringum þig
og oft komst þú eða Klara óumbeðin
til okkar og þið veittuð alla þá hjálp
sem við þurftum í það og það skiptið.
Þú hugsaðir alltaf fyrst um fólkið í
kringum þig, sjálfan þig síðast. Þú
fylgdist vel með hvernig gekk hjá
okkur og þér fannst gaman að fram-
kvæmdunum hjá okkur í fyrrasumar
og í vetur. Það var alltaf gaman að fá
þig í heimsókn og sýna þér nýorðnar
breytingar.
Gunnari og Þórunni þótti svo
gaman að koma til ykkar Klöru, þið
voruð þeim góð og gjafmild. Stund-
um raukst þú út í búð af því að það
var ekki til kókómjólk og fleira
handa þeim.
Við héldum að þú værir eitthvað
veikur og töldum við þig vera með
flensu, á laugardeginum 8. febrúar
síðastliðinn. Daginn eftir varstu aft-
ur á móti hress og kátur og fórst í
búðina, talaðir við búðarkonurnar,
hinn kátasti. Á mánudeginum varstu
síðan veikur aftur.
Þú fórst á spítala miðvikudaginn
12. febrúar og lést þar laugardaginn
15. febrúar.
Þér fannst gaman að syngja og þú
lékst líka oft á munnhörpuna þína,
það var gaman að hlusta á þig.
Þú sagðir okkur líka frá því þegar
þú lentir í sjávarháska úti á sjó, þeg-
ar þú varst sjómaður. Þú sagðir okk-
ur margar reynslusögur af sjónum
og það var gaman að hlusta á þig.
Við tókum þig og Klöru stundum
með í ferðalög og þið nutuð þess.
Þú varst harður við þig, þú kvart-
aðir aldrei þótt að þú værir kvalinn,
stundum hristum við hausinn yfir því
hvað þú lagðir á þig. Stundum þurfti
að skipa þér til læknis.
Það var svo gott að eiga þig að
Siggi okkar og það eru svo margar
minningar í hjarta okkar, yndislegar
minningar. Við sjáum þig aldrei aft-
ur, sjáum þig aldrei aftur koma ak-
andi upp heimtröðina til okkar og
það er sárt.
Þú hugsaðir um Klöru fram á þinn
síðasta dag. Við tökum núna við öllu
því sem þú gerðir, svo vel, og reyn-
um að gera eins vel og þú gerðir.
Oft varst þú ósammála stjórn-
málamönnunum í sjónvarpinu og þú
sagðir þá umbúðalaust þína skoðun,
við sjónvarpsskjáinn, og þá brostum
við út í annað.
Oft fannst þér við of ströng við
börnin okkar þegar við vorum að
sussa á þau þegar þau voru ærslafull.
Þú tókst upp hanskann fyrir þau og
sagðir „Þetta er allt í lagi“. En
stundum varstu þreyttur, þá sagðir
þú blíðlega við þau að afi væri
þreyttur, afi vildi hvíla sig.
Gunnar, sonur okkar, fór oft yfir
til þín og ömmu til að fá spælt egg
hjá þér. Það var miklu betra hjá afa
heldur en hjá okkur foreldrunum.
Það var líka svo gott að vera hjá afa
og ömmu. Þú hafðir líka svo gaman
af því að skreyta allt hjá ykkur Klöru
fyrir jólin, enda mikið jólabarn, og
þú sagðir að þetta væri fyrir börnin.
Þú keyptir oft eitthvað nýtt jóla-
skraut fyrir hver jól, nú síðast keypt-
ir þú slönguljós, þú varst svo hrifinn
af því.
Það var svo gaman að hafa ykkur
Klöru síðastliðið gamlárskvöld, sú
minning eins og svo margar aðrar
ylja okkur núna og í framtíðinni.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(Valdimar Briem.)
Siggi, takk fyrir allt.
Elsku Klara. Missir þinn og okkar
allra er mikill. Megi Guð vera með
okkur öllum á þessum erfiða tíma.
Ásdís Jóhannesdóttir.
Elsku afi.
Þegar við systkinin fórum í pössun
til ykkar afa og ömmu þá var það
fyrsta sem þú gerðir að spyrja okkur
hvort við værum svöng. Ef við sögð-
um já, þá fórum við í búðina, ef við
sögðum nei þá baðst þú okkur að láta
þig vita þegar við yrðum svöng. Þeg-
ar við komum heim borðuðum við allt
og vorum alltaf glöð og þá varst þú,
afi, ánægður með það. Við elskum
þig afi. Þakka þér fyrir allt sem þú
gerðir fyrir okkur. Guð geymi þig og
styrki ömmu.
Gunnar Kristinn og
Þórunn Klara.
SIGURÐUR RÓSANT
INDRIÐASON
Sérfræðingar
í blómaskreytingum
við öll tækifæri
Skólavörðustíg 12,
á horni Bergstaðastrætis,
sími 551 9090.
Þökkum auðsýnda samúð og vinarhug við
andlát og jarðarför bróður okkar, mágs og
frænda,
JÓHANNESAR KRISTINSSONAR
frá Höfða.
Sigríður Rósa Kristinsdóttir,
Ásmundur Hreiðar Kristinsson,
Flosi Kristinsson,
Ásgeir Kristinsson,
Haraldur Kristófer Kristinsson,
tengdasystkini og fjölskyldur.
Þökkum auðsýnda samúð og vinarhug við
andlát og útför föður okkar, tengdaföður
og afa,
JÓNS HREIÐARS EGILSSONAR,
Reyðarfirði.
Sérstakar þakkir til starfsfólks Sjúkrahúss
Seyðisfjarðar.
Sigmar Jónsson, Fríða Eyjólfsdóttir,
Pálmi Þór Jónsson, Guðrún Guðjónsdóttir,
Hulda Jónsdóttir,
Jóna Hrund Jónsdóttir,
Egill Jónsson
og barnabörn.
Alúðarþakkir til allra þeirra sem sýndu okkur
samúð, hlýhug og vináttu við andlát og útför
elskulegrar móður okkar, tengdamóður,
ömmu, langömmu og langalangömmu,
MARÍU BENEDIKTSDÓTTUR
frá Haganesi,
Fljótum.
Sérstakar þakkir til starfsfólks Heilbrigðis-
stofnunar Siglufjarðar.
Guð blessi ykkur öll.
Una Ásgeirsdóttir, Einar Einarsson,
Sigurbjörn Jóhannsson, Ása Jónsdóttir,
Jóhanna B. Jóhannsdóttir, Guðmundur H. Hagalín,
barnabörn, barnabarnabörn
og barnabarnabarnabörn.
Hjartans þakkir til allra þeirra sem sýndu okkur
samúð og hlýhug í veikindum og við andlát og
útför okkar elskulegu
ÞORGERÐAR JÓHÖNNU JÓNSDÓTTUR,
Ægisgötu 31,
Akureyri.
Sérstakar þakkir til starfsfólks á hjúkrunar-
heimilinu Seli fyrir frábæra umönnun.
Guð blessi ykkur öll.
Gestur Sæmundsson,
Þórunn Jóhanna Pálmadóttir, Þorvaldur H. Jónsson,
Jón S. R. Pálmason, Magnea G. Gunnarsdóttir,
Garðar Pálmason,
Snjólaug Gestsdóttir, Guðmundur Árnason,
Eyþór Gestsson,
Anna Lilja Gestsdóttir, Ólafur R. Jóhannsson
og fjölskyldur.
Innilegar þakkir til allra sem sýndu okkur
samúð og vinarhug við andlát og útför okkar
elskulega föður, tengdaföður, afa og langafa,
JÓNS KRISTINS JÓNASSONAR,
dvalarheimilinu Seljahlíð,
áður til heimilis í Háagerði 27,
Reykjavík.
Guðrún Jónsdóttir, Sveinn Ólafur Tryggvason,
Auður Jónsdóttir, Rafn Sævar Heiðmundsson,
barnabörn, tengdabarnabörn
og barnabarnabörn.